فرانتسيا قازاقستاندىقتار ءۇشىن ۆيزاسىز مۇمكىندىكتەردى قاراستىرۋدا

فرانتسيا قازاقستاندىقتار ءۇشىن ۆيزاسىز مۇمكىندىكتەردى قاراستىرۋدا. بۇل تۋرالى بۇگىن وڭتۇستىك قازاقستان  وبلىسىنىڭ اكىمى جانسەيىت تۇيمەباەۆ پەن فرانتسيانىڭ قازاقستانداعى توتەنشە جانە وكىلەتتى ەلشىسى فرانسيس ەتەن باستاعان دەلەگاتسيانىڭ كەزدەسۋىندە ءسوز بولدى, دەپ حابارلايدى egemen.kz وقو اكىمىنىڭ ءباسپاسوز قىزمەتىنە سىلتەمە جاساپ. ەلشى  قازاقستان مەن فرانتسيا اراسىنداعى قارىم-قاتىناس جىل سايىن دامىپ كەلەتىنىن ايتىپ, تۋريزم, يندۋستريا جانە ءبىلىم سالاسىندا ارىپتەستىك ورناتۋعا دايىن ەكەنىن جەتكىزدى. ەكى ەل اراسىندا ۆيزا ۇزاقتىعى 15 كۇن بولسا, كەلەر جىلدىڭ 1 قاڭتارىنان باستاپ 30 كۇنگە ۇزارتىلاتىنىن دا ايتتى. ونىڭ سوزىنە قاراعاندا, فرانتسياعا قىسقا ۋاقىتقا كەلۋشى قازاقستاندىقتار ءۇشىن  ۆيزاسىز مۇمكىندىكتەر قاراستىرىلىپ جاتىر. ال وبلىس اكىمى مەكتەپ پەن جوعارى وقۋ ورىندارىنىڭ مۇعالىمدەرىن فرانتسياعا تاجىريبە الماسۋعا جىبەرۋ جايىن قاراستىراتىنىن ايتىپ, قازاقستان مەن فرانتسيا كۇندەرىنە بايلانىستى فرانتسۋزدىق تاۋار وندىرۋشىلەردىڭ كورمەسىن ۇيىمداستىرۋ ماسەلەسىن قوزعادى.