دەڭگەي كوتەرەتىن ءدارىس

 بالالار ۇيلەرى مەن وڭالتۋ ورتالىقتارىنىڭ ماماندارىنا ءدارىس وتەدى الداعى كۇندەرى قازاقستاندا ال­عاش رەت بالالار ۇيلەرى مەن وڭال­تۋ ورتالىقتارىنىڭ قىز­­مەتكەرلەرى ارنايى شەبەرلىك سىنىپتارىنان وتەتىن بولادى. ءبى­رىنشى بولىپ بۇل باستامانى «ءۆى-جۇلدىزاي» كورپوراتيۆتىك قورى  قازاقستان رەسپۋبليكاسىنىڭ ءبىلىم جانە عىلىم مينيسترلىگىمەن بىرگە قولعا الىپ وتىر. ارناۋلى دارىستەر بالالار ۇيلەرىنىڭ عانا ەمەس, مەكتەپ-ينتەرناتتار, تۇزەتۋ مەكتەپتەرىنىڭ پەداگوگتارىنىڭ اراسىندا دا جۇرەتىن بولادى. باستاپقى كەزدە شەبەرلىك سىنىپتارى قازاقستاننىڭ ءىرى ءتورت قالاسى – استانا, الماتى, شىمكەنت جانە اتىراۋدا وتەدى. بۇل دارىستەرگە تانىمال ونەر جۇلدىزدارى دا تارتىلماق. ولاردىڭ اراسىندا «استانا وپەرا» مەملەكەتتىك وپەرا جانە بالەت تەاترىنىڭ بەلدى ءارتىسى دوسجان تابىلدى, «Ast City Ballet» بالەت ستۋدياسىنىڭ جەتەكشىسى ادىل ەركينباەۆ, «جۇلدىز-اي» فەستيۆالىنىڭ قويۋشى-رەجيسسەرى عاليا بايبوسىنوۆا, قازاقستان رەسپۋبليكاسى قارۋلى كۇش­تەرى ۇلتتىق اسكەري-پات­ريوتتىق ورتالىعىنىڭ ءانشىسى ءمادينا اسقاروۆا بار. شەبەر­لىك-ساعاتتارىن وتكىزۋگە ىممەن جۇمىس ىستەيتىن اۋدارماشىلار كومەككە كەلمەك. بۇل شارا بالالارمەن جۇ­­مىس ىستەيتىن مامانداردىڭ كاسىپ­قويلىعىن ارتتىرۋعا سەپتەسەتىنى ءسوزسىز. سول سياقتى, بۇل دارىستەر مۇمكىندىگى شەكتەۋلى بالالارعا ارنالعان رەسپۋبليكالىق «جۇل­دىز-اي» فەستيۆالىنە قا­تى­سا­تىن جەتكىنشەكتەردىڭ وزىنە دە­گەن سەنىمى مەن ونەرىن شىڭدايدى, فەستيۆال دەڭگەيىن كوتەرەدى دە­گەن ءۇمىت بار. ايناش ەسالي, «ەگەمەن قازاقستان» الماتى