قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №1034

  2015 جىلعى 28 جەلتوقسان , استانا قالاسى قازاقستان رەسپۋبليكاسىندا نەيروحيرۋرگيالىق كومەك كورسەتۋدى ۇيىمداستىرۋ ستاندارتىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 6) تارماقشاسىنا سايكەس بۇيىرامىن: 1. قازاقستان رەسپۋبليكاسىندا نەيروحيرۋرگيالىق كومەك كورسەتۋدى ۇيىمداستىرۋ ستاندارتى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنىنىڭ ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 جەلتوقساننىڭ №1034 بۇيرىعىمەن بەكىتىلگەن قازاقستان رەسپۋبليكاسىندا نەيروحيرۋرگيالىق كومەك كورسەتۋدى ۇيىمداستىرۋ ستاندارتى 1. جالپى ەرەجەلەر 1. قازاقستان رەسپۋبليكاسىندا نەيروحيرۋرگيالىق كومەك كورسەتۋدى ۇيىمداستىرۋ ستاندارتى (بۇدان ءارى – ستاندارت) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ (بۇدان ءارى – كودەكس) 7-بابىنىڭ 1-تارماعىنىڭ 6) تارماقشاسىنا سايكەس ازىرلەنگەن. 2. وسى ستاندارت مەنشىك نىسانىنا جانە ۆەدومستۆولىق تيىستىلىگىنە قاراماستان امبۋلاتوريالىق-ەمحانالىق, ستاتسيونارلىق جانە ستاتسيوناردى الماستىراتىن دەڭگەيلەردەگى مەديتسينالىق دەنساۋلىق ساقتاۋ ۇيىمدارىندا ناۋقاستارعا نەيروحيرۋرگيالىق كومەك كورسەتۋدى ۇيىمداستىرۋعا قويىلاتىن جالپى قاعيداتتار مەن تالاپتاردى بەلگىلەيدى. 3. وسى ستاندارتتا پايدالانىلاتىن انىقتامالار: 1) ەمدەۋگە جاتقىزۋ بيۋروسى پورتالى (بۇدان ءارى – پورتال) – پاتسيەنتتەردى تمككك شەڭبەرىندە ستاتسيونارعا جوسپارلى ەمدەۋگە جاتقىزۋعا جىبەرۋ جولدامالارىن ەلەكتروندىق تىركەۋدىڭ, ەسەپكە الۋدىڭ, وڭدەۋ مەن ساقتاۋدىڭ بىرىڭعاي جۇيەسى; 2) كونسۋلتاتسيالىق-دياگنوستيكالىق كومەك (بۇدان ءارى – كدك) – تاۋلىك بويى مەديتسينالىق باقىلانبايتىن مامانداندىرىلعان نەمەسە جوعارى مامانداندىرىلعان مەديتسينالىق كومەك; 3) مەديتسينالىق-سانيتاريالىق العاشقى كومەك (بۇدان ءارى – مساك) – تاۋلىك بويى مەديتسينالىق باقىلانبايتىن, ادام, وتباسى جانە قوعام دەڭگەيىندە كورسەتىلەتىن قولجەتىمدى مەديتسينالىق قىزمەتتەر كەشەنىن قامتيتىن دارىگەرگە دەيىنگى نەمەسە مامانداندىرىلعان مەديتسينالىق كومەك; 4) تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى – تمككك) – كودەكستىڭ 6-بابىنىڭ 7) تارماقشاسىنا سايكەس ايقىندالاتىن قازاقستان رەسپۋبليكاسىنىڭ ازاماتتارىنا جانە ورالماندارعا كورسەتىلەتىن مەديتسينالىق قىزمەتتەر كورسەتۋ تىزبەسى بويىنشا مەديتسينالىق بىرىڭعاي كومەكتىڭ كولەمى; 5) پاتسيەنت – مەديتسينالىق قىزمەتتەردىڭ تۇتىنۋشىسى بولىپ تابىلاتىن (بولىپ تابىلعان) جەكە تۇلعا; 6) پروفيلاكتيكا – اۋرۋلاردىڭ پايدا بولۋىنىڭ, ولاردىڭ ەرتە ساتىدا ورىستەۋىنىڭ الدىن الۋعا جانە ورىن العان اسقىنۋلاردى, اعزالار مەن تىندەردىڭ زاقىمدارىن باقىلاۋعا باعىتتالعان مەديتسينالىق جانە مەديتسينالىق ەمەس ءىس-شارالار كەشەنى; 7) ستاتسيونارلىق كومەك – تاۋلىك بويى مەديتسينالىق باقىلاۋمەن بىلىكتى, مامانداندىرىلعان جانە جوعارى مامانداندىرىلعان مەديتسينالىق كومەكتى ۇسىنۋ نىسانى; 8) cتاتسيوناردى الماستىراتىن كومەك – مەديتسينالىق باقىلاۋمەن دارىگەرگە دەيىنگى, بىلىكتى, مامانداندىرىلعان جانە جوعارى مامانداندىرىلعان مەديتسينالىق كومەكتى ۇسىنۋ نىسانى. 2. قازاقستان رەسپۋبليكاسىندا نەيروحيرۋرگيالىق كومەك كورسەتۋدى ۇيىمداستىرۋ 4. قازاقستان رەسپۋبليكاسىندا نەيروحيرۋرگيالىق كومەك «تەگىن مەديتسينالىق كومەكتىڭ كەپىلدىك بەرىلگەن كولەمىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى № 2136 قاۋلىسىمەن بەكىتىلگەن تمككك شەڭبەرىندە كورسەتىلەدى. 5. حالىققا (ەرەسەك جانە بالا) نەيروحيرۋرگيالىق كومەك كدك, ستاتسيونارلىق, ستاتسيوناردى الماستىراتىن كومەك, قالپىنا كەلتىرۋ ەمى جانە مەديتسينالىق وڭالتۋ, سونداي-اق جەدەل مەديتسينالىق جاردەم جانە سانيتاريالىق اۆياتسيا نىسانىندا كورسەتىلەدى. 6. مۇ مەديتسينالىق كومەك كورسەتۋدىڭ بارلىق كەزەڭدەرىندە ساباقتاستىقتى ساقتاي وتىرىپ, پاتسيەنتتەردى پروفيلاكتيكالاۋعا, ەرتە دياگنوستيكالاۋعا, ەمدەۋگە باعىتتالعان ءىس-شارالاردىڭ ورىندالۋىن قامتاماسىز ەتەدى. 7. كونسۋلتاتسيالىق-دياگنوستيكالىق دەڭگەيدەگى نەيروحيرۋرگيالىق كومەك مىنالاردى قامتيدى: 1) پاتسيەنتتىڭ جاي-كۇيىن ايقىنداۋ جانە دياگنوز قويۋ ماقساتىندا دارىگەردىڭ تەكسەرۋى; 2) نەيروحيرۋرگيالىق پاتولوگيا اۋرۋىن انىقتاۋ ماقساتىندا پاتسيەنتتى زەرتحانالىق جانە اسپاپتىق زەرتتەپ-قاراۋ; 3) انىقتالعان نوزولوگياعا جانە كلينيكالىق حاتتامالارعا (بۇدان ءارى – كح) سايكەس ەمدى تاڭداۋ جانە تاعايىنداۋ; 4) مامانداندىرىلعان جانە جوعارى مامانداندىرىلعان مەديتسينالىق كومەك ۇسىنۋ ءۇشىن مۇ-عا جوسپارلى ەمدەۋگە جاتقىزۋعا ىرىكتەۋ جانە جولداۋ; 5) شۇعىل كورسەتىلىمدەر بويىنشا ەمدەۋگە جاتقىزۋعا جولداۋ; 6) نەيروحيرۋرگيالىق پاتولوگياسى بار پاتسيەنتتەردى مەديتسينالىق وڭالتۋعا قاتىسۋ; 7) باستاپقى مەديتسينالىق قۇجاتتامانى راسىمدەۋ جانە جۇرگىزۋ; 8) ەڭبەككە ۋاقىتشا جارامسىزدىققا ساراپتاما جاساۋ; 9) نەيروحيرۋرگيالىق اۋرۋلارى بار پاتسيەنتتەردى امبۋلاتوريالىق دەڭگەيدە دارىلىك