تالدىقورعاندا عىلىمنىڭ يننوۆاتسيالىق الەۋەتى تالقىلاندى

تالدىقورعاندا «زاماناۋي سىن-تەگەۋرىندەر مەن قوعامنىڭ جاھاندانۋ جاعدايىندا قازاقستانداعى ءبىلىم مەن عىلىمنىڭ يننوۆاتسيالىق الەۋەتى» تاقىرىبىندا حالىقارالىق عىلىمي-تاجىريبەلىك كونفەرەنتسيا   ءوتتى.  كونفەرەنتسيانى  ى.جانسۇگىروۆ اتىنداعى جەتىسۋ مەملەكەتتىك ۋنيۆەسيتەتىنىڭ رەكتورى, گەوگرافيا عىلىمدارىنىڭ دوكتورى, پروفەسسور قۋات بايمىرزاەۆ اشتى. كونفەرەنتسيانىڭ ماقساتى – عىلىم مەن يننوۆاتسيانىڭ تەوريالىق جانە پراكتيكالىق قيىندىقتارىن جەڭۋ جانە ءبىلىم بەرۋ, ەكونوميكا, اقپاراتتىق تەحنولوگيا, قوعامدىق, الەۋمەتتىك,  تەحنيكالىق عىلىمداردىڭ دامۋىنىڭ وزەكتى ماسەلەلەرىن تالقىلاپ,  قازاقستانداعى ءبىلىم مەن عىلىمنىڭ يننوۆاتسيالىق الەۋەتىن ارتتىرۋ. كونفەرەنتسيا جۇمىسىنا تۇركيا, رەسەي, ۋكراينا, بولگاريا ەلدەرىنەن ارنايى كەلگەن عالىمدار جانە ەلىمىزگە تانىمال عىلىم دوكتورلارى مەن پروفەسسورلار, ۋنيۆەرسيتەتتىڭ وقىتۋشى-پروفەسسورلارى مەن ستۋدەنتتەرى, بارلىعى 250 ادام قاتىستى.