«ەگەمەن قازاقستان» رگ» اق «تاۋەلسىزدىك – 25» لوگوتيپىمەن بەرىلەتىن «تاۋەلسىزدىك: تۇلعا, تاعىلىم, تاعدىر» ايدارىمەن ماقالالارعا كونكۋرس جاريالايدى. ماقالالاردا شيرەك عاسىر ىشىندە قازاقستان پرەزيدەنتى ن.نازارباەۆتىڭ باسشىلىعىمەن ەلىمىزدە ءجۇزەگە اسقان ناقتى جوبالار جەمىسى, وسى جىلدار ىشىندەگى وزگەرىستەردىڭ ايماققا, اۋىلعا, ۇجىمعا, جەكە تۇلعاعا تيگىزگەن اسەرى اشىپ كورسەتىلەدى. ءتاۋەلسىزدىك تۇسىندا دۇنيەگە كەلگەن وندىرىستىك مادەني, رۋحاني, الەۋمەتتىك ءىرى جوبالار جايلى ءسوز قوزعالادى, فوتوسۋرەتتەر بەرىلەدى. ەلىمىزدىڭ وزىندىك ەرەكشەلىكتەرىن, شيرەك عاسىر ىشىندەگى وزگەرىستەرىن اشىپ كورسەتەتىن قاراپايىم ادام تاعدىرى تۋرالى ءسوز قوزعالادى.
كونكۋرستىڭ جۇلدە قورى – 700 مىڭ تەڭگە.
بايقاۋ قورىتىندىسى قاراشا ايىنىڭ سوڭعى اپتاسىندا شىعارىلىپ, جەڭىمپازدار استانادا ماراپاتتالادى.
«ەگەمەن قازاقستان» رەسپۋبليكالىق گازەتى رەداكتسياسىنىڭ قازاقستان رەسپۋبليكاسى تاۋەلسىزدىگىنىڭ
25 جىلدىعىنا ارنالعان «تاۋەلسىزدىك: تۇلعا, تاعىلىم, تاعدىر» بايقاۋىنىڭ
ەرەجەسى
1.1. بايقاۋدى ۇيىمداستىرۋشى «ەگەمەن قازاقستان» رگ» اق (بۇدان ءارى – ۇيىمداستىرۋشى). ورنالاسقان مەكەنجايى: استانا قالاسى, 010000, «ەگەمەن قازاقستان» گازەتى كوشەسى 5/13. 1.2. قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان بايقاۋعا بارلىق ۇمىتكەرلەر قاتىسا الادى. 1.3. ءار قاتىسۋشى ماقالالارىندا شيرەك عاسىر ىشىندە قازاقستان پرەزيدەنتى ن.نازارباەۆتىڭ باسشىلىعىمەن ەلىمىزدە جۇزەگە اسقان ناقتى جوبالار جەمىسى, وسى جىلدار ىشىندەگى وزگەرىستەردىڭ ايماققا, اۋىلعا, ۇجىمعا, جەكە تۇلعاعا تيگىزگەن اسەرىن اشىپ كورسەتەدى. تاۋەلسىزدىك تۇسىندا دۇنيەگە كەلگەن وندىرىستىك مادەني, رۋحاني, الەۋمەتتىك ءىرى جوبالار جايلى ءسوز قوزعالادى, فوتوسۋرەتتەر بەرىلەدى. 1.4. جۇمىستار 2016 جىلعى 1 قىركۇيەكتەن باستاپ, قاراشانىڭ 15-ىنە دەيىن قابىلدانادى. 1.5. بايقاۋعا ۇسىنىلعان ماتەريالدار ءبىر بەت پارامەترى 2 سم-دان بولىپ, 14 شريفتىمەن, 1,5 كەگلمەن جازىلىپ, 350 جولدان اسپاۋى ءتيىس. ساپالى سۋرەتتەر قوسا جىبەرىلسە باسىمدىق بەرىلەدى. 1.6. ماقالا مەن سۋرەتتەردى Info@egemen.kz ەلەكتروندى پوشتاسىنا «بايقاۋعا» دەگەن حات تاقىرىبىنىڭ نۇسقاۋىمەن جىبەرۋ كەرەك. حاتتا اۆتوردىڭ اتى-ءجونى, تۋعان جىلى, كاسىبى جانە بايلانىس نومىرلەرى كورسەتىلۋى كەرەك. قاتىسۋشى مەن ۇيىمداستىرۋشىنىڭ قۇقىقتارى مەن مىندەتتەرى: 2.1. قاتىسۋشى بايقاۋعا ۇسىنىلعان ماتەريالدىڭ اۆتورى ءوزى ەكەندىگىنە, ەشكىمنىڭ اۆتورلىق قۇقىعىن بۇزبايتىندىعىنا جانە جىبەرىلىپ وتىرعان ماتەريال مەن سۋرەتتەردىڭ بۇعان دەيىن باسقا باق بەتتەرىندە جاريالانباعاندىعىنا كەپىلدىك بەرەدى. 2.2. ۇيىمداستىرۋشى بايقاۋعا ۇسىنىلعان ماتەريالداردى تومەندەگى جاعدايدا جاريالاماۋعا قۇقىلى: – ماقالا اتالعان تاقىرىپقا ساي بولماعان جاعدايدا; – اۆتوردىڭ تولىق اتى-ءجون دەرەكتەرى ناقتى بەرىلمەي لاقاپ اتپەن بەرىلگەن جاعدايدا; بايقاۋ قورىتىندىسى 3.1. بايقاۋ جەڭىمپازىن قازىلار القاسى انىقتايدى. 3.2. بايقاۋ جەڭىمپازدارى تومەندەگى مولشەردە اقشالاي جۇلدەگە يە بولادى: 1-ءشى ورىن يەسىنە – 300 000 ء(ۇش ءجۇز مىڭ) تەڭگە; 2-ءشى ورىن يەسىنە – 200 000 (ەكى ءجۇز مىڭ) تەڭگە; 3-ءشى ورىن 2 ادامعا بەرىلەدى (ارقايسىسىنا 100 000 تەڭگەدەن).
