حانزادا جۋمونگتىڭ كيىمى

كورەيا رەسپۋبليكاسىنىڭ قازاقستان رەسپۋب­ليكا­سىنداعى ەلشىلىگى جانىنداعى كورەي مادەني ورتالىعى مەن ۇلتتىق مۋزەيدىڭ بىرلەسكەن تاعى ءبىر جوباسى – «حانبوك سيقىرى» ءداستۇرلى كورەي كيىمدەرىنىڭ كورمەسىندە ۇسىنىلدى كورمەنىڭ اشىلۋ ءراسى­مىندە ۇلتتىق مۋزەيدىڭ ديرەكتورى دارحان مىڭباي كورەي رەسپۋبليكاسىنىڭ قازاقستانداعى ەلشىسى حان مان چۋن مەن كورەي ەل­شىلىگى جانىنداعى مادەني ورتالىقتىڭ ديرەكتورى لي دە ۆونعا, سونداي-اق كورەي رەسپۋبليكاسىنداعى حانبوك فەدەراتسياسىنىڭ پرەزي­دەنتى لي سۋ دونگقا باعا جەت­پەس ۇلتتىق قۇندى­لىقتاردى جەتكىزىپ جانە بۇل جوبانى جۇزەگە اسىرۋعا اتسا­لىس­قان­دارى ءۇشىن ريزا­شىلىق ءبىلدىردى. وسى ورايدا ايتا كەتەتىن تاعى ءبىر جايت, «حانبوك» كورەي تىلىنەن اۋدارعاندا, كورەي مادەنيەتىنىڭ ىسكە اسقان ءپال­ساپالىق كوزقاراستارىن, ەستەتيكاسىن, سونداي-اق ءوزىن­دىك ەرەكشەلىگىن تانىتاتىن «كورەي كيىمى» دەگەن ۇعىمدى بىلدىرەدى ەكەن. ال كورەيادا باتىستىق ۇلگىدەگى كيىمدەر پايدا بولعانعا دەيىن, حانبوك كارىس حالقىنىڭ كۇندەلىكتى كيىمى سانالعان. بۇگىنگى تاڭدا ول جاقتا ۇلتتىق كوستيۋم ادەتتە حالىقتىق مەرەكەلەر (چۋسوك – ەگىن مەرەكەسى, جاڭا اي جىلى) جانە وتباسىلىق سالتاناتتار ساتىندە كيىلەدى. ەكسپوزيتسياعا تاقتا وتىر­عان چوسون اۋلەتىنەن باستاپ, بۇگىنگى كورەيدىڭ ءداستۇرلى حانبوك كيىمىنىڭ ءار ءتۇرى­نەن 96 ەكسپونات قويىلدى. تاعى ءبىر قىزىقتى جاعداي, بۇلاردىڭ ىشىندە «حانزادا جۋمونگ» سەريالىنىڭ باس كەيىپكەرلەرىنىڭ تۇپنۇسقا­داعى كوستيۋمدەرى بار... كورەيا­­نىڭ سان عاسىرلىق داستۇرلەرى ەرەكشەلىگىن سەزىنۋگە مۇمكىن­­دىك بەرەتىن كورمەنىڭ ەسىگى 26 قازانعا دەيىن اشىق.