جۋالى اۋدانى اگرارلىق ءوڭىر بولعاندىقتان اۋىل شارۋاشىلىعى وندىرىسىنە باسىمدىق بەرۋدەمىز. اۋداننىڭ اۋىل شارۋاشىلىعى سالاسىندا ءبۇگىندە 3 جاۋاپكەرشىلىگى شەكتەۋلى سەرىكتەستىك, 3 وندىرىستىك كووپەراتيۆ, 9 اۋىلدىق تۇتىنۋشىلار كووپەراتيۆى, 2151 شارۋا قوجالىعى جۇمىس ىستەيدى. ديقاندار بيىلعى جىلدىڭ ءونىمى ءۇشىن بارلىعى 12 030 گەكتار كۇزدىك, 21 168 گەكتار جازدىق ارپا, 272 گەكتار جازدىق بيداي, 240 گەكتار داندىك جۇگەرى سەۋىپ, ودان تۇسكەن ءونىمدى دەر كەزىندە جيناپ الدى. ورتاشا ونىمدىلىك اق ەگىستەن ورتاشا ەسەپپەن گەكتارىنان 17,5 تسەنتنەر قۇرادى. ودان باسقا 22 037 گەكتار مايلى داقىلدان, 639 گەكتاردان كوكونىس, 1 846 گەكتاردان كوپجىلدىق ءشوپ, 10 گەكتاردان قانت قىزىلشاسى جيناپ الىندى.
بيىلعى جىلدىڭ توعىز ايىنىڭ قورىتىندىلارى بويىنشا اۋداننىڭ كاسىپكەرلىك سالاسىندا 1 337,1 ملن تەڭگەنىڭ ءونىمدەرى ءوندىرىلىپ, بيۋدجەتكە 112,8 ملن تەڭگە سالىق تولەندى. جالپى, اۋداندا بيۋدجەت بويىنشا بولجام سوما بارلىق تۇرىنەن اسىرا ورىندالدى. اۋدان اۋماعىندا بۇگىندە 3 738 كاسىپكەرلىك سۋبەكتىسى جۇمىس ىستەۋدە, ونىڭ ىشىندە 2 ورتا, 122 شاعىن كاسىپورىن, 1 463 جەكە كاسىپكەر بار. بۇل شارۋاشىلىق سۋبەكتىلەرىندە بارلىعى 8 530 ادام ەڭبەك ەتەدى.
اۋىل شارۋاشىلىعى تەحنيكالارى جىل وتكەن سايىن جاڭارا ءتۇسىپ وتىر. ونىڭ باسىم ءبولىگى ليزينگ ارقىلى الىنۋدا. ماسەلەن, سوڭعى بەس جىلدا «قازاگروقارجى» اق ارقىلى ليزينگكە 51 دانا متز-82 تراكتورى, 14 كومباين جانە 15 تراكتور تىركەمەسى الىندى. مىنە, وسىلايشا جىلدا تەحنيكالاردى جاڭارتىپ وتىرساق, بىرنەشە جىلدا اۋىل شارۋاشىلىعى تەحنيكالارىنىڭ جاڭارىپ شىعا كەلەتىنى ءسوزسىز.
شارۋالار مال باسىن ارتتىرۋ ماقساتىندا مەملەكەت ۇسىنعان باعدارلامالاردى ءتيىمدى پايدالانۋعا بارىنشا تىرىسۋدا. سونىڭ ناتيجەسىندە ءتورت ت ۇلىك مال باسى جىل وتكەن سايىن ارتىپ كەلەدى. بۇگىندە اۋداندا 197,1 مىڭ قوي-ەشكى, 41,2 مىڭ ءىرى قارا, 8,7 مىڭ جىلقى, 113,3 مىڭ قۇس بار. 2010-2014 جىلدار ارالىعىندا «سىباعا» مەملەكەتتىك باعدارلاماسى بويىنشا 51 شارۋاشىلىق 483,9 ملن تەڭگە نەسيە الىپ, 2 787 باس ءىرى قارا مال ساتىپ السا, وتكەن جىلى عانا 18 شارۋا قوجالىعى وسى باعدارلاما اياسىندا 171,3 ملن تەڭگە نەسيە الىپ, 1008 سيىر, 52 بۇقا ساتىپ الدى. «التىن اسىق» باعدارلاماسى بويىنشا 2015 جىلى 7 شارۋاشىلىق 45,7 ملن. تەڭگە نەسيە الىپ, 1 849 ساۋلىق, 80 قوشقار ساتىپ الدى. «قۇلان» باعدارلاماسىمەن 12 شارۋاشىلىق 123,3 ملن تەڭگە نەسيە الىپ, 438 بيە, 54 ايعىر ساتىپ الدى. بيىل جىل باسىنان بەرى «سىباعا» باعدارلاماسى بويىنشا اۋدان شارۋاشىلىقتارى 40,1 ملن تەڭگەگە 243 ءىرى قارا, «قۇلان» باعدارلاماسى بويىنشا 6,0 ملن تەڭگەگە 248 جىلقى, «التىن اسىق» باعدارلاماسى بويىنشا 34,6 ملن تەڭگەگە 1 348 قوي ساتىپ الدى.
