2016 جىلعى 27 ماۋسىم, استانا قالاسى
جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ جانە
(نەمەسە) ۇزارتۋ, سونداي-اق كورپوراتيۆىشىلىك اۋىستىرۋدى جۇزەگە اسىرۋ قاعيدالارى مەن شارتتارىن بەكىتۋ تۋرالى
«حالىقتى جۇمىسپەن قامتۋ تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ 7-بابىنىڭ 20) تارماقشاسىنا سايكەس بۇيىرامىن:
1. قوسا بەرىلىپ وتىرعان جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ جانە (نەمەسە) ۇزارتۋ, سونداي-اق كورپوراتيۆىشىلىك اۋىستىرۋدى جۇزەگە اسىرۋ قاعيدالارى مەن شارتتارى (بۇدان ءارى – قاعيدالار) بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك, الەۋمەتتىك قورعاۋ جانە كوشى-قون كوميتەتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) تىركەلگەن وسى بۇيرىقتى العان كۇننەن باستاپ بەس جۇمىس كۇنى ىشىندە ونىڭ كوشىرمەسىن باسپا جانە ەلەكتروندىق تۇردە مەملەكەتتىك جانە ورىس تىلدەرىندەگى ءبىر دانادا قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە قوسۋ ءۇشىن «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى;
4) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
5) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1) 2) 3) جانە 4) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەر ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ب.ب. نۇرىمبەتوۆكە جۇكتەلسىن.
4. وسى بۇيرىق 2017 جىلعى 1 قاڭتاردان باستاپ قولدانىسقا ەنگىزىلەدى, بۇل رەتتە قاعيدالاردىڭ 40-تارماعى مەن 50-تارماعىنىڭ 2) تارماقشاسى 2021 جىلعى 1 قاڭتارعا دەيىن قولدانىلادى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك
دامۋ ءمينيسترىنىڭ مىندەتىن اتقارۋشى ە.ءبىرتانوۆ
كەلىسىلدى كەلىسىلدى كەلىسىلدى
قازاقستان رەسپۋبليكاسىنىڭ قازاقستان رەسپۋبليكاسىنىڭ قازاقستان رەسپۋبليكاسىنىڭ
ۇلتتىق ەكونوميكا ءمينيسترىنىڭ ۇلتتىق ەكونوميكا ىشكى ىستەر ءمينيسترى
مىندەتىن اتقارۋشى ءمينيسترى ____________________ ق. قاسىموۆ
_______________ م. قۇسايىنوۆ _____________ ق. بيشىمباەۆ
2016 جىلعى 1 تامىز 2016 جىلعى «___» _________ 2016 جىلعى 14 شىلدە
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2016 جىلعى 27 ماۋسىمداعى №559 بۇيرىعىمەن بەكىتىلدى
جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ جانە (نەمەسە) ۇزارتۋ, سونداي-اق كورپوراتيۆىشىلىك اۋىستىرۋدى جۇزەگە اسىرۋ قاعيدالارى مەن شارتتارى
1-تاراۋ. جالپى ەرەجەلەر
1. وسى جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ جانە (نەمەسە) ۇزارتۋ, سونداي-اق كورپوراتيۆىشىلىك اۋىستىرۋدى جۇزەگە اسىرۋ قاعيدالارى مەن شارتتارى (بۇدان ءارى – قاعيدالار) «حالىقتى جۇمىسپەن قامتۋ تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ (بۇدان ءارى – زاڭ) 7-بابىنىڭ 20) تارماقشاسىنا سايكەس ازىرلەندى جانە جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ جانە (نەمەسە) ۇزارتۋ, سونداي-اق كورپوراتيۆىشىلىك اۋىستىرۋدى جۇزەگە اسىرۋ ءتارتىبى مەن شارتتارىن بەلگىلەيدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) باسىمدى جوبا – مەملەكەكتتىك جانە سالالىق باعدارلامالىق قۇجاتتاردا كورسەتىلگەن باسىمدىقتارعا سايكەس ىسكە اسىرىلاتىن جوبا;
2) باسشىلار – كورپوراتيۆىشىلىك اۋىستىرۋدى جۇزەگە اسىراتىن زاڭدى تۇلعا شەگىندە جوعارى لاۋازىمداردى اتقاراتىن, ۇيىمدى تىكەلەي باسقارۋدى جۇزەگە اسىراتىن, ۇيىمنىڭ ماقساتتارى مەن ساياساتىن ايقىندايتىن, ۇيىمنىڭ ديرەكتورلار كەڭەسىنەن نەمەسە اكتسيونەرلەرىنەن تەك جالپى نۇسقاۋلار الاتىن, ۇيىمعا تىكەلەي قىزمەت كورسەتۋگە بايلانىستى مىندەتتەردى ورىندامايتىن ادامدار;
3) بوس ورىن – جۇمىس بەرۋشىدەگى بوس جۇمىس ورنى (لاۋازىم);
4) جەرگىلىكتى اتقارۋشى ورگان (اكىمدىك) – وبلىستىڭ, رەسپۋبليكالىق ماڭىزى بار قالانىڭ جانە استانانىڭ اكىمى باسقاراتىن, ءوز قۇزىرەتى شەگىندە ءتيىستى اۋماقتا جەرگىلىكتى مەملەكەتتىك باسقارۋدى جانە ءوزىن ءوزى باسقارۋدى جۇزەگە اسىراتىن القالى اتقارۋشى ورگان (بۇدان ءارى – جەرگىلىكتى اتقارۋشى ورگان);
5) جۇمىس بەرۋشى – جۇمىسكەر ەڭبەك قاتىناستارىندا تۇراتىن زاڭدى نەمەسە جەكە تۇلعا, شەتەلدىك زاڭدى تۇلعانىڭ فيليالى, وكىلدىگى;
6) جۇمىسكەرلەردىڭ تىزىمدىك سانى – ازاماتتىق-قۇقىقتىق سيپاتتاعى شارتتار بويىنشا جۇمىستاردى ورىندايتىن ادامداردان, سونداي-اق ءبىر جۇمىس بەرۋشىمەن قوسا اتقارۋ بويىنشا جۇمىس تۋرالى ەڭبەك شارتىن جاساسقان جۇمىسكەرلەردەن باسقا, جاسالعان مەرزىمىنە قاراماستان, ەڭبەك شارتتارى نەگىزىندە قابىلدانعان ادامدار سانى;
7) كورپوراتيۆىشىلىك اۋىستىرۋ – قازاقستان رەسپۋبليكاسىنىڭ شەگىنەن تىس جەردە ورنالاسقان جانە ارەكەت ەتەتىن, دۇنيەجۇزىلىك ساۋدا ۇيىمىنا مۇشە ەلدىڭ اۋماعىندا قۇرىلعان زاڭدى تۇلعادا باسشى, مەنەدجەر نەمەسە مامان لاۋازىمىندا ەڭبەك قىزمەتىن جۇزەگە اسىراتىن شەتەلدىكتى نەمەسە ازاماتتىعى جوق ادامدى وسى زاڭدى تۇلعانىڭ قازاقستان رەسپۋبليكاسىنىڭ اۋماعىندا قازاقستان رەسپۋبليكاسىنىڭ زاڭناماسىنا سايكەس قۇرىلعان فيليالدارىنا, ەنشىلەس ۇيىمدارىنا, وكىلدىكتەرىنە ەڭبەك شارتىندا ايقىندالعان, بىراق ءۇش جىلدان اسپايتىن مەرزىمگە, ءبىر جىلعا ۇزارتۋ قۇقىعىمەن ۋاقىتشا اۋىستىرۋ;
8) ماماندار – كورپوراتيۆىشىلىك اۋىستىرۋدى جۇزەگە اسىراتىن زاڭدى تۇلعا شەگىندە جوعارى لاۋازىمداردى اتقاراتىن, جوعارى دەڭگەيدەگى ارنايى جانە (نەمەسە) بىرەگەي ءبىلىمى مەن داعدىلارى, ۇيىمنىڭ بەيىنى بويىنشا قىزمەتتەر كورسەتۋ, عىلىمي-زەرتتەۋ جابدىعىن, پروگرەسسيۆتى تەحنولوگيالار مەن تەحنيكانى, ولاردى باسقارۋ ادىستەرىن پايدالانۋ ءۇشىن بەلگىلى ءبىر سالادا نەمەسە عىلىمدا ايتارلىقتاي جۇمىس تاجىريبەسى بار ادامدار. ونداي ءبىلىمى مەن داعدىلارىن باعالاۋ كەزىندە ۇيىمنىڭ بەيىنى بويىنشا كاسىپتىك ءبىلىمىنىڭ بولۋىن, سونداي-اق جۇمىس تۇرلەرىنە نەمەسە ۇيىمنىڭ قىزمەتىنە سايكەس كەلەتىن, ارنايى تەحنيكالىق بىلىمدەردى تالاپ ەتەتىن جوعارى دەڭگەيدەگى بىلىكتىلىگىن دە, ونىڭ ىشىندە ءتيىستى اككرەديتتەلگەن كاسىپتىك قاۋىمداستىقتارعا مۇشەلىگىن ەسكەرگەن ءجون;
9) ماۋسىمدىق شەتەلدىك جۇمىسكەرلەر – كليمات نەمەسە وزگە دە تابيعات جاعدايلارىنا بايلانىستى بەلگىلى ءبىر كەزەڭ (ماۋسىم) ىشىندە, بىراق ءبىر جىلدان اسپايتىن مەرزىم اتقارىلاتىن ماۋسىمدىق جۇمىستاردى ورىنداۋ ءۇشىن جۇمىس بەرۋشىلەر جۇمىسقا تارتاتىن يمميگرانتتار;
10) مەنەدجەرلەر – كورپوراتيۆىشىلىك اۋىستىرۋدى جۇزەگە اسىراتىن زاڭدى تۇلعا شەگىندە جوعارى لاۋازىمداردى اتقاراتىن, كاسىپتىك بىلىكتىلىك دەڭگەيى جوعارى جانە ءتيىستى سالادا مەنەدجەر پوزيتسياسىنداعى جۇمىس تاجىريبەسى بار جانە ۇيىمدى, ۇيىمنىڭ دەپارتامەنتىن نەمەسە باسقارماسىن باسقاراتىن, وزگە باسشى كاسىبي نەمەسە اكىمشىلىك جۇمىسكەرلەردىڭ جۇمىسىنا باسشىلىق ەتەتىن جانە باقىلايتىن, پەرسونالدى جالدايتىن جانە جۇمىستان بوساتاتىن, پەرسونالدى جالداۋعا, جۇمىستان بوساتۋعا نەمەسە وزگە ءىس-قيمىلىنا ۇسىنىم بەرەتىن پەرسونالدى, جوعارى تۇرعان باسشىلاردان, ۇيىمنىڭ ديرەكتورلار كەڭەسىنەن نەمەسە اكتسيونەرلەرىنەن تەك جالپى نۇسقاۋلار نەمەسە نۇسقاما الاتىن ادامدار.