پرەپاراتتارمەن قامتاماسىز ەتۋدى ۇيىمداستىرۋ; 10) ەڭبەككە قابىلەتتىلىگىن تۇراقتى جوعالتۋ بەلگىلەرى بولعان كەزدە مەديتسينالىق-الەۋمەتتىك ساراپتاما ءۇشىن كونسۋلتاتسيالىق قورىتىندى بەرۋ. 8. پاتسيەنتتەرگە كدك دەنساۋلىق ساقتاۋ ۇيىمىندا ەڭبەككە ۋاقىتشا جارامسىزدىق ساراپتاماسىن جۇرگىزۋدى قامتيتىن مەديتسينالىق قىزمەتتى جۇزەگە اسىرۋعا ليتسەنزيا بولعان كەزدە پروفيلاكتيكالىق, دياگنوستيكالىق جانە ەمدىك قىزمەتتەر تۇرىندە ۇسىنىلادى. 9. پاتسيەنتكە كدك كورسەتۋ تمككك شەڭبەرىندە مساك دارىگەرىنىڭ نەمەسە بەيىندى ماماننىڭ جولداماسى بويىنشا جۇزەگە اسىرىلادى. 10. كدك كورسەتۋگە جىبەرۋ كەزىندە مساك دارىگەرى نەمەسە بەيىندى مامان امبۋلاتوريالىق, ستاتسيونارلىق ناۋقاستىڭ مەديتسينالىق كارتاسىنان ءۇزىندىنى رەسىمدەيدى. 11. نەيروحيرۋرگيالىق اۋرۋلارى بار پاتسيەنتتەردى رەسپۋبليكالىق دەڭگەيدە كدك الۋعا جىبەرۋدى وبلىستاردىڭ دەنساۋلىق ساقتاۋ باسقارمالارىنىڭ وڭىرلىك كوميسسيالارى, ال استانا جانە الماتى قالالارىنان – مەديتسينالىق ۇيىمداردان جۇزەگە اسىرادى. 12. پاتسيەنتكە رەسپۋبليكالىق مەديتسينالىق ۇيىمدا كدك كورسەتۋ تۋرالى وڭ شەشىم قابىلدانعان كەزدە وڭىرلىك كوميسسيا رەسپۋبليكالىق دەڭگەيدە جوعارى مامانداندىرىلعان كونسۋلتاتسيالىق-دياگنوستيكالىق كومەك الۋعا جولداما بەرەدى. 13. پاتسيەنتكە رەسپۋبليكالىق دەڭگەيدە كدك كورسەتۋدەن باس تارتقان كەزدە وڭىرلىك كوميسسيا جازباشا ۋاجدەلگەن باس تارتۋدى قوسا بەرە وتىرىپ قۇجاتتاردى جىبەرگەن مەديتسينالىق ۇيىمعا قايتارادى. 14. ستاتسيونارلىق دەڭگەيدەگى نەيروحيرۋرگيالىق كومەك مىنالاردى كوزدەيدى: 1) كلينيكالىق حاتتامالارعا (بۇدان ءارى – كح) سايكەس زەرتحانالىق جانە اسپاپتىق زەرتتەپ-قاراۋدى وتكىزۋ; 2) ەمدەۋشى دارىگەر, قاجەتتىلىگىنە قاراي بولىمشە مەڭگەرۋشىسى كح-عا سايكەس ەمدى تاڭداپ جانە تاعايىنداپ, كەيىن دارىگەرلىك تاعايىنداۋلاردى ۇيىمداستىرۋ جانە ورىنداۋ; 3) دارىگەردىڭ كۇندەلىكتى تەكسەرۋى (ەگەر باسقا مەرزىمدىلىك كوزدەلمەگەن بولسا), ەمدى تۇزەتۋ; 4) تۇسكەن كەزدە جانە ودان ءارى – كەمىندە اپتاسىنا ءبىر رەت بولىمشە مەڭگەرۋشىسىنىڭ تەكسەرۋى; 5) باسقا دا بەيىندى مامانداردىڭ كونسۋلتاتسيالارىن وتكىزۋ (كورسەتىلىمدەر بولعان كەزدە); 6) قۇجاتتامانى رەسىمدەۋمەن جانە پاتسيەنتتىڭ قولىنا امبۋلاتوريالىق, ستاتسيونارلىق ناۋقاستىڭ مەديتسينالىق كارتاسىنان ءۇزىندىنى بەرۋمەن پاتسيەنتتى شىعارۋ; 7) باستاپقى مەديتسينالىق قۇجاتتامانى رەسىمدەۋ جانە جۇرگىزۋ. 