قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №95

  2016 جىلعى 8 اقپان, استانا قالاسى قازاقستان رەسپۋبليكاسىندا پسيحياتريالىق كومەك كورسەتۋدى ۇيىمداستىرۋ ستاندارتىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابى 1-تارماعىنىڭ 6) تارماقشاسىنا جانە قازاقستان رەسپۋبليكاسى ۇكىمەتىنىڭ 2014 جىلعى 23 قىركۇيەكتەگى № 1005 قاۋلىسىمەن بەكىتىلگەن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى تۋرالى ەرەجەنىڭ 16-تارماعىنىڭ 9) تارماقشاسىنا سايكەس بۇيىرامىن: 1. قازاقستان رەسپۋبليكاسىندا پسيحياتريالىق كومەك كورسەتۋدى ۇيىمداستىرۋ ستاندارتى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنىنىڭ ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت. دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2016 جىلعى 8 اقپانداعى №95 بۇيرىعىمەن بەكىتىلگەن قازاقستان رەسپۋبليكاسىندا پسيحياتريالىق كومەك كورسەتۋدى ۇيىمداستىرۋ ستاندارتى 1. جالپى ەرەجەلەر 1. قازاقستان رەسپۋبليكاسىندا پسيحياتريالىق كومەكتى ۇيىمداستىرۋ ستاندارتى (بۇدان ءارى – ستاندارت) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ (بۇدان ءارى – كودەكس) 7-بابى 1-تارماعىنىڭ 6) تارماقشاسىنا جانە قازاقستان رەسپۋبليكاسى ۇكىمەتىنىڭ 2014 جىلعى 23 قىركۇيەكتەگى № 1005 قاۋلىسىمەن بەكىتىلگەن قازاقستان رەسپۋبليكاسى دەنساۋلىق ساقتاۋ جانە الەۋمەتتكى دامۋ مينيسترىلىگى تۋرالى ەرەجەنىڭ 16-تارماعى 9) تارماقشاسىنا سايكەس ازىرلەنگەن. 2. وسى ستاندارت امبۋلاتوريالىق-ەمحانالىق, ستاتسيونارلىق جانە ستاتسيوناردى الماستىراتىن دەڭگەيلەردە پسيحيكالىق اۋرۋلارى بار پاتسيەنتتەرگە مەديتسينالىق كومەك كورسەتۋدى ۇيىمداستىرۋعا قويىلاتىن جالپى قاعيداتتار مەن تالاپتاردى بەلگىلەيدى. 3. قازاقستان رەسپۋبليكاسىندا پسيحياتريالىق كومەك كورسەتەتىن ۇيىمداردىڭ شتاتتارى «دەنساۋلىق ساقتاۋ ۇيىمدارىنىڭ ۇلگى شتاتتارى مەن شتات نورماتيۆتەرىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 7 ساۋىردەگى № 238 بۇيرىعىمەن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىنە № 6173 بولىپ تىركەلگەن) بەكىتىلگەن ۇلگى شتاتتارى مەن شتات نورماتيۆتەرىنە سايكەس بەلگىلەنەدى. 4. وسى ستاندارتتا پايدالانىلاتىن انىقتامالار: 1) ديناميكالىق بايقاۋ – حالىق دەنساۋلىعىنىڭ جاي-كۇيىن جۇيەلى تۇردە بايقاۋ, سونداي-اق وسى بايقاۋدىڭ ناتيجەلەرى بويىنشا قاجەتتى مەديتسينالىق كومەك كورسەتۋ; 2) مەديتسينالىق كۋالاندىرۋ – جەكە تۇلعانى وندا اۋرۋىنىڭ بولۋ نەمەسە بولماۋ فاكتىسىن انىقتاۋ نەمەسە راستاۋ, ونىڭ دەنساۋلىق جاعدايىن, سونداي-اق ەڭبەككە ۋاقىتشا جارامسىزدىعىن, كاسىپتىك جانە وزگە دە جارامدىلىعىن ايقىنداۋ ماقساتىندا زەرتتەپ-قاراۋ; 