2016 جىلدىڭ 29 قازانىندا ەلوردالىق تەاتردىڭ ۇلكەن زالى ساحناسىندا «استانا وپەرا» تەاترىنىڭ ارتيستەرى مەن نەاپوليتاندىق سان-كارلو تەاترىنىڭ بەلگىلى ارتيستەرىنىڭ قاتىسۋىمەن گالا-بالەت ۇسىنىلادى. بۇل تۋرالى قالا اكىمدىگىنىڭ سايتى حابارلادى.
كونتسەرت «استانا وپەرا» سيمفونيالىق وركەسترىنىڭ سۇيەمەلدەۋىمەن وتەدى. ديريجەرى ارمان ورازعاليەۆ.
سان-كارلو تەاترى اتىنان 6 سوليست كەلەدى, ولاردىڭ اراسىندا انتونەللا البانو, ماۋريتسيو ليچيترا جانە سالۆاتورە ماندزو سياقتى بالەت جۇلدىزدارى بار.
«ءبىز سان-كارلو تەاترىنداعى دوستارىمىزدى كورەتىنىمىزگە قۋانىشتىمىز, ولار بۇعان دەيىن تەاترىمىزعا بۇكىل كوردەبالەت قۇرامىمەن كەلىپ, «جيزەل» بالەتىن قويعان. ارتيستەر ءۇشىن مۇنداي كەزدەسۋلەر وتە ماڭىزدى, ويتكەنى ءوزارا تاجىريبە الماسىپ, جاعىمدى سەزىمنەن قۋات الامىز, ال, ونىڭ ءبارى كەيىن ءبىزدىڭ كورەرمەنگە بەرىلەدى, - دەيدى قازاقستاننىڭ ەڭبەك سىڭىرگەن قايراتكەرى تايىر عاتاۋوۆ.
«استانا وپەرا» ارتىستەرى دە ەلوردا تۇرعىندارى مەن قوناقتارى ءۇشىن بىرقاتار توسىن سىي دايىنداپ قويعان. گالا-بالەت باعدارلاماسى اياسىندا تاياۋدا عانا بالەت ارتىستەرىنىڭ ءىىى حالىقارالىق بايقاۋىنىڭ جەڭىمپازى اتانعان باقتيار ادامجان مەن سەرىك ناقىسپەكوۆ ونەر كورسەتەدى. «استانا وپەرا» تەاترى بالەتىنىڭ جاڭا ءسوليستى ولجاس تارلانوۆ پ. چايكوۆسكيدىڭ «اققۋلى كول» بالەتىندە العاش رەت زيگفريدتىڭ ءرولىن سومدايدى, ونىمەن بىرگە بالەتتىڭ جەتەكشى ءسوليسى ايگەرىم بەكەتاەۆا ساحناعا شىعادى.