قىزمەتتەر كورسەتۋ ءۇشىن قاجەتتى فۋنكتسيالاردى تىكەلەي جۇزەگە اسىراتىن جۇمىسكەرلەر اتالعان ساناتقا قوسىلمايدى;
11) حالىقتى جۇمىسپەن قامتۋ ماسەلەلەرى جونىندەگى ۋاكىلەتتى ورگان – قازاقستان رەسپۋبليكاسىنىڭ زاڭناماسىنا سايكەس حالىقتى جۇمىسپەن قامتۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;
12) حالىقتى جۇمىسپەن قامتۋ ورتالىعى – اۋداننىڭ, وبلىستىق جانە رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگانى جۇمىسپەن قامتۋعا جاردەمدەسۋدىڭ بەلسەندى شارالارىن ىسكە اسىرۋ جانە جۇمىسسىزدىقتان الەۋمەتتىك قورعاۋدى جانە زاڭعا سايكەس جۇمىسپەن قامتۋعا جاردەمدەسۋدىڭ وزگە دە شارالارىن ۇيىمداستىرۋ ماقساتىندا قۇراتىن مەملەكەتتىك مەكەمە;
13) شەتەلدىك جۇمىس كۇشى – ماۋسىمدىق شەتەلدىك جۇمىسكەرلەردى, جۇمىسقا ءوز بەتىنشە ورنالاساتىن جۇمىسكەرلەردى, سونداي-اق كورپوراتيۆىشىلىك اۋىستىرۋ شەڭبەرىندە ەڭبەك قىزمەتىن جۇزەگە اسىراتىن شەتەلدىك جۇمىسكەرلەردى قوسا العاندا, قازاقستان رەسپۋبليكاسىنىڭ اۋماعىندا ەڭبەك قىزمەتىن جۇزەگە اسىرۋ ءۇشىن جۇمىس بەرۋشى تارتاتىن شەتەلدىكتەر مەن ازاماتتىعى جوق ادامدار;
14) شەتەلدىك جۇمىس كۇشىن تارتۋعا ارنالعان كۆوتا – قازاقستان رەسپۋبليكاسىنىڭ اۋماعىندا ەڭبەك قىزمەتىن جۇزەگە اسىرۋ ءۇشىن جۇمىس بەرۋشىنىڭ تارتۋىنا رۇقسات ەتىلگەن شەتەلدىك جۇمىس كۇشىنىڭ شەكتى سانى;
15) شەتەلدiك جۇمىس كۇشىن تارتۋعا رۇقسات (بۇدان ءارى – رۇقسات) – قازاقستان رەسپۋبليكاسىنا شەتەلدiك جۇمىس كۇشiن تارتۋ ءۇشىن جۇمىس بەرۋشiگە جەرگىلىكتى اتقارۋشى ورگان بەرەتiن وسى قاعيدالارعا 1-قوسىمشاعا سايكەس بەلگiلەنگەن نىسانداعى قۇجات;
16) شەتەلدىك جۇمىسكەر – جۇمىس بەرۋشىلەر قازاقستان رەسپۋبليكاسىنىڭ اۋماعىندا ەڭبەك قىزمەتىن جۇزەگە اسىرۋ ءۇشىن, ونىڭ ىشىندە كورپوراتيۆىشىلىك اۋىستىرۋ شەڭبەرىندە تارتاتىن شەتىلدىكتەر مەن ازاماتتىعى جوق ادامدار.
2-تاراۋ. جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ جانە (نەمەسە) ۇزارتۋ,
سونداي-اق كورپوراتيۆىشىلىك اۋىستىرۋدى جۇزەگە اسىرۋ ءتارتىبى مەن شارتتارى
1-پاراگراف. جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ جانە (نەمەسە) ۇزارتۋ ءتارتىبى مەن شارتتارى
3. رۇقسات بەرۋ جانە (نەمەسە) ۇزارتۋ ءتارتىبى مەن شارتتارىن ايقىنداۋ ماقساتىندا جۇمىسكەرلەردىڭ مىناداي ساناتتارى بەلگىلەنەدى:
1) ءبىرىنشى سانات – ءبىرىنشى باسشىلار مەن ولاردىڭ ورىنباسارلارى;
2) ەكىنشى سانات – كاسىپتىك ستاندارتتاردا, باسشىلار, ماماندار جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىندا, ۇيىمدار باسشىلارى, ماماندارى جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىندا بەلگىلەنگەن بىلىكتىلىك تالاپتارىنا سايكەس كەلەتىن قۇرىلىمدىق بولىمشەلەر باسشىلارى;
3) ءۇشىنشى سانات – كاسىپتىك ستاندارتتاردا, باسشىلار, ماماندار جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىندا, ۇيىمدار باسشىلارى, ماماندارى جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىندا بەلگىلەنگەن بىلىكتىلىك تالاپتارىنا سايكەس كەلەتىن ماماندار;
4) ءتورتىنشى سانات – كاسىپتىك ستاندارتتاردا, جۇمىستار مەن جۇمىسشى كاسىپتەرىنىڭ بىرىڭعاي تاريفتىك-بىلىكتىلىك انىقتامالىعىندا, جۇمىسشى كاسىپتەرىنىڭ تاريفتىك-بىلىكتىلىك سيپاتتامالارىندا بەلگىلەنگەن بىلىكتىلىك تالاپتارىنا سايكەس كەلەتىن بىلىكتى جۇمىسشىلار.
4. جەرگىلىكتى اتقارۋشى ورگان رۇقساتتاردى حالىقتى جۇمىسپەن قامتۋ ماسەلەلەرى جونىندەگى ۋاكىلەتتى ورگان بولگەن كۆوتا شەگىندە بەرەدى.
5. ءتيىستى اكىمشىلىك-اۋماقتىق بىرلىكتىڭ اۋماعىندا قولدانىستاعى, بۇرىن بەرىلگەن رۇقساتتاردىڭ سانى حالىقتى جۇمىسپەن قامتۋ ماسەلەلەرى جونىندەگى ۋاكىلەتتى ورگان شەتەلدىك جۇمىس كۇشىن تارتۋعا بولگەن كۆوتانىڭ ءتيىستى كۇنتىزبەلىك جىلعا ارنالعان سانىنان اسپاۋعا ءتيىس.
