قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №1023 

  2015 جىلعى 25 جەلتوقسان,استانا قالاسى قازاقستان رەسپۋبليكاسىندا وفتالمولوگيالىق كومەك كورسەتۋدى ۇيىمداستىرۋ ستاندارتىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 6) تارماقشاسىنا جانە قازاقستان رەسپۋبليكاسى ۇكىمەتىنىڭ 2014 جىلعى 23 قىركۇيەكتەگى № 1005 قاۋلىسىمەن بەكىتىلگەن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى تۋرالى ەرەجەنىڭ 16-تارماعىنىڭ 9) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىندا وفتالمولوگيالىق كومەك كورسەتۋدى ۇيىمداستىرۋ ستاندارتى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردى ورىنداۋ تۋرالى مالىمەتتى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 25 جەلتوقساننىڭ №1023 بۇيرىعىمەن بەكىتىلگەن قازاقستان رەسپۋبليكاسىندا وفتالمولوگيالىق كومەك كورسەتۋدى ۇيىمداستىرۋ ستاندارتى 1. جالپى ەرەجەلەر 1. قازاقستان رەسپۋبليكاسىندا وفتالمولوگيالىق كومەك كورسەتۋدى ۇيىمداستىرۋ ستاندارتى (بۇدان ءارى – ستاندارت) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 6) تارماقشاسىنا (بۇدان ءارى – كودەكس) جانە قازاقستان رەسپۋبليكاسى ۇكىمەتىنىڭ 2014 جىلعى 23 قىركۇيەكتەگى № 1005 قاۋلىسىمەن بەكىتىلگەن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى تۋرالى ەرەجەنىڭ 16-تارماعىنىڭ 9) تارماقشاسىنا سايكەس ازىرلەنگەن. 2. وسى ستاندارت امبۋلاتوريالىق-ەمحانالىق, ستاتسيونارلىق جانە ستاتسيوناردى الماستىراتىن دەڭگەيلەردە كورۋ اعزاسىنىڭ اۋرۋلارى بار پاتسيەنتتەرگە مەديتسينالىق كومەك كورسەتۋدى ۇيىمداستىرۋعا قويىلاتىن تالاپتاردى بەلگىلەيدى. 3. وفتالمولوگيالىق كومەك كورسەتەتىن دەنساۋلىق ساقتاۋ ۇيىمدارىنىڭ شتاتتارى قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 7 ساۋىردەگى № 238 بۇيرىعىمەن بەكىتىلگەن دەنساۋلىق ساقتاۋ ۇيىمدارىنىڭ ۇلگى شتاتتارىنىڭ جانە شتات نورماتيۆتەرىنە (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 6173 بولىپ تىركەلگەن) سايكەس بەلگىلەنەدى. 4. وسى ستاندارتتا پايدالانىلاتىن تەرميندەر مەن انىقتامالار: 1) بەيىندى مامان – جوعارى مەديتسينالىق ءبىلىمى, «وفتالمولوگيا» (ەرەسەكتەر مەن بالالار) ماماندىعى بويىنشا سەرتيفيكاتى بار مەديتسينا قىزمەتكەرى; 2) دەنساۋلىق ساقتاۋ ۇيىمى – دەنساۋلىق ساقتاۋ سالاسىندا قىزمەتتى جۇزەگە اسىراتىن زاڭدى تۇلعا; 3) ەمدەۋگە جاتقىزۋ بيۋروسى پورتالى (بۇدان ءارى – پورتال) – تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە پاتسيەنتتەردىڭ ستاتسيونارعا جوسپارلى ەمدەۋگە جاتقىزۋ جولدامالارىن ەلەكتروندىق تىركەۋدىڭ, ەسەپكە الۋدىڭ, وڭدەۋ مەن ساقتاۋدىڭ بىرىڭعاي جۇيەسى; 4) كوز ميكروحيرۋرگياسى – مامانداندىرىلعان ميكروسكوپيالىق جابدىقتار مەن اسپاپتاردى پايدالانا وتىرىپ كورۋ اعزاسىنا جۇرگىزىلەتىن حيرۋرگيالىق ارالاسۋلاردىڭ جيىنتىعى; 5) وفتالمولوگيالىق كومەك – دياگنوستيكانى, ەمدەۋدى, پروفيلاكتيكانى جانە مەديتسينالىق وڭالتۋدى قامتيتىن كورۋ اعزالارىنىڭ اۋرۋلارى بار پاتسيەنتتەرگە كورسەتىلەتىن مەديتسينالىق قىزمەتتەردىڭ جيىنتىعى; 6) پروفيلاكتيكا – اۋرۋلاردىڭ پايدا بولۋىنىڭ, ولاردىڭ ەرتە ساتىدا ءورشۋىنىڭ الدىن الۋعا جانە ورىن العان اسقىنۋلاردى, اعزالار مەن تىندەردىڭ ب ۇلىنۋلەرىن باقىلاۋعا باعىتتالعان مەديتسينالىق جانە مەديتسينالىق ەمەس ءىس-شارالار كەشەنى; 7) تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى – تمككك) – قازاقستان رەسپۋبليكاسىنىڭ ازاماتتارىنا جانە ورالماندارعا كورسەتىلەتىن مەديتسينالىق قىزمەتتەر كودەكستىڭ 6-بابىنىڭ 7) تارماقشاسىنا سايكەس ايقىندايتىن تىزبەسى بويىنشا بىرىڭعاي مەديتسينالىق كومەكتىڭ كولەمى. 2. قازاقستان رەسپۋبليكاسىندا وفتالمولوگيالىق كومەك كورسەتەتىن ۇيىمدار قىزمەتتەرىنىڭ نەگىزگى باعىتتارى مەن قۇرىلىمى 5. مەنشىك نىسانىنا جانە ۆەدومستۆولىق تيىستىلىگىنە قاراماستان وفتالمولوگيالىق كومەك كورسەتەتىن مەديتسينالىق ۇيىمداردىڭ (بۇدان ءارى - مۇ) نەگىزگى مىندەتتەرى, فۋنكتسيالارى جانە قۇرىلىمى قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2012 جىلعى 28 اقپانداعى № 120 بۇيرىعىمەن بەكىتىلگەن قازاقستان رەسپۋبليكاسىنىڭ حالقىنا وفتالمولوگيالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتى تۋرالى ەرەجەدە ايقىندالعان (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 7505 بولىپ تىركەلگەن). 6. مەنشىك نىسانىنا جانە ۆەدومستۆولىق تيىستىلىگىنە قاراماستان قازاقستان رەسپۋبليكاسىندا وفتالمولوگيالىق كومەك كورسەتەتىن مەديتسينالىق ۇيىمدار قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترىلىگىنىڭ «قۇرمەت بەلگىسى» وردەندى قازاق كوز اۋرۋلارى عىلىمي-زەرتتەۋ ينستيتۋتى» اكتسيونەرلىك قوعامىمەن (بۇدان ءارى – قازكعزي) ءوزارا ءىس-قيمىلدى جۇزەگە اسىرادى. 