گولوۆكين بيىل شارشى الاڭعا شىقپايدى

گەننادي گولوۆكين (36-0, 33 كو) مەن دەنيەل دجەيكوبس (32-1, 29 كو) كوماندالارى اراسىنداعى كەلىسسوزدەر كۇتىلگەن مەرزىمنەن كوپ جۇرگىزىلىپ جاتىر. وسىعان بايلانىستى گەننادي بيىل شارشى الاڭعا شىقپايدى, دەپ حابارلادى sports.kz. ايتا كەتەيىك, گولوۆكيننىڭ كەزدەسۋى 10 جەلتوقساندا ۆ نيۋ-يوركتەگى  Madison Square Garden ارەناسىندا بولادى دەپ جوسپارلانعان. الايدا قازاقستاندىقتىڭ وزگە قارسىلاسپەن كەزدەسۋ نيەتى جوق. دجەيكوبسپەن كەزدەسۋ 2017 جىلدىڭ العاشقى ايلارىندا وتەدى دەپ كوزدەلگەن. «گولوۆكين كەلەسى جەكپە-جەگىن دجەيكوبسپەن وتكىزەدى, - دەدى RingTV بەرگەن سۇحباتىندا بوكسشى پروموۋتەرى توم ليوففلەر. - بۇعان دەيىن جۇدىرىقتاسۋ مۇمكىن ەمەس, ويتكەنى WBA دەنيەلمەن كەزدەسۋدى مىندەتتەدى. گەننادي - قازىرگى بوكستا ەڭ بەلسەندى سپورتشى, الايدا وسىنداي جاعدايلارعا تاپ بولعاندا, كەلىسسوزدەرگە كوپ ۋاقىت كەتەدى». «پروموتسيا تۇرعىسىندا مۇنداي جەكپە-جەككە كوپ دايىندالۋ كەرەك. 10 جەلتوقسانعا دەيىن از ۋاقىت قالعاندىقتان, كەزدەسۋدى 2017 جىلى وتكىزەتىن بولدىق».