15. تاۋلىك بويى مەديتسينالىق باقىلاۋمەن مامانداندىرىلعان, جوعارى مامانداندىرىلعان مەديتسينالىق كومەك كورسەتۋ ءۇشىن مەديتسينالىق كورسەتىلىمدەر بولعان كەزدە, نەيروحيرۋگيالىق اۋرۋلارى بار پاتسيەنتتەر پورتال ارقىلى قۇرامىندا ستاتسيونارلىق نەيروحيرۋرگيالىق بولىمشەلەرى, پالاتالارى (توسەكتەرى) بار مەديتسينالىق ۇيىمدارعا ەمدەۋگە جاتقىزىلادى. 16. تمككك شەڭبەرىندە پاتسيەنتتى ستاتسيونارعا جوسپارلى ەمدەۋگە جاتقىزۋ: 1) مساك نەمەسە وزگە مەديتسينالىق ۇيىم ماماندارىنىڭ جولداماسى بويىنشا; 2) جولدامانىڭ بار-جوقتىعىنا قاراماستان, شۇعىل كورسەتىلىمدەر بويىنشا جۇزەگە اسىرىلادى. 17. پاتسيەنتتى ستاتسيونارعا جوسپارلى ەمدەۋگە جاتقىزۋ پاتسيەنتتىڭ ستاتسيونارلىق كومەك كورسەتەتىن مەديتسينالىق ۇيىمدى ەركىن تاڭداۋ قۇقىعىن ەسكەرە وتىرىپ جۇزەگە اسىرىلادى. 18. مامانداندىرىلعان مەديتسينالىق كومەكتى ارنايى ادىستەر مەن كۇردەلى مەديتسينالىق تەحنولوگيالاردى پايدالانۋدى قاجەت ەتەتىن اۋرۋلار مەن جاي-كۇيلەردى پروفيلاكتيكالاۋدى, دياگنوستيكالاۋدى, ەمدەۋدى, سونداي-اق مەديتسينالىق وڭالتۋدى قامتيتىن ستاتسيونارلىق جانە ستاتسيوناردى الماستىراتىن جاعدايلاردا نەيروحيرۋگ دارىگەرلەر كورسەتەدى. 19. جوعارى مامانداندىرىلعان كومەكتى ستاتسيونارلىق جاعدايلاردا نەيروحيرۋرگ دارىگەرلەر كورسەتەدى جانە يننوۆاتسيالىق, از ينۆازيالىق, ارنايى ادىستەر مەن كۇردەلى مەديتسينالىق تەحنولوگيالاردى پايدالانۋدى قاجەت ەتەتىن اۋرۋلار مەن جاي-كۇيلەردى دياگنوستيكالاۋدى, ەمدەۋدى, سونداي-اق مەديتسينالىق وڭالتۋدى قامتيدى. 20. ستاتسيونارلىق جاعدايلاردا مامانداندىرىلعان نەمەسە جوعارى مامانداندىرىلعان مەديتسينالىق كومەك كورسەتۋ اياقتالعاننان كەيىن پاتسيەنتكە امبۋلاتوريالىق, ستاتسيونارلىق ناۋقاستىڭ مەديتسينالىق كارتاسىنان ءۇزىندى بەرىلەدى. 21. نەيروحيرۋرگيالىق اۋرۋلارى جانە ورتالىق جانە شەتكى نەرۆ جۇيەسىنىڭ جاراقاتتارى بار ناۋقاستار مەديتسينالىق كورسەتىلىمدەر بولعان كەزدە وڭالتۋ ءىس-شارالارىن وتكىزۋ ءۇشىن مامانداندىرىلعان مەديتسينالىق جانە ساناتوريلىك كۋرورتتىق ۇيىمدارعا جىبەرىلەدى. 3. شۇعىل نەيروحيرۋرگيالىق كومەك كورسەتۋدى ۇيىمداستىرۋ 22. شۇعىل كورسەتىلىمدەر بويىنشا ەمدەۋگە جاتقىزۋ تمككك شەڭبەرىندە مساك, مەديتسينالىق ۇيىمدار مامان­دارىنىڭ جولداماسى, جەدەل مەديتسينالىق جاردەمنىڭ جولداماسى بويىنشا, ءوزىنىڭ جۇگىنۋى ارقىلى جۇزەگە اسىرىلادى. 23. شۇعىل نەيروحيرۋرگيالىق كومەك, ونىڭ ىشىندە بالالارعا, قاجەتتىلىگىنە قاراي قۇرامىندا حيرۋرگيالىق بەيىندەگى بولىمشەسى بار كەز كەلگەن مەديتسينالىق ۇيىمدا كورسەتىلەدى. 