وقىرمان
...تىلەگىن جەتكىزەدى
قارجىلاندىرۋ كوزدەرىن وسىرگەن ءجون
اقجايىق ايماعىنىڭ شالعاي تۇرعىندارىنىڭ باستى پروبلەماسى – جول. ەڭ الىس اۋدان جانىبەككە سالىنىپ جاتقان تاس جولدىڭ بيىلعى جۇمىستارىن ەسەپتەگەندە ءالى 200 شاقىرىمى جاسالماي قالايىن دەپ تۇر. جىل سايىن جيىرما شاقىرىمنان جوندەلەتىنىن ەسەپتەسەك, اۆتوجولدىڭ پايدالانۋعا بەرىلەتىن ۋاقىتىن ءالى ون جىل كۇتۋ كەرەك ەكەن. ۇكىمەت تاراپىنان وسى جولدى قارجىلاندىرۋ ماسەلەسى كوبەيتىلسە ەكەن دەگەن ۇسىنىس ايتقىم كەلەدى. ەكىنشىدەن, جانىبەك اۋدانىمەن كورشىلەس بوكەي ورداسى اۋدانىندا دا اۆتوجول ماسەلەسىندە شەشىلمەگەن تۇيىندەر جەتكىلىكتى. اتاپ ايتقاندا ونەگە, بەيسەن, سايحىن اۋماقتارى ارقىلى جول سالۋ ماسەلەسى ءوز كەزەگىن كۇتىپ تۇر. بۇل ماسەلە الداعى جىلداردىڭ جوسپارىنا ەنگىزىلسە جەرگىلىكتى تۇرعىنداردىڭ وبلىس ورتالىعىمەن قارىم-قاتىناسى ءۇشىن ۇلكەن جەڭىلدىك بولار ەدى. ۇشىنشىدەن, ورال ءوڭىرى رەسەيدىڭ بەس وبلىسىمەن شەكتەسەدى. قازىر ەۋرازيالىق-ەكونوميكالىق وداق شەڭبەرىندە وسى بەس وبلىسپەن تىعىز قارىم-قاتىناس ءجۇرىپ جاتىر. وسى تۇرعىدا رەسەيدەن ءبىزدىڭ شەكاراعا دەيىن كىرىپ كەلگەن جول مەن وزىمىزدەگى اۆتوجولدى سالىستىرا قاراساق, ايىرماشىلىق جەر مەن كوكتەي ەكەنىن كورەمىز. ءارى رەسەيدىڭ ورىنبور وبلىسى شەكاراسىنا شىعاتىن جولدىڭ ساپاسى مۇلدەم سىن كوتەرمەيدى. وسى جولداردى كۇردەلى جوندەۋدەن وتكىزۋگە قاجەتتى قاراجات بولىنسە ەكەن. ابات ەسەنعاليەۆ, اۋىل شارۋاشىلىعى عىلىمدارىنىڭ كانديداتى, ەڭبەك ارداگەرى ورال ...ءۇمىت ارتادىقۇرمەتكە لايىق ازامات
ءابىلماجىن جۇماباەۆ اعامىز 10 جىل بويى «سوتسياليستىك قازاقستان» («ەگەمەن قازاقستان») گازەتىندە ادەبي قىزمەتكەر, ءبولىم مەڭگەرۋشىسى قىزمەتتەرىن اتقاردى. مۇنان كەيىن «قازاق ادەبيەتى» گازەتى مەن «جۇلدىز» جۋرنالىندا باسشىلىق قىزمەتتەردە بولدى. «جازۋشى» باسپاسىنىڭ ديرەكتورى, رەسپۋبليكالىق كىتاپ پالاتاسىنىڭ ديرەكتورى بولىپ ەڭبەك ەتتى. اعامىز ورىس جانە شەتەل جازۋشىلارىنىڭ شىعارمالارىن انا تىلىنە اۋداردى. اسىرەسە, وقىرمان قاۋىم م.ءريدتىڭ «جۇمباق سالت اتتى» جانە ا.