كەلىسىم تەتىگى بەكىدى

ابۋ-دابيدە قازاقستاننىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى قايرات لاما ءشارىپتى ءباا پرەزيدەنتى اكىمشىلىگىنىڭ باسشىسى مانسۇر بەن زايد ءال ناحايان قابىلدادى. قوس مەملەكەت اراسىنداعى ساياسي ۇنقاتىسۋلاردىڭ زاماناۋي دەڭگەيىنە جوعارى باعا بەرگەن شەيح مانسۇر بەن زايد ءال ناحايان استانا مەن ابۋ-دابي قازاقستان تاۋەلسىزدىك العان جىلداردان بەرى نەگىزى قالانعان ەكىجاقتى جانە ءوزارا ءتيىمدى ىنتىماقتاستىق اياسىنداعى جاقىن جانە ءوزارا سەنىمگە قۇرىلعان قارىم-قاتىناستى الداعى ۋاقىتتا دا جالعاستىرا بەرەتىنىن جەتكىزدى. ونىڭ ايتۋىنشا, وسى مەرزىم ارالىعىنداعى ىقپالداستىقتىڭ دامۋىنا ەكى ەل ليدەرلەرى – نۇرسۇلتان نازار­باەۆ پەن حاليفا بەن زايد ءال نا­حايان ورناتقان دوستىق راۋىشتەگى ارىپتەس­تىك سەپ بولعان. كەزدەسۋ بارىسىندا قازاقستان مەن ءباا اراسىنداعى ىنتىماقتاستىقتى ءتۇرلى اسپەكتىلەر بويىنشا دامىتۋ توڭىرەگىندە پىكىر الماسىلدى. ءباا پرەزيدەنتى اكىم­شىلىگىنىڭ باسشىسى قازاقستاننىڭ 2017 جىلدىڭ 16-17 قاڭتار كۇندەرى ابۋ-دا­بيدە «بولاشاقتىڭ ەنەرگياسى» تاقى­رىبىندا وتەتىن X دۇنيەجۇزىلىك مەرەي­تويلىق سامميتكە قاتىسۋعا نيەت تانى­تىپ وتىرعانىنا ريزاشىلىعىن ءبىلدىردى. «بۇل سامميتكە قازاقستاننىڭ قاتى­سۋى ەكسپو-2017 كورمەسىنىڭ تاقى­رىپ اياسىن حالىقارالىق الاڭداردا ناسي­حات­تاۋعا, سول ارقىلى ءوزىنىڭ يميدجدىك ارتىق­شىلىقتارىن قامتاماسىز ەتۋىنە, سون­داي-اق, قازاقستاننىڭ ينۆەستيتسيالىق تار­تىم­دىلىعى دەڭگەيىن جوعارىلاتۋعا سەپ بولادى دەپ ويلايمىن» – دەدى شەيح مانسۇر ءوز سوزىندە. «بولاشاقتىڭ ەنەرگياسى» دۇنيە­جۇزىلىك ءسامميتى شەڭبەرىندە «استانا ەكسپو-2017» ۇك» اق پەن «EXPO-2020 Dubai» بيۋروسى ىنتىماقتاستىق ءجونىن­دەگى كە­لىسىمگە قول قويۋدى كوزدەپ وتىر. ال قايرات لاما ءشارىپ قازاقستان مەن امىرلىكتەر اراسىنداعى بىرلەسكەن ۇكى­­مەت­ارالىق كوميسسياسىنىڭ 6-شى كە­زەك­ت­ى وتىرىسىن وتكىزۋدىڭ ماڭىزدى­لىعى­نا توقتالدى. سونداي-اق, ول ساۋ­دا-ەكو­نو­مي­كا­لىق ىنتىماقتاستىق ماسەلەلەرىنىڭ, سونى­مەن قاتار, ينۆەستيتسيانى ءوزارا قور­عاۋ جانە ىنتالاندىرۋ جونىندەگى ۇكىمەت­ارالىق كەلىسىمگە قول قويۋدىڭ وزەكتىلىگىن اتاپ ءوتتى. «ەگەمەن-اقپارات»