ەكسپو كەزىندە جاڭا رەيستەردى ىسكە قوسۋ تۋرالى كەلىسسوزدەر جۇرگىزىلۋدە

قازاقستان بىرقاتار شەتەلدىك اۋە جەلىلەرىمەن ەكسپو كەزىندە جاڭا رەيستەردى ىسكە قوسۋ تۋرالى كەلىسسوزدەر جۇرگىزۋدە. بۇل تۋرالى قر ينۆەستيتسيالار جانە دامۋ ۆيتسە-ءمينيسترى بەرىك قاماليەۆ ۆەدومستۆوداعى ءباسپاسوز كونفەرەنتسياسى بارىسىندا حابارلادى, دەپ جازادى egemen.kz پرەمەر-ءمينيستردىڭ رەسمي سايتىنا سىلتەمە جاساپ. «ەكسپو شەڭبەرىندە قر ۇكىمەتىنىڭ قولداۋىمەن «اشىق اسپان» جۇيەسى بويىنشا جۇمىستار جۇرگىزىپ جاتىرمىز. ءبىز فين اۋە جەلىسى سياقتى جاڭا اۋە جەلىلەرى ۇشا باستايتىنى تۋرالى كەلىسسوزدەر جۇرگىزىپ, كەلىسىمگە قول قويدىق. جاقىندا ءبىز پولشالىق اۆياتسيا باسشىلىعىمەن كەلىسسوزدەر جۇرگىزدىك. ۆەنگريامەن دە كەلىسىم بار, اۆستريالىق, چەحيالىق اۋە جەلىلەرىمەن رەيستەردى جاڭارتىپ جاتىرمىز. ودان وزگە, قىتايدان Air Chinا كومپانياسى ۇشاتىن بولادى. 12 جەلتوقساندا ءبىز كەزدەسىپ, Air Astana جانە Scat اۋە كومپانيالارى ءۇشىن قوسىمشا سلوتتار سۇرايمىز, وسىلايشا, الماتىدان سيان, تەگەران باعىتى بويىنشا جاڭا حالىقارالىق رەيستەردى ۇلعايتپاقپىز», - دەپ مالىمدەدى ب. قاماليەۆ. سونداي-اق, ۆيتسە-مينيستر وڭتۇستىك-شىعىس ازيادان, قىتاي مەن كورەيادان استانا مەن الماتى ارقىلى ەۋروپا, پاريج جانە لوندونعا اۋە قاتىناستارى بويىنشا ءترانزيتتىڭ دامۋ ءۇردىسىن اتاپ ءوتتى. ۇلت جوسپارىنىڭ 73-قادامىن ىسكە اسىرۋ اياسىندا استانانىڭ حالىقارالىق قارجى ورتالىقتارىمەن بايلانىسىن قامتاماسىز ەتۋ بويىنشا جۇمىستار جۇرگىزىلىپ جاتىر. بۇگىنگى كۇنى استانادان 5 حالىقارالىق قارجى ورتالىعى: فرانكفۋرت, لوندون, دۋباي, گونكونگ, سەۋل باعىتىنا تىكەلەي ۇشۋلار ورىندالۋدا. سونداي-اق, ۆەنا, پاريج, ابۋ-دابي, بەيجىڭ, ىستامبۇل, ءۇرىمشى جانە باسقا قالالارعا تىكەلەي رەيستەر جۇزەگە اسىرىلۋدا. 2018 جىلى – توكيومەن, 2019 جىلى – سينگاپۋرمەن, 2020 جىلى نيۋ-يوركپەن اۋە قاتىناسىن اشۋ جوسپارلانىپ وتىر», - دەدى ول.