3. قازاقستان رەسپۋبليكاسىندا وفتالمولوگيالىق كومەك كورسەتۋدى ۇيىمداستىرۋ 7. قازاقستان رەسپۋبليكاسىندا حالىققا وفتالمولوگيالىق كومەك «تەگىن مەديتسينالىق كومەكتىڭ كەپىلدىك بەرىلگەن كولەمىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى № 2136 قاۋلىسىمەن بەكىتىلگەن تمككك شەڭبەرىندە كورسەتىلەدى. 8. وفتالمولوگيالىق كومەك كورسەتۋ (ەرەسەكتەرگە جانە بالالارعا) مەديتسينالىق كومەكتىڭ مىناداي نىساندارىندا جۇزەگە اسىرىلادى: 1) امبۋلاتوريالىق-ەمحانالىق كومەك, سونىڭ ىشىندە العاشقى مەديتسينالىق-سانيتاريالىق كومەك (بۇدان ءارى – مساك) جانە كونسۋلتاتسيالىق-دياگنوستيكالىق كومەك (بۇدان ءارى – كدك); 2) ستاتسيونارلىق; 3) ستاتسيوناردى الماستىراتىن كومەك. 9. كورۋ اعزالارىنىڭ اۋرۋلارى بار پاتسيەنتتەرگە مساك قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 ساۋىردەگى № 281 بۇيرىعىمەن بەكىتىلگەن العاشقى مەديتسينالىق-سانيتاريالىق كومەك كورسەتۋ قاعيدالارى جانە ازاماتتاردى العاشقى مەديتسينالىق-سانيتاريالىق كومەك كورسەتۋ ۇيىمدارىنا بەكىتۋ قاعيدالارىنا سايكەس (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 11268 بولىپ تىركەلگەن) كورسەتىلەدى. 10. امبۋلاتوريالىق-ەمحانالىق دەڭگەيدە وفتالمولوگيالىق كومەك كورسەتۋ: 1) پروفيلاكتيكالىق, سونىڭ ىشىندە سكرينينگتىك قاراپ-تەكسەرۋلەردى; 2) دياگنوستيكالىق زەرتتەۋلەر, سونىڭ ىشىندە مساك مامانىنىڭ قاراپ-تەكسەرۋى, زەرتحانالىق جانە اسپاپتىق زەرتتەۋلەردى; 3) ەمدىك ءىس-شارالار, سونىڭ ىشىندە شۇعىل جانە كەزەك كۇتتىرمەيتىن كومەك كورسەتۋدى, كلينيكالىق حاتتامالارعا (بۇدان ءارى – كح) سايكەس ەمدەۋ امالداردى; 4) قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 4 قاراشاداعى № 786 بۇيرىعىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە امبۋلاتوريالىق دەڭگەيدە بەلگىلى ءبىر اۋرۋلارى (جاي-كۇيى) بار حالىقتى تەگىن قامتاماسىز ەتۋ ءۇشىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ جانە مامانداندىرىلعان ەمدىك ونىمدەردىڭ تىزبەسىنە سايكەس (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 7306 بولىپ تىركەلگەن) كورۋ اعزالارىنىڭ اۋرۋلارى بار پاتسيەنتتەرگە دارىلىك زاتتارعا, سونىڭ ىشىندە تەگىن ءدارى-دارمەكپەن قامتاماسىز ەتۋ بويىنشا رەتسەپتىلەر بەرۋدى; 5) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 29 قىركۇيەكتەگى № 761 بۇيرىعىمەن بەكىتىلگەن (بۇدان ءارى - № 761 بۇيرىق) ستاتسيونارلىق كومەك كورسەتۋ قاعيدالارىنا سايكەس (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 