3) مەديتسينالىق-الەۋمەتتىك كومەك (بۇدان ءارى – ماك) – كودەكستىڭ 43-بابىنىڭ 2-تارماقشاسىنا سايكەس الەۋمەتتىك ءمانى بار اۋرۋلاردان زارداپ شەگەتىن ازاماتتارعا ۇسىنىلاتىن مەديتسينالىق جانە الەۋمەتتىك- پسيحولوگيالىق كومەك; 4) مەديتسينالىق-الەۋمەتتىك وڭالتۋ – جۇمىسقا ارالاستىرۋعا, وتباسىلىق جانە قوعامدىق ومىرگە قاتىستىرۋعا ارنالعان مەديتسينالىق, الەۋمەتتىك جانە ەڭبەك ءىس-شارالارىن كەشەندى پايدالانۋ ارقىلى ناۋقاستار مەن مۇگەدەكتەردىڭ دەنساۋلىعىن قالپىنا كەلتىرۋ; 5) پسيحياتريالىق ۇيىم – نەگىزگى قىزمەتى پسيحيكالىق بۇزىلۋلاردان (اۋرۋلاردان) زارداپ شەگەتىن ادامدارعا مەديتسينالىق-الەۋمەتتىك كومەك كورسەتۋ, ساراپتاما جۇرگىزۋ (اسكەري-دارىگەرلىك, سوت-پسيحياتريالىق, ۋاقىتشا ەڭبەككە جارامسىزدىق ساراپتاماسى), كونسۋلتاتسيالىق پسيحياتريالىق, پسيحوتەراپيالىق جانە مەديتسينالىق-پسيحولوگيالىق كومەك كورسەتۋ بولىپ تابىلاتىن مەديتسينالىق دەنساۋلىق ساقتاۋ ۇيىمى; 6) پروفيلاكتيكا – اۋرۋلاردىڭ پايدا بولۋىنىڭ, ولاردىڭ ەرتە ساتىدا ءورشۋىنىڭ الدىن الۋعا جانە ورىن العان اسقىنۋلاردى, اعزالار مەن تىندەردىڭ ب ۇلىنۋلەرىن بايقاۋعا باعىتتالعان مەديتسينالىق جانە مەديتسينالىق ەمەس ءىس-شارالار كەشەنى; 7) پاتسيەنت – مەديتسينالىق قىزمەتتەردىڭ تۇتىنۋشىسى بولىپ تابىلاتىن (بولىپ تابىلعان) جەكە تۇلعا; 8) پسيحيكالىق بۇزىلۋلار (اۋرۋ) – ادامنىڭ باس ميى جۇمىسىنىڭ بۇزىلۋىنا بايلانىستى پسيحيكالىق قىزمەتىنىڭ بۇزىلۋى. 2. قازاقستان رەسپۋبليكاسىندا پسيحياتريالىق كومەك كورسەتەتىن ۇيىمدار قىزمەتىنىڭ نەگىزگى باعىتتارى 5. قازاقستان رەسپۋبليكاسىندا پسيحياتريالىق كومەك كورسەتەتىن مەديتسينالىق ۇيىمداردىڭ نەگىزگى ماقساتتارى, مىندەتتەرى, تۇرلەرى مەن قۇرىلىمى قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 6 قاڭتارداعى № 15 بۇيرىعىمەن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 6776 بولىپ تىركەلگەن) بەكىتىلگەن پسيحياتريالىق ۇيىمداردىڭ قىزمەتى تۋرالى ەرەجەمەن ايقىندالىپ, رەگلامەنتتەلگەن. 6. پسيحيكالىق جانە مىنەز-ق ۇلىق بۇزىلۋلارى بار پاتسيەنتتەرگە مەديتسينالىق جانە الەۋمەتتىك كومەك كورسەتەتىن ماماندار: 1) پسيحياتريالىق ۇيىمنىڭ شتاتتاعى قىزمەتكەرلەرى – مىناداي ماماندىقتار بويىنشا دارىگەرلەرى: پسيحياتريا (ناركولوگيا, پسيحوتەراپيا, سەكسوپاتولوگيا, مەديتسينالىق پسيحولوگيا, سوت-پسيحياتريالىق ساراپتاما, سوت-ناركولوگيالىق ساراپتاما), بالالار پسيحياترياسى (ناركولوگيا, مەديتسينالىق پسيحولوگيا, سوت-پسيحياتريالىق ساراپتاما, سوت-ناركولوگيالىق ساراپتاما); 2) مەيىرگەرلەر; 3) الەۋمەتتىك قىزمەتكەرلەر. 