حالىق اراسىندا «پيراميدا» اتالىپ كەتكەن بەيبىتشىلىك جانە كەلىسىم سارايىنىڭ اشىلعانىنا 10 جىل بولدى. اتالعان عيمارات ەلىمىزدەگى دوستىقتىڭ, بىرلىك پەن بەيبىتشىلىكتىڭ بەلگىسى ىسپەتتى.
بەيبىتشىلىك جانە كەلىسىم سارايى تۋرالى يدەيا ەلباسى نۇرسۇلتان نازارباەۆقا تيەسىلى. مەملەكەت باسشىسى بۇل يدەيا تۋرالى 2003 جىلى الەمدىك جانە ءداستۇرلى دىندەر كوشباسشىلارىنىڭ تۇڭعىش سەزىندە ايتقان ەدى. ءسويتىپ, ەكىنشى سەزد پيراميدادا وتكىزىلدى. سارايدىڭ اشىلۋ سالتاناتىندا الەمدىك وپەرا ءانشىسى مونسەررات كابالەنىڭ ساحنادا ونەر كورسەتكەنى دە ەل ەسىندە. بەيبىتشىلىكتى تەمىرقازىق ەتكەن سارايدا كونفەسسياارالىق فورۋم وتكىزىلىپ, ونىڭ جۇمىسىنا دۇنيەجۇزىلىك يسلام ليگاسىنىڭ باس حاتشىسى شەيح ات-تۇركي, ورىس پراۆوسلاۆيە شىركەۋىنىڭ پاتريارحى الەكسي ءىى, ءيزرايلدىڭ باس اشكەنازي ءراۆۆينى يونا مەتسگەر جانە باسقا دا كوپتەگەن ءدىني كوشباسشىلار قاتىستى.
بەيبىتشىلىك جانە كەلىسىم سارايىندا جىل سايىن اۋقىمدى شارالار, سونىڭ ىشىندە ونەردىڭ شىڭى سانالاتىن وپەرا انشىلەرىنىڭ كونتسەرتى, سيرەك كەزدەسەتىن ونەر تۋىندىلارىنىڭ كورمەلەرى ۇيىمداستىرىلادى. اتالعان وردا استانانىڭ مادەنيەتىن دامىتۋعا وزىندىك ۇلەس قوسىپ كەلەدى دەپ تولىق ايتۋعا بولادى.
تاعى ءبىر تىلگە تيەك ەتەر جايت, بەيبىتشىلىك جانە كەلىسىم سارايىندا تۇركى الەمى عىلىمي مەكەمەلەرىن ۇيلەستىرىپ, كوپتەگەن زەرتتەۋ جوبالارىن جۇزەگە اسىرىپ وتىرعان حالىقارالىق تۇركى اكادەمياسى, تانىمال تۇركولوگتاردىڭ ونداعان مىڭ كىتابى مەن قولجازبالارى ساقتالعان تۇركى اكادەمياسىنىڭ كىتاپحاناسى مەن مۋزەيى, قازاقستان حالقى اسسامبلەياسىنىڭ ەتنومادەني بىرلەستىكتەرى, «قۇلانشى» قازىرگى زامانعى ونەر ورتالىعى, حالىقارالىق مادەنيەت جانە ءدىن ورتالىعى ورنالاسقان.
بەيبىتشىلىك جانە كەلىسىم سارايىنىڭ اۆتورى – بەلگىلى بريتاندىق ساۋلەتشى نورمان روبەرت فوستەر. سۋرەتشى برايان كلاركتىڭ ناعىز ونەر تۋىندىسى – قازاقستان جەرىندە تۇراتىن ۇلتتار مەن ۇلىستاردى بىلدىرەتىن 130 كوگەرشىن بەينەلەنگەن ۆيتراج پيراميدانىڭ ۇشارباسىنىڭ كوركىن كەلتىرىپ تۇر. عيماراتتىڭ جىلجىمالى قاڭقاسى جەرگىلىكتى كليماتتى ەسكەرە وتىرىپ جاسالعان, ال ليفتتەر 60 گرادۋس كولبەۋ دياگونالمەن قوزعالادى, مۇنداي ليفتتەر ەيفەل مۇناراسىندا جانە لاس-ۆەگاستا «ليۋكسور» قوناق ۇيىندە عانا بار.
مەرەيتويعا ارنالعان گالا-كونتسەرت «Pyramid Dance Group» شىعارماشىلىق بي توبىنىڭ جارقىن ميۋزيكلىمەن اشىلدى. پيراميدانىڭ قۇرىلىسى تۋرالى تەاترلاندىرىلعان قويىلىم مەن ونىڭ قىزمەتى تۋرالى ۇزىندىلەر كورەرمەندەر نازارىنا ۇسىنىلدى. ەتنومادەني بىرلەستىكتەردىڭ كوركەمونەرپازدارى شاراعا قاتىسىپ, ءوز ونەرلەرىن ورتاعا سالادى.
نۇرلىبەك دوسىباي,
«ەگەمەن قازاقستان»
حالىق اراسىندا «پيراميدا» اتالىپ كەتكەن بەيبىتشىلىك جانە كەلىسىم سارايىنىڭ اشىلعانىنا 10 جىل بولدى. اتالعان عيمارات ەلىمىزدەگى دوستىقتىڭ, بىرلىك پەن بەيبىتشىلىكتىڭ بەلگىسى ىسپەتتى.
