شىمكەنتتە ءىى رەسپۋبليكالىق جۋرناليستەر فورۋمى ءوتتى

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ «جاڭا اقپاراتتىق ساياسات: باعدار مەن بولاشاق» تاقىرىبىنداعى ءىى رەسپۋبليكالىق جۋرناليستەر فورۋمىنا قاتىسۋشى رەسپۋبليكالىق جانە وبلىستىق باق وكىلدەرىمەن كەزدەستى. جۇزدەسۋدە اكىم ءباسپاسوز - مەملەكەتىمىزدىڭ تىنىس-تىرشىلىگى مەن ايناسى ەكەنىن ايتىپ, رەسپۋبليكالىق فورۋمعا ارنايى كەلگەندەرى ءۇشىن العىسىن ءبىلدىردى. سونىمەن بىرگە, الداعى جۇمىس جوسپارلارىمەن ءبولىستى. تاۋەلسىزدىك قۇندىلىقتارىن قالىپتاستىرۋداعى باق-تىڭ ماڭىزى تاقىرىبى بويىنشا «تۇركىستان» گازەتىنىڭ باس رەداكتورى شامشيدين پاتتەەۆ, «ايقىن» رەسپۋبليكالىق قوعامدىق-ساياسي گازەتىنىڭ ديرەكتور-باس ديرەكتورى نۇرتورە ءجۇسىپ, تۇركيا رەسپۋبليكاسى «جيھان» اقپارات اگەنتتىگىنىڭ قازاقستانداعى وكىلى يىلدىز دوعان, «جاس قازاق» گازەتىنىڭ باس رەداكتورى سرايىل سمايىل, «قالامگەر – مەديا» ورتالىعى جشس اتقارۋشى ديرەكتورى ءاشىمجان جاناربەك, «يۋجنىي» كازاحستان» گازەتى باس رەداكتورىنىڭ ورىنباسارى يسمايلوۆ كەڭەسباي ويلارىن ورتاعا سالدى. «مەديا كەڭەستىكتەگى باسەكە: ءداستۇرلى باق-نىڭ بولاشاعى» ءبولىمى بويىنشا «زاڭ مەديا» كورپوراتسياسىنىڭ پرەزيدەنتى دوسىمبەك وتەۋعاليەۆ, «زامانا» باسپا ءۇيى ديرەكتورى يسا تاسقۇلوۆ, «قازاقستان» رترك اقپاراتتىق-ساراپتامالىق ديرەكتسيانىڭ ديرەكتورى ەركىن مۇحامەدجانوۆ, «حابار 24» تەلەارناسىنىڭ شەف-رەداكتورى شالقار قوجاەۆ, «TVK» تەلەارناسىنىڭ ديرەكتورى زينايدا دانيلوۆا, «بينيۋس» اقپارات اگەنتتىگىنىڭ شەف-رەداكتورى داۋلەتحان جيەنقۇلوۆ ءسوز الىپ, الەمدىك تاجىريبە مىسالدارىن كەلتىرە وتىرىپ, پىكىرلەرىن ءبىلدىردى. قازاقتا «ەلدەستىرمەك ەلشىدەن» دەگەن اتالى ءسوز بار. مەملەكەتتىك ساياساتتى ورنىقتىرۋدا جانە قوعامنىڭ ىلگەرىلەۋىنە, حالىقتار دوستىعىنىڭ نىعايۋىنا جۋرناليستەردىڭ قوسار ۇلەسى ۇلكەن. اقپاراتتىق ساياسات مەملەكەت مۇددەسىنە قىزمەت ەتۋى كەرەك. جيىندا وسىنداي ويلار ايتىلدى. فورۋمدى «ايقىن» رەسپۋبليكالىق قوعامدىق-ساياسي گازەتى استانا بيۋروسىنىڭ جەتەكشىسى بەيسەنباي تاجىباەۆ جۇرگىزىپ وتىردى. قالامگەرلەر دە ايماعىمىزدىڭ كۇننەن-كۇنگە دامىپ كەلە جاتقان ۇلگىلى ءوڭىر ەكەنىن تىلگە تيەك ەتىپ, كۇنگەي ولكەنىڭ يگى باستامالاردىڭ ورداسى, ەڭبەكقور ايماق بولىپ تابىلاتىنىن اتاپ ءوتتى. وڭتۇستىكتىڭ اقپاراتتىق كەڭىستىگى دامىعان ايماق ەكەنىنە توقتالعان قارىمدى قالامگەرلەر ءبىزدىڭ وبلىستان ۇيرەنەر ءىستىڭ كوپ ەكەنىن ايتتى. جيىن سوڭىندا جانسەيىت قانسەيىت ۇلى باق وكىلدەرىنە شىعارماشىلىق تابىس تىلەپ, بۇگىنگى فورۋمدا تالقىلانعان ماسەلەلەر قوعامداعى كۇردەلى پروبلەمالاردى شەشۋدە سەپتىگىن تيگىزەرىنە سەنىم ءبىلدىردى. ايتا كەتۋ كەرەك, وڭتۇستىك قازاقستان وبلىسى باق سانى جاعىنان رەسپۋبليكادا ەكىنشى ورىندا. قازىرگى تاڭدا وبلىستا 239 باق جۇمىس جاساسا, ونىڭ 171-ءى گازەت, 38-ءى جۋرنال, 13-ءى تەلەارنا, 4-ءى راديو جانە 13-ءى ينتەرنەت سايت.