قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №1045

  2015 جىلعى 28 جەلتوقسان, استانا قالاسى ۇيىمدا كادرلاردى كاسىپتىك دايارلاۋعا, قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتاردى بەكىتۋ تۋرالى 2015 جىلعى 23 قاراشاداعى قازاقستان رەسپۋبليكاسىنىڭ ەڭبەك كودەكسى 16-بابىنىڭ 24) تارماقشاسىنا سايكەس بۇيىرامىن: 1. قوسا بەرىلىپ وتىرعان ۇيىمدا كادرلاردى كاسىپتىك دايارلاۋعا, قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتار بەكىتىلسىن. 2. «ۇيىمدا كادرلاردى كاسىپتىك دايارلاۋدىڭ, قايتا دايارلاۋدىڭ جانە بىلىكتىلىگىن ارتتىرۋدىڭ جالپى تالاپتارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 31 ناۋرىزداعى № 191 بۇيرىعىنىڭ كۇشى جويىلدى دەپ تانىلسىن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 10835 بولىپ تىركەلگەن, 2015 جىلعى 16 ماۋسىمدا «ادىلەت» اقپاراتتىق-قۇقىقتىق جۇيەسىندە جاريالانعان). 3. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ حالىقتى جۇمىسپەن قامتۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇننىڭ ىشىندە ونى مەرزىمدىك باسپا باسىلىمداردا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ب.ب.نۇرىمبەتوۆكە جۇكتەلسىن. 5. وسى بۇيرىق 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا كەلىسىلدى قازاقستان رەسپۋبليكاسىنىڭ ءبىلىم جانە عىلىم ءمينيسترى ___________ ا.ءسارىنجىپوۆ 2015 جىلعى «___»________ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 جەلتوقسانداعى №1045 بۇيرىعىمەن بەكىتىلگەن ۇيىمدا كادرلاردى كاسىپتىك دايارلاۋعا, قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتار ۇيىمدا كادرلاردى كاسىپتىك دايارلاۋعا, قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتار: 1) ۇيىمنىڭ جارعىسىندا (ەرەجەسىندە) قىزمەتكەرلەردى كاسىپتىك دايارلاۋدى, قايتا دايارلاۋدى جانە بىلىكتىلىگىن ارتتىرۋدى تىكەلەي جۇرگىزەتىن ۇيىمدار ءۇشىن كادرلاردى كاسىپتىك دايارلاۋ, قايتا دايارلاۋ جانە بىلىكتىلىگىن ارتتىرۋ جونىندەگى نورمانىڭ; 2) كادرلاردى كاسىپتىك دايارلاۋ, قايتا دايارلاۋ جانە بىلىكتىلىگىن ارتتىرۋ جونىندەگى وقۋ جۇمىس جوسپارلارىنىڭ جانە باعدارلامالارىنىڭ; 3) ءتيىستى كاسىپتەر (ماماندىقتار) بويىنشا وقۋلىقتار مەن وقۋ-ادىستەمەلىك كەشەندەردىڭ; 4) وقىتۋ شارتىنىڭ (جۇمىس بەرۋشى مەن وقۋشى اراسىندا تىكەلەي ۇيىمدا كاسىپتىك دايارلاۋ, قايتا دايارلاۋ جانە بىلىكتىلىگىن ارتتىرۋ شارتتارى تۋرالى جازباشا كەلىسىمنىڭ) نەمەسە ءبىلىم بەرۋ قىزمەتىن كورسەتۋ تۋرالى شارتتىڭ (جۇمىس بەرۋشى مەن قوسىمشا, تەحنيكالىق جانە كاسىپتىك, ورتا بىلىمنەن كەيىنگى ءبىلىم, جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن ۇيىم اراسىنداعى كاسىپتىك دايارلاۋ, قايتا دايارلاۋ جانە بىلىكتىلىگىن ارتتىرۋ شارتتارى تۋرالى جازباشا كەلىسىمنىڭ) بولۋىن قامتيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12765 بولىپ ەنگىزىلدى.