الماتى جۇرتى حابيبا ەلەبەكوۆانى اقتىق ساپارعا شىعارىپ سالدى

101 جاسىنا قاراعان شاعىندا دۇنيە سالعان قازاقستاننىڭ ەڭبەك سىڭىرگەن ءارتىسى, «مادەنيەت ۇزدىگى» توسبەلگىسىنىڭ يەگەرى حابيبا قاراقبايقىزى ەلەبەكوۆانى الماتى جۇرتى, زيالى قاۋىم, اعايىن- تۋىستارى بۇگىن اقتىق ساپارعا شىعارىپ سالدى. مارقۇممەن قوشتاسۋ م.اۋەزوۆ اتىنداعى قازاق مەملەكەتتىك دراما تەاترىندا ءوتتى. حابيبا ەلەبەكوۆا 1916 جىلى قاراعاندى وبلىسى قارقارالى اۋدانى تومار اۋىلىندا دۇنيەگە كەلگەن. 1934-35 جج. قارقارالى حالىق تەاترىندا قىزمەت ىستەگەن. 1935-37 جج.  م. اۋەزوۆ اتىنداعى دراما تەاتر  جانىنداعى ەكى جىلدىق ستۋديانى بىتىرگەن. «1935 ج. بەرى م. اۋەزوۆ تەاترىندا ءۇزىلىسسىز قىزمەت ەتتى. بەلگىلى اكتريسا 1935 جىلعى العاشقى قادامىن قازاقتىڭ كاسىبي تەاتر رەجيسسەرى ج. ءشانيننىڭ ءوزى جازىپ, ءوزى قويعان «ارقالىق باتىر» تاريحي دراماسىنداعى» قاراكوزدەن باستاپ, قارا شاڭىراق تەاتردا ۇلتتىق قۇنارى مىقتى كوپتەگەن رول جاسادى»,  - دەلىنگەن تەاتر سايتىندا.