6. جەرگىلىكتى اتقارۋشى ورگان مىناداي شارتتار:
1) قازاقستان رەسپۋبليكاسى ازاماتتارىنىڭ سانى ءبىرىنشى جانە ەكىنشى ساناتتارعا جاتاتىن جۇمىسكەرلەردىڭ تىزىمدىك سانىنىڭ كەمىندە 70%;
2) قازاقستان رەسپۋبليكاسى ازاماتتارىنىڭ سانى ءۇشىنشى جانە ءتورتىنشى ساناتتارعا جاتاتىن جۇمىسكەرلەردىڭ تىزىمدىك سانىنىڭ كەمىندە 90% شارتتارىن ساقتاعان كەزدە رۇقسات بەرۋ جانە (نەمەسە) ۇزارتۋدى جۇزەگە اسىرادى.
قادرلارداعى جەرگىلىكتى قامتۋدى ەسەپتەۋ كەزىندە شەتەلدىك جۇمىسكەرلەر قاتارىندا 2014 جىلعى 14 قازانداعى قازاقستان رەسپۋبليكاسىنىڭ زاڭىمەن راتيفيكاتسيالانعان ەۋرازيالىق ەكونوميكالىق قاۋىمداستىق تۋرالى شارتقا قاتىسۋشى مەملەكەتتەردىڭ ازاماتتارى ەسەپتەلمەيدى.
جۇمىس بەرۋشى كادرلارداعى جەرگىلىكتى قامتۋ تۋرالى اقپاراتتى جەرگىلىكتى اتقارۋشى ورگانعا وسى قاعيدالارعا 2-قوسىمشاعا سايكەس نىسان بويىنشا ۇسىنادى.
7. وسى قاعيدالاردىڭ 6-تارماعى:
1) شاعىن كاسىپكەرلىك سۋبەكتىلەرىنە;
2) مەملەكەتتىك مەكەمەلەر مەن كاسىپورىندارعا;
3) «حالىقتى جۇمىسپەن قامتۋ تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ 7-بابىنىڭ 21) تارماقشاسىنا سايكەس ءوز بەتىنشە جۇمىسقا ورنالاسۋ ءۇشىن قازاقستان رەسپۋبليكاسىنا كەلگەن شەتەلدىك جۇمىسكەرگە;
4) قازاقستان رەسپۋبليكاسى راتيفيكاتسيالاعان ەڭبەك كوشى-قونى جانە ەڭبەكشى ميگرانتتاردى الەۋمەتتىك قورعاۋ سالاسىنداعى ىنتىماقتاستىق تۋرالى حالىقارالىق شارتتار بولعان كەزدە شىعۋ ەلدەرى بويىنشا كۆوتا شەڭبەرىندە بەرىلگەن رۇقساتتارعا قولدانىلمايدى.
8. باسىمدى جوبالار ءۇشىن كادرلارداعى جەرگىلىكتى قامتۋ جونىندەگى شارتتاردى اۋماعىندا جوبالار ىسكە اسىرىلىپ جاتقان جەرگىلىكتى اتقارۋشى ورگانمەن جانە حالىقتى جۇمىسپەن قامتۋ ماسەلەلەرى جونىندەگى ۋاكىلەتتى ورگانمەن كەلىسىم بويىنشا وسى قاعيدالارعا 3-قوسىمشاعا سايكەس بەلگىلەنگەن نىسان بويىنشا مۇددەلى ورتالىق مەملەكەتتىك ورگاندار ايقىندايدى.
9. رۇقساتتى بەرگەنى جانە (نەمەسە) ۇزارتقانى ءۇشىن جۇمىس بەرۋشىلەردەن «قازاقستان رەسپۋبليكاسىنا شەتەلدىك جۇمىس كۇشىن تارتۋعا رۇقساتتى بەرگەنى جانە (نەمەسە) ۇزارتقانى ءۇشىن الىم مولشەرلەمەلەرىن بەلگىلەۋ تۋرالى» قازاقستان رەسپۋبليكاسى ۇكىمەتىنىڭ 2016 جىلعى 18 تامىزداعى № 459 قاۋلىسىمەن بەكىتىلگەن قازاقستان رەسپۋبليكاسىنا شەتەلدىك جۇمىس كۇشىن تارتۋعا رۇقساتتى بەرگەنى جانە (نەمەسە) ۇزارتقانى ءۇشىن الىم مولشەرلەمەلەرىنە سايكەس سالىق الىمى (بۇدان ءارى – الىم) الىنادى.
10. رۇقسات الۋ ءۇشىن جۇمىس بەرۋشى نە ول ۋاكىلەتتىك بەرگەن ادام «ە-ليتسەنزيالاۋ» مەملەكەتتىك دەرەك قورى» اقپاراتتىق جۇيەسى ارقىلى نە قاعاز تۇرىندە شەتەلدىك جۇمىس كۇشىنىڭ ەڭبەك قىزمەتىن جۇزەگە اسىرۋ ورنى بويىنشا جەرگىلىكتى اتقارۋشى ورگانعا وسى قاعيدالارعا 5-قوسىمشاعا سايكەس شەتەلدەك جۇمىس كۇشىن تارتۋعا رۇقساتتى الۋ ءۇشىن ۇسىنىلاتىن قۇجاتتاردى قوسا بەرە وتىرىپ, وسى قاعيدالارعا 4-قوسىمشاعا سايكەس ءوتىنىش بەرەدى.
11. وسى قاعيدالاردىڭ 10-تارماعىندا كوزدەلگەن قۇجاتتار تولىق كولەمدە بەرىلمەگەن جانە (نەمەسە) بەلگىلەنگەن نىسان بويىنشا تولتىرىلماعان جاعدايلاردا جەرگىلىكتى اتقارۋشى ورگان ولار كەلىپ تۇسكەن كۇننەن باستاپ ءۇش جۇمىس كۇنى ىشىندە وتىنىشكە قوسا بەرىلگەن قۇجاتتاردى قايتارادى جانە جۇمىس بەرۋشىگە قۇجاتتاردىڭ قايتارىلعانى تۋرالى (قاعيدالارعا سايكەس بەرىلمەگەن جانە (نەمەسە) بەلگىلەنگەن نىسان بويىنشا تولتىرىلماعان قۇجاتتاردى كورسەتە وتىرىپ) جازباشا نەگىزدەمە بەرەدى.
قۇجاتتاردى قاعاز تۇرىندە قابىلداعان كەزدە جەرگىلىكتى اتقارۋشى ورگان جۇمىس بەرۋشىگە وسى قاعيدالارعا 6-قوسىمشاعا سايكەس قابىلدانعان قۇجاتتاردىڭ تىزبەسىن كورسەتە وتىرىپ, قولحات بەرەدى.
12. شەتەلدىك جۇمىس كۇشىن تارتۋعا رۇقسات:
1) ءبىرىنشى سانات ءۇشىن – جىل سايىن ون ەكى اي مەرزىمگە ۇزارتۋمەن ون ەكى اي;
2) ەكىنشى جانە ءۇشىنشى ساناتتار ءۇشىن – ون ەكى اي مەرزىمگە, بىراق ءۇش رەتتەن ارتىق ەمەس ۇزارتۋمەن ون ەكى اي;
3) ءتورتىنشى سانات ءۇشىن – ۇزارتۋ قۇقىعىنسىز ون ەكى اي;
4) ماۋسىمدىق شەتەلدىك جۇمىسكەرلەر ءۇشىن – ۇزارتۋ قۇقىعىنسىز ون ەكى ايعا دەيىنگى مەرزىمگە بەرىلەدى.
13. جەرگىلىكتى اتقارۋشى ورگان رۇقسات بەرۋ نە رۇقسات بەرۋدەن باس تارتۋ تۋرالى شەشىمدى جۇمىس بەرۋشىنىڭ قۇجاتتارىن قابىلداعان كۇننەن باستاپ جەتى جۇمىس كۇنى ىشىندە قابىلدايدى.
جەرگىلىكتى اتقارۋشى ورگان شەشىمدى جەرگىلىكتى اتقارۋشى ورگان قۇراتىن شەتەلدىك جۇمىس كۇشىن تارتۋعا رۇقساتتار بەرۋ جونىندەگى كوميسسيا (بۇدان ءارى – كوميسسيا) ۇسىنىمدارىنىڭ نەگىزىندە قابىلدايدى.
14. كوميسسيانىڭ قۇرامىنا ىشكى ىستەر ورگاندارىنىڭ, ءبىلىم بەرۋ سالاسىنداعى ورگاننىڭ جانە ەڭبەك ينسپەكتسياسى جونىندەگى جەرگىلىكتى ورگاننىڭ وكىلدەرى كىرەدى.