3. قازاقستان رەسپۋبليكاسىندا پسيحياتريالىق كومەك كورسەتۋدى ۇيىمداستىرۋ 7. قازاقستان رەسپۋبليكاسىندا پسيحياتريالىق كومەك كورسەتۋ مىناداي نىساندار بويىنشا جۇزەگە اسىرىلادى: 1) امبۋلاتوريالىق-ەمحانالىق كومەك, ونىڭ ىشىندە كونسۋلتاتسيالىق-دياگنوستيكالىق كومەك; 2) ستاتسيونارلىق كومەك; 3) ستاتسيوناردى الماستىراتىن كومەك; 4) جەدەل مەديتسينالىق جاردەم. 8. امبۋلاتوريالىق پسيحياتريالىق كومەك مىنالاردى قامتيدى: 1) پسيحياتردىڭ كونسۋلتاتسياسىنا پاتسيەنتتەن (نەمەسە ونىڭ زاڭدى وكىلىنەن) جازباشا كەلىسىم الۋ جانە ەم قابىلداۋ; 2) پاتسيەنتتىڭ جاعدايىن انىقتاۋ جانە دياگنوز قويۋ ماقساتىندا پسيحياتر دارىگەردىڭ قاراپ-تەكسەرۋى; 3) دياگنوزدى انىقتاۋ ماقساتىندا پاتسيەنتتەردى ەكسپەريمەنتالدىق-پسيحولوگيالىق, لوگوپەدتىك, زەرتحانالىق جانە اسپاپتىق قاراپ-تەكسەرۋ; 4) پاتسيەنتتەردى انىقتاۋ جانە ەمدەۋگە جاتقىزۋعا جىبەرۋ; 5) پاتسيەنتتەردى (كورسەتىلىمدەرى بويىنشا) رەسىمدەۋ جانە كونسۋلتاتسيالىق بايقاۋدى جۇزەگە اسىرۋ; 6) پاتسيەنتتەردى توپتار بويىنشا رەسىمدەۋ, ستراتيفيكاتتاۋ جانە (كورسەتىلىمدەرى بويىنشا) ديناميكالىق بايقاۋدى جۇزەگە اسىرۋ. 9. پسيحيكالىق بۇزىلۋلاردان (اۋرۋلاردان) زارداپ شەگەتىن پاتسيەنتتەردى ديناميكالىق (ديسپانسەرلىك) بايقاۋ توپتارى وسى ستاندارتقا قوسىمشاعا سايكەس انىقتالادى. 10. پسيحيكالىق بۇزىلۋلارى (اۋرۋلارى) بار پاتسيەنتتەرگە ستاتسيونارلىق كومەك قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 29 قىركۇيەكتەگى № 761 بۇيرىعىمەن بەكىتىلگەن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 12204 بولىپ تىركەلگەن) ستاتسيونارلىق كومەك كورسەتۋ قاعيدالارىنا سايكەس جۇزەگە اسىرىلادى. 11. ستاتسيونارلىق پسيحياتريالىق كومەك مىنالاردى قامتيدى: 1) قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قازانداعى № 907 بۇيرىعىمەن (بۇدان ءارى – № 907 بۇيرىق) (نورماتيۆتىك قۇقىقتىق اكتىلەردىڭ مەملەكەتتىك تىزىلىمىنە № 6697 بولىپ تىركەلگەن) بەكىتىلگەن دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىنا سايكەس بەلگىلەنگەن مەديتسينالىق قۇجاتتامانى راسىمدەۋ; 2) ەمدى تاڭداۋ جانە جۇرگىزۋ كلينيكالىق حاتتامالارعا سايكەس جۇرگىزىلەدى; 3) پسيحياتر دارىگەردىڭ العاشقى كۇنتىزبەلىك 10 كۇن بويى كۇندەلىكتى, ودان كەيىن – اپتاسىنا 2 رەت قاراپ-تەكسەرۋى, ەمدى تۇزەتۋى (قاجەت بولعان جاعدايدا); 4) كلينيكالىق حاتتامالارعا سايكەس بەيىندى مامانداردىڭ كونسۋلتاتسيالار, كلينيكالىق-زەرتحانالىق, پسيحولوگيالىق-ەكسپەريمەنتالدىق, زەرتحانالىق-ەكسپەريمەنتالدىق زەرتتەپ-قاراۋ ادىستەرىن جۇرگىزۋى. 12. پسيحيكالىق جانە مىنەز-ق ۇلىق بۇزىلۋلارى بار پاتسيەنتتەرگە ستاتسيوناردى الماستىراتىن كومەك قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 17 شىلدەدەگى №669 بۇيرىعىمەن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىنە № 12106 بولىپ تىركەلگەن) بەكىتىلگەن ستاتسيوناردى الماستىراتىن كومەك كورسەتۋ قاعيدالارىنا سايكەس جۇزەگە اسىرىلادى. 