24. شۇعىل نەيروحيرۋرگيالىق كومەك نەيروحيرۋرگ دارىگەر كورسەتەدى. نەيروحيرۋرگيالىق پاتولوگيانىڭ سالدارىنان پاتسيەنتتىڭ ومىرىنە انىق قاۋىپ تونگەن جانە از ۋاقىت ىشىندە ءتيىستى ماماندى تارتۋ مۇمكىن بولماعان جاعدايلاردا شۇعىل نەيروحيرۋرگيالىق كومەك كورسەتۋ بويىنشا دايارلىقتان وتكەن حيرۋرگيالىق بەيىندەگى مامانداردىڭ شۇعىل نەيروحيرۋرگيالىق كومەك كورسەتۋىنە رۇقسات ەتىلەدى. سونداي-اق بالالارعا شۇعىل نەيروحيرۋرگيالىق كومەكتى (ەرەسەكتەر) نەيروحيرۋرگ دارىگەردىڭ; ەرەسەكتەرگە – (بالالار) نەيروحيرۋرگ دارىگەردىڭ كورسەتۋىنە رۇقسات ەتىلەدى. 25. شۇعىل نەيروحيرۋرگيالىق كومەك مىنا جاعدايلار كەزىندە كورسەتىلەدى: 1) باسسۇيەك-مي جاراقاتى (باسسۇيەكىشىلىك گەماتومالاردى الىپ تاستاۋ, باسسۇيەكتى دەكومپرەسسيالىق تەسۋ (ترەپاناتسيا), باسسۇيەكتىڭ باتىڭقى سىنىقتارىن العاشقى حيرۋرگيالىق وڭدەۋ, باسسۇيەكىشىلىك قىسىمنىڭ قۇرىلعىسىن ورناتۋ, ۆەنتريكۋليارلى ليكۆوردى درەناجداۋ); 2) باسسۇيەكىشىلىك جاراقاتتىق ەمەس قان قۇيىلۋلار (باسسۇيەكىشىلىك گەماتومالاردى الىپ تاستاۋ, باسسۇيەكتى دەكومپرەسسيالىق تەسۋ (ترەپاناتسيا): گەميكرانيوەكتوميا, باسسۇيەكتى قوس ماڭدايلىق دەكومپرەسسيالىق تەسۋ (ترەپاناتسيا), ارتقى باسسۇيەك شۇڭقىرىن دەكومپرەسسيالىق تەسۋ (ترەپاناتسيا); ۆەنتريكۋليارلىق ليكۆوردى درەناجداۋ, باسسۇيەكىشىلىك قىسىمنىڭ قۇرىلعىسىن ورناتۋ, قاجەتتىلىگىنە قاراي باسقا دا وپەراتسيالار); 3) يشەميالىق ينسۋلت – باسسۇيەكتى دەكومپرەسسيالىق تەسۋ (ترەپاناتسيا), ەندوۆاسكۋليارلىق ترومبەكتوميا; 4) ومىرتقا-ج ۇلىن جاراقاتى (ج ۇلىننىڭ جانشىلۋىن جويۋ, ومىرتقا-قوزعالىس سەگمەنتىن ورنىقتى ەتۋ); 5) ومىرتقا باعانىنىڭ دەگەنەراتيۆتىك زاقىمدارى (ج ۇلىننىڭ جانشىلۋىن جويۋ); 6) ميدىڭ ىسىگى (ميدىڭ ومىرگە قاۋىپ توندىرەتىن جىلجۋى (ديسلوكاتسياسى) كەزىندە ىسىكتى الىپ تاستاۋ, ۆەنتريكۋليارلىق ليكۆوردى درەناجداۋ, باسسۇيەكتى دەكومپرەسسيالىق تەسۋ (ترەپاناتسيا); 7) ونج قابىنۋ اۋرۋلارى (ميدىڭ, ج ۇلىننىڭ ابستسەسىن الىپ تاستاۋ, درەناجداۋ); 8) ورتالىق نەرۆ جۇيەسىنىڭ تۋا بىتكەن پاتولوگياسى (ج ۇلىن جارىعىنىڭ جارىلۋى كەزىندەگى وپەراتسيالار); 9) بوسانۋ كەزىندەگى ورتالىق نەرۆ جۇيەسىنىڭ جاراقاتتارى (باسسۇيەكىشىلىك گەماتومالاردى الىپ تاستاۋ, باسسۇيەك جابىندارىنىڭ گەماتومالارىن الىپ تاستاۋ). 