قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №12

  2016 جىلعى 12 قاڭتار, استانا قالاسى مىندەتتى زەينەتاقى جارنالارىن, مىندەتتى كاسiپتiك زەينەتاقى جارنالارىن جانە (نەمەسە) ءوسىمپۇلداردى دەربەستەندىرىلگەن ەسەپكە الۋدى جۇرگىزۋ قاعيدالارىن بەكىتۋ تۋرالى «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» 2013 جىلعى 21 ماۋسىمداعى قازاقستان رەسپۋبليكاسى زاڭىنىڭ 7-بابىنىڭ 6-1) تارماقشاسىنا سايكەس بۇيىرامىن: 1. قوسا بەرىلىپ وتىرعان مىندەتتى زەينەتاقى جارنالارىن, مىندەتتى كاسiپتiك زەينەتاقى جارنالارىن جانە (نەمەسە) ءوسىمپۇلداردى دەربەستەندىرىلگەن ەسەپكە الۋدى جۇرگىزۋ قاعيدالارى بەكىتىلسىن. 2. الەۋمەتتىك قامسىزداندىرۋ جانە الەۋمەتتىك ساقتاندىرۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە, سونداي-اق قازاقستان رەسپۋبليكاسى نورماتيۆتىك قۇقىقتىق اكتiلەرiنiڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا رەسمي جاريالاۋعا باسپا جانە ەلەكتروندىق تۇردە جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى س.ق. جاقىپوۆاعا جۇكتەلسىن. 4. وسى بۇيرىق 2016 جىلعى 1 ناۋرىزدان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا «كەلىسىلدى» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ______________ ءا.يسەكەشەۆ 2016 جىلعى «__»______________ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2016 جىلعى 12 قاڭتارداعى №12 بۇيرىعىمەن بەكىتىلگەن مىندەتتى زەينەتاقى جارنالارىن, مىندەتتى كاسiپتiك زەينەتاقى جارنالارىن جانە (نەمەسە) ءوسىمپۇلداردى دەربەستەندىرىلگەن ەسەپكە الۋدى جۇرگىزۋ قاعيدالارى 1. وسى مىندەتتى زەينەتاقى جارنالارىن, مىندەتتى كاسiپتiك زەينەتاقى جارنالارىن جانە (نەمەسە) ءوسىمپۇلداردى دەربەستەندىرىلگەن ەسەپكە الۋدى جۇرگىزۋ قاعيدالارى (بۇدان ءارى – قاعيدالار) «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» 2013 جىلعى 21 ماۋسىمداعى قازاقستان رەسپۋبليكاسى زاڭىنىڭ (بۇدان ءارى – زاڭ) 7-بابىنىڭ 6-1) تارماقشاسىنا سايكەس ازىرلەندى جانە مىندەتتى زەينەتاقى جارنالارىن, مىندەتتى كاسiپتiك زەينەتاقى جارنالارىن جانە (نەمەسە) ءوسىمپۇلداردى دەربەستەندىرىلگەن ەسەپكە الۋدى جۇرگىزۋدى ايقىندايدى. 2. وسى قاعيدالاردا مىناداي نەگىزگى ۇعىمدار پايدالانىلادى: 1) «ازاماتتارعا ارنالعان ۇكىمەت» مەملەكەتتىك كورپوراتسياسى (بۇدان ءارى – مەملەكەتتىك كورپوراتسيا) – قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتۋ, «ءبىر تەرەزە» قاعيداتى بويىنشا مەملەكەتتىك قىزمەتتەر كورسەتۋگە وتىنىشتەر قابىلداۋ جانە كورسەتىلەتىن قىزمەتتى الۋشىعا ولاردىڭ ناتيجەلەرىن بەرۋ جونىندەگى جۇمىستى ۇيىمداستىرۋ, سونداي-اق ەلەكتروندىق نىساندا مەملەكەتتىك