Ranking.kz اناليتيكالىق قىزمەتىنىڭ ماماندارى ءبىر ادامنىڭ بولشەك ساۋدادا ايلىق ورتاشا ەسەبىن جاريالادى.
اۋىلدى جەرلەرگە قاراعاندا حالىق كوپ شوعىرلانعان (ۋربانيزم) جەرلەردە ءۇش ەسە كوپ ساۋدا جاسالادى, ياعني قالادا ءبىر ايدا ءبىر ادام 56 مىڭعا ساۋدا جاساسا, اۋىلدى جەردە ءبىر ادام 20 مىڭ تەڭگەگە ساۋدا جاسايدى ەكەن.
ماماندار ەڭ تومەنگى ساتىپ الۋلار, ياعني انتيرەكورد جامبىل وبلىسىندا تىركەلگەنىن اتاپ ءوتتى. وندا ءبىر ادام ايىنا نەبارى 10,7 مىڭ تەڭگە جۇمسايدى. بۇل وڭىردە اۋىلدى جەرلەر 59,5 پايىزدى قۇرايدى. جامبىل وبلىسىندا ورتا ەسەپپەن العاندا ءبىر ادام ايىنا 15 مىڭ تەڭگە جاراتادى.
ادامدار كوپ شوعىرلانعان جەرلەر اراسىندا ايىنا ەڭ كوپ اقشا جۇمسايتىن الماتى قالاسى - 105 مىڭ تەڭگە. ەكىنشى ورىندا استانا - 69 مىڭ تەڭگە.
جالپى قازاقستان بويىنشا تامىز ايىنىڭ قورىتىندىسى بويىنشا ءبىر ادام ايىنا 37 مىڭ تەڭگە جاراتادى. بۇل دەگەنىمىز وتكەن جىلدىڭ تامىز ايىمەن سالىستىرعاندا 21 پايىزعا كوپ.