15. جۇمىس بەرۋشى نە ونىڭ وكىلى ءوز ۇيعارىمى بويىنشا كوميسسيانىڭ وتىرىسىنا قاتىسا الادى. جەرگىلىكتى اتقارۋشى ورگان وتىرىس وتكىزىلەتىن كۇنگە دەيىن كەمىندە ءۇش جۇمىس كۇنى قالعاندا ءوزىنىڭ ينتەرنەت-رەسۋرسىندا كوميسسيا وتىرىسىنىڭ وتكىزىلەتىن كۇنى, ۋاقىتى جانە ورنى تۋرالى اقپاراتتى ورنالاستىرادى.
16. جەرگىلىكتى اتقارۋشى ورگان «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە جازباشا جۇمىس بەرۋشىگە رۇقساتتى بەرۋ نە بەرۋدەن باس تارتۋ, ۇزارتۋ نە ۇزارتۋدان باس تارتۋ تۋرالى قابىلدانعان شەشىم جونىندە ونى قابىلداعان كۇننەن كەيىن ءبىر جۇمىس كۇنى ىشىندە حابارلايدى.
17. رۇقساتتى بەرۋ جانە (نەمەسە) ۇزارتۋ تۋرالى شەشىم قابىلداعان جاعدايدا جەرگىلىكتى اتقارۋشى ورگان جۇمىس بەرۋشىگە وسى قاعيدالارعا 7-قوسىمشاعا سايكەس حابارلاما جىبەرەدى.
18. رۇقساتتى بەرۋدەن نەمەسە ۇزارتۋدان باس تارتۋ تۋرالى شەشىم قابىلداعان جاعدايدا جەرگىلىكتى اتقارۋشى ورگان وسى قاعيدالاردىڭ 21-تارماعىنا سايكەس ونىڭ نەگىزدەمەلەرىن كورسەتەدى.
19. جۇمىس بەرۋشى رۇقساتتى بەرۋ تۋرالى حابارلاما العان كۇننەن باستاپ ون جۇمىس كۇنى ىشىندە «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە قاعاز تۇرىندە جەرگىلىكتى اتقارۋشى ورگانعا رۇقساتتى بەرگەنى ءۇشىن الىمدى ەنگىزگەنىن راستايتىن قۇجاتتاردىڭ كوشىرمەلەرىن بەرەدى.
جۇمىس بەرۋشى حابارلاما العان كۇننەن باستاپ ون جۇمىس كۇنى ىشىندە جەرگىلىكتى اتقارۋشى ورگانعا الىمدى تولەگەنىن راستايتىن قۇجاتتاردى بەرمەگەن كەزدە جەرگىلىكتى اتقارۋشى ورگان رۇقساتتى بەرۋ تۋرالى شەشىمنىڭ كۇشىن جويادى.
20. جەرگىلىكتى اتقارۋشى ورگان وسى قاعيدالاردىڭ 19-تارماعىندا كورسەتىلگەن قۇجاتتاردىڭ كوشىرمەلەرىن العان كۇننەن باستاپ ەكى جۇمىس كۇنى ىشىندە «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە قاعاز تۇرىندە جۇمىس بەرۋشىگە رۇقسات بەرەدى.
جۇمىس بەرۋشi ەكى جۇمىس كۇنi وتكەن سوڭ رۇقساتتى الۋعا كەلمەگەن جاعدايدا جەرگىلىكتى اتقارۋشى ورگان پوشتالىق جونەلتiلiمدi الۋ تۋرالى حابارلامانى الا وتىرىپ, رۇقساتتى جۇمىس بەرۋشiنiڭ تiركەلگەن مەكەنجايى بويىنشا پوشتا ارقىلى جىبەرەدى.
21. مىناداي:
1) بولىنگەن كۆوتانىڭ مولشەرىنەن اسىپ كەتكەن;
2) جۇمىس بەرۋشى وسى قاعيدالاردىڭ 6-تارماعىندا بەلگىلەنگەن شارتتاردى ساقتاماعان;
3) جۇمىس بەرۋشىنىڭ شەتەلدىك جۇمىسكەرلەردى رۇقساتسىز تارتۋ فاكتىسى انىقتالعان. مۇنداي جاعدايدا وسىنداي فاكتى انىقتالعان كۇننەن باستاپ ون ەكى اي بويى جاڭا رۇقساتتار بەرىلمەيدى;
4) شەتەلدىك جۇمىس كۇشىنىڭ ءبىلىم دەڭگەيى (كاسىبي دايارلىعى) جانە پراكتيكالىق جۇمىس تاجىريبەسى (ەڭبەك ءوتىلى) كاسىپتىك ستاندارتتارعا, جۇمىستار مەن جۇمىسشى كاسىپتەرىنىڭ بىرىڭعاي تاريفتىك-بىلىكتىلىك انىقتامالىعىنا جانە باسشىلار, ماماندار جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىنا, ۇيىمدار باسشىلارى, ماماندارى جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىنا سايكەس جۇمىسشى كاسىپتەرىنە جانە باسشىلار, ماماندار جانە قىزمەتشىلەر لاۋازىمدارىنا قويىلاتىن بىلىكتىلىك تالاپتارىنا سايكەس كەلمەگەن جاعدايلاردا شەتەلدىك جۇمىس كۇشىن تارتۋعا رۇقسات بەرىلمەيدى جانە ۇزارتىلمايدى.
22. رۇقسات بەرىلگەن شەتەلدىك جۇمىسكەر جۇمىس ورنىنا كەلمەگەن نەمەسە شەتەلدىك جۇمىس كۇشىن تارتۋعا رۇقساتتىڭ قولدانىلۋ مەرزىمى اياقتالعانعا دەيىن ونىمەن ەڭبەك شارتى بۇزىلعان جاعدايدا ول وسى كاسىپ ءۇشىن بەلگىلەنگەن بىلىكتىلىك تالاپتارىنا سايكەس كەلگەن كەزدە بۇرىن بەرىلگەن رۇقساتتى باستاپقىدا بەرىلگەن رۇقساتتىڭ قولدانىلۋ مەرزىمى اياقتالعانعا دەيىن قالعان مەرزىمگە وسى قاعيدالاردا بەلگىلەنگەن تارتىپپەن جاڭا ءنومىر بەرە وتىرىپ, باسقا شەتەلدىك جۇمىسكەرگە قايتا رەسىمدەۋ جۇزەگە اسىرىلادى.
بۇل رەتتە جۇمىس بەرۋشى رۇقسات قايتا رەسىمدەلەتىن شەتەلدىك جۇمىسكەرگە وسى قاعيدالاردا كوزدەلگەن قۇجاتتاردى جىبەرەدى. جەرگىلىكتى اتقارۋشى ورگان باستاپقىدا بەرىلگەن رۇقساتتىڭ قولدانىسىن توقتاتۋعا ءتيىس.
جەرگىلىكتى اتقارۋشى ورگان رۇقسات قولدانىسىنىڭ كۇشى توقتاتىلعان كۇننەن باستاپ ءۇش جۇمىس كۇنى ىشىندە قازاقستان رەسپۋبليكاسى ىشكى ىستەر مينيسترلىگىنىڭ (بۇدان ءارى – قر ءىىم) وبلىستىق, استانا جانە الماتى قالالارىنىڭ اۋماقتىق ورگانىنا رۇقساتتىڭ قولدانىسى توقتاتىلعانى تۋرالى اقپارات جولدايدى.
23. جەرگىلىكتى اتقارۋشى ورگان بۇرىن بەرىلگەن رۇقساتتى باسقا شەتەلدىك جۇمىسكەرگە قايتا رەسىمدەۋ تۋرالى شەشىمدى قۇجاتتاردى قابىلداعان كۇننەن باستاپ بەس جۇمىس كۇنى ىشىندە, كوميسسيا وتىرىسىندا قاراماي قابىلدايدى.
24. رۇقساتتىڭ قولدانىلۋ مەرزىمىن ۇزارتۋ ءۇشiن جۇمىس بەرۋشى رۇقساتتىڭ قولدانىلۋ مەرزiمiنiڭ اياقتالۋىنا دەيىن كەمiندە ءبىر ايدان كەشىكتىرمەي «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە قاعاز تۇرىندە جەرگىلىكتى اتقارۋشى ورگانعا مىناداي قۇجاتتاردى جiبەرەدi:
1) ءوتىنىش;
2) وسى قاعيدالارعا 2-قوسىمشاعا سايكەس كادرلارداعى جەرگىلىكتى قامتۋ تۋرالى اقپارات;
3) تارتىلاتىن شەتەلدىك جۇمىسكەر تۋرالى مالىمەتتەر;
4) شەتەلدىك جۇمىسكەردىڭ جەكە باسىن كۋالاندىراتىن قۇجاتتىڭ كوشىرمەسى.