13. پسيحيكالىق جانە مىنەز-ق ۇلىق بۇزىلۋلارى بار پاتسيەنتتەرگە ستاتسيوناردى الماستىراتىن كومەك مىنالاردى قامتيدى: 1) ەم قابىلداۋعا پاتسيەنتتىڭ (نەمەسە ونىڭ زاڭدى وكىلىنىڭ) جازباشا كەلىسىمىن الۋ; 2) پاتسيەنتتىڭ پسيحيكالىق ستاتۋسىن انىقتاۋ جانە دياگنوزىن بەلگىلەۋ ماقساتىندا پسيحياتر دارىگەردىڭ (كلينيكالىق-پسيحوپاتولوگيالىق ءادىستى پايدالانا وتىرىپ) قاراپ-تەكسەرۋى; 3) كاسىبي جارامدىلىق, وقىتۋ, (قاجەتتىلىگىنە قاراي) قىزمەتتىڭ وزگە دە تۇرلەرى ماسەلەلەرىن شەشۋ ءۇشىن مەديتسينالىق-الەۋمەتتىك وڭالتۋ شارالارىن ازىرلەۋ ماقساتىندا پاتسيەنتتەردى ەكسپەريمەنتالدىق-پسيحولوگيالىق, لوگوپەدتىك, زەرتحانالىق, كلينيكالىق-اسپاپتىق زەرتتەپ-قاراۋ; 4) كلينيكالىق حاتتامالارعا سايكەس ەم جۇرگىزۋ; 5) كومپلايەنستى – پاتسيەنتتىڭ دارىگەر ۇسىنىمدارىن ۇستانۋىن جانە ونىڭ ميكروالەۋمەتتىك ورتاسىن نىعايتۋ; 6) № 907 بۇيرىقپەن بەكىتىلگەن دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىنا سايكەس مەديتسينالىق قۇجاتتامانى راسىمدەۋ. 14. ستاتسيوناردى الماستىراتىن پسيحياتريالىق كومەك, پسيحيكالىق جانە مىنەز-ق ۇلىق بۇزىلۋلارىنىڭ كۇشەيۋى پروفيلاكتيكاسىن جانە (نەمەسە) تەراپياسىن جانە (نەمەسە) دەكومپەنساتسياسىن تاۋلىك بويى بايقاۋدى تالاپ ەتپەيتىن جاعدايدا پاتسيەنتتىڭ (نەمەسە ونىڭ زاڭدى وكىلىنىڭ) جازباشا كەلىسىمىنىڭ نەگىزىندە كورسەتىلەدى. 15. جەدەل مەديتسينالىق كومەك قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 27 ساۋىردەگى № 269 بۇيرىعىمەن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىنە № 11263 بولىپ تىركەلگەن) بەكىتىلگەن جەدەل مەديتسينالىق كومەك كورسەتۋ جانە سانيتاريالىق اۆياتسيا نىسانىندا مەديتسينالىق كومەكتى ۇسىنۋ قاعيدالارىنا سايكەس جۇزەگە اسىرىلادى. 16. پسيحيكالىق جانە مىنەز-ق ۇلىق بۇزىلۋلارى بار پاتسيەنتتەر ءۇشىن ساناتوريالىق-كۋرورتتىق ۇيىمداردا مەديتسينالىق وڭالتۋ قارسى كورسەتىلگەن. 17. پسيحيكالىق بۇزىلۋلاردان (اۋرۋلاردان) زارداپ شەگەتىن پاتسيەنتتەردى ءدارى-دارمەكپەن قامتاماسىز ەتۋ قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 4 قاراشاداعى № 786 بۇيرىعىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە امبۋلاتوريالىق دەڭگەيدە بەلگىلى ءبىر اۋرۋلارى (جاي-كۇيى) بار حالىقتى تەگىن قامتاماسىز ەتۋ ءۇشىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ جانە مامانداندىرىلعان ەمدىك ونىمدەردىڭ تىزبەسىنە سايكەس جۇزەگە اسىرىلادى (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 7306 بولىپ تىركەلگەن). 