قىزمەتتەر كورسەتۋدى قامتاماسىز ەتۋ ءۇشىن قازاقستان رەسپۋبليكاسى ۇكىمەتىنىڭ شەشىمى بويىنشا قۇرىلعان زاڭدى تۇلعا; 2) الەۋمەتتىك قامسىزداندىرۋ جونىندەگى ۋاكىلەتتى ورگان (بۇدان ءارى – ۋاكىلەتتى ورگان) – الەۋمەتتىك قامسىزداندىرۋ سالاسىنداعى مەملەكەتتىك ساياساتتى جۇزەگە اسىراتىن مەملەكەتتىك ورگان; 3) بىرىڭعاي جيناقتاۋشى زەينەتاقى قورى (بۇدان ءارى – بجزق) – زەينەتاقى جارنالارىن تارتۋ جانە زەينەتاقى تولەمدەرى جونىندەگى قىزمەتتi جۇزەگە اسىراتىن زاڭدى تۇلعا; 4) مiندەتتi زەينەتاقى جارنالارى – قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن بجزق-عا زاڭعا سايكەس سالىناتىن اقشا; 5) مىندەتتى كاسىپتىك زەينەتاقى جارنالارى – ەڭبەك جاعدايلارى زياندى (ەرەكشە زياندى) جۇمىستارمەن اينالىساتىن, كاسىپتەرى وندىرىستەردىڭ, جۇمىستاردىڭ, جۇمىسكەرلەر كاسىپتەرىنىڭ تىزبەسىندە كوزدەلگەن جۇمىسكەرلەردىڭ پايداسىنا بجزق-عا اگەنتتەر مەنشىكتى قاراجاتى ەسەبىنەن اۋدارعان اقشا. 3. مىندەتتى زەينەتاقى جارنالارىن, مىندەتتى كاسiپتiك زەينەتاقى جارنالارىن جانە (نەمەسە) ءوسىمپۇلداردى دەربەستەندىرىلگەن ەسەپكە الۋدى مەملەكەتتىك كورپوراتسيا مىندەتتى زەينەتاقى جارنالارى, مىندەتتى كاسiپتiك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت جاساسقان جەكە تۇلعالاردىڭ بىرىڭعاي تىزىمىندەگى (بۇدان ءارى – بىرىڭعاي ءتىزىم) جانە سالىمشىلاردىڭ (الۋشىلاردىڭ) مىندەتتى زەينەتاقى جارنالارى, مىندەتتى كاسiپتiك زەينەتاقى جارنالارى بويىنشا دەرەكقورىنداعى (بۇدان ءارى – دەرەكقور) مالىمەتتەردىڭ نەگىزىندە جۇرگىزەدى جانە ءاربىر سالىمشى (الۋشى) بويىنشا مىناداي دەربەس دەرەكتەردى قامتيدى: 1) جەكە سايكەستەندىرۋ ءنومىرى (بۇدان ءارى – جسن); 2) سالىمشىنىڭ (الۋشىنىڭ) تەگى, اتى, اكەسىنىڭ اتى (بار بولسا), تۋعان كۇنى, تۋعان جەرى, جىنىسى, تۇرعىلىقتى مەكەنجايى, ازاماتتىعى; 3) جەكە باسىن كۋالاندىراتىن قۇجاتتىڭ سەرياسى جانە ءنومىرى, كورسەتىلگەن قۇجاتتاردىڭ بەرىلگەن كۇنى جانە بەرگەن ورگاننىڭ اتاۋى; 4) جەكە باسىن كۋالاندىراتىن قۇجاتتىڭ ءنومىرى جانە بەرىلگەن كۇنى وزگەرگەنى تۋرالى; 5) ازاماتتىعىنىڭ وزگەرگەنى, بىرىڭعاي تىزىمدەگى مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارتتاردىڭ اشىلعانى نەمەسە جابىلعانى تۋرالى; 6) سالىمشى (الۋشى) دەرەكتەمەلەرىنىڭ, مارتەبەسىنىڭ وزگەرگەنى تۋرالى; 7) قازاقستان رەسپۋبليكاسى ۇكىمەتىنىڭ 2013 جىلعى 18 قازانداعى № 1116 قاۋلىسىمەن بەكىتىلگەن مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن ەسەپتەۋ, ۇستاپ قالۋ (ەسەبىنە جازۋ) جانە بىرىڭعاي جيناقتاۋشى زەينەتاقى قورىنا اۋدارۋ جانە ولار بويىنشا ءوندىرىپ الۋ قاعيدالارى مەن مەرزىمدەرىندە (بۇدان ءارى – № 1116 قاعيدالار) بەلگىلەنگەن تارتىپپەن اۋدارىلعان مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى جانە (نەمەسە) ءوسىمپۇلدار, سونداي-اق ولاردى قايتارۋ تۋرالى; 8) №1116 قاعيدالاردا بەلگىلەنگەن تارتىپپەن اگەنتتىڭ اتاۋى مەن دەرەكتەمەلەرىن قوسا العاندا, مىندەتتى كاسىپتىك زەينەتاقى جارنالارىن تولەۋ جونىندەگى اگەنتتەر تۋرالى. 