25. جەرگىلىكتى اتقارۋشى ورگان بەرىلگەن قۇجاتتاردىڭ نەگىزىندە قۇجاتتاردى قابىلداعان كۇننەن باستاپ ءۇش جۇمىس كۇنى ىشىندە شەتەلدىك جۇمىس كۇشىن تارتۋعا رۇقساتتى ۇزارتۋ نە ۇزارتۋدان باس تارتۋ تۋرالى شەشىم قابىلدايدى.
ۋاكىلەتتى ورگان رۇقساتتىڭ قولدانىلۋ مەرزىمىن ۇزارتۋ تۋرالى وڭ شەشىم قابىلداعان جاعدايدا رۇقسات ون ەكى ايعا ۇزارتىلادى, بۇل رەتتە رۇقساتتىڭ قولدانىلۋ مەرزىمى بۇرىن بەرىلگەن رۇقساتتىڭ قولدانىلۋ مەرزىمى اياقتالعان كۇنى باستالادى.
رۇقساتتى ۇزارتۋ تۋرالى شەشىمدى جەرگىلىكتى اتقارۋشى ورگان كوميسسيا وتىرىسىندا قاراماي جۇزەگە اسىرادى.
26. جەرگىلىكتى اتقارۋشى ورگان شەتەلدiك جۇمىس كۇشiن تارتۋعا رۇقساتتىڭ مەرزىمىن ۇزارتۋ نە ۇزارتۋدان باس تارتۋ تۋرالى شەشىم قابىلداعان كۇننەن كەيىن ءبىر جۇمىس كۇنi iشiندە «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە قاعاز تۇرىندە جۇمىس بەرۋشiگە رۇقساتتىڭ مەرزىمىن ۇزارتۋ نە ۇزارتۋدان باس تارتۋ تۋرالى حابارلاما جىبەرەدى.
27. جۇمىس بەرۋشi رۇقساتتى ۇزارتۋ تۋرالى حابارلامانى العان كۇننەن باستاپ ون جۇمىس كۇنi ىشىندە «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە قاعاز تۇرىندە جەرگىلىكتى اتقارۋشى ورگانعا رۇقساتتى ۇزارتقانى ءۇشىن الىمدى ەنگىزگەنىن راستايتىن قۇجاتتاردىڭ كوشىرمەلەرىن ۇسىنادى.
28. جۇمىس بەرۋشى حابارلامانى العان كۇننەن باستاپ ون جۇمىس كۇنى ىشىندە جەرگىلىكتى اتقارۋشى ورگانعا الىمدى ەنگىزگەنىن راستايتىن قۇجاتتاردى ۇسىنباعان جاعدايدا جەرگىلىكتى اتقارۋشى ورگان شەتەلدىك جۇمىس كۇشىن تارتۋعا رۇقساتتىڭ قولدانىسىن توقتاتۋ تۋرالى شەشىم قابىلدايدىن.
29. جەرگىلىكتى اتقارۋشى ورگان وسى قاعيدالاردىڭ 27-تارماعىندا كورسەتىلگەن قۇجاتتىڭ كوشىرمەسىن العان كۇننەن باستاپ ەكى جۇمىس كۇنى ىشىندە «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە قاعاز تۇرىندە جۇمىس بەرۋشىگە رۇقساتتى بەرەدى.
جۇمىس بەرۋشi حابارلامانى العان كۇننەن باستاپ ءۇش جۇمىس كۇنi وتكەن سوڭ رۇقساتتى الۋعا كەلمەگەن جاعدايدا جەرگىلىكتى اتقارۋشى ورگان پوشتالىق جونەلتiلiمدi الۋ تۋرالى حابارلامانى الا وتىرىپ, رۇقساتتى جۇمىس بەرۋشiنiڭ تiركەلگەن مەكەنجايى بويىنشا پوشتا ارقىلى جىبەرەدى.
30. جەرگىلىكتى اتقارۋشى ورگان بەرگەن رۇقساتتى باسقا جۇمىس بەرۋشىلەرگە بەرۋگە بولمايدى, ءتيىستى اكىمشىلىك-اۋماقتىق بىرلىكتىڭ اۋماعىندا عانا قولدانىلادى.
بۇل رەتتە جۇمىس بەرۋشىگە رۇقسات الىنعان شەتەلدىك جۇمىسكەرلەردى وزگە اكىمشىلىك-اۋماقتىق بىرلىك اۋماعىنداعى كاسىپورىندارعا, ۇيىمدارعا كۇنتىزبەلىك ءبىر جىل ىشىندە جيىنتىعى كۇنتىزبەلىك توقسان كۇننەن اسپايتىن مەرزىمگە ىسساپارعا جىبەرۋگە رۇقسات ەتىلەدى.
شەتەلدىك جۇمىسكەرلەردى ىسساپارعا جىبەرگەن كەزدە جۇمىس بەرۋشى شەتەلدىك جۇمىسكەرلەردىڭ تىركەلگەن جەرى جانە ءتيىستى اكىمشىلىك-اۋماقتىق بىرلىكتىڭ اۋماعىنا كەلگەن جەرى بويىنشا ىشكى ىستەر ورگاندارىن جازباشا حاباردار ەتەدى.
31. قىزمەتىن قازاقستان رەسپۋبليكاسىندا فيليال, وكىلدىك قۇرماي جۇزەگە اسىراتىن شەتەلدىك زاڭدى تۇلعا – جۇمىس بەرۋشى ءوز جۇمىسكەرلەرىن جۇمىستاردى ورىنداۋ, قىزمەتتەردى كورسەتۋگە كەلىسىمشارت بويىنشا قازاقستان رەسپۋبليكاسىنا جىبەرگەن جاعدايدا ونىڭ رۇقسات الۋىنا بايلانىستى قۇجاتتاردى رەسىمدەۋدى پايداسىنا جۇمىستار ورىندالاتىن, قىزمەتتەر كورسەتىلەتىن زاڭدى تۇلعا (ونىڭ ىشىندە فيليالى, وكىلدىگى ارقىلى قازاقستان رەسپۋبليكاسىندا قىزمەتىن جۇزەگە اسىراتىن شەتەلدىك زاڭدى تۇلعا) جۇزەگە اسىرادى.
32. جەرگىلىكتى اتقارۋشى ورگان قولدانىستاعى شەتەلدىك جۇمىس كۇشىن تارتۋعا رۇقساتتاردى كەرى قايتارىپ الۋدى مىناداي:
1) شەتەلدىك جۇمىسكەردى رۇقساتتا كورسەتىلگەن كاسىپكە نەمەسە ماماندىققا سايكەس كەلمەيتىن كاسىپ نەمەسە ماماندىق بويىنشا تارتقان;
2) جۇمىس بەرۋشi وسى قاعيدالاردىڭ 6-تارماعىندا بەلگiلەنگەن شارتتاردى ساقتاماعان جاعدايلاردا جۇرگىزەدى. بۇل رەتتە جەرگىلىكتى اتقارۋشى ورگان سانى وسى قاعيدالاردىڭ 6-تارماعىندا بەلگىلەنگەن پايىزدىق قاتىناستان اساتىن سوڭعى بەرىلگەن رۇقساتتاردى كەرى قايتارىپ الادى.
33. شەتەلدىك جۇمىس كۇشىن تارتۋعا رۇقساتتىڭ قولدانىسى مىناداي:
1) ول بەرىلگەن مەرزىم اياقتالعان;
2) رۇقسات كەرى قايتارىپ الىنعان;
3) جەكە تۇلعا – جۇمىس بەرۋشىنىڭ قىزمەتى توقتاتىلعان, زاڭدى تۇلعا – جۇمىس بەرۋشى تاراتىلعان;
4) جۇمىس بەرۋشى رۇقساتتى جەرگىلىكتى اتقارۋشى ورگانعا ءوز ەركىمەن قايتارعان;
5) رۇقساتتى بەرگەنى جانە ۇزارتقانى ءۇشىن الىمدى تولەگەنىن راستايتىن قۇجاتتاردىڭ كوشىرمەلەرىن ەنگىزبەگەن جاعدايلاردا توقتاتىلادى.
جەرگىلىكتى اتقارۋشى ورگان رۇقساتتىڭ قولدانىسىن توقتاتۋ تۋرالى شەشىمىن قابىلداعان كۇننەن باستاپ ءۇش جۇمىس كۇنى ىشىندە قر ءىىم-ءنىڭ وبلىستىق, استانا جانە الماتى قالالارىنىڭ اۋماقتىق ورگانىنا رۇقساتتىڭ قولدانىسى توقتاتىلعانى تۋرالى اقپارات جولدايدى.
