مەكتەپتەگى كيىم ۇلگىسى زاڭ تالابىنا ساي بولۋى ءتيىس

مەكتەپ كيىم ۇلگىسىنىڭ بىرىڭعاي ەرەجەگە سايكەستىگى تۋرالى ماسەلە استاناداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا تالقىلاندى. بۇل شاراعا ءبىلىم جانە عىلىم ۆيتسە-ءمينيسترى ەلميرا سۋحانبەرديەۆا, ادىلەت ۆيتسە-ءمينيسترى زاۋرەش بايمولدينا, ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتىنىڭ توراعاسى عالىم شويكين قاتىستى. العاشقى ءسوزدى ە.سۋحان­بەر­ديەۆا الىپ, ەلىمىزدە مىندەتتى مەك­تەپ فورماسى 2016 جىلدان ەنگى­زىل­گەنىن اتاپ, قازىر ەلىمىزدەگى وقۋ­شى­لاردىڭ 76 پايىزى (2 ملن-نان استام) مەكتەپتەردە بەلگىلەنگەن ۇلگى­نى كيىپ جۇرگەنىن جەتكىزدى. ال رەس­پۋب­ليكامىزداعى باستاۋىش سىنىپ­تاردىڭ وقۋشىلارى 100 پا­يىز جاڭا ۇلگىدە مەكتەپ فورماسىن كيەدى ەكەن. الايدا, سوڭعى جىلدارى ءبىلىم بەرۋ ۇيىمدارى وقۋشىلاردىڭ ءدىني ۇلگىدە كيىنۋ ماسەلەسىنە تاپ بولىپ وتىرعانىن ايتتى. بىراق ەل زاڭ­دارىندا بۇعان قاتىستى ناقتى باپتار بارىن ەسكە سالىپ, وعان «ءبىلىم تۋرالى» زاڭنىڭ 3-بابىن اتادى. سول سەكىلدى ءبىلىم بەرۋ مەن تاربيەلەۋ جۇيە­سى ءدىن مەن ءدىني بىرلەستىكتەردەن ءبو­لىن­گەنىن جانە زايىرلى سيپاتتا ەكە­نىن ەسكە سالىپ, ول «ءدىني قىزمەت ءجا­نە ءدىني بىرلەستىكتەر تۋرالى» زاڭ­دا بەكىتىلگەنىن دە اتاپ كورسەتتى. «بۇل – زايىرلى سيپاتتاعى مەكتەپتەردە الدەبىر ءدىندى تىكەلەي نەمەسە جاناما ناسيحاتتاۋعا جول بە­رىلمەيدى دەگەن ءسوز. وسىعان باي­لا­نىستى 2016 جىلدىڭ 14 قاڭ­تارىندا ءبىلىم جانە عىلىم مينيستر­لىگىنىڭ №26 بۇي­رى­عىمەن ءمىن­دەتتى مەكتەپ ۇلگىسى ءۇشىن بىرىڭعاي تالاپ قوياتىن ەرەجە ەنگى­زىلە باس­تادى. وندا «مەملەكەتتىك ءبى­لىم بە­رۋ ۇيىمدارىندا قولدا­نىس­تاعى زاڭناماعا سايكەس بەلگى­لەن­گەن ەرەجەلەردى ۇستانۋ قاجەتتىگى اي­تىل­­عان», دەگەن ءبىلىم جانە عىلىم ۆي­تسە-ءمينيسترى قىزدار مەن ۇلدارعا ار­نال­عان كيىم ۇلگىسىن تالداپ بەرىپ, ءدىني اتري­بۋتتاردى, كيىم جانە باس­كيىم ۇلگى­لەرىن كيۋگە جول بەرىل­مەيتىنىن, بۇ­عان دەيىن دە وسى قاعي­دا بولعانىن قا­داپ ايتتى. ادىلەت ۆيتسە-ءمينيسترى ز.باي­مول­دينا ءبىلىم جانە عىلىم مينيستر­­لىگىنىڭ بۇيرىعى زاڭعا ساي, مۇندا ەش­قانداي قۇقىق بۇزۋشىلىق جوق ەكەنىن اتادى. ءار ازامات زاڭ تالا­بىن بۇلجىتپاي ورىنداۋى كەرەكتىگىن دە تىلگە تيەك ەتتى. جال­پى, اتا زاڭىمىزدان باستاپ بار­لىق قۇجاتتاردا ازاماتتاردىڭ قۇ­قى­عى قورعالاتىنى تايعا تاڭبا باس­قان­داي جازىلعانىنا ناقتى دالەل-دايەكتەر كەلتىردى. ءدىن ىستەرى كوميتەتىنىڭ توراعاسى ع.شويكين بۇگىنگى بالا, ياعني وقۋ­شى ەلىمىزدىڭ ەرتەڭى ەكەنىن, سون­دىق­تان ولارعا ءتالىم-تاربيەنى ءبىلىم ۇياسىندا تەرەڭ بەرىپ, زاڭ تالاپتارىن ۇيرەتىپ وتىرۋ تۋرا جولدان تايعىزبايتىنىن اتادى. شىنىندا, «جىگىتتەر, كۇن بول­دى ويلانارلىق... اسىل سول – اقىل, ءبىلىم بويدا بارلىق», دەپ ءشا­كارىم ايتپاقشى, بارلىعىن اقىل­عا جەڭدىرىپ زاڭ اياسىندا شەشۋ قاجەتتىگى قاي-قايسىمىزدى دا وي­لاندىرۋى ءتيىس. اسىرەسە, ۇل-قىزى­نىڭ ەرتەڭىنەن ءۇمىت ارتقان اتا-انالار ءتۇرلى كيىم ۇلگىسىنە ەمەس, ۇرپاعىنىڭ ءبىلىم-بىلىگىن ويلاسا ۇتىلماس ەدى. كيىم ۇلگىسىنىڭ زاڭعا ساي بولۋى­نىڭ تەك مەكتەپتە عانا ەمەس, جوعارى وقۋ ورىندارىنا دا قاتىسى بار كو­رى­نەدى. بۇرىن ءبىلىم ۇيالارىندا 5-6 وقۋشى ءدىني ۇلگىمەن كيىنەتىن بول­سا, سوڭعى كەزدەرى بۇل 300-دەن استام ۇل-قىزدىڭ «ەنشىسىنە» ءتيىپ­تى. بۇل – الاڭداتارلىق ماسەلە. ەتەك جايا بەرسە, بىلىمگە قۇشتار ۇر­­پاق سول بىلىمنەن قول ءۇزىپ قالۋى دا عاجاپ ەمەس. ەندەشە, ءبىلىم بەرۋ, ءدىن سالا­سىن­­داعى ازاماتتار, اتا-انالار مەن ۇستاز­دار جۇمىلىپ وي-ساناسى ءالى ورنى­عا قويماعان ۇرپاقتى جولدان تاي­دىرىپ الماۋعا كۇش سالىپ ءتۇسىن­دىرۋ جۇمىستارىن جۇرگىزۋلەرى ءتيىس. سۇلەيمەن مامەت, «ەگەمەن قازاقستان»