قىزىلوردادا اقتوبە وبلىسىنىڭ كۇندەرى وتۋدە

سەنبى كۇنى, 15 قازاندا اقتوبە وبلىسى دەلەگاتسياسىنىڭ باعدارلاماسى قالانىڭ وندىرىستىك نىساندارىن ارالاپ, تەاترلاندىرىلعان قويىلىمداردى تاماشالاۋمەن جالعاستى. قوناقتار «Orda Glass» جشس شىنى تاباقشالارىن شىعاراتىن زاۋىتىنىڭ قۇرىلىس الاڭىنا (2017 جىلى پايدالانۋعا بەرىلەدى) جانە «جان-اراي» جشس اگرويندۋستريالدى كەشەنىنە باردى. وسى كۇنى اقتوبەدەگى ق.جۇبانوۆ اتىنداعى مەملەكەتتىك ۋنيۆەرسيتەتىنىڭ ستۋدەنتتىك تەاترىنىڭ, س.بايىشەۆ اتىنداعى اقتوبە ۋنيۆەرسيتەتىنىڭ جاستار تەاترىنىڭ قويىلىمدارى ۇيىمداستىرىلدى. سونداي-اق, ت.احتانوۆ اتىنداعى اقتوبە وبلىستىق دراما تەاترى ۇجىمىنىڭ سپەكتاكلى كورسەتىلدى. «تاعزىم» الاڭىندا كورشى ايماقتىڭ تاۋار وندىرۋشىلەرىنىڭ اۋىلشارۋاشىلىعى ونىمدەرى  جارمەڭكەسىنە باردى. اقتوبە وبلىسىنىڭ شارۋالارى ساتىلىمعا كارتوپ, تارى, باسقا دا كوكونىس تۇرلەرى, جەمىس-جيدەكتەر, ەت-ءسۇت جانە وزگە دە باقشا ونىمدەرىن اكەلدى. بۇدان بولەك, جارمەڭكە بارىسىندا سپورتتىق جارىستار ۇيىمداستىرىلىپ, شىعارماشىلىق ۇجىمداردىڭ ونەرى كورسەتىلدى. ەستەرىڭىزگە سالا كەتەيىك, ب.ساپارباەۆ باستاعان اقتوبە وبلىسىنىڭ دەلەگاتسياسى قىزىلوردا وبلىسىنا ايماقارالىق ىنتىماقتاستىقتى نىعايتۋ ماقساتى اياسىندا كەلگەن بولاتىن. ايماقتار الەۋمەتتىك-ەكونوميكالىق دامۋدىڭ ءارتۇرلى سالالارى بويىنشا تاجىريبە الماستى.