12204 بولىپ تىركەلگەن) پورتالدا جولدامانى تىركەۋ جانە پاتسيەنتتىڭ مۇ-دى ەركىن تاڭداۋ قۇقىعى ەسكەرىلە وتىرىپ, جوسپارلى ەمدەۋگە جاتقىزۋدىڭ جوسپارلانعان كۇنىن انىقتاۋ ارقىلى مۇ-عا جوسپارلى ەمدەۋگە جاتقىزۋعا ىرىكتەۋ جانە جىبەرۋدى; 6) وفتالمولوگيالىق پاتولوگياسى بار پاتسيەنتتەردى ديناميكالىق بايقاۋدى; 7) وفتالمولوگيالىق پاتولوگياسى بار پاتسيەنتتەردى ديسپانسەرلەۋدى; 8) «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىنا (بۇدان ءارى – № 907 بۇيرىق) سايكەس (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 6697 بولىپ تىركەلگەن) باستاپقى مەديتسينالىق قۇجاتتامانى رەسىمدەۋ جانە جۇرگىزۋدى; 9) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 31ناۋرىزداعى № 183 بۇيرىعىمەن بەكىتىلگەن ەڭبەككە ۋاقىتشا جارامسىزدىققا ساراپتاما جۇرگىزۋ, ەڭبەككە ۋاقىتشا جارامسىزدىق پاراعى مەن انىقتاما بەرۋ قاعيدالارىنا سايكەس ەڭبەككە ۋاقىتشا جارامسىزدىق ساراپتاماسىن جۇرگىزۋدى (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 10964 بولىپ تىركەلگەن); 10) سالاماتتى ءومىر سالتىن قالىپتاستىرۋ جانە ناسيحاتتاۋدى قامتيدى. 11. كورۋ اعزالارىنىڭ اۋرۋلارى بار پاتسيەنتتەرگە كدك قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2015 جىلعى 28 شىلدەدەگى № 626 بۇيرىعىمەن بەكىتىلگەن كونسۋلتاتسيالىق-دياگنوستيكالىق كومەك كورسەتۋ قاعيدالارىنا سايكەس (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 11958 بولىپ تىركەلگەن) جۇزەگە اسىرىلادى. 12. كدك دارىگەر وفتالمولوگتار جۇزەگە اسىرادى جانە ولار: 1) كورۋ اعزالارىنىڭ اۋرۋلارى بار ناۋقاستارعا كونسۋلتاتسيالىق, دياگنوستيكالىق, ەمدىك جانە مەديتسينالىق وڭالتۋ كومەگىن كورسەتۋدى; 2) جەدەل مەديتسينالىق ارالاسۋدى تالاپ ەتەتىن كوزدىڭ, ونىڭ قوسالقى اپپاراتىنىڭ جانە ۇياسىنىڭ ءجىتى جاي-كۇيلەرىندە جانە (نەمەسە) اۋرۋلارى كەزىندە (كوزدىڭ, ونىڭ قوسالقى اپپاراتىنىڭ جانە ۇياسىنىڭ جاراقاتتارى, كوزدىڭ جانە ونىڭ قوسالقى اپپاراتىنىڭ تەرميالىق جانە حيميالىق كۇيۋى, كوز تامىرلارىنىڭ ءجىتى اۋرۋلارى, كورۋ نەرۆىسىنىڭ ءجىتى اۋرۋلارى, قاساڭ قابىقتىڭ ويىق جاراسىنىڭ تەسىلۋى, ءجىتى گلاۋكوما ۇستاماسى, كوزدىڭ, ونىڭ قوسالقى اپپاراتىنىڭ جانە ۇياسىنىڭ قابىنعان ءىرىڭدى ءجىتى اۋرۋلارى) شۇعىل جانە كەزەك كۇتتىرمەيتىن مەديتسينالىق كومەك كورسەتۋدى, ال ستاتسيونارلىق جاعدايدا مەديتسينالىق كومەك كورسەتۋدى تالاپ ەتەتىن جاعدايلار