قازاق راديوسىنىڭ «نۇرسۇلتان نازارباەۆ. بيوگرافيا» اتتى جوباسى حالىقارالىق «راديو بەز گرانيتس» بايقاۋىندا جەڭىمپاز اتاندى, دەپ حابارلايدى egemen.kz kaztrk.kz سايتىنا سىلتەمە جاساپ.
جوبا «ىسكەر تۇلعالارعا ارنالعان باعدارلاما» اتالىمى بويىنشا ۇزدىك شىققان.
«نۇرسۇلتان نازارباەۆ. بيوگرافيا» - قازاق راديوسى مەن «راديو روسسي» راديوستانتسياسىنىڭ بىرلەسكەن باعدارلاماسى. 25 بولىمنەن تۇراتىن راديوتسيكلدا ەلباسىنىڭ قاراپايىم اۋىل بالاسىنان پرەزيدەنتتىككە دەيىنگى ءومىر جولى باياندالادى.
جوبانىڭ اۆتورى – قر پرەزيدەنتى كەڭسەسىنىڭ باسشىسى ماحمۇت قاسىمبەكوۆ. رەداكتورى - قازاق راديوسىنىڭ ديرەكتورى ماحات سادىق. ماتىنىن وقىعان - سسسر حالىق ءارتىسى ۆاسيلي لانوۆوي.
ايتا كەتەيىك, حالىقارالىق «راديو بەز گرانيتس» بايقاۋى رەسەي راديو اكادەمياسىنىڭ ۇيىمداستىرۋىمەن تاتارستاننىڭ قازان قالاسىندا ءوتتى. بايقاۋدا تمد-عا مۇشە مەملەكەتتەر مەن بالتىق جاعالاۋى ەلدەرىنەن 82 راديوستانتسيا باق سىناعان.