2-پاراگراف. كورپوراتيۆىشىلىك اۋىستىرۋ شەڭبەرىندە جۇزەگە اسىرىلاتىن شەتەلدىك جۇمىس كۇشىن تارتۋعا رۇقسات بەرۋ جانە (نەمەسە) ۇزارتۋ شارتتارى مەن ءتارتىبى
34. كورپوراتيۆىشىلىك اۋىستىرۋ كەزەڭىندە شەتەلدىك جۇمىسكەرگە قابىلداۋشى تاراپتىڭ جۇمىس ۋاقىتى مەن تىنىعۋ ۋاقىتىنىڭ رەجيمى, سونداي-اق ەڭبەك قاۋىپسىزدىگى جانە ەڭبەكتى قورعاۋدى ساقتاۋ بويىنشا تالاپتارى قولدانىلادى, بۇل رەتتە ەڭبەك قاتىناستارى قازاقستان رەسپۋبليكاسىنىڭ ەڭبەك كودەكسىنىڭ 28-بابىنا سايكەس شەتەلدىك جۇمىسكەر مەن ودان كورپوراتيۆىشىلىك اۋىستىرۋ جۇزەگە اسىرىلاتىن زاڭدى تۇلعانىڭ اراسىندا جاسالعان ەڭبەك شارتىمەن (نەمەسە كەلىسىمىمەن) رەتتەلەدى.
35. كورپوراتيۆىشىلىك اۋىستىرۋ شەڭبەرىندە اۋىستىرىلاتىن شەتەلدىك جۇمىسكەرلەردى تارتۋ زاڭنىڭ 32-بابىنىڭ 3-تارماعىنا سايكەس قازاقستان رەسپۋبليكاسىنىڭ ۇكىمەتى ايقىندايتىن ەكونوميكا سالالارىندا جۇزەگە اسىرىلادى.
36. كورپوراتيۆىشىلىك اۋىستىرۋ شەڭبەرىندە جۇزەگە اسىرىلاتىن شەتەلدىك جۇمىس كۇشىن تارتۋعا رۇقسات بەرۋ جانە (نەمەسە) ۇزارتۋ تەگىن نەگىزىندە جۇزەگە اسىرىلادى.
37. كورپوراتيۆىشىلىك اۋىستىرۋ شەڭبەرىندە شەتەلدىك جۇمىسكەرلەردى تارتۋ شارتتارىن ايقىنداۋ ماقساتىندا جۇمىسكەرلەردىڭ مىناداي ساناتتارى بەلگىلەنەدى:
1) باسشىلار; 2) مەنەدجەرلەر; 3) ماماندار.
38. كورپوروتيۆىشىلىك اۋىستىرۋلار شەڭبەرىندە رۇقسات مىناداي جاعدايلاردا بەرىلەدى:
1) باسشىدا, مەنەدجەردە جانە ماماندا دۇنيەجۇزىلىك ساۋدا ۇيىمىنا مۇشە ەلدىڭ اۋماعىندا قۇرىلعان, قازاقستان رەسپۋبليكاسىنىڭ اۋماعىنان تىس جەردە ورنالاسقان جانە ارەكەت ەتەتىن, شەڭبەرىندە كورپوروتيۆىشىلىك اۋىستىرۋ جۇزەگە اسىرىلاتىن زاڭدى تۇلعادا كەمىندە ءبىر جىل جۇمىس تاجىريبەسىنىڭ بولۋى جانە ولاردىڭ مىناداي تالاپتارعا سايكەس كەلۋى:
2) قازاقستان رەسپۋبليكاسىندا قولدانىلاتىن كاسىپتىك ستاندارتتارعا, باسشىلار, ماماندار جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىنا, ۇيىم باسشىلارى, ماماندارى جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىنا, سونداي-اق 01-99 «كاسىپتەر سىنىپتاۋىشى» قازاقستان رەسپۋبليكاسىنىڭ مەملەكەتتىك سىنىپتاۋىشىنا ساي بىلىكتىلىك تالاپتارىنا سايكەس كەلۋى;
3) «ءبىلىم جانە عىلىم سالاسىنداعى مەملەكەتتىك كورسەتىلەتىن قىزمەتتەر ستاندارتتارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 16 ساۋىردەگى № 212 بۇيرىعىمەن بەكىتىلگەن (قازاقستان رەسپۋبليكاسى ادىلەت مينيسترلىگىندە 2015 جىلى 3 ماۋسىمدا № 11820 بولىپ تىركەلگەن) «قازاق ءتىلىن ءبىلۋ دەڭگەيىن باعالاۋ (قازتەست)» مەملەكەتتىك كورسەتىلەتىن قىزمەت ستاندارتىنا سايكەس بەرىلەتىن سەرتيفيكاتپەن راستالعان قازاق ءتىلىن قاراپايىم دەڭگەيىنەن تومەن ەمەس ءبىلۋى (شەتەلدىك جۇمىسكەردى مامان رەتىندە تارتقان كەزدە).
39. جەرگىلىكتى اتقارۋشى ورگان رۇقساتتى بوس جۇمىس ورىندارى بولعان جانە بىلىكتىلىك دەڭگەيى بوس ورىنعا ورنالاسۋ ءۇشىن دەڭگەيگە سايكەس كەلەتىن ۇمىتكەرلەر بولماعان كەزدە بەرەدى.
40. ءتيىستى كانديداتۋرالاردى ىشكى ەڭبەك نارىعىنان ىزدەۋ جۇمىس بەرۋشىلەردىڭ رەسپۋبليكالىق, جەرگىلىكتى مەرزىمدى باسىلىمداردا, سونداي-اق جەكەمەنشىك جۇمىسپەن قامتۋ اگەنتتىكتەرىنىڭ ينتەرنەت-رەسۋرستارىندا مەملەكەتتىك جانە ورىس تىلدەرىندە بار بوس ورىندار تۋرالى حابارلاندىرۋلار جاريالاۋى جانە بوس جۇمىس ورىندارىنىڭ (بوس لاۋازىمداردىڭ) بولۋى تۋرالى مالىمەتتەردى شەتەلدىك جۇمىس كۇشىنىڭ ەڭبەك قىزمەتىن جۇزەگە اسىرۋ ورنى بويىنشا حالىقتى جۇمىسپەن قامتۋ ورتالىعىنا جولداۋى جولىمەن زاڭعا سايكەس جۇزەگە اسىرىلادى.
حابارلاندىرۋلاردا مىناداي مالىمەتتەر كورسەتىلەدى:
1) قازاقستان رەسپۋبليكاسىندا قولدانىلاتىن كاسىپتىك ستاندارتتارعا, باسشىلار, ماماندار جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىنا, ۇيىمدار باسشىلارى, ماماندارى جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىنا, سونداي-اق 01-99 «كاسىپتەر سىنىپتاۋىشى» قازاقستان رەسپۋبليكاسىنىڭ مەملەكەتتىك سىنىپتاۋىشىنا سايكەس لاۋازىمعا (كاسىپكە) قويىلاتىن بىلىكتىلىك تالاپتارى;
2) جۇمىس بەرۋشىنىڭ جانە جەرگىلىكتى اتقارۋشى ورگاننىڭ اتاۋى, ورنالاسقان جەرى جانە بايلانىس تەلەفوندارى. سونداي-اق بوس ورىندارعا ورنالاسۋعا ۇمىتكەرلەر ءوز مالىمەتتەرىن جۇمىس بەرۋشىنىڭ جانە جەرگىلىكتى اتقارۋشى ورگاننىڭ مەكەنجايىنا جىبەرەتىنى كورسەتىلەدى.
جەرگىلىكتى اتقارۋشى ورگان جۇمىس بەرۋشىدەن بوس ورىنداردىڭ بولۋى تۋرالى مالىمەتتەردى العاننان كەيىن جۇمىسپەن قامتۋ ورتالىعىنىڭ دەرەكقورى بويىنشا ۇمىتكەرلەردى ىزدەۋدى جۇزەگە اسىرادى.
ىزدەۋدىڭ وڭ ناتيجەسى جاعدايىندا جەرگىلىكتى اتقارۋشى ورگان ۇمىتكەرلەردى جۇمىس بەرۋشىگە اڭگىمەلەسۋگە جىبەرەدى. بوس ورىندارعا ورنالاسۋعا ۇمىتكەرلەرمەن اڭگىمەلەسۋدى جۇمىس بەرۋشى جۇمىسپەن قامتۋ ورتالىعى وكىلىنىڭ قاتىسۋىمەن جۇزەگە اسىرادى.