4. نەيروحيرۋرگيالىق كومەك كورسەتۋدى ۇيىمداستىرۋ بەلگىلى ءبىر نوزولوگيالىق باعدارىدا 26. مىناداي نوزولوگيالىق نىساندار بويىنشا نەيروحيرۋرگيالىق كومەك كورسەتۋدى ۇيىمداستىرۋ: 1) باسسۇيەك-مي جاراقاتى (كورسەتىلىمدەر بولعان كەزدە) – اۋداندىق اۋرۋحانانىڭ حيرۋرگيالىق بەيىندەگى بولىمشەسىنە (وڭىردە نەيروحيرۋرگيالىق بولىمشە بولماعان كەزدە) نەمەسە قالالىق, وبلىستىق اۋرۋحانانىڭ نەيروحيرۋرگيالىق بولىمشەسىنە ەمدەۋگە جاتقىزۋ. قاجەتتىلىگىنە قاراي, اۋداندىق اۋرۋحانادان قالالىق, وبلىستىق اۋرۋحانانىڭ نەيروحيرۋرگيالىق بولىمشەسىنە اۋىستىرۋ. جەڭىل باسسۇيەك-مي جاراقاتى بار پاتسيەنتتەر نەيروحيرۋرگ دارىگەردىڭ كونسۋلتاتسياسى جانە كومپيۋتەرلىك توموگرافيا (كورسەتىلىمدەر بولعان كەزدە) وتكىزۋ ءۇشىن, «نەيروحيرۋرگيا» (ەرەسەكتەر, بالالار) بەيىنى بويىنشا مەديتسينالىق كومەك كورسەتەتىن مەديتسينالىق ۇيىمعا جىبەرىلەدى. ستاتسيونارلىق جاعدايلاردا مەديتسينالىق كومەك كورسەتۋ ءۇشىن كورسەتىلىمدەر بولعان كەزدە ناۋقاستار نەيروحيرۋرگيالىق بولىمشەگە نەمەسە, ونداي بولىمشە بولماعان كەزدە, نەۆرولوگيا نەمەسە تراۆماتولوگيا بولىمشەسىنە جىبەرىلەدى. «نەيروحيرۋرگيا» (ەرەسەكتەر, بالالار) بەيىنى بويىنشا ستاتسيونارلىق جاعدايلاردا مەديتسينالىق كومەك كورسەتۋگە كورسەتىلىمدەر بولماعان كەزدە جەڭىل باسسۇيەك-مي جاراقاتى بار ناۋقاستارعا مەديتسينالىق كومەكشى امبۋلاتوريا جاعدايىندا نەيروحيرۋرگ دارىگەر, نەيروحيرۋرگ دارىگەر بولماعان كەزدە – نەيروحيرۋرگ دارىگەردىڭ نەمەسە نەۆرولوگ دارىگەردىڭ ۇسىنىمدارىن ەسكەرە وتىرىپ ۋچاسكەلىك تەراپەۆت دارىگەر, ۋچاسكەلىك پەدياتر-دارىگەر, جالپى پراكتيكا دارىگەرى (وتباسىلىق دارىگەر) كورسەتەدى. ورتاشا اۋىرلىقتاعى جانە اۋىر دارەجەدەگى باسسۇيەك-مي جاراقاتى بار پاتسيەنتتەر ستاتسيونارلىق جاعدايلاردا مەديتسينالىق كومەك الۋ ءۇشىن «نەيروحيرۋرگيا» (ەرەسەكتەر, بالالار) بەيىنى بويىنشا مەديتسينالىق كومەك كورسەتەتىن مەديتسينالىق ۇيىمدارعا جىبەرىلەدى. بالالارداعى باسسۇيەك-مي جاراقاتى كەزىندە – اۋداندىق اۋرۋحانانىڭ حيرۋرگيالىق بەيىندەگى بولىمشەسىنە (وڭىردە نەيروحيرۋرگيالىق بولىمشە بولماعان كەزدە) نەمەسە قالالىق, وبلىستىق اۋرۋحانانىڭ بالالار نەيروحيرۋرگياسى بولىمشەسىنە ەمدەۋگە جاتقىزۋ. بالالار نەيروحيرۋرگياسى بولىمشەلەرى بولماعان كەزدە بالالار ستاتسيونارىنىڭ نەيروحيرۋرگيالىق توسەكتەرى بار حيرۋرگيالىق بەيىندەگى بولىمشەسىنە (تراۆماتولوگيا جانە ورتوپەديا) ەمدەۋگە جاتقىزۋ. قاجەتتىلىگىنە قاراي اۋداندىق اۋرۋحانادان قالالىق, وبلىستىق اۋرۋحاناعا اۋىستىرۋ; 2) ومىرتقا-ج ۇلىن جاراقاتى (كورسەتىلىمدەر بولعان كەزدە) – اۋداندىق اۋرۋحانانىڭ حيرۋرگيالىق بەيىندەگى