اۋىل شارۋاشىلىعى تاۋارلارىن وندىرۋشىلەردى مەملەكەتتىك قولداۋ شاراسىنىڭ ءبىرى – «ىرىس» باعدارلاماسىن دا اۋدان شارۋاشىلىقتارى بەلسەنە پايدالانۋدا. وسى باعدارلاما بويىنشا «احمەت» شارۋا قوجالىعى بيىل 56 اسىل تۇقىمدى سيىر ساتىپ الدى. باعدارلاما نەگىزىنەن ءسۇت ونىمدەرىن ءوندىرۋ ءجانە وڭدەۋ باعىتىندا جۇمىس ىستەيتىن كاسىپورىنداردى قولداۋعا باعىتتالعان. سونىڭ ارقاسىندا كەيىنگى كەزدە اۋداندا ءسۇت وڭدەۋمەن شۇعىلداناتىن شاعىن كاسىپورىندار قاتارى كوبەيىپ كەلەدى. اۋدان ورتالىعى باۋىرجان مومىش ۇلى اۋىلىنداعى «سمتس» جشس جانە «زاعيرا مەشەلوۆا» جەكە كاسىپورنى جەرگىلىكتى تۇرعىنداردان ءسۇت قابىلداپ, ودان الۋان ءونىمدەر شىعارۋدا.
«گامبۋرگ» جشس سۇتتەن كىلەگەي ءوندىرۋدى دۇرىس جولعا قويدى. «سمتس» جشس ءسۇت ءونىمدەرىمەن قاتار, الكوگولسىز سۋسىنداردىڭ الۋان تۇرلەرىن ءجانە شۇجىق شىعارادى. كەزىندە ءدامى ءتىل ۇيىرەتىن سارى مايىمەن, كەزىندە كىلەگەيىمەن بۇكىل وداققا تانىلعان بۋرنىي ىرىمشىك زاۋىتى ءبىراز جىل ءوندىرىستى قايتا جابدىقتاۋعا جابىلىپ قالعان ەدى, ەندى مىنە, ينۆەستيتسيا تارتۋدىڭ ارقاسىندا ءوندىرىس قارقىنىن ارتتىرا باستادى. وتكەن جىلى 4-5 توننامەن شەكتەلگەن كاسىپورىن بۇگىندە ءوندىرىس قۋاتىن 10 ەسەگە دەيىن ارتتىرىپ, تۇرعىنداردان كۇندەلىكتى 40-50 تونناعا دەيىن ءسۇت قابىلداپ, وڭدەۋدە. «گامبۋرگ» جشس ينفراقۇرىلىم جوباسى بويىنشا «قازاگروقارجى» اق ارقىلى نەسيە الىپ, 800 ءىرى قارا مالعا ارنالعان تاۋارلى-ءسۇت فەرماسىن سالىپ, ءسۇت وڭدەيتىن تسەح اشۋدى جوسپارلاپ وتىر.
سۋ ۇنەمدەۋ تەحنولوگياسى بويىنشا نۇرلىكەنت اۋىلدىق وكرۋگىندەگى «گامبۋرگ» جشس مەن «زىليحا» شق ەگىستىك جانە كارتوپ القاپتارىن سۋارۋ ءۇشىن زاماناۋي ۇلگىدەگى جاڭبىرلاتىپ سۋارۋ قوندىرعىسىن پايدالانۋدا. جۋالىنىڭ ءبىر كەزدە داڭقىن اسپانداتقان كارتوپ داقىلىن ءوسىرۋ بىرنەشە جىلدان بەرى قايتا قولعا الىنۋدا. سونىڭ ءناتيجەسىندە كارتوپ القاپتارى جىلدان-جىلعا ارتىپ كەلەدى. بىلتىر ول 2 100-دەن استام گەكتارعا جەتسە, ال بيىل ەگىلگەنى – 2 150 گەكتار. ودان الىنعان ورتاشا ءونىم گەكتارىنان 226 تسەنتنەر قۇرادى.
