كاسىبي دەڭگەيدى كوتەرۋ كوزدەلەدى

سەناتتا «قازاقستان رەسپۋبليكاسىنداعى مەملەكەتتىك قىزمەت تۋرالى» زاڭدى ىسكە اسىرۋ بارىسىنا ارنالعان دوڭگەلەك ۇستەل وتىرىسى بولدى. پارلامەنت سەناتى توراعاسىنىڭ ورىنباسارى بەكتاس بەكنازاروۆ ءوزىنىڭ كىرىسپە سوزىندە كاسىبي مەملەكەتتىك اپپاراتتى قۇرۋ «100 ناقتى قادام» ۇلت جوسپارىندا ءبىرىنشى رەفورما رەتىندە بەلگىلەنگەنىن اتاپ ءوتتى. توراعانىڭ ورىنباسارى مەم­لەكەت باسشىسى ن.ءا.نازار­باەۆ­تىڭ «ءبىر ماقسات, ءبىر مۇددە, ءبىر بولا­شاق» جولداۋىندا «زور وكىلەتتىلىك پەن قۇقىق يەلەنگەن شەندىلەر ءمىنسىز مىنەز-قۇلقىمەن جانە جوعارى كاسىبي دەڭگەيىمەن ەرەكشەلەنۋگە ءتيىس» – دەپ ايتقان ءسوزىن ەسكە سالدى. – بىزدە وسىنداي جوعارى تالاپ­تارعا تولىق ساي كەلەتىن ءارى ءوزىنىڭ بار كۇش-جىگەرىن ەلگە قىزمەت ەتۋگە ار­ناي­تىن مەملەكەتتىك قىزمەت­كەر­لەر از ەمەس ەكەنى اقيقات, – دەدى ب.بەكنا­زاروۆ. «قازاقستان رەسپۋبلي­كاسىن­داعى مەملەكەتتىك قىزمەت تۋرالى» زاڭنىڭ جاڭا ءماتىنىن ىسكە اسىرۋ تۋرالى ايتا كەلىپ, ب.بەك­نا­زاروۆ قازىرگى وزەكتى ماسە­لەلەردى تالقىلاۋدىڭ جانە مەم­لەكەت­تىك قىزمەتتىڭ تيىمدىلىگىن ارت­تىرۋ جونىندە زاڭنامالىق ءتۇر­دە دە, ۇيىمداستىرۋ دەڭگەيىندە دە شارالاردى بىرلەسە ازىرلەۋ قاجەت­تىگىنە نازار اۋداردى. سەنات توراعاسىنىڭ ورىنباسارى زاڭ مەملەكەتتىك قىزمەتكە كىرى­سۋ جانە ونى اتقارۋداعى مانساپ­تىق قاعيداتتاردى, سونداي-اق قۇزى­­رەت­­تىلىك جانە كونكۋرستىق تۇرعى­داعى ءتار­تىپتى رەتتەيتىنىن اتاپ ءوتتى. ەندى بوس لاۋازىمدارعا ءۇمىت­كەرلەردى سا­پا­­لى تاڭداۋدى قامتا­ماسىز ەتۋ ءۇشىن, ولاردىڭ كاسىبي دامۋىنا باع­دار­­لانۋىنا جانە مەم­لەكەتتىك قىز­مەت­تەگى مەريتو­كراتيانى نىعاي­تۋعا زاڭ جۇزىندە جاعداي جاسالدى» – دەدى بايانداماشى. شەشەننىڭ سوزىندە جاڭا زاڭ­داعى ەڭبەككە اقى تولەۋدەگى بونۋس جۇيەسىنىڭ ەنگىزىلۋى, مەملە­كەت­­تىك قىزمەتشىلەر ءۇشىن الەۋ­مەت­تىك كەپىل­دىكتەردى كۇشەيتۋ, مەملەكەتتىك قىز­مەتشىلەردى وقى­تۋ­­دىڭ ينستيتۋتتىق نەگىزدەرىن جە­تىل­دىرۋ, قىزمەت ەتيكاسىن ساق­تاۋ ءجونىن­دەگى نەگىزىن قۇرايتىن تالاپتار­دى ورنىقتىرۋ سەكىلدى جاعىم­دى ساتتەرى اتاپ ءوتىلدى. ب.بەك­نا­زاروۆ بۇل ماسەلەلەردىڭ شەشى­لۋى قازاقستان ازاماتتارىنىڭ نەگىز­گى كونستيتۋتسيالىق قۇقىقتارى مەن بوستاندىعىنىڭ قورعالۋىن كور­سە­تەتىنىن, سونداي-اق, مەملەكەتتىك قىزمەت كورسەتۋلەردىڭ تيىمدىلىگى مەن ساپاسىن ارتتىرۋعا ىقپال ەتەتىنىن ايتتى. دوڭگەلەك ۇستەلدە ادىلەت مي­نيسترى مارات بەكەتاەۆ, مەملەكەتتىك قىزمەت ىستەرى جانە سىبايلاس جەم­قور­لىققا قارسى ءىس-قيمىل اگەنتتىگى توراعاسىنىڭ ورىنباسارى ايگۇل شايىموۆا, مەملەكەتتىك قىزمەت سالاسىنداعى استاناداعى ايماقتىق حاب باسقارۋ كوميتەتىنىڭ توراعاسى ءاليحان بايمەنوۆ ءسوز سويلەدى. پىكىرسايىستى سەناتتىڭ كونس­تيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىل­باي قورىتىندىلادى. ول شارا بارىسىندا ايتىلعان ۇسىنىستار پارلامەنتتىڭ بۇدان بىلايعى زاڭ شىعارۋ جۇمىستارى اياسىندا جۇمىس توپتارىندا قارالاتىنىن اتاپ ءوتتى.