بولىمشەسىنە (وڭىردە نەيروحيرۋرگيالىق بولىمشە بولماعان كەزدە) نەمەسە قالالىق, وبلىستىق اۋرۋحانانىڭ نەيروحيرۋرگيالىق بولىمشەسىنە ەمدەۋگە جاتقىزۋ. مەديتسينالىق كورسەتىلىمدەر بولعان كەزدە – اۋداندىق اۋرۋحانادان قالالىق, وبلىستىق اۋرۋحانالاردىڭ نەيروحيرۋرگيالىق بولىمشەسىنە, «نەيروحيرۋرگيا ۇلتتىق ورتالىعى» اق-قا (بۇدان ءارى – نۇو) ەمدەۋگە جاتقىزۋ; 3) بالالارداعى ومىرتقا-ج ۇلىن جاراقاتى كەزىندە – اۋداندىق اۋرۋحانانىڭ حيرۋرگيالىق بەيىندەگى بولىمشەسىنە (وڭىردە نەيروحيرۋرگيالىق بولىمشە بولماعان كەزدە) نەمەسە قالالىق, وبلىستىق اۋرۋحانانىڭ بالالار نەيروحيرۋرگياسى بولىمشەسىنە ەمدەۋگە جاتقىزۋ. بالالار نەيروحيرۋرگياسى بولىمشەلەرى بولماعان كەزدە بالالار ستاتسيونارىنىڭ نەيروحيرۋرگيالىق توسەكتەرى بار حيرۋرگيالىق بەيىندەگى بولىمشەسىنە (تراۆماتولوگيا جانە ورتوپەديا) ەمدەۋگە جاتقىزۋ. قاجەتتىلىگىنە قاراي اۋداندىق اۋرۋحانادان قالالىق, وبلىستىق اۋرۋحاناعا, نۇو-عا اۋىستىرۋ; 4) ورتالىق نەرۆ جۇيەسىنىڭ بوسانۋ كەزىندەگى جاراقاتتارى – ومىرگە انىق قاۋىپ تونگەن جانە تاسىمالداۋ مۇمكىندىگى بولماعان كەزدە مەديتسينالىق بوساندىرۋ ۇيىمدارىندا شۇعىل نەيروحيرۋرگيالىق كومەك كورسەتۋ. قاجەتتىلىگىنە قاراي (كورسەتىلىمدەر بولعان كەزدە) قالالىق, وبلىستىق اۋرۋحانانىڭ بالالار نەيروحيرۋرگياسى بولىمشەلەرىنە ەمدەۋگە جاتقىزۋ. بالالار نەيروحيرۋرگياسى بولىمشەلەرى بولماعان كەزدە بالالار ستاتسيونارىنىڭ نەيروحيرۋرگيالىق توسەكتەرى بار حيرۋرگيالىق بەيىندەگى بولىمشەسىنە (تراۆماتولوگيا جانە ورتوپەديا) ەمدەۋگە جاتقىزۋ; 5) ورتالىق نەرۆ جۇيەسىنىڭ تۋا بىتكەن پاتولوگياسى – ومىرگە انىق قاۋىپ تونگەن جانە تاسىمالداۋ مۇمكىندىگى بولماعان كەزدە مەديتسينالىق بوساندىرۋ ۇيىمدارىندا شۇعىل نەيروحيرۋرگيالىق كومەك كورسەتۋ. قاجەتتىلىگىنە قاراي (كورسەتىلىمدەر بولعان كەزدە) قالالىق, وبلىستىق اۋرۋحانانىڭ بالالار نەيروحيرۋرگياسى بولىمشەلەرىنە, نۇو-عا ەمدەۋگە جاتقىزۋ. بالالار نەيروحيرۋرگياسى بولىمشەلەرى بولماعان كەزدە بالالار ستاتسيونارىنىڭ نەيروحيرۋرگيالىق توسەكتەرى بار حيرۋرگيالىق بەيىندەگى بولىمشەسىنە (تراۆماتولوگيا جانە ورتوپەديا) ەمدەۋگە جاتقىزۋ; 6) ومىرتقا باعانىنىڭ دەگەنەراتيۆتى زاقىمدارى, ميدىڭ جانە ج ۇلىننىڭ تامىر اۋرۋلارى, ميدىڭ ىسىكتەرى (كورسەتىلىمدەر بولعان كەزدە) – نەيروحيرۋرگيالىق وپەراتسيا ءۇشىن قالالىق, وبلىستىق اۋرۋحانانىڭ نەيروحيرۋرگيالىق بولىمشەسىنە, نۇو-عا ەمدەۋگە جاتقىزۋ. ونكولوگيالىق گەنەزدەگى نەيروحيرۋرگيالىق اۋرۋعا