4. پسيحيكالىق جانە مىنەز-ق ۇلىق بۇزىلۋلارى بار پاتسيەنتتەرگە ماك كورسەتۋدى ۇيىمداستىرۋ 18. پسيحيكالىق جانە مىنەز-ق ۇلىق بۇزىلۋلارى بار پاتسيەنتتەرگە مەديتسينالىق-الەۋمەتتىك كومەك كورسەتۋدىڭ نەگىزگى قاعيداتتارى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 ساۋىردەگى №285 بۇيرىعىمەن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 11226 بولىپ تىركەلگەن) بەكىتىلگەن الەۋمەتتىك ءمانى بار اۋرۋلاردان زارداپ شەگەتىن ازاماتتارعا ۇسىنىلاتىن مەديتسينالىق-الەۋمەتتىك كومەك كورسەتۋ قاعيدالارىنا سايكەس رەگلامەنتتەلەدى. 19. پسيحيكالىق بۇزىلۋلارى (اۋرۋلارى) بار پاتسيەنتتەرگە ماك-ءتى پسيحياتريالىق ۇيىمنىڭ جانە مەديتسينالىق-سانيتاريالىق العاشقى كومەك ۇيىمدارىنىڭ شتاتتاعى پسيحوتەراپەۆت دارىگەرلەرى, پسيحولوگتارى, الەۋمەتتىك قىزمەتكەرلەرى جانە مەيىرگەرلەرى كورسەتەدى. 20. ماك كورسەتۋ پاتسيەنتتىڭ پسيحياتريالىق ۇيىمعا جۇگىنگەن ساتىنەن باستالادى. 21. ماك كورسەتۋ الەۋمەتتىك-مەديتسينالىق جانە الەۋمەتتىك-پسيحولوگيالىق قىزمەت تۇرىندە جۇزەگە اسىرىلادى. 22. الەۋمەتتىك-ەڭبەكتىك وڭالتۋ ەمدىك-ەڭبەك شەبەرحانالارىندا (بۇدان ءارى – ەەش) جۇرگىزىلەدى, وندا ەەش-ءتىڭ پسيحياتر دارىگەرلەرى ەم جۇرگىزەدى, ال ەەش-ءتىڭ قىزمەت كورسەتەتىن ورتا مەديتسينا قىزمەتكەرلەرى دارىگەرلەردىڭ تاعايىنداماسى بويىنشا دارىلىك زاتتاردى بەرەدى جانە پايدالانىلعان دارىلىك زاتتاردى ەسەپتەن شىعارادى. 23. ستاتسيونارلىق ەمدەۋدەگى جانە ەەش-تە ەڭبەك تەراپياسىنان ءوتىپ جاتقان پاتسيەنتتەر ءدارى-دارمەكتىك ەمدى جانە تاماقتى ستاتسيوناردىڭ ءتيىستى بولىمشەلەرىندە جالپى نەگىزدەردە الادى. 24. ەەش-تە ەڭبەك تەراپياسىنىڭ كۋرسى اياقتالعاننان كەيىن پاتسيەنتتەردى جۇمىسقا ورنالاستىرۋعا جانە كاسىپورىنداردا نەمەسە الەۋمەتتىك قامتاماسىز ەتىلەتىن مەكەمەلەردە ولاردىڭ جاڭا كاسىپتى مەڭگەرۋىنە كومەك كورسەتىلەدى. 25. ەەش-تە ەڭبەك تەراپياسىنان ءوتىپ جاتقان ءاربىر پاتسيەنتكە مەديتسينالىق تاعايىندامالار, ۇسىنىلاتىن ەڭبەك تۇرلەرى, ەڭبەك تەراپياسىنىڭ باعاسى كورسەتىلگەن ەڭبەك تەراپياسىنىڭ ەسەپ كارتاسى اشىلادى, ول پاتسيەنت ەڭبەك تەراپياسى كۋرسىن اياقتاعاننان كەيىن پسيحياتريالىق ۇيىمعا بەرىلەدى. 26. ستاتسيونارلىق ەمدەگى پاتسيەنتتەردى ەەش-كە ەڭبەك تەراپياسىنا جىبەرۋدى ەمدەۋشى دارىگەر جۇزەگە اسىرادى. پسيحونەۆرولوگيالىق ديسپانسەرلەردە ەمدەۋشى دارىگەر مەديتسينالىق كورسەتىلىمدەرگە سايكەس پاتسيەنتتەردى ەەش-كە جىبەرۋ ءۇشىن ولارعا الدىن الا ىرىكتەۋ جۇرگىزەدى. 27. تۇپكىلىكتى انىقتاۋ جانە ديسپانسەرلىك بايقاۋداعى پاتسيەنتتەردى ەەش-كە جىبەرۋدى, قۇرامىندا پسيحياتريالىق ۇيىمنىڭ ءبىرىنشى باسشىسى, ەمدەۋشى دارىگەر مەن ەەش-ءتىڭ پسيحياتر دارىگەرى بار كوميسسيا جۇزەگە اسىرادى. 