اڭگىمەلەسۋدىڭ قورىتىندىسى بويىنشا جۇمىس بەرۋشى وسى قاعيدالارعا 8-قوسىمشاعا سايكەس نىسان بويىنشا جۇمىس بەرۋشىنىڭ بوس ورىنعا ورنالاسۋعا ۇمىتكەرمەن اڭگىمەلەسۋىنىڭ حاتتاماسىن جاسايدى.
41. كورپوراتيۆىشىلىك اۋىستىرۋ شەڭبەرىندە شەتەلدiك جۇمىسكەرلەردى تارتۋعا رۇقساتتى الۋ ءۇشiن جۇمىس بەرۋشi بوس ورىندار تۋرالى حابارلاندىرۋلاردى جاريالاعان كۇننەن باستاپ كۇنتىزبەلىك وتىز كۇن وتكەن سوڭ «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە قاعاز تۇرىندە شەتەلدىك جۇمىس كۇشىنىڭ ەڭبەك قىزمەتىن جۇزەگە اسىرۋ ورنى بويىنشا جەرگىلىكتى اتقارۋشى ورگانعا وسى قاعيدالارعا 9-قوسىمشاسىنا سايكەس كورپوراتيۆىشىلىك اۋىستىرۋ شەڭبەرىندە اۋىستىرىلاتىن شەتەلدىك جۇمىسكەرلەردى تارتۋعا رۇقساتتى الۋ ءۇشىن ۇسىنىلاتىن قۇجاتتاردى قوسا بەرە وتىرىپ, وسى قاعيدالارعا 4-قوسىمشاعا سايكەس نىسان بويىنشا ءوتiنiش بەرەدi.
42. جەرگىلىكتى اتقارۋشى ورگان رۇقساتتاردى بەرگەن كەزدە جۇمىس بەرۋشىمەن كەلىسۋ بويىنشا وعان مىناداي ەرەكشە شارتتاردىڭ ءبىرىن جۇكتەيدى:
1) قازاقستان رەسپۋبليكاسىنىڭ ازاماتتارىن تارتىلاتىن شەتەلدىك جۇمىسكەردىڭ ماماندىعى بويىنشا كەيىننەن شەتەلدىك جۇمىسكەرلەردى اۋىستىرا وتىرىپ كاسىپتىك دايارلاۋ;
2) قازاقستان رەسپۋبليكاسىنىڭ ازاماتتارىن تارتىلاتىن شەتەلدىك جۇمىسكەردىڭ ماماندىعى بويىنشا كەيىننەن شەتەلدىك جۇمىسكەرلەردى اۋىستىرا وتىرىپ قايتا دايارلاۋ;
3) كەيىننەن شەتەلدىك جۇمىسكەرلەردى اۋىستىرا وتىرىپ, قازاقستان رەسپۋبليكاسى ازاماتتارىنىڭ بىلىكتىلىگىن ارتتىرۋ;
4) قازاقستان رەسپۋبليكاسىنىڭ ازاماتتارى ءۇشىن شەتەلدىك جۇمىسكەرلەر تارتىلاتىن ماماندىقتار بويىنشا قوسىمشا جۇمىس ورىندارىن قۇرۋ.
43. كورپوراتيۆىشىلىك اۋىستىرۋ كەزىندە:
مەنەدجەردى – جۇمىس بەرۋشى وسى قاعيدالاردىڭ 42-تارماعىندا كوزدەلگەن شارتتاردىڭ ءبىرىن تاڭدايدى;
ماماندى – جۇمىس بەرۋشى وسى قاعيدالاردىڭ 42-تارماعىندا 1), 3) جانە 4) تارماقشالارىندا كوزدەلگەن شارتتاردىڭ ءبىرىن تاڭدايدى.
44. جەرگىلىكتى اتقارۋشى ورگان جۇمىس بەرۋشىگە شەتەلدىك جۇمىس كۇشىن تارتۋعا بەرىلگەن رۇقساتتاردىڭ سانىنا سايكەس ەرەكشە شارتتار سانىن جۇكتەيدى.
45. ەرەكشە شارتتاردى كەلىسۋ قاعيدالارعا 10-قوسىمشاعا سايكەس رۇقسات بەرۋدىڭ ەرەكشە شارتتارىن جۇمىس بەرۋشىمەن كەلىسۋ نىسانى بويىنشا جۇزەگە اسىرىلادى.
46. شەتەلدىك جۇمىس كۇشىن تارتۋعا رۇقساتتاردىڭ:
وسى قاعيدالاردىڭ 42-تارماعىنىڭ 3) جانە 4) تارماقشالارىندا كوزدەلگەن ەرەكشە شارتتارىن ورىنداۋ رۇقساتتىڭ قولدانىلۋ مەرزىمى ىشىندە جۇرگىزىلەدى;
وسى قاعيدالاردىڭ 42-تارماعىنىڭ 1) جانە 2) تارماقشالارىندا كوزدەلگەن ەرەكشە شارتتارىن ورىنداۋ رۇقساتتىڭ قولدانىلۋ مەرزىمىنىڭ العاشقى التى ايى ىشىندە جۇرگىزىلەدى.
47. كورپوراتيۆىشىلىك اۋىستىرۋ شەڭبەرىندە شەتەلدىك جۇمىسكەرلەردى تارتاتىن جۇمىس بەرۋشى شەتەلدىك جۇمىسكەرلەر (مەنەدجەرلەر جانە ماماندار) سانىنىڭ ءتيىستى ساناتتاعى قازاقستاندىق كادرلار سانىنا ەلۋ پايىزدان اسپايتىن پايىزدىق قاتىناسىن قامتاماسىز ەتەدى.
جۇمىس بەرۋشى كورپوراتيۆىشىلىك اۋىستىرۋ شەڭبەرىندە شەتەلدىك جۇمىسكەرلەردى تارتقان كەزدە كادرلارداعى جەرگىلىكتى قامتۋ تۋرالى اقپاراتتى جەرگىلىكتى اتقارۋشى ورگانعا وسى قاعيدالارعا 11-قوسىمشاعا سايكەس نىسان بويىنشا بەرەدى.
48. شەتەلدىك جۇمىسكەردى باسشى لاۋازىمدارعا تارتقان كەزدە قازاقستان رەسپۋبليكاسى ازاماتتارىنىڭ سانىنا قاتىناستى ساقتاۋ جونىندەگى تالاپتار قولدانىلمايدى.
49. جەرگىلىكتى اتقارۋشى ورگان قاجەتتى قۇجاتتاردى قابىلداۋدى, سونداي-اق شەتەلدىك جۇمىس كۇشىن تارتۋعا رۇقساتتى بەرۋدى جانە ۇزارتۋدى www.egov.kz, www.elicense.kz «ەلەكتروندىق ۇكىمەت» ۆەب-پورتالى ارقىلى ەلەكتروندىق تاسىلمەن نە قاعاز تۇرىندە جۇزەگە اسىرادى.
50. كورپوراتيۆىشىلىك اۋىستىرۋ شەڭبەرىندە شەتەلدىك جۇمىس كۇشىن تارتۋعا رۇقسات مىناداي:
1) جۇمىس بەرۋشى وسى قاعيدالاردىڭ 47-تارماعىندا بەلگىلەنگەن شارتتاردى ساقتاماعان;
2) ىشكى ەڭبەك نارىعىندا ءتيىستى ۇسىنىستار بولعان (جۇمىسقا ورنالاسقىسى كەلەتىن ادام جۇمىس بەرۋشىنىڭ جانە حالىقتى جۇمىسپەن قامتۋ ورتالىعى وكىلىنىڭ وڭ باعاسىن العان كەزدە);
3) جۇمىس بەرۋشىنىڭ شەتەلدىك جۇمىسكەرلەردى رۇقساتسىز تارتۋ فاكتىسى انىقتالعان. مۇنداي جاعدايدا وسىنداي فاكتى انىقتالعان كۇننەن باستاپ ون ەكى اي بويى جاڭا رۇقساتتار بەرىلمەيدى;
4) وتكەن جانە اعىمداعى كۇنتىزبەلىك جىلدار ءۇشىن بەرىلگەن رۇقساتتاردىڭ ورىندالۋ مەرزىمى كەلگەن ەرەكشە شارتتارىن (بار بولسا) ورىنداماعان;
5) شەتەلدىك جۇمىس كۇشىنىڭ ءبىلىم دەڭگەيى (كاسىپتىك دايارلىعى) مەن پراكتيكالىق جۇمىس تاجىريبەسى ء(وتىلى) وسى قاعيدالاردىڭ 37 جانە 38-تارماقتارىندا كوزدەلگەن تالاپتارعا سايكەس كەلمەگەن جاعدايلاردا بەرىلمەيدى نەمەسە ۇزارتىلمايدى.