4. مەملەكەتتىك كورپوراتسيا: 1) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2014 جىلعى 22 قاڭتارداعى № 12-ءو بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9167 بولىپ تىركەلگەن) سالىمشىلاردىڭ (الۋشىلاردىڭ) مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى بويىنشا دەرەكقورىن جانە مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت جاساسقان جەكە تۇلعالاردىڭ بىرىڭعاي ءتىزىمىن قالىپتاستىرۋ قاعيدالارىنا سايكەس بىرىڭعاي تىزىمگە جانە دەرەكقورعا مالىمەتتەر مەن وزگەرىستەردىڭ ۋاقتىلى ەنگىزىلۋىن قامتاماسىز ەتەدى; 2) «دەربەس دەرەكتەر جانە ولاردى قورعاۋ تۋرالى» قازاقستان رەسپۋبليكاسىنىڭ زاڭىنا سايكەس بىرىڭعاي تىزىمدە جانە دەرەكقوردا قامتىلعان مالىمەتتەردىڭ سەنىمدى ساقتالۋىن ۇيىمداستىرادى; 3) ءار ايدىڭ 10-كۇنىنە دەيىن ۋاكىلەتتى ورگانعا سالىمشىلاردىڭ (الۋشىلاردىڭ) سانى جانە مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى بويىنشا سومالار, سونداي-اق اۋدارىلعان مىندەتتى زەينەتاقى جارنالارىنىڭ, مىندەتتى كاسىپتىك زەينەتاقى جارنالارىنىڭ سومالارى جانە اگەنتتەردىڭ سانى تۋرالى مالىمەتتەردى ۇسىنادى. 5. مەملەكەتتىك كورپوراتسيا كۇن سايىن بجزق-مەن مiندەتتi زەينەتاقى جارنالارى, مىندەتتى كاسىپتىك زەينەتاقى جارنالارى ەسەبiنەن زەينەتاقىمەن قامسىزداندىرۋ تۋرالى شارت جاساسقان بىرىڭعاي تىزىمدەگى سالىمشىلاردىڭ (الۋشىلاردىڭ) دەرەكتەمەلەرىن جەكە تۇلعالاردىڭ مەملەكەتتىك دەرەكقورىنداعى مالىمەتتەرمەن سالىستىرىپ تەكسەرۋ جۇرگىزەدى. 6. سالىمشىلاردىڭ (الۋشىلاردىڭ) دەرەكتەمەلەرىندە: تەگىندە, اتىندا, اكەسىنىڭ اتىندا (بار بولسا), تۋعان كۇنىندە, جسن مەن جىنىسىندا ايىرماشىلىقتار انىقتالعان كەزدە مەملەكەتتىك كورپوراتسيا سالىمشىنىڭ (الۋشىنىڭ) دەرەكتەمەلەرىن جەكە تۇلعالاردىڭ مەملەكەتتىك دەرەكقورىنداعى دەرەكتەرمەن سايكەستىككە كەلتىرەدى. 7. سالىمشىنىڭ (الۋشىنىڭ) دەرەكتەمەلەرى وزگەرگەنى تۋرالى مالىمەتتەردى بجزق-عا بەرۋ مەملەكەتتىك كورپوراتسيا مەن بجزق اراسىنداعى شارتقا سايكەس ايقىندالعان ەلەكتروندىق تاسىلمەن بىرىڭعاي تىزىمگە وزگەرىستەردى ەنگىزگەن كۇننەن كەيىنگى ءبىر جۇمىس كۇنىنەن كەشىكتىرمەي جۇزەگە اسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 15 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13072 بولىپ ەنگىزىلدى.