كەزىندە پاتسيەنتتەر تاۋلىك بويى كەزەك كۇتتىرمەيتىن مەديتسينالىق كومەك كورسەتەتىن وفتالمولوگيالىق بولىمشەگە جىبەرۋدى (شۇعىل كومەك كورسەتۋ بويىنشا مۇ تاڭداۋ قالانىڭ, وبلىستىڭ دەنساۋلىق ساقتاۋ باسقارماسى بەلگىلەيتىن ۋرگەنتتىك كومەك كورسەتۋ كەستەسىنە سايكەس جۇزەگە اسىرىلادى); 3) وفتالمولوگيالىق بەيىندە ونكولوگيالىق اۋرۋ انىقتالعان كەزدە, ارالاس جانە (نەمەسە) ۇيلەسكەن ەمدەۋدى قاجەت ەتپەيتىن پاتسيەنتتى وفتالمولوگ دارىگەرىدىڭ ەمدەۋ مەن بايقاۋدى; 4) دارىگەردىڭ بايقاۋىمەن ستاتسيونارلىق جاعدايدان شىعارىلعان پاتسيەنتتەرگە, سونىڭ ىشىندە وپەراتسيالىق ارالاسۋلاردان كەيىن, مەديتسينالىق ۇيىم جاعدايىندا بىرنەشە ساعات بويى مەديتسينا قىزمەتكەرىنىڭ بايقاۋىن تالاپ ەتەتىن ەمدىك ءىس-شارالاردى جۇرگىزۋ قاجەت بولعاندا مەديتسينالىق كومەك كورسەتۋدى; 5) ەمدەۋ كۋرستارىن قايتا جۇرگىزۋدى تالاپ ەتەتىن سوزىلمالى اۋرۋلارى بار ناۋقاستارعا مەديتسينالىق كومەك كورسەتۋدى; 6) پاتسيەنتتەردى حيرۋرگيالىق, سونىڭ ىشىندە لازەرلىك ەمدەۋدى; 7) پاتسيەنتتەردە قوسالقى پاتولوگيالارى بولعان كەزدە ارالاس ماماندىق دارىگەرلەرىن تارتۋدى; 8) كورۋ اعزالارىنىڭ اۋرۋلارى بار پاتسيەنتتەردى ديناميكالىق جانە ديسپانسەرلىك بايقاۋ, سونىڭ ىشىندە قاۋىپ توبىنداعى بالالاردى بايقاۋدى (رەتينوپاتياسى دامىماعان شالا تۋعاندار, رەگرەسى بارلار جانە باسقا.); 9) بەكىتىلگەن حالىقتى پروفيلاكتيكالىق قاراپ-تەكسەرۋگە قاتىسۋدى; 10) جويىلعان كورۋ فۋنكتسيالارىن قالپىنا كەلتىرۋگە باعىتتالعان مەديتسينالىق وڭالتۋ جۇرگىزۋدى; 11) قالپىنا كەلتىرە ەمدەۋدى ۇيىمداستىرۋ, بالالاردىڭ الىستان كورمەۋىنىڭ, سوقىرلىقتىڭ جانە بەكىتىلگەن حالىق اراسىندا ناشار كورۋدىڭ دامۋىن الدىن الۋعا باعىتتالعان ءىس-شارالاردى جۇرگىزۋدى; 12) مۇگەدەكتىك توبىن بەلگىلەۋ ءۇشىن مەديتسينالىق قۇجاتتامانى دايىنداۋ جانە ناۋقاستاردى مەديتسينالىق-الەۋمەتتىك ساراپتاماعا ۋاقتىلى جىبەرۋدى; 13) № 907 بۇيرىققا سايكەس باستاپقى مەديتسينالىق قۇجاتتامانى رەسىمدەۋ جانە جۇرگىزۋدى قامتيدى. 13. تاۋلىك بويى مەديتسينالىق بايقاۋمەن مامانداندىرىلعان جانە جوعارى مامانداندىرىلعان مەديتسينالىق كومەك كورسەتۋ قاجەتتىلىگى ستاتسيونارعا ەمدەۋگە جاتقىزۋ ءۇشىن كورسەتىلىمدەر بولىپ تابىلادى. 