QAZKOM: Quality, Qarqyndy جانە Quintessence كوفەحاناسى

قازان ايىنىڭ باسىندا كوشەلەرگە Q ءارپى بەينەلەنگەن ءىرى پوس­تەرلەر ءىلىنىپ, قالىڭ كوپشىلىكتىڭ باسىن قاتىرعان ەدى. ەندى سول قۇپيانىڭ سىرى اشىلدى: مۇنىسىمەن «قازكوممەرتسبانك» اق ءوزىنىڭ جاڭارتىلعان ستراتەگياسى مەن اۋىستىرىلعان برەندتىك بەلگىسىنە نازار اۋدارتقىسى كەلگەن ەكەن. ءاۋ باستا سىرعا تولى Q-ءدىڭ ءمان-ماعىناسى تۋرالى  سان الۋان نۇسقالار بولدى: ۇلتتىڭ جوعارى IQ-ءى (Quotient), ساپا (Quality), بىلىكتىلىك – Qualification. ەگەر بۇعان تاعى ءبىر ماڭىزدى انىقتامانى – كليەنتكە مويىن بۇرۋشىلىقتى قوسساق, وندا قكب-ءتىڭ جاڭا پاراديگماسىن, QAZKOM دەگەن جاڭا برەندكە اۋىسۋىنىڭ ءمانىن تولىق تۇسىنەسىڭ. بانكتىڭ رەبرەندينگى وسىعان سايكەس, پاراساتتى ۇلتتىڭ تاريحى ارقىلى جاسالدى. ءار عاسىردا ءومىر سۇرگەن ۇلت كوشباسشىلارى مەن ۇلت قايراتكەرلەرىن كورسەتۋدى تاڭداپ الۋ – وتكەنگە قۇرمەت, بولاشاققا باعدار. ءسويتىپ, «پاراساتتى ۇلت – ۋمنايا ناتسيا» جارنامالىق ناۋقانىنا مۇددەلىلىك تانىتقان قازاق­ستاندىقتار ارقاسىندا اتالعان قارجى ينستيتۋتى ءوزىنىڭ العا قويعان ماقسات-مۇراتتارىنا تولىق جەتتى دەۋگە نەگىز بار. وتكەن جۇما كۇنى بانك ديرەك­تورلار كەڭەسىنىڭ ءتور­اعاسى ءارى نەگىزگى اكتسيونەر كەڭەس راقىشەۆ جانە ونىڭ كومان­داسى جۇرتشىلىققا QAZKOM-نىڭ جاڭا برەندىن تانىستىردى. تۇساۋكەسەر جاڭا كەڭسەدە جانە ونى وتكىزۋ كۇنى دە كەزدەيسوق تاڭداپ الىنعان جوق: 21 قازاندا بانكتىڭ قۇرىل­عانىنا 25 جىل تولدى. QAZKOM-نىڭ جاڭا كەڭسەسى Quintessence – يدەيالاردىڭ ىسكە اسىرىلۋى سەكىلدى جىل بويى بانكتىڭ بارلىق سەرۆيستىك جۇيەسىنە بىرتىندەپ كوشەدى. مامىر ايىندا كەڭەس راقىشەۆ قارجى ينستيتۋتىنىڭ  جاڭا ستراتەگياسىن ۇسىنىپ, كليەنتكە قىزمەت كورسەتۋ سالاسىنداعى جارقىن وزگەرىستەر تۋرالى ايتىپ, وعان از ۋاقىتتىڭ ىشىندە قول جەتكىزۋگە ۋادە بەرگەن ەدى. وسى جولى بانكيرلەر وزدەرى ايتقان قاراپايىمدىلىققا (Qarapayım), جەدەل جىلدامدىلىققا (Qarqyndy) جانە قىزمەت كورسەتۋ ساپاسىن (Qundylyq) جەتىلدىرۋگە نەگىزدەلگەن