28. ەەش-كە دەنساۋلىق جاعدايى بويىنشا ەڭبەك تەراپياسىن جۇرگىزۋگە بولمايتىن پاتسيەنتتەر, سونداي-اق: 1) سەكسۋالدى الىمساقتىققا بەيىم, بەيالەۋمەتتىك مىنەزى بار پسيحوپاتتار, جالاقورلار; 2) ناشاقورلار, الكوگوليكتەر; 3) اۋىر سوماتيكالىق نەمەسە ينفەكتسيالىق اۋرۋلارمەن اۋىراتىن پسيحيكالىق ناۋقاستار جىبەرىلمەيدى. 29. ءجيى قۇرىسۋ تالماسى بار جانە ەسىنىڭ ۇزاق كۇڭگىرت كۇيدەگى, تەز قوزاتىن جانە سەكسۋالدى الىمساقتىققا بەيىم, مىنەز-قۇلقى بۇزىلعان پاتسيەنتتەر ءۇشىن جانە سوعان بايلانىستى ەەش ۇجىمىنداعى شىدامسىز پاتسيەنتتەر ءۇشىن ەڭبەك پروتسەستەرى ۇيدە ۇيىمداستىرىلادى. 30. پاتسيەنتتەردىڭ ەەش-تە ەڭبەك تەراپياسىنان ءوتۋ مەرزىمى تەك مەديتسينالىق كورسەتىلىمدەرگە بايلانىستى انىقتالادى. ءاربىر التى اي سايىن پسيحياتريالىق ۇيىمنىڭ ءبىرىنشى باسشىسى ەەش پسيحياتر دارىگەرىمەن بىرلەسىپ ناۋقاستى ەەش-تە ەڭبەك ارقىلى ەمدەۋدى جالعاستىرۋدىڭ ورىندىلىعى تۋرالى ماسەلەنى شەشەدى. 5. پسيحيكالىق جانە مىنەز-ق ۇلىق بۇزىلۋلارى بار پاتسيەنتتەرگە كۇندىزگى ستاتسيوناردا مەديتسينالىق كومەك كورسەتۋدى ۇيىمداستىرۋ 31. كۇندىزگى ستاتسيوناردا (بۇدان ءارى – كس) كۇشەيگەن نەمەسە پسيحيكالىق كۇيدىڭ دەكومپەنساتسياسى بار, بەلسەندى تەراپيانى, كۇندەلىكتى دارىگەردىڭ بايقاۋىن قاجەت ەتەتىن جانە مىندەتتى ەمدەۋگە جاتقىزۋدى, ولارعا ەمدەۋ-قالپىنا كەلتىرۋ ءىس-شارالارىنىڭ اۋقىمدى كەشەنىن جۇرگىزۋدى تالاپ ەتپەيتىن پاتسيەنتتەرگە ەمدەۋ ۇيىمداستىرىلادى. 32. كس-تە پسيحياتريالىق ستاتسيوناردا نەگىزگى ەمدەۋ كۋرسىن العان, جارتىلاي ستاتسيونارلىق كۇيگە اۋىساتىن جانە قاراپايىم ءومىر ءسۇرۋ ورتاسىنا بىرتىندەپ بەيىمدەلۋدى قاجەت ەتەتىن پاتسيەنتتەرگە تولىق ەمدەلۋ ۇيىمداستىرىلادى. 33. كس-تە, ونىڭ ىشىندە ەڭبەك جانە اسكەري-دارىگەرلىك ساراپتاما ماسەلەلەرىن شەشۋ ماقساتىندا دياگنوزدى جانە جاعدايدىڭ ەرەكشەلىكتەرىن ناقتىلاۋ جۇرگىزىلەدى. ساراپتامالىق ماسەلەلەردى شەشۋدى قۇرامىندا كەمىندە ءۇش دارىگەر بار كوميسسيا جۇزەگە اسىرادى. 34. كس-تە ۋچاسكەلىك پسيحياتر دارىگەرمەن بىرلەسىپ, كس-تە ەمدەلىپ جاتقان پسيحيكالىق ناۋقاستارعا الەۋمەتتىك-قۇقىقتىق كومەك كورسەتىلەدى. 35. كس-كە مىنالار قابىلدانادى: 1) بەلسەندى ەمدەۋدى قاجەت ەتەتىن, پسيحياتريالىق ستاتسيونارعا مىندەتتى ەمدەۋگە جاتقىزۋدى تالاپ ەتپەيتىن, سونىمەن قاتار مىنەز-ق ۇلىقتىڭ رەتتىلىگىن جانە ەمدەۋدە وڭ نۇسقاۋدى ساقتايتىن پاتسيەنتتەر; 2) ەگەر دارىگەردىڭ كۇندەلىكتى بايقاۋى تالاپ ەتىلسە, قولداۋشى تەراپيانى تۇزەتۋدى قاجەت ەتەتىن پاتسيەنتتەر; 3) شەكتى جاعدايلار شەڭبەرىندە پسيحوپاتولوگيالىق بۇزىلۋلاردىڭ اسقىنۋى نەمەسە كومپەنساتسياسى بار پاتسيەنتتەر; 4) پسيحيكالىق اۋرۋلاردىڭ باستاپقى نەمەسە دياگنوستيكالاۋ, سونداي-اق رەتسيديۆتى پروفيلاكتيكالاۋ ماقساتىندا ونىڭ كۇشەيۋى ساتىسىنداعى پاتسيەنتتەر; 5) ەگەر پسيحياتريالىق دياگنوزدى بەلگىلەۋ كس جاعدايىندا جۇزەگە اسىرىلسا, بەلگىسىز دياگنوز جاعدايلارىنداعى پاتسيەنتتەر. 