14. ستاتسيونارلىق دەڭگەيدەگى وفتالمولوگيالىق كومەك: 1) دالەلدى مەديتسينا نەگىزىندە قاجەتتى دياگنوستيكالىق زەرتتەۋلەردى قولدانا وتىرىپ جوعارى مامانداندىرىلعان, مامانداندىرىلعان مەديتسينالىق كومەك كورسەتۋدى; 2) پاتسيەنتتەردى كۇندەلىكتى قاراپ-تەكسەرۋ, ءبولىم مەڭگەرۋشىسىنىڭ ارالاپ قاراپ شىعۋىنا قاتىسۋدى; 3) كح-سايكەس دياگنوستيكا (زەرتحانالىق جانە اسپاپتىق زەرتتەپ-قاراۋ) جانە ەمدەۋدى (كونسەرۆاتيۆتىك جانە حيرۋرگيالىق); 4) ارالاس ماماندىقتار دارىگەرلەرىنىڭ پاتسيەنتتەرگە كونسۋلتاتسياسىن ۇيىمداستىرۋدى, كونسيليۋمدار ۇيىمداستىرۋدى; 5) مەديتسينالىق بوساندىرۋ ۇيىمدارىندا شالا تۋعانداردىڭ رەتينوپاتياسى بويىنشا قاۋىپ توبىنداعى جاڭا تۋعان نارەستەلەردىڭ ۋاقتىلى دياگنوستيكاسى جانە مامانداندىرىلعان وفتالمولوگيالىق كومەك كورسەتۋدى. مەديتسينالىق بوساندىرۋ ۇيىمدارىندا وپەراتسيالىق ەمدەۋ جۇرگىزۋگە جاعدايلار بولماعان كەزدە بالالاردى قالالىق, وبلىستىق اۋرۋحانالاردىڭ بالالارعا ارنالعان وفتالمولوگيالىق بولىمشەلەرىنە, كەلىسىم بويىنشا قازكعزي-عا ەمدەۋگە جاتقىزۋ جۇزەگە اسىرىلادى. وپەراتسيالىق ارالاسۋدان كەيىن بالا تاۋلىك بويى رەانيماتسيا بولىمشەسىندە دارىگەرلەردىڭ بايقاۋىندا بولادى, بۇل بالانىڭ ءومىر ءسۇرۋ قاۋىپسىزدىگى مەن دەنساۋلىعىنىڭ مىندەتتى شارتى بولىپ تابىلادى. ستاتسيوناردان شىققاننان كەيىن بالا تۇرعىلىقتى جەرى بويىنشا ەمحانادا دارىگەردىڭ بايقاۋىندا بولادى; 6) شالا تۋعانداردىڭ رەتينوپاتياسىنا سكرينينگ, مونيتورينگ جۇرگىزۋدى جانە لازەرلىك ەمدەۋدى ۇيىمداستىرۋ كح سايكەس جۇزەگە اسىرىلادى; 7) مەديتسينالىق عىلىم مەن پراكتيكانىڭ جەتىستىكتەرىنە نەگىزدەلگەن ەمدەۋ, دياگنوستيكا جانە پروفيلاكتيكانىڭ زاماناۋي ادىستەرىن مەڭگەرۋ جانە تاجىريبەگە ەنگىزۋدى; 8) پاتسيەنتتەرگە كورسەتىلەتىن ەمدەۋ-دياگنوستيكالىق كومەكتىڭ ساپاسىن ارتتىرۋدى; 9) مەديتسينالىق كومەك كورسەتۋدىڭ, پاتسيەنتتەرگە كۇتىمنىڭ ۇيىمداستىرۋشىلىق نىساندارى مەن ادىستەرىن دامىتۋ جانە جەتىلدىرۋدى; 10) ەمدەۋ-كۇزەت رەجيمىن قۇرۋ, پروتيۆوەپيدەمياعا قارسى ءىس-شارالاردى جانە اۋرۋحاناىشىلىك ينفەكتسيا پروفيلاكتيكاسىن جۇرگىزۋدى; 11) سانيتاريالىق-اعارتۋ جۇمىسىن جۇرگىزۋ, حالىقتى گيگيەنالىق تۇرعىدان تاربيەلەۋ جانە سالاماتتى ءومىر سالتىن ناسيحاتتاۋدى; 12) ءوز بەيىنى بويىنشا سىرقاتتانۋشىلىققا تالداۋ جاساۋ جانە ونى تومەندەتۋ بويىنشا ءىس-شارالاردى جۇرگىزۋدى; 13) № 907 بۇيرىققا سايكەس مەديتسينالىق قۇجاتتامانى دۇرىس رەسىمدەۋدى جانە جۇرگىزۋدى قامتاماسىز ەتۋدى قامتيدى. 