بايان ەسەنتاەۆا كۇيەۋىن كەشىردى

بايان ەسەنتاەۆا ءوزىن ولتىرمەك بولدى دەپ ايىپتالىپ وتىرعان كۇيەۋى باقىتبەك ەسەنتاەۆتى تولىقتاي كەشىردى. بۇل تۋرالى تالدىقورعاندا ءوتىپ جاتقان سوت وتىرىسىنان كەيىن "قازاقپارات" تىلشىسىنە بەرگەن سۇحباتىندا باياننىڭ قورعاۋشىسى مارات اسقاربەكوۆ ءمالىم ەتتى. ايتا كەتەيىك, ادۆوكات مارات اسقاربەكوۆ باقىتبەك ەسەنتاەۆتىڭ تۋعان باجاسى, ياعني باياننىڭ اپكەسى باتەستىڭ جۇبايى, تانىمال اكتريسا, ءانشى اشا ماتايدىڭ اكەسى. ەستەرىڭىزگە سالساق, الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا باقىتبەك ەسەنتاەۆقا قاتىستى سوت پروتسەسى كەشە, 18 قازان كۇنى باستالىپ, بۇگىن جالعاسىن تاپتى. ءىستى قاراۋ جابىق رەجىمدە ءوتىپ جاتىر. ونى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى ءبايجۇنىسوۆ بەرىكجان Əبەن ۇلى جۇرگىزۋدە. ب. ەسەنتاەۆقا قر قك-ءنىڭ 24-بابى 3-ءبولىمى, 99-بابىنىڭ 2-ءبولىمى 10-تارماعى (زورلاۋمەن نەمەسە سەكسۋالدىق سيپاتتاعى زورلىق-زومبىلىق ارەكەتتەرiمەن ۇشتاسقان ادام ولتiرۋگە وقتالۋ) 120-بابىنىڭ 1-ءبولىمى (زورلاۋ) 121-بابىنىڭ 1-ءبولىمى (سەكسۋالدىق سيپاتتاعى زورلىق-زومبىلىق ارەكەتتەرى)  بويىنشا ايىپ تاعىلعان. بەلگىلى  پروديۋسەر, ەكى بالانىڭ اناسى بايان ماقساتقىزى ماۋسىمنىڭ 10 كۇنى بىرنەشە جەردەن پىشاقتالىپ, اۋىر جاراقاتپەن تالعار اۋدانىنداعى اۋرۋحاناعا تۇسكەن بولاتىن. ونى  ولتىرمەك بولدى دەگەن كۇدىكپەن ءوزىنىڭ كۇيەۋى باقىتبەك ەسەنتاەۆ ۇستالىپ, قاماۋعا الىندى. سونداي-اق قازىرگى  تاڭدا بايان بۇرىنعى تەگىنە قايتا ورالعان سىڭايلى. ول الەۋمەتتىك جەلىدەگى پاراقشالارىنا بايان ماقساتقىزى دەگەن وزگەرىس ەنگىزگەن.