36. كس-كە قابىلداۋعا جاتپايتىندار: 1) وزىنە جانە اينالاسىنداعىلارعا تىكەلەي قاۋىپ توندىرەتىن پاتسيەنتتەر; 2) پسيحوپاتياسى جانە فوبياسى بار استەنيالىق بۇزىلۋلاردىڭ دەكومپەنساتسيالانعان نىساندارى بار پاتسيەنتتەر; 3) ءوزىنىڭ پسيحيكالىق جاعدايىنا جانە مىنەز-قۇلقىنا بايلانىستى باسقا پاتسيەنتتەرگە تەرىس اسەر ەتەتىن جانە كس رەجىمىن ورىنداۋعا قابىلەتسىز پاتسيەنتتەر; 4) اۋىر سوماتيكالىق, سونداي-اق ينفەكتسيالىق جانە قاۋىپتى كەزەڭدە ۆەنەريالىق اۋرۋلاردان زارداپ شەگەتىن پاتسيەنتتەر; 5) الكوگوليزمنەن, ناشاقورلىقتان جانە ۋىتقۇمارلىقتان زارداپ شەگەتىن پاتسيەنتتەر (كورسەتىلگەن ادامدار مامانداندىرىلعان ناركولوگيالىق كس-تە ەمدەلەدى). 37. كس جۇمىسىن ۇيىمداستىرۋ پسيحونەۆرولوگيالىق ديسپانسەرمەن (پسيحيكالىق دەنساۋلىق ورتالىعىمەن, ديسپانسەرلىك بولىمشەمەن, كابينەتپەن), ەمحانالاردىڭ پسيحوتەراپەۆتىك كابينەتتەرىمەن, سونداي-اق ناۋقاستاردى كس جىبەرەتىن پسيحياتريالىق ستاتسيونارلارمەن جانە وسى اۋماقتاعى باسقا دا مەديتسينالىق ۇيىمدارمەن تىعىز بايلانىسى جۇرگىزىلەدى. 38. كس-تە پاتسيەنتتەردى انىقتاۋدى قاجەتتى مەديتسينالىق زەرتتەپ-قاراۋلاردان كەيىن ناۋقاستى باقىلايتىن ەمدەۋشى دارىگەر جۇرگىزەدى. پاتسيەنتتەردى كس-كە ەمدەۋگە قابىلداۋ تۋرالى ماسەلەنى كس مەڭگەرۋشىسى شەشەدى. 39. پاتسيەنتتى قابىلداۋ كەزىندە تۋىندايتىن داۋلى جاعدايلاردا ناقتى شەشىمدى قۇرىلىمىندا دس بار پسيحياتريالىق ۇيىمنىڭ باس دارىگەرى (باس دارىگەردىڭ ەمدەۋ ءبولىمى بويىنشا ورىنباسارى) قابىلدايدى. 40. پاتسيەنتتىڭ كۇندەلىكتى كەلۋ ۋاقىتىن قىسقارتۋعا, سونداي-اق ناۋقاستى قاراپايىم ءومىر ءسۇرۋ جاعدايىنا تىكەلەي قوسۋ ءۇشىن كس-كە كەلۋدەن بوس كۇندەر بەرۋگە رۇقسات ەتىلەدى. 41. كس-تە ءاربىر پاتسيەنتكە № 907 بۇيرىقپەن بەكىتىلگەن 003/ە نىسانى بويىنشا ستاتسيونارلىق ناۋقاستىڭ مەديتسينالىق كارتاسى اشىلادى. 42. پاتسيەنتتى كس-تەن شىعارۋ كۇنى كوشىرمەسى امبۋلاتوريالىق ناۋقاستىڭ مەديتسينالىق كارتاسىنا قوسۋ ءۇشىن پاتسيەنتتىڭ تۇرعىلىقتى جەرى بويىنشا پسيحونەۆرولوگيالىق ديسپانسەرگە (پسيحيكالىق دەنساۋلىق ورتالىعىنا, ديسپانسەرلىك بولىمشەگە, كابينەتكە) جىبەرىلەتىن ەپيكريز جاسالادى. 