بىزدە كارتوپ وسىرۋگە قاجەتتى تەحنيكا جەتكىلىكتى. ساپالى تۇقىممەن قامتاماسىز ەتۋ دە دۇرىس جولعا قويىلعان. «زىليحا» شارۋا قوجالىعى جىل سايىن قاراعاندى وبلىسىنان ەليتالى كارتوپ تۇقىمىن اكەلىپ, ءار گەكتاردان جوعارى ءونىم جيناۋعا كۇش سالىپ كەلەدى. اۋداننىڭ كۇنگەي بولىگىندەگى ديقانداردىڭ جازعى سۋارۋ ماۋسىمىندا باس اۋرۋىنا اينالعان اعىن سۋ پروبلەماسى شەشىمىن تاپتى. وسى القاپتاردى سۋلاندىراتىن كوكساي ارناسى بۇگىندە تولىق قۋاتىمەن جۇمىس ىستەپ تۇر.
ەلباسىنىڭ ءوزىنىڭ قولداۋىمەن سالىنعان, قۇنى 5,2 ملرد تەڭگەلىك عالامات جوبانىڭ يگىلىگىن بۇگىندە ءۇش اۋىلدىق وكرۋگتەگى شارۋا قوجالىقتارى مەن تۇرعىندار كورۋدە. جازدىڭ كۇنى اۋدانىمىزدا وبلىستىق «ەگىنجاي كۇنى» شاراسى جوعارى دارەجەدە وتكىزىلدى. اۋىل شارۋاشىلىعى تەحنيكاسى كورمەسىنە وبلىستاعى شۋ قالاسىندا قۇراستىرىلعان ءتورت كومباين قويىلىپ, ونىڭ ۇشەۋىن اۋدانىمىزدىڭ شارۋالارى ساتىپ الدى.
قورىتا ايتقاندا, اۋدان شارۋاشىلىقتارىنىڭ بۇگىنگى بەتالىسى جامان ەمەس. ءبىرى ەگىنشىلىككە بەت بۇرسا, ەندى ءبىرى اسىل تۇقىمدى مال ءوسىرۋ باعىتىن تاڭداپ وتىر. مۇنىڭ ءبارى ۇكىمەت تاراپىنان كورسەتىلىپ وتىرعان قامقورلىقتىڭ ارقاسىندا قول جەتكەن تابىستار.
اۋداندا اگرارلىق سالانى ءارتاراپتاندىرۋ, جاڭا تەحنولوگيالاردى قولدانىسقا ەنگىزۋ, وڭدەۋشى, ۇقساتۋشى كاسىپورىنداردى ىسكە قوسۋ جونىندە بىرقاتار ماڭىزدى شارالار جۇزەگە اسىرىلۋدا. بۇل باعىتتا تىڭ ىزدەنىستەر دە جەتەرلىك. ءبىزدە ءوز ءىسىن اشقىسى كەلەتىن ءىسكەر ازاماتتار دا از ەمەس. كوپشىلىگىن قارجى تاپشىلىعى قينايدى. ەكىنشى دەڭگەيدەگى بانكتەر كەپىلسىز نەسيە بەرمەيدى. سوندىقتان دا قاراجاتقا قول جەتكىزە الماي تاۋلارى شاعىلادى. دەگەنمەن, اۋدان اكىمدىگى تاراپىنان ولاردىڭ بيزنەس-جوسپار جاساۋىنا جانە جەر الۋىنا قولداۋ كورسەتىلۋدە. اۋدان ورتالىعىنداعى ءىرى كاسىپورىننىڭ ءبىرى – «ارنا استىق» جشس ءبىراز ۋاقىتتان بەرى جۇمىس ىستەمەي تۇر ەدى. ونى «اگرو ازىق-ت ۇلىك نانمەن جابدىقتاۋ» جشس باسقارۋعا الدى. سەرىكتەستىك ءۇش قويماعا جوندەۋ جۇمىستارىن جۇرگىزىپ, بىلتىردان بەرى جاڭا استىقتى قابىلداۋدا. تاعى ءبىر قويمانى كۇردەلى جوندەۋدەن وتكىزىپ, ماقتا, ماقسارى جانە كۇنباعىس مايلارىن شىعاراتىن تسەحتى ىسكە قوستى جانە جەم تارتاتىن تسەح پايدالانۋعا بەرىلدى.