15. مەديتسينالىق كومەك كورسەتۋدىڭ بارلىق دەڭگەيىندە دياگنوزدى سايكەستەندىرۋ قيىندىعى تۋىنداعان جاعدايدا, جۇرگىزىلگەن ەمدەۋ ءتيىمسىز, سونداي-اق باسقا كورسەتىلىمدەر بولعان جاعدايدا باسشىنىڭ مەديتسينالىق ءبولىم جونىندەگى ورىنباسارى بولىمشە مەڭگەرۋشىنىڭ ءوتىنىمى بويىنشا كونسيليۋم (قاجەت بولعان جاعدايدا رەسپۋبليكالىق دەڭگەيدەگى كونسۋلتانتتى قوسا العاندا, قاجەتتى (كەمىندە ءۇش) مامانداردى تارتا وتىرىپ, پاتسيەنتكە قوسىمشا زەرتتەپ-قاراۋدى, ەمدەۋ تاكتيكاسىن ناقتىلاۋ, بەلگىلەۋ جانە اۋرۋدىڭ بولجامىن جۇرگىزە وتىرىپ) ۇيىمداستىرادى. كەشكى, تۇنگى ۋاقىتتا, دەمالىس جانە مەرەكە كۇندەرى كونسيليۋمدى كەزەكشى دارىگەردىڭ ءوتىنىمى بويىنشا ستاتسيوناردىڭ جاۋاپتى كەزەكشى دارىگەرى ۇيىمداستىرادى. 16. كورۋ اعزالارىنىڭ اۋرۋلارى بار پاتسيەنتتەرگە ستاتسيونارلىق كومەك № 761 بۇيرىعىمەن بەكىتىلگەن ستاتسيونارلىق كومەك كورسەتۋ قاعيدالارىنا سايكەس جۇزەگە اسىرىلادى. 17. ستاتسيوناردى الماستىراتىن كومەك قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 17 تامىزداعى № 669 بۇيرىعىمەن بەكىتىلگەن ستاتسيوناردى الماستىراتىن كومەك كورسەتۋ قاعيدالارىنا سايكەس (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە №12106 بولىپ تىركەلگەن) جۇزەگە اسىرىلادى. 18. تمككك شەڭبەرىندە ستاتسيوناردى الماستىراتىن كومەك تمككك شەڭبەرىندە كۇندىزگى ستاتسيونار جانە ۇيدەگى ستاتسيونار جاعدايىندا دەنساۋلىق ساقتاۋ ۇيىمىنىڭ جوعارى مەديتسينالىق ءبىلىمى بار قىزمەتكەردىڭ جولداماسى بويىنشا ۇسىنىلادى. 19. مامانداندىرىلعان مەديتسينالىق كومەكتى بەيىندى ماماندار كورسەتەدى جانە وزىنە ارنايى ادىستەر مەن كۇردەلى مەديتسينالىق تەحنولوگيالاردى, مەديتسينالىق وڭالتۋدى پايدالانۋدى تالاپ ەتەتىن اۋرۋلارمەن جاي-كۇيلەردىڭ پروفيلاكتيكاسىن, دياگنوستيكاسىن, ەمدەۋدى قامتيدى. 20. جوعارى مامانداندىرىلعان مەديتسينالىق كومەكتى وفتالمولوگ دارىگەرلەر كورسەتەدى جانە وزىنە يننوۆاتسيالىق, از ءينۆازيۆتى, ارنايى ادىستەردى جانە كۇردەلى مەديتسينالىق تەحنولوگيالاردى پايدالانۋدى مەديتسينالىق وڭالتۋدى تالاپ ەتەتىن اۋرۋلارمەن جانە جاي-كۇيلەردىڭ پروفيلاكتيكاسىن, دياگنوستيكاسىن, ەمدەۋدى قامتيدى. 21. وفتالمولوگيالىق كومەك كورسەتۋ دەڭگەيلەرى بويىنشا كلينيكالىق-دياگنوستيكالىق زەرتتەۋلەردىڭ كولەمى وسى ستاندارتقا قوسىمشاعا سايكەس بەلگىلەنەدى. 