43. كس-تە پاتسيەنتتىڭ جاعدايىن تاۋلىك بويى مەديتسينالىق باقىلاۋدى تالاپ ەتپەيتىن ەمدەۋدىڭ بارلىق ءتۇرى جۇزەگە اسىرىلادى. پسيحوفارماكوتەراپيانىڭ جانە بەلسەندى تەراپيانىڭ باسقا دا تۇرلەرى فيزيوتەراپيامەن, پسيحوتەراپيامەن, جۇمىسباستىلىق تەراپياسىمەن, الەۋمەتتىك تەراپيامەن, ەڭبەك تەراپياسىمەن بىرگە جۇرگىزىلەدى. 44. كس-تەگى پاتسيەنتتەرگە «جارتىلاي ستاتسيونار» رەجىمى كورسەتىلگەن ەڭبەككە ۋاقىتشا جارامسىزدىق پاراقتارى بەرىلەدى. پاتسيەنتتىڭ كس-تە ەمدەلۋدە بولۋ مەرزىمى كۇنتىزبەلىك 90 كۇننەن اسپايدى. پاتسيەنتتىڭ كس-تە ودان ءارى بولۋى قاجەت بولعان كەزدە دارىگەرلىك-كونسۋلتاتسيالىق كوميسسيانىڭ شەشىمىمەن بولۋ مەرزىمى ۇزارتىلادى. 45. تاۋلىكتىك مەديتسينالىق بايقاۋدى جانە ەمدەۋدى تالاپ ەتەتىن, پاتسيەنتتىڭ جاعدايى ناشارلاعان جاعدايدا, ول تەز ارادا پسيحياتريالىق ۇيىمنىڭ ءتيىستى ستاتسيونارلىق بولىمشەسىنە اۋىستىرىلادى. قازاقستان رەسپۋبليكاسىندا پسيحياتريالىق كومەك كورسەتۋدى ۇيىمداستىرۋ ستاندارتىنا قوسىمشا پسيحيكالىق بۇزىلۋلاردان (اۋرۋلاردان) زارداپ شەگەتىن پاتسيەنتتەردى ديناميكالىق (ديسپانسەرلىك) بايقاۋ توپتارى 1. ءبىرىنشى توپ – ەمدەۋگە جاتقىزۋمەن قوسا جۇرەتىن, پسيحوتيكالىق سيمپتوماتيكاسىنىڭ ءجيى جانە ايقىن اسقىنۋلارى بار پاتسيەنتتەر (جىلىنا ەكى جانە ودان كوپ). ولاردى بايقاۋدىڭ جيىلىگىن جەكە-جەكە ءاربىر ناقتى جاعدايدا دارىگەر بەلگىلەيدى, كۇنتىزبەلىك جەتى كۇندە ءبىر رەتتەن كۇنتىزبەلىك وتىز كۇندە ءبىر رەتكە دەيىن. 2. ەكىنشى توپ – امبۋلاتوريالىق جانە (نەمەسە) ستاتسيوناردى الماستىراتىن جاعدايدا باسىلاتىن پسيحيكالىق بۇزىلۋلارىنىڭ دەكومپەنساتسياسى مەن اسقىنۋلارى بار پاتسيەنتتەر. قاراۋدىڭ جيىلىگى ءۇش كۇننەن كۇنتىزبەلىك جەتى كۇن كەزەڭدىلىگىمەن جۇزەگە اسىرىلادى. 3. ءۇشىنشى توپ – ۇدەرىستىڭ بىركەلكى پروگرەديەنتتى اعىمىمەن جانە سپونتاندىق رەميسسيالارىمەن تۇراقتانعان كۇيدەگى پاتسيەنتتەر. تەكسەرىپ-كاراۋ جيىلىگى ءۇش ايدا ءبىر رەتتەن ءجيى ەمەس. 4. ءتورتىنشى توپ – قازىرگى ۋاقىتتا بەلسەندى الەۋمەتتىك-ساقتاندىرۋ ءىس-شارالارىن تالاپ ەتپەيتىن پسيحوپاتولوگيالىق بۇزىلۋلارىنىڭ رەميسسيا نەمەسە كومپەنساتسيا جاعدايىنداعى, جاقسى الەۋمەتتىك-ەڭبەكتىك جانە تۇرمىستىق بەيىمدەلگەن پاتسيەنتتەر. تەكسەرىپ-قاراۋ جيىلىگى 6 ايدا ءبىر رەتتەن ءجيى ەمەس, 12 اي وتكەننەن كەيىن – ديناميكالىق بايقاۋدان الىپ تاستاۋ تۋرالى ماسەلەنى قاراۋ. 5. بەسىنشى توپ (بەلسەندى ديناميكالىق بايقاۋ توبى) - الەۋمەتتىك-قاۋىپتى ارەكەتتەرگە بەيىم, ونىڭ ىشىندە كامەلەتتىك جاسقا تولماعاندارعا قاتىستى سەكسۋالدىق سيپاتتاعى زورلىق ارەكەتتەرىن جاساۋ قاۋپى بار پاتسيەنتتەر, سونداي-اق جوعارى سۋيتسيدتىك قاۋىپتەرى بار ادامدار. تەكسەرىپ-كاراۋ جيىلىگى اي سايىن (كورسەتىلىمدەرى بولعان جاعدايدا - ءجيى). بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13404 بولىپ ەنگىزىلدى.