قۇرىلىس سالاسى دا جىل ساناپ دامىپ كەلەدى. 2005 جىلدان بەرى اۋداندا 13 جاڭا ۇلگىدەگى مەكتەپ سالىنىپ, پايدالانۋعا بەرىلدى. 23 بالاباقشا مەن 1 شاعىن ورتالىق ىڭعايلاستىرىلعان عيماراتتاردا اشىلىپ, ءبۇلدىرشىندەر بالاباقشالارعا بارۋدا. ەرتاي اۋىلىنداعى 120 وقۋشىعا ارنالعان ورتا مەكتەپ عيماراتى وتكەن جىلى پايدالانۋعا بەرىلسە, قوشقاراتا اۋىلىنداعى 180 ورىندىق ورتا مەكتەپتىڭ قۇرىلىسى بيىل اياقتالىپ, جاڭا وقۋ جىلى قارساڭىندا اشىلدى. جالپى, اۋداندا ءبىلىم بەرۋ ساپاسى دا جىلدان-جىلعا كوتەرىلىپ كەلەدى. مەكتەپ بىتىرۋشىلەردىڭ ۇبت قورىتىندىسى بويىنشا اۋداندا وتكەن جىلى وبلىستا 4 ورىن السا, بيىل تاراز قالاسىنان كەيىنگى ەكىنشى ورىننان كورىندى.
اۋىل-ايماقتاردا دەنساۋلىق ساقتاۋ وبەكتىلەرى كوپتەپ تۇرعىزىلىپ, ىسكە قوسىلۋدا. تەك سوڭعى بىرەر جىلدىڭ ىشىندە ءۇش اۋىلدا مەدپۋنكت سالىنىپ, پايدالانۋعا بەرىلدى. ال اۋداندىق ورتالىق اۋرۋحانا قاجەتتى زاماناۋي قۇرال-جابدىقتارمەن جاراقتالعان. ول رەسپۋبليكاداعى ەڭ ۇزدىك 50 اۋرۋحانا قاتارىنا ەنىپ وتىر. اۋداننىڭ مادەنيەت سالاسىندا بۇگىندە ءبىر اۋداندىق ورتالىق, ءبىر اۋىلدىق بالالار كىتاپحاناسى, 23 اۋىلدىق كىتاپحانا جانە ءبىر اۋداندىق, 8 اۋىلدىق مادەنيەت ءۇيى, 12 اۋىلدىق كلۋب, ءبىر جىلجىمالى «زەردە» اۆتوكلۋبى, سونداي-اق «قىزعالداق» ءان-بي ءانسامبلى, «جۋالى», «مىڭبۇلاق» حالىق تەاترلارى جانە «جاڭاباەۆتار» وتباسىلىق ءانسامبلى تۇرعىندارعا مادەني قىزمەت كورسەتۋدە.
«اقبۇلاق» باعدارلاماسى اياسىندا نۇرلىكەنت, قىزىلارىق, جىلىبۇلاق, داربازا اۋىلدارىنا اۋىز سۋ قۇبىرى تارتىلىپ, تۇرعىندار ساپالى اۋىز سۋعا قولدارى جەتىپ وتىر. اۋدانعا تابيعي گاز قۇبىرلارىن تارتۋ جۇمىستارى وتكەن عاسىردىڭ 80-جىلدارىنىڭ اياعىندا قولعا الىنعان. سونىڭ ارقاسىندا اۋدان ورتالىعى مەن ىرگەلەس بىرنەشە اۋىل گازداندىرىلدى. نارىقتىق قاتىناستارعا كوشكەن تۇستا توقتاپ قالعان بۇل جۇمىس سوڭعى جەتى-سەگىز جىلدا قايتا جاندانىپ, اۋداننىڭ وننان استام ەلدى مەكەنىنە گاز كىرگىزىلدى. ءالى تاعى دا 19 اۋىلعا گاز كىرگىزۋ مەجەلەنىپ وتىر. بۇگىندە اتالعان ەلدى مەكەندەرگە گاز تارتۋ جۇمىستارىنىڭ جوبالاۋ-سمەتالىق جوسپارى ازىرلەنۋ ۇستىندە.
