حالىقارالىق ستاندارتتارعا قاراي باتىل قادام

قازاقستان رەسپۋبليكاسىنىڭ قارجى مينيسترلىگى دۇنيەجۇزىلىك ەكونوميكالىق فورۋمنىڭ جاھاندىق باسەكەگە قابىلەتتىلىگى يندەكسىنىڭ رەيتينگىندەگى پوزيتسياسىن, ونىڭ ىشىندە «اۋديت جانە ەسەپتىلىك ستاندارتتارىنىڭ جەتىلگەندىگى» كورسەتكىشى بويىنشا كوتەرۋگە نيەتتەنۋدە. ول ءۇشىن قازاقستاندا زاڭنامالىق دەڭگەيدە ۇيىمداردىڭ حالىقارالىق قار­جىلىق ەسەپتىلىك ستاندارتتارىن قولدانۋ بويىنشا مىندەتتەرى بەكىتىلگەن. سونداي-اق, حالىقارالىق ستاندارتتارعا سايكەس اۋديت جۇرگىزىلەدى جانە كاسىبي بۋحگالتەرلەردى سەرتيفيكاتتاۋ جۇيەسى جۇمىس ىستەيدى. الايدا بۋحگالتەرلىك ەسەپ جانە اۋ­دي­تورلىق قىزمەتتى رەتتەۋدىڭ ۇلتتىق جۇيەسىن حالىقارالىق تاجىريبە مەن اقپارات الماسۋسىز دامىتۋ مۇمكىن ەمەس. بۋحگالتەرلىك ەسەپ, ونى ۇيىمداستىرۋعا جانە جۇرگىزۋگە, باستاپقى تالاپتاردى ازىرلەۋگە, قارجىلىق ەسەپتىلىكتى قۇرۋعا, اۋديتورلىق قىزمەتتى ۇيىمداستىرۋعا, سونداي-اق, حقەس (حالىقارالىق قارجىلىق ەسەپتىلىك ستاندارتتارى) جانە احس-پەن ء(اۋديتتىڭ حالىقارالىق ستاندارتتارى) اۋديت پەن ۇلتتىق ەسەپ جۇيەسىن ۇيلەستىرۋگە جانە جاقىنداتۋعا قويىلاتىن باستاپقى تالاپتاردى ازىرلەۋ ماسەلەلەرى بويىنشا  تمد-عا قاتىسۋشى مەملەكەتتەردىڭ ءىس-ارەكەتتەرىن ۇيلەستىرۋ ماقساتىندا تمد اتقارۋ كوميتەتى جانىنان ۇيلەستىرۋ كەڭە­سى قۇرىلدى. قازاقستان رەسپۋبليكاسى قارجى مينيس­تر­لىگىندە 2016 جىلدىڭ 18-19 قازا­نىندا وسى ۇيلەستىرۋ كەڭەسىنىڭ XIII وتىرىسى ءوتتى. وتىرىسقا اسسا رەتتەۋشى ورگاندارى­مەن قارىم-قاتىناستاردى دامىتۋ ءجو­نىن­دەگى ديرەكتورى ( ۇلىبريتانيا, لوندون ق.) شاحرۋح الي كحان, سونداي-اق, تمد ەل­دە­رىنىڭ, ونىڭ ىشىندە, ازەربايجان, بەلارۋس, قىرعىز, مولدوۆا, رەسەي فەدەراتسياسىنىڭ جانە وزبەكستاننىڭ 7 وكىلى قاتىستى. وتى­رىسقا قاتىسۋشىلار تمد-عا قاتىسۋشى مەملەكەتتەردەگى بۋح­گالتەرلىك ەسەپ جانە اۋديتورلىق قىز­مەتتى رەتتەۋدىڭ ۇلتتىق جۇيە­سىندە وزگە­شە­لىكتەردىڭ بولۋىنا قارا­ماس­تان ولاردى دامىتۋداعى باستى باعىت­تار حقەس جانە احس-پەن ۇيلەس­تىرۋگە سايكەس كەلەتىنىن اتاپ ءوتتى. بۇل تمد-عا قاتىسۋشى مەملەكەت­تەر­دەگى بۋحگالتەرلىك ەسەپ جانە اۋديتورلىق قىز­مەت ماسەلەلەرىن رەتتەيتىن ۋاكىلەتتى ورگان­داردىڭ ۇيلەستىرۋ كەڭەسى شەڭبەرىندەگى بەلسەندى جانە ءتيىمدى ىنتىماقتاستىعىنىڭ ارقاسىندا مۇمكىن بولىپ وتىر. قازىرگى كەزدە ۇيلەستىرۋ كەڭەسىنىڭ كۇش-جىگەرى بۋحگالتەرلىك ەسەپ سالاسىنداعى مامان­داردىڭ كاسىبي بىلىكتىلىگىنە جانە تمد-عا قاتىسۋشى مەملەكەتتەردە ولاردى سەرتي­فيكاتتاۋداعى تاسىلدەرگە قويىلاتىن ۇلگى-ونەگەلىك تالاپتارىن ازىرلەۋگە, اۋدي­تورلىق ۇيىمداردى قاداعالاۋدى ۇيىم­داستىرۋعا جانە جۇرگىزۋگە ۇسىنىمدامالار ازىرلەۋگە باعىتتالعان. وتىرىس كەزىندە بۋحگالتەرلىك ەسەپ پەن اۋديتورلىق قىزمەتتى رەتتەۋ تيىمدىلىگىنە, قارجى نارىعىنىڭ جۇمىس ىستەۋىن جەتىل­دىرۋگە جاعداي جاساۋعا جانە تمد-عا قاتىسۋشى مەملەكەتتەردىڭ شارۋاشىلىق ءجۇر­گىزۋ سۋبەكتىلەرىنىڭ قارجىلىق اقپارا­تىنىڭ سالىستىرمالىلىعىن قامتاماسىز ەتۋگە ىقپال ەتەتىن وزەكتى ماسەلەلەر تال­قى­لاندى. دينارا بىتىكوۆا, «ەگەمەن قازاقستان»