كۇدىكتەنگەن كەزدە جانە حيرۋرگيالىق ەمدەۋگە كورسەتىلىمدەر بولعان كەزدە پاتسيەنت نەيروحيرۋرگيالىق بولىمشەگە جىبەرىلەدى, ال حيرۋرگيالىق ەمدەۋگە كورسەتىلىمدەر بولماعان كەزدە پاتسيەنت ەمدەۋدىڭ ودان ارعى ءتاسىلىن ايقىنداۋ ءۇشىن ونكولوگيالىق ديسپانسەرگە جىبەرىلەدى. ونكولوگيالىق گەنەزدەگى نەيروحيرۋرگيالىق اۋرۋ بولعان كەزدە پاتسيەنتتى ەمدەۋ جانە باقىلاۋ دارىگەر-مامانداردىڭ: ونكولوگيا ماسەلەلەرى بويىنشا دايارلىقتان وتكەن نەيروحيرۋرگ-دارىگەردىڭ جانە ونكولوگ دارىگەردىڭ ءوزارا ءىس-قيمىلىنىڭ نەگىزىندە جۇزەگە اسىرىلادى. نەيروحيرۋرگيالىق اۋرۋلارى بار ناۋقاستار ءۇشىن مامانداندىرىلعان ونكولوگيالىق ەم (ساۋلەلىك تەراپيا, حيميوتەراپيا) جۇرگىزۋ «ونكولوگيا» (ەرەسەكتەر, بالالار) بەيىنى بويىنشا كومەك كورسەتەتىن مەديتسينالىق ۇيىمداردا جۇزەگە اسىرىلادى; 7) بالالارداعى ومىرتقا باعانىنىڭ دەگەنەراتيۆتى زاقىمدارى, ميدىڭ جانە ج ۇلىننىڭ تامىر اۋرۋلارى – نەيروحيرۋرگيالىق وپەراتسيا ءۇشىن قالالىق, وبلىستىق اۋرۋحانانىڭ بالالار نەيروحيرۋرگياسى بولىمشەسىنە, نۇو-عا ەمدەۋگە جاتقىزۋ. بالالار نەيروحيرۋرگياسى بولىمشەلەرى بولماعان كەزدە بالالار ستاتسيونارىنىڭ نەيروحيرۋرگيالىق توسەكتەرى بار حيرۋرگيالىق بەيىندەگى بولىمشەسىنە (تراۆماتولوگيا جانە ورتوپەديا) ەمدەۋگە جاتقىزۋ; 8) بالالارداعى ورتالىق نەرۆ جۇيەسىنىڭ ىسىكتەرى – شۇعىل مەديتسينالىق كومەك كورسەتۋ ءۇشىن (ميدىڭ قارىنشالىق جۇيەسىن سىرتىنان درەناجداۋ, ۆەنتريكۋلوپەريتونەوستوميا, ەحينوكوكك جىلاۋىعىن الىپ تاستاۋ جانە قاجەتتىلىگىنە قاراي باسقا دا وپەراتسيالار) قالالىق, وبلىستىق اۋرۋحانانىڭ بالالار نەيروحيرۋرگياسى بولىمشەسىنە ەمدەۋگە جاتقىزۋ. بالالار نەيروحيرۋرگياسى بولىمشەلەرى بولماعان كەزدە شۇعىل مەديتسينالىق كومەك كورسەتۋ ءۇشىن بالالار ستاتسيونارىنىڭ نەيروحيرۋرگيالىق توسەكتەرى بار حيرۋرگيالىق بەيىندەگى بولىمشەسىنە (تراۆماتولوگيا جانە ورتوپەديا) ەمدەۋگە جاتقىزۋ. ەمنىڭ نەگىزگى كەزەڭىن وتكىزۋ ءۇشىن (ميدىڭ جانە ج ۇلىننىڭ ىسىگىن الىپ تاستاۋ بويىنشا جوسپارلى وپەراتسيا) نۇو-عا ەمدەۋگە جاتقىزۋ. ميدىڭ ىسىكتەرى بار بالالاردى نۇو دەڭگەيىندە ەمدەۋ ءتاسىلىن قۇرامىندا «انا مەن بالا ۇلتتىق عىلىمي ورتالىعى» اق نەيروحيرۋرگ دارىگەرى (بالالار), نەۆروپاتولوگ دارىگەرى (بالالار), ونكولوگ دارىگەرى (بالالار) بار مۋلتيتارتىپتىك بريگادا شەشەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 30 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12956 بولىپ ەنگىزىلدى.