ارينە, بۇل ماقساتتى جۇمىستار تۇپتەپ كەلگەندە, اۋىل حالقىنىڭ تۇرمىسى مەن ءال-اۋقاتىن كوتەرۋ, اۋىل شارۋاشىلىعىن دامىتۋ ماقساتىندا مەملەكەت تاراپىنان جاسالىپ جاتقان قامقورلىق دەپ ۇققان ءجون. سوڭعى كەزدەرى اۋداندا جەكە تۇرعىن ءۇي سالۋشىلار قاتارى دا ارتىپ كەلەدى. جەكە سەكتوردىڭ ەسەبىنەن ۇستىمىزدەگى جىل باسىنان بەرى جالپى اۋدانى 6 656,0 شارشى مەتردى قۇرايتىن تۇرعىن ءۇي قۇرىلىستارىمەن بىرگە قابىلداندى. بۇل وتكەن جىلدىڭ وسى كەزەڭىمەن سالىستىرعاندا 102,4 پايىزعا ارتىق.
اۋىل-ايماقتى كورىكتەندىرۋ دە تۇراقتى نازارىمىزدا. كوكتەمدە اۋىل-ايماقتى تازالاۋ, تال-داراق ەگۋ, اللەيالار مەن گۇلزارلار دايىنداۋ, جول بويىنداعى اعاشتاردى, كىشى ءساۋلەت نىساندارىن اكتەۋ, سىرلاۋ جۇمىستارىنا باسىمدىق بەرىلسە, ودان ءارى جۇمىس تىكەلەي كورىكتەندىرۋ, كوركەيتۋ باعىتىندا ءجۇردى. باتىربەك داتقا ەسكەرتكىشى مەن كەسەنەسىنىڭ اينالاسى, جاستار اللەياسى, «جاساي بەر, قازاقستان» ساياباعى قورشالىپ, اسفالت توسەلىپ, تال-داراقتار مەن ساندىك اعاشتار ەگىلىپ, كوركەيە ءتۇستى. كوشەلەرگە ورناتىلعان ءتۇرلى جارىق ءتۇسىرۋ اسپاپتارى تۇنگى اۋىلدىڭ اجارىنا اجار قوسىپ تۇر.
اۋدان ورتالىعىنداعى تروتۋار, كوپىرلەر رەتكە كەلتىرىلىپ, سىرلانىپ, گۇلدەستەلەرمەن بەزەندىرىلدى. كوشەلەرگە ءسان بەرگىش جارىقتار ورناتىلدى. اۋدان ورتالىعىنداعى باۋىرجان مومىش ۇلى ەسكەرتكىشىنىڭ جانىنان «جۇلدىزى بيىك جۋالى» اتتى اللەيا جابدىقتالىپ, وندا جۋالىلىق ەڭبەك ەرلەرىنىڭ, حالىق قاھارماندارىنىڭ پورترەتتەرى قويىلدى. اللەيانىڭ ءبىر بەتىنە اشارشىلىق پەن قۋعىن-سۇرگىن قۇرباندارىنا, ەكىنشى جاق بەتىنە اۋعان سوعىسى ارداگەرلەرىنە ارنالعان ەسكەرتكىش-مونۋمەنت ورناتىلدى. سول جولدىڭ بويىندا بيىكتەگەن ءوزىمىزدىڭ «بايتەرەك» مونۋمەنتىمىز توڭىرەككە ءار بەرىپ تۇر. وسىلايشا بۇل اۋماق ءارى تاعىلىمدى, ءارى كورىكتى ساياباققا اينالدى. ورتالىق الاڭداعى ساحنا جانە رامىزدەر ستەللاسىن قايتا جاڭعىرتۋدى كوزدەپ وتىرمىز, ورتالىق اۋرۋحانا ماڭايىنا اۆتوتۇراق جاسالدى. وسىنداي جۇمىستار اۋىلدىق وكرۋگتەردە دە جۇرگىزىلدى. «وڭىرلەردى دامىتۋ» باعدارلاماسىنا ساي وننان استام اۋىلدىڭ ورتالىق كوشەلەرى جارىقتاندىرىلدى, ءبىرنەشە ويىن الاڭى سالىنىپ, اللەيالار قايتا جوندەۋدەن وتكىزىلدى.
