جيىن ەل تاۋەلسىزدىگىنىڭ 25 جىلدىعىنا ارنالعان. «2016 جىل - قازاقستاننىڭ جانە ءاربىر قازاقستاندىقتىڭ ومىرىندەگى ايرىقشا جىل. وتكەن شيرەك عاسىردىڭ ىشىندە ءبىز ۇلت كوشباسشىسى ەل پرەزيدەنتى نۇرسۇلتان ءابىش ۇلى نازارباەۆتىڭ باسشىلىعىمەن تاريحي دامۋدا تاڭعالارلىق سەكىرىس جاساپ, زاماناۋي, قۋاتتى, قارقىندى مەملەكەت قۇردىق. قازاقستان بىرلىك پەن رۋح بەرىكتىگىنىڭ ارقاسىندا ازاماتتىق كەلىسىمدە ادام نانعىسىز وسىمگە قول جەتكىزدى», - دەدى ابدىقالىقوۆا. سونىمەن قاتار ول بۇگىندە قازاقستان مەملەكەت باسشىسىنىڭ باستاماسى بويىنشا قولعا الىنىپ, 5 ينستيتۋتتىق رەفورمادا مازمۇندىلىعى ايقىندالعان مەملەكەتتىك قۇرىلىستىڭ ساپالى جاڭا ساتىسىنا كوتەرىلىن ايتتى. ۇلت جوسپارىنىڭ ماقساتى الەمنىڭ ەڭ دامىعان 30 ەلدىڭ قاتارىنا ەنۋ ەكەنىن ەسكە سالدى.
ء«بىزدىڭ بارلىعىمىزدى ماڭگىلىك ءارى قۋاتتى مەملەكەت قۇرۋعا باعىتتالعان «ماڭگىلىك ەل» جالپىۇلتتىق پاتريوتتىق يدەياسى بىرىكتىرەدى. الەمدىك گەوساياساتتا مەملەكەتتەردىڭ ەكونوميكالىق ءوزارا ارەكەتتەستىگى باسىمدىققا مە تەندەنتسيالاردىڭ ءبىرى بولىپ وتىر. ينتەگراتسيا دامۋدىڭ ىشكى جانە سىرتقى فاكتورلارىن ءتيىمدى جۇزەگە اسىرۋعا, جاھاندىق سىن-قاتەرلەرگە لايىقتى جاۋاپ بەرۋگە مۇمكىندىك جاسايدى», - دەدى ابدىقالىقوۆا. حالىقارالىق شاراعا پارلامەنت دەپۋتاتتارى, مەملەكەتتىك ورگانداردىڭ, ديپلوماتيالىق كورپۋستىڭ وكىلدەرى, عىلىم مەن ءبىلىم قىزمەتكەرلەرى, بەلگىلى قوعام قايراتكەرلەرى, وتاندىق جانە شەتەلدىك ۋنيۆەرسيتەتتەردىڭ رەكتورلارى قاتىسىپ جاتىر.
كونفەرەنتسيادا بايانداما جاساعان تاريح عىلىمدارىنىڭ دوكتورى, اكادەميك بولات كومەكوۆ دالا وركەنيەتىنىڭ ەرەكشەلىكتەرى تۋرالى بايانداما جاسادى. «وتىرىقشى قوعام تەحنولوگيالىق دامۋدى باستان كەشىرسە, كوشپەلى قوعامدا بيولوگيالىق دامۋ ورىن الدى. كوشپەندىلەر اسىل تۇقىمدى مالداردى ءوسىردى. مال شارۋاشىلىعى دامۋدىڭ جوعارى دەڭگەيىنە جەتتى. ون مىڭداعان اسكەر بوز اتقا مىنسە, ون مىڭداعان اسكەر قارا نە كۇرەڭ اتتارعا ءمىنىپ جۇرەتىن. ال قازىرگى تەحنولوگيا دامىعان زاماندا ون بوز جىلقىنى شىعارۋعا ۇلكەن ءبىر ۇجىم ون جىل تىنباي جۇمىس ىستەگەن بولار ەدى. كوشپەلى مادەنيەتتىڭ بيىكتىگى, وركەنيەت دامۋى دەگەن وسى. ەكىنشى ءبىر ۇلكەن ەرەكشەلىك, وتىرىقشى قوعامنىڭ زاڭدىلىعى بويىنشا جەر بولسا, ەل تابىلادى. ال, كوشپەلى قوعامدا كەرىسىنشە. ەل بولسا, جەر تابىلادى. ويتكەنى جەردەن جىلجۋعا, كوشۋگە, باسقا وڭىرگە كەتۋگە بولادى»-دەگەن اكادەميك كوشپەلى ءومىر مەن وتىرىقشى ءومىردىڭ ايىرماشىلىقتارىن اشىپ كورسەتىپ, كوشپەندى دۇنيەتانىمىنىڭ وزگەشەلىگىن باياندادى. سونداي-اق, دالا وركەنيەتىنىڭ عىلىمداعى ورنىنا قاتىستى ءالى دە ماسەلەلەر بار ەكەنىنە نازار اۋداردتى. ايگۇل سەيىلوۆا فوتو ورىنباي بالمۇرات