بانك فيلوسوفياسىن جۇزەگە ءساتتى اسىرعاندارىن كوپشىلىككە پاش ەتتى. تۇساۋكەسەر قارساڭىندا حالىقارالىق Standard&Poor’s رەيتينگ اگەنتتىگى بانكتىڭ ۇزاق مەرزىمدى كرەديتتىك رەيتينگىسىن  «سسس+»-دان «B-»-گە وزگەرتتى. بۇل وزگەرىس بانكتىڭ بىرقاتار جاقسى كورسەتكىشتەرىنە وراي جاسالدى. S&P-ءتىڭ تۇسىنىك­تەمەسىندە نەگىزگى اكتسيونەردىڭ جاڭا كومانداسىمەن بىرگە قول جەتكىزگەن بيزنەستىڭ ءتيىمدى دامۋىنىڭ جاعىمدى جاقتارى بارىنشا ايقىن كورسەتىلدى. بانكتىڭ جاڭا بولىمشەسىندە كليەنتتىڭ ءوزىن جاقسى سەزىنۋى ءۇشىن ءارى كەزەك كۇتىپ قالعان جاعدايدا كوڭىلىن اۋلاۋ ءۇشىن جاعدايدىڭ ءبارى جاسالىنعان, كليەنتكە كوفە دە ۇسىنىلادى, ول جايلى ورىنعا دا وتىرادى, ينتەرنەت جەلىسىنە دە تەگىن كىرە الادى. زاماناۋي تەحنولوگيامەن, وزىق قۇرال-جابدىقتارمەن جابدىقتالعان جاڭا بولىمشەدە ءسىرا كليەنتتىڭ كەزەك كۇتۋىنە تۋرا كەلمەيتىن شىعار. ويتكەنى, مۇندا ءوزىڭىز دە جەكە-دارا تۇردە تولەم جاساپ قانا قويماي, ءوز بەتىڭىزشە دەپوزيت اشا الاسىز, كارتوچكاڭىزدى تولىقتىرۋعا مۇمكىنشىلىك بار, ءتىپتى كرەديت تە راسىمدەي الاسىز. دەگەنمەن, ۇساق-تۇيەككە دەيىن ءمان بەرىپ, كليەنت ءۇشىن جاسالعان قوسىمشا جايلىلىق QAZKOM-نىڭ قىزمەت كورسەتۋ ساپاسىن «بەس جۇلدىز» دەڭگەيىنە دەيىن كوتەرۋ قۇلشىنىسىن بايقاتادى. ساپالى قىزمەت پەن ءونىم ارقىلى جاڭا كليەنتتەردى تارتۋدىڭ قىر-سىرىن مەڭگەرگەن بۇل قارجى ينستيتۋتى شاعىن جانە ورتا بيزنەس وكىلدەرىن جانە بولشەك ساۋدا يەلەرىنە ءتۇرلى قارجىلىق ءونىم ۇسىنباقشى. بانك بۇرىن-سوڭدى بيزنەستىڭ بۇل سەگمەنتەرىنە باسىمدىق بەرمەگەنى بەلگىلى. ەندى كليەنت ءۇشىن تىڭ سالالاردى دا قامتىپ, قىزمەت كورسەتۋگە شىنداپ كىرىستى. مۇنىڭ ءوزى ۇلكەن جەتىستىك, ۇلكەن جەڭىس. تۇساۋكەسەردە بانكيرلەر بۇدان وزگە دە جاعىمدى جاڭالىقتارىمەن ءبولىستى.  