«ۇدەمەلى يندۋستريالىق-يننوۆاتسيالىق دامۋ» مەملەكەتتىك باعدارلاماسى اياسىندا نۇرلىكەنت اۋىلىندا «بۋرنوە سولار» كومپانياسىمەن ورتالىق ازيادا تەڭدەسى جوق قۋاتتىلىعى 50 مەگاۆاتتى قۇرايتىن قۇنى 23,5 ملرد تەڭگە كۇن ەلەكتر ستانساسى سالىنىپ, ىسكە قوسىلدى. ەندىگى كەزەكتە قۋاتى ءدال وسىنداي تاعى ءبىر ستانسانى سول ارادان سالىپ, ىسكە قوسۋ قاراستىرىلىپ وتىر.
اۋدان باسشىلىعىنىڭ الداعى ۋاقىتتا اۋدان ەكونوميكاسىن دامىتۋ باعىتىندا قولعا الاتىن باتىل جوبالارى بار. اتاپ ايتقاندا, يران ينۆەستورلارىمەن جۇرگىزىلگەن كەلىسسوزدەر ناتيجەسىندە اۋدان اۋماعىنان 400 گەكتار جەرگە قىزىل بالىق (فورەل) ءوسىرۋ جانە دارىلىك ءوسىمدىكتەردەن ءدارى-دارمەك ءوندىرۋ جوبالارى پىسىقتالۋدا. ءوزىمىزدىڭ كاسىپكەرلەرىمىز كوكسايدىڭ اڭعارىنان شاعىن سۋ ەلەكتر ستانساسىن سالۋدى جوسپارلاپ وتىر.
سونىمەن قاتار, اۋداننىڭ اگرارلىق باعىتىن نەگىزگە الا وتىرىپ, كەلەشەكتە وڭىردە ءسۇت كلاستەرىن قۇرۋ جوسپاردا بار. وسى ماقساتتا 15 شارۋا قوجالىعى بىرىكتىرىلىپ «جۋالى الاتاۋ» اۋىل شارۋاشىلىعى كووپەراتيۆى قۇرىلدى. سونداي-اق, بيلىكولدەن 20 گەكتار اۋماققا بالىق پيتومنيگىن اشۋ, 200 مىڭ اقش دوللارىنا 50 گەكتار الما باعىن ينتەنسيۆتى جولمەن ءوسىرۋ سەكىلدى جوبالار قاراستىرىلۋدا.
اۋدان اۋماعىنان كوكتەپ ءوتىپ جاتقان «باتىس ەۋروپا – باتىس قىتاي» حالىقارالىق كولىك ءدالىزىنىڭ ترانزيتتىك مۇمكىندىگىن پايدالانۋدى كوزدەپ, اۋدانداعى مەكەمە, سالا باسشىلارىمەن ويلاسا كەلە, كۇرەجولدىڭ اۋدان ورتالىعىنا كىرەبەرىس تۇسىنان دەمالىس ورتالىعىن سالۋدى جوسپارلاپ وتىرمىز. جۋالى اۋدانىنىڭ قۇرمەتتى ازاماتتارىنىڭ ەسىمى جازىلعان اللەيا بىتۋگە تاياۋ. سونداي-اق, اۋدان اۋماعىندا ورنالاسقان اسكەري ءبولىم قىزمەتكەرلەرىنە ارناپ سالىنىپ جاتقان 120 پاتەرلىك بەس ءۇيدىڭ قۇرىلىسى دا اياقتالىپ كەلەدى. اۋداندا بارلىق سالادا ءوز كاسىبىنىڭ بىلىكتى مامانى اتانىپ, ەلىمىزدىڭ ءوسىپ-وركەندەۋى, گۇلدەنۋى جولىندا ايانباي تەر توگىپ جۇرگەن ازاماتتار از ەمەس. جۋالىنىڭ اتى سونداي ازاماتتارمەن ايبىندى ءارى اسقاق.
بيىل ءبىز تاۋەلسىزدىكتىڭ 25 جىلدىعىن اتاپ وتەمىز. ەل ءومىرىندەگى وسىناۋ مەرەيلى وقيعا قارساڭىندا ەجەلدەن ىنتىماعى مەن بىرلىگى جاراسقان جۋالى جۇرتى جۇمىلا ەڭبەك ەتىپ, وتانىمىزدىڭ ءوسىپ-وركەندەۋىنە لايىقتى ۇلەس قوساتىنى انىق.
باقتيار كوپبوسىنوۆ,
جۋالى اۋدانىنىڭ اكىمى
جامبىل وبلىسى
سۋرەتتەردى تۇسىرگەن
اقادىل رىسماحان