بەيبىتشىلىك جانە كەلىسىم سارايى تۋرالى يدەيا ەلباسى نۇرسۇلتان نازارباەۆقا تيەسىلى. مەملەكەت باسشىسى بۇل يدەيا تۋرالى 2003 جىلى الەمدىك جانە ءداستۇرلى دىندەر كوشباسشىلارىنىڭ تۇڭعىش سەزىندە ايتقان ەدى. ءسويتىپ, ەكىنشى سەزد پيراميدادا وتكىزىلدى. سارايدىڭ اشىلۋ سالتاناتىندا الەمدىك وپەرا ءانشىسى مونسەررات كابالەنىڭ ساحنادا ونەر كورسەتكەنى دە ەل ەسىندە. بەيبىتشىلىكتى تەمىرقازىق ەتكەن سارايدا كونفەسسياارالىق فورۋم وتكىزىلىپ, ونىڭ جۇمىسىنا دۇنيەجۇزىلىك يسلام ليگاسىنىڭ باس حاتشىسى شەيح ات-تۇركي, ورىس پراۆوسلاۆيە شىركەۋىنىڭ پاتريارحى الەكسي ءىى, ءيزرايلدىڭ باس اشكەنازي ءراۆۆينى يونا مەتسگەر جانە باسقا دا كوپتەگەن ءدىني كوشباسشىلار قاتىستى.
بەيبىتشىلىك جانە كەلىسىم سارايىندا جىل سايىن اۋقىمدى شارالار, سونىڭ ىشىندە ونەردىڭ شىڭى سانالاتىن وپەرا انشىلەرىنىڭ كونتسەرتى, سيرەك كەزدەسەتىن ونەر تۋىندىلارىنىڭ كورمەلەرى ۇيىمداستىرىلادى. اتالعان وردا استانانىڭ مادەنيەتىن دامىتۋعا وزىندىك ۇلەس قوسىپ كەلەدى دەپ تولىق ايتۋعا بولادى.
تاعى ءبىر تىلگە تيەك ەتەر جايت, بەيبىتشىلىك جانە كەلىسىم سارايىندا تۇركى الەمى عىلىمي مەكەمەلەرىن ۇيلەستىرىپ, كوپتەگەن زەرتتەۋ جوبالارىن جۇزەگە اسىرىپ وتىرعان حالىقارالىق تۇركى اكادەمياسى, تانىمال تۇركولوگتاردىڭ ونداعان مىڭ كىتابى مەن قولجازبالارى ساقتالعان تۇركى اكادەمياسىنىڭ كىتاپحاناسى مەن مۋزەيى, قازاقستان حالقى اسسامبلەياسىنىڭ ەتنومادەني بىرلەستىكتەرى, «قۇلانشى» قازىرگى زامانعى ونەر ورتالىعى, حالىقارالىق مادەنيەت جانە ءدىن ورتالىعى ورنالاسقان.
بەيبىتشىلىك جانە كەلىسىم سارايىنىڭ اۆتورى – بەلگىلى بريتاندىق ساۋلەتشى نورمان روبەرت فوستەر. سۋرەتشى برايان كلاركتىڭ ناعىز ونەر تۋىندىسى – قازاقستان جەرىندە تۇراتىن ۇلتتار مەن ۇلىستاردى بىلدىرەتىن 130 كوگەرشىن بەينەلەنگەن ۆيتراج پيراميدانىڭ ۇشارباسىنىڭ كوركىن كەلتىرىپ تۇر. عيماراتتىڭ جىلجىمالى قاڭقاسى جەرگىلىكتى كليماتتى ەسكەرە وتىرىپ جاسالعان, ال ليفتتەر 60 گرادۋس كولبەۋ دياگونالمەن قوزعالادى, مۇنداي ليفتتەر ەيفەل مۇناراسىندا جانە لاس-ۆەگاستا «ليۋكسور» قوناق ۇيىندە عانا بار.
مەرەيتويعا ارنالعان گالا-كونتسەرت «Pyramid Dance Group» شىعارماشىلىق بي توبىنىڭ جارقىن ميۋزيكلىمەن اشىلدى. پيراميدانىڭ قۇرىلىسى تۋرالى تەاترلاندىرىلعان قويىلىم مەن ونىڭ قىزمەتى تۋرالى ۇزىندىلەر كورەرمەندەر نازارىنا ۇسىنىلدى. ەتنومادەني بىرلەستىكتەردىڭ كوركەمونەرپازدارى شاراعا قاتىسىپ, ءوز ونەرلەرىن ورتاعا سالادى.
نۇرلىبەك دوسىباي,
«ەگەمەن قازاقستان»
سوڭعى جاڭالىقتار
پەداگوگتەردى اتتەستاتسيالاۋ جۇيەسى جاڭارتىلادى
ءبىلىم • كەشە
اتىراۋ وبلىسىندا جەر ۋچاسكەلەرى مەملەكەتكە قايتارىلدى
ايماقتار • كەشە
اتوم ەنەرگەتيكاسى سالاسى: ۇزاق مەرزىمدى باعدار ايقىندالدى
ەنەرگەتيكا • كەشە
جاپونيادا 7,7 بالدىق جەر سىلكىنىسى تىركەلدى
تابيعات • كەشە