QAZKOM-نىڭ جاڭا فيلوسوفياسى جۇزەگە اسا باستاعان ساتتە شاعىن جانە ورتا كاسىپكەرلەرگە بەرىلگەن نەسيە كولەمى ءوزىنىڭ تاريحي كولەمىنىڭ 70 پايىزىن قۇراعان. ال بولشەك كليەنتتەرگە بۇرىنعىمەن سالىستىرعاندا, 9 ەسە كوپ كرەديتتىك كارتا بەرىلىپتى جانە بۇل كورسەتكىشتى الداعى ۋاقىتتا ءۇش ەسەگە كوبەيتۋ كوزدەلۋدە. بۇعان قوسا, ونلاين تۇرىندە اشىلىپ جاتقان دەپوزيتتەر لەگى دە وسكەن. بۇگىندەرى QAZKOM-دا اشىلعان ءاربىر بەسىنشى دەپوزيت قاشىقتىقتان اشىلعانىن ايتىپ ءوتۋ ماڭىزدى. – وزگەرىستىڭ ءمان-ماڭىزى تەك لوگوتيپتى اۋىستىرۋمەن جانە بانك اتاۋىن باسقاشا جازۋمەن شەكتەلمەيدى. ەڭ باستىسى – ءبىز مالىمدەگەن بانكتىڭ جاڭا ستراتەگياسىنداعى دامۋ ماقسات-مۇراتتارى – بانك قىزمەتىنىڭ ساپاسى جاقسارۋى ءتيىس, – دەدى كەڭەس راقىشەۆ باق وكىلدەرىمەن كەزدەسكەن كەزدە. – اڭگىمە ءبىزدىڭ كليەنتتەردىڭ قاجەتتىلىگىنە مويىن بۇرۋدان, انىعىندا, قىزمەت كورسەتۋ سالاسىنداعى ءىرى رەفورما جونىندە ايتىلىپ وتىر. لوگوتيپتەگى Q ليتەراسى كليەنتتەرىمىزگە بانكتىك سەرۆيستە ۇلكەن موبيلدىلىكتى, قاراپايىمدىلىق پەن جەدەل جىلدامدىقتى قامتاماسىز ەتۋ ماقساتىندا يننوۆاتسيانى دامىتۋدىڭ جاڭا دەڭگەيىنە شىعۋ تالپىنىسىمىزدى بىلدىرەدى. بانكتىڭ جاڭا باسشىلىعى جاڭا برەند­تىڭ ساباقتاستىعىن ەرەكشە اتاپ ءوتتى. «كا­سىپكەرلىك رومانتيزم داۋىرىندە» قازكوم ەلدەگى 236 بانكتىڭ ءبىرى عانا بولعان. 1991 جىلى 1 ميلليون دوللار اكتيۆى بولعان بانك 15 ملرد دوللارلىق اكتيۆكە دەيىن ءوستى. قازىر جەكە كاپيتالدىڭ ءوزى  1,5 ملرد دوللاردى قۇرايدى, ال بانك جۇيەسىندە 4 ملن كليەنتكە قىزمەت كورسەتىلەدى. ءاۋ باستا بۇل بانكتىڭ  72 كليەنتى بولدى دەگەنگە وسى كۇنى بىرەۋ سەنەدى, بىرەۋ سەنبەيدى. قابىلدانعان جاڭا ستراتەگيا – كليەنتتەردىڭ جاڭا تالاپتارى مەن سۇرانىستارىنا جاۋاپ بەرەتىن جاڭا سەرۆيستىڭ ءىت-فورماتسياسىنا, دامۋدىڭ جاڭا كەزەڭىنە كوشۋ ماقسات-مۇراتى. – QAZKOM ءدال بۇگىنگى قالپىندا وزىنەن-ءوزى قۇرىلا سالعان جوق. وعان بانك قىزمەت­كەرلەرىنىڭ اششى ماڭ­داي تەرى, زياتكەرلىك ۇلەسى جانە كليەنتتەرىمىزدىڭ ىزدەنىم­پازدىعى ارقاسىندا قول جەتتى. ءبىزدىڭ ەلىمىزدە ءومىر ءسۇرىپ جاتقان جۇزدەن اسا ۇلت وكىلدەرىنىڭ قولداۋىنسىز ءبىز وسى كۇنگە جەتە الماس ەدىك,– دەدى باسقارما توراعاسىنىڭ ءبىرىنشى ورىنباسا­رى اباي يسكانديروۆ. الەۆتينا دونسكيح الماتى