ديۋمانىڭ «ءۇش نويان» شىعارمالارىن كۇنى بۇگىنگە دەيىن ىزدەپ ءجۇرىپ وقيتىنى اقيقات. مۇنان باسقا اراب جازۋشىلارىنىڭ نوۆەللالارىن, پارسى, تۇرىكپەن جازۋشىلارىنىڭ پوۆەستەرى مەن اڭگىمەلەرىن قازاق تىلىنە اۋداردى. ارينە, ۇزاق جىلدار بويعى ەرەن ەڭبەك, ماڭداي تەر بوسقا كەتكەن جوق. ءابىلماجىن جۇماباەۆ اعامىز «ەڭبەكتە ۇزدىك شىققانى ءۇشىن» مەدالىمەن جانە «قۇرمەت بەلگىسى» وردەنىمەن ماراپاتتالدى. «قازاق كسر-ءىنىڭ ەڭبەك سىڭىرگەن مادەنيەت قىزمەتكەرى» اتاعىن يەلەندى. ءابىلماجىن جۇماباەۆ اعامىزدى ماڭگى ەستە قالدىرۋ ءۇشىن اۋىل ورتالىعىندا جاڭادان سالىنعان № 37 قازاق ورتا مەكتەبىنە وسى كىسىنىڭ اتىن بەرۋ تۋرالى ۇسىنىستى قولدايمىز. مۇنىمىز ءابىلماجىن اعامىزدىڭ دا اتى وشپەسە دەگەن اق تىلەك. ەندەشە, وبلىستىق جانە اۋداندىق ونوماستيكالىق كوميسسيالار مۇشەلەرى وسى ماسەلەنى شىنتۋايتتاپ قولعا الىپ, ناقتى ناتيجە شىعارار دەگەن ءۇمىتىمىز بار. مەيرامبەك شىلدەباي ۇلى, قازاقستان جۋرناليستەر وداعىنىڭ مۇشەسى قىزىلوردا وبلىسى, سىرداريا اۋدانى ...ريزاشىلىعىن بىلدىرەدىانا ءتىلىم – ارداعىم
ماڭعىستاۋ اۋداندىق جاستار رەسۋرستىق ورتالىعى, اۋداندىق ىشكى ساياسات جانە تىلدەردى دامىتۋ ءبولىمىنىڭ ۇيىمداستىرۋىمەن شەتپەدەگى ب.جۇماليەۆ اتىنداعى ورتا مەكتەپتە پاتريوتتىق جيىن ءوتتى. بۇل شارانىڭ ماقساتى – قازاقستان حالىقتارىنىڭ تىلدەرىن قۇرمەتتەۋ, قازاق ءتىلىن كەڭىنەن ناسيحاتتاۋ نەگىزىندە قازاقستاندىقتاردىڭ بىرەگەيلىگى مەن ۇلتتىق بىرلىگىن نىعايتۋ بولىپ تابىلادى. شاراعا ءتىل جاناشىرلارى, كوپ جىلدار مەملەكەتتىك قىزمەتتە جۇمىس جاساعان ق.يساەۆ, ب.قۋانباەۆ جانە مەكتەپ باسشىسى سەيىتجان سافيەۆ, جاستار ورتالىعىنىڭ باسشىسى اللابەرگەن قونارباەۆ جانە مەكتەپتىڭ ۇستازدارى مەن وقۋشىلارى, اۋىلدىڭ بەلسەندى جاستارى قاتىستى. شارادا ەڭبەك اردەگەرى قۋانتقان يساەۆ قازىرگى تاڭداعى جاستاردىڭ انا ءتىلىمىزدى بۇرمالاپ سويلەپ, كەرەكسىز جارگونداردى پايدالانىپ جۇرگەندىگىن ايتتى. بۇدان سوڭ اۋداندىق قورعانىس ىستەرى ءبولىمىنىڭ ءبولىم باسشىسى بەردىحان قۋانباەۆ قازىرگى اسكەر ومىرىندەگى انا ءتىلدىڭ بەدەلىن ءسوز ەتتى. باسقوسۋدا ۋكراين ۇلتىنىڭ وكىلى ەلەنا لوستاۆەتسكايا اقىن سابىر ادايدىڭ « ۇلى ابايعا» اتتى ولەڭىن ناقىشىنا كەلتىرە وقىپ ەدى, ونىڭ بۇل ونەرىنە جينالعان قاۋىم ريزا بولدى. سونداي-اق, مەكتەپ وقۋشىلارى ءتىلدى قۇرمەتتەۋ ماقساتىندا پاتريوتتىق ولەڭدەر مەن اندەر ايتتى. الداش شوڭاي ماڭعىستاۋ وبلىسى, ماڭعىستاۋ اۋدانى