51. جەرگىلىكتى اتقارۋشى ورگان مىناداي:
1) شەتەلدىك جۇمىسكەردى رۇقساتتا كورسەتىلگەن كاسىپكە نەمەسە ماماندىققا سايكەس كەلمەيتىن كاسىپ نەمەسە ماماندىق بويىنشا تارتقان;
2) جۇمىس بەرۋشى وسى قاعيدالاردىڭ 47-تارماعىندا بەلگىلەنگەن شارتتاردى ساقتاماعان جاعدايلاردا قولدانىستاعى كورپوراتيۆىشىلىك اۋىستىرۋ شەڭبەرىندە شەتەلدىك جۇمىس كۇشىن تارتۋعا رۇقساتتى كەرى قايتارىپ الۋدى جۇرگىزەدى. بۇل رەتتە جەرگىلىكتى اتقارۋشى ورگان سانى وسى قاعيدالاردىڭ 47-تارماعىندا بەلگىلەنگەن پايىزدىق قاتىناستان اساتىن سوڭعى بەرىلگەن رۇقساتتاردى كەرى قايتارىپ الادى.
جەرگىلىكتى اتقارۋشى ورگان رۇقساتتى كەرى قايتارىپ العان كۇننەن باستاپ ءۇش جۇمىس كۇنى ىشىندە قر ءىىم وبلىستىق, استانا جانە الماتى قالالارىنىڭ اۋماقتىق ورگانىنا وسى قاعيدالارعا 12-قوسىمشاعا سايكەس كەرى قايتارىپ الىنعان شەتەلدىك جۇمىس كۇشىن تارتۋعا رۇقساتتار تۋرالى اقپارات جولدايدى.
52. كورپوراتيۆىشىلىك اۋىستىرۋ شەڭبەرىندە شەتەلدىك جۇمىس كۇشىن تارتۋعا رۇقساتتار ەڭبەك شارتىندا كورسەتىلگەن اۋىستىرۋ مەرزىمىنە, بىراق ءبىر رەتتەن اسىرماي ون ەكى ايعا ۇزارتۋ قۇقىعىمەن ءۇش جىلدان اسپايتىن مەرزىمگە بەرىلەدى.
ەڭبەك شارتى بولماعان كەزدە كورپوراتيۆىشىلىك اۋىستىرۋ مەرزىمى كورپوراتيۆىشىلىك اۋىستىرۋ تۋرالى حاتتا نەمەسە كەلىسىمدە (شارتتا), بىراق ءبىر رەتتەن اسىرماي ون ەكى ايعا ۇزارتۋ قۇقىعىمەن ءۇش جىلدان اسپايتىن مەرزىم بولىپ ايقىندالادى.
53. جەرگىلىكتى اتقارۋشى ورگان بەرگەن رۇقساتتى باسقا جۇمىس بەرۋشىلەرگە بەرۋگە بولمايدى, جۇمىس بەرۋشىنىڭ رۇقسات العان شەتەلدىك جۇمىسكەرلەردى وزگە اكىمشىلىك-اۋماقتىق بىرلىكتەردىڭ اۋماعىندا ورنالاسقان كاسىپورىندارعا, ۇيىمدارعا كۇنتىزبەلىك ءبىر جىل ىشىندە جيىنتىعى كۇنتىزبەلىك توقسان كۇننەن اسپايتىن مەرزىمگە ىسساپارعا جىبەرۋىن قوسپاعاندا, ءتيىستى اكىمشىلىك-اۋماقتىق بىرلىكتىڭ اۋماعىندا عانا قولدانىلادى.
شەتەلدىك جۇمىسكەرلەردى ىسساپارعا جىبەرگەن كەزدە جۇمىس بەرۋشى شەتەلدىك جۇمىسكەرلەردىڭ تىركەلگەن جەرى جانە ءتيىستى اكىمشىلىك-اۋماقتىق بىرلىكتىڭ اۋماعىنا كەلگەن جەرى بويىنشا ىشكى ىستەر ورگاندارىن جازباشا حاباردار ەتەدى.
54. شەتەلدىك جۇمىس كۇشىن تارتۋعا رۇقسات بەرىلگەن شەتەلدىك جۇمىسكەر جۇمىس ورنىنا كەلمەگەن نەمەسە شەتەلدىك جۇمىس كۇشىن تارتۋعا رۇقساتتىڭ قولدانىلۋ مەرزىمى اياقتالعانعا دەيىن ونىمەن ەڭبەك شارتى بۇزىلعان جاعدايدا ول وسى كاسىپ ءۇشىن بەلگىلەنگەن, وسى قاعيدالارعا 9-قوسىمشادا كوزدەلگەن قۇجاتتارمەن راستالعان بىلىكتىلىك تالاپتارىنا سايكەس كەلگەن كەزدە بۇرىن بەرىلگەن رۇقساتتى جاڭا ءنومىر بەرە وتىرىپ, باسقا شەتەلدىك جۇمىسكەرگە قايتا رەسىمدەۋ جۇزەگە اسىرىلادى.
قايتا رەسىمدەلگەن رۇقسات باستاپقىدا بەرىلگەن رۇقساتتىڭ قولدانىلۋ مەرزىمى اياقتالعانعا دەيىن قالعان مەرزىمگە بەرىلەدى.
55. جەرگىلىكتى اتقارۋشى ورگان بۇرىن بەرىلگەن شەتەلدىك جۇمىس كۇشىن تارتۋعا رۇقساتتى باسقا شەتەلدىك جۇمىسكەرگە قايتا رەسىمدەۋ تۋرالى شەشىمدى قۇجاتتاردى قابىلداعان كۇننەن باستاپ بەس جۇمىس كۇنى ىشىندە, كوميسسيا وتىرىسىندا قاراماي قابىلدايدى.
56. جەرگىلىكتى اتقارۋشى ورگان رۇقساتتى ۇزارتۋ تۋرالى شەشىمدى قۇجاتتاردى قابىلداعان كۇننەن باستاپ بەس جۇمىس كۇنى ىشىندە قاعيدالارعا سايكەس, كوميسسيا وتىرىسىندا قاراماي جۇزەگە اسىرادى.
57. كورپوراتيۆىشىلىك اۋىستىرۋ شەڭبەرىندە شەتەلدىك جۇمىس كۇشىن تارتۋعا رۇقساتتىڭ قولدانىسى مىناداي:
1) ول بەرىلگەن مەرزىم اياقتالعان;
2) رۇقسات كەرى قايتارىپ الىنعان;
3) جەكە تۇلعا – جۇمىس بەرۋشىنىڭ قىزمەتى توقتاتىلعان, زاڭدى تۇلعا – جۇمىس بەرۋشى تاراتىلعان;
4) جۇمىس بەرۋشى رۇقساتتى جەرگىلىكتى اتقارۋشى ورگانعا ءوز ەركىمەن قايتارعان جاعدايلاردا توقتاتىلادى.
58. شەتەلدiك جۇمىس كۇشiن تارتۋعا رۇقساتتىڭ مەرزiمiن ۇزارتۋ ءۇشiن جۇمىس بەرۋشى رۇقساتتىڭ قولدانىلۋ مەرزiمiنiڭ اياقتالۋىنا دەيىن كەمiندە ءبىر ايدان كەشىكتىرمەي «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى ارقىلى نە قاعاز تۇرىندە جەرگىلىكتى اتقارۋشى ورگانعا مىناداي قۇجاتتاردى:
1) ءوتىنىشتى;
2) وتكەن جانە اعىمداعى كۇنتىزبەلىك جىلدار ءۇشىن بەرىلگەن رۇقساتتاردىڭ ورىندالۋ مەرزىمى كەلگەن ەرەكشە شارتتارىن (بار بولسا) ورىنداۋ تۋرالى اقپاراتتى;
3) وسى قاعيدالارعا 11-قوسىمشاعا سايكەس كورپوراتيۆىشىلىك اۋىستىرۋ شەڭبەرىندە شەتەلدىك جۇمىس كۇشىن تارتقان كەزدە كادرلارداعى جەرگىلىكتى قامتۋ تۋرالى اقپاراتتى;
4) رۇقسات مەرزىمىن ۇزارتۋدىڭ نەگىزدەمەسىن;
5) وسى قاعيدالارعا 9-قوسىمشانىڭ 5-تارماعىندا كوزدەلگەن تارتىلاتىن شەتەلدىك جۇمىسكەرلەر
• 06 قازان, 2016
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №559
سوڭعى جاڭالىقتار
استانادا وليمپيادا چەمپيونى ميحايل شايدوروۆتى سالتاناتتى تۇردە قارسى الدى
ەلوردا • بۇگىن, 02:45
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
«رەال» باس باپكەرگە بايلانىستى شەشىم قابىلدادى
فۋتبول • كەشە