22. ستاتسيونارلىق جاعدايدا مامانداندىرىلعان نەمەسە جوعارى مامانداندىرىلعان مەديتسينالىق كومەك كورسەتۋ اياقتالعاننان كەيىن پاتسيەنتكە ستاتسيونارلىق ناۋقاستىڭ مەديتسينالىق كارتاسىنان جۇرگىزىلگەن زەرتتەپ-قاراۋلار مەن ەمدەۋ ناتيجەلەرى, امبۋلاتوريالىق-ەمحانالىق دەڭگەيدە ناۋقاستى قاداعالاپ قاراۋدىڭ ودان ارعى تاكتيكاسى بويىنشا ۇسىنىمدارى بار ءۇزىندى كوشىرمە (№ 907 بۇيرىقپەن بەكىتىلگەن 027/ە نىسانى) بەرىلەدى جانە پاتسيەنتتە بەلسەندى ديناميكالىق بايقاۋعا كورسەتىلىمدەر بولعان جاعدايدا, ولار تۋرالى اقپارات بەكىتىلگەن تۇرعىلىقتى جەرى بويىنشا مساك ۇيىمىنا بەرىلەدى. 23. كورۋ اعزالارىنىڭ اۋرۋلارى بار پاتسيەنتتەرگە جەدەل مەديتسينالىق كومەك قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 27 ساۋىردەگى № 269 بۇيرىعىمەن بەكىتىلگەن جەدەل مەديتسينالىق كومەك كورسەتۋ جانە سانيتاريالىق اۆياتسيا نىسانىندا مەديتسينالىق كومەك ۇسىنۋ قاعيدالارىنا سايكەس (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 11263 بولىپ تىركەلگەن) جۇزەگە اسىرىلادى. قازاقستان رەسپۋبليكاسىندا وفتالمولوگيالىق كومەك كورسەتۋدى ۇيىمداستىرۋ ستاندارتىنا قوسىمشا وفتالمولوگيالىق كومەك كورسەتۋ دەڭگەيلەرى بويىنشا كلينيكالىق-دياگنوستيكالىق زەرتتەۋلەردىڭ كولەمى مەديتسينالىق كومەك كورسەتۋ دەڭگەيلەرى دياگنوستيكالىق قىزمەتتەردىڭ بازالىق پاكەتى ورىنداۋعا بەرىلەتىن كۇنتەزبىلىك كۇندەردىڭ سانى وتباسىلىق دارىگەرلىك امبۋلاتوريالاردىڭ, اۋداندىق, قالالىق ەمحانالاردىڭ قۇرىلىمىنداعى جالپى پراكتيكا دارىگەرىنىڭ, تەراپەۆتتىڭ, پەدياتوردىڭ كابينەتتەرى 1) ساۋال جۇرگىزۋ; 2) انامنەزدى جيناۋ; 3) فيزيكالىق زەرتتەپ-قاراۋ; 4) كوزدىڭ وتكىرىلىگىن انىقتاۋ, قاباقتى, كونيۋنكتيۆانى, جاس ءبولۋ مۇشەلەرىن بۇيىرلىك جارىقپەن, وتپەلى ساۋلەلەرمەن قاراپ-تەكسەرۋ; 5) تونومەتريا, پەريمەتريا (باقىلاۋ ءادىسى); 6) كورسەتىلىمدەر بولعان جاعدايدا وفتالمولوگتىڭ كابينەتىنە, ستاتسيونار جاعدايىندا مامانداندىرىلعان كومەك كورسەتۋ ءۇشىن ەمدەۋگە جاتقىزۋعا جىبەرۋ 1 كۇنگە دەيىن اۋداندىق, قالالىق ەمحانالاردىڭ قۇرىلىمىنداعى, ونىڭ ىشىندە جەكە مەنشىك نىسانىنداعى كوز كابينەتى, وپتومەتريا جانە تونومەتريا كابينەتتەرى, مامانداندىرىلعان بالاباقشالار مەن مەكتەپ-ينتەرناتتاردا كوز كابينەتى 1) ساۋال جۇرگىزۋ; 2) انامنەزدى جيناۋ; 3) كوزدىڭ وتكىرلىگىن, كورۋ شەگىن, جارىقتى جانە ءتۇستى كورۋدى, كورۋ سيپاتىن زەرتتەۋ; قاراشىقتىڭ جارىققا رەاكتسياسىن انىقتاۋ, جارىققا بايلانىستى قوزعالىس رەاكتسياسىن قاداعالاۋ, تىركەۋ; تاۋلىكتىك تونومەتريا; تۋرا جانە كەرى وفتالموسكوپيا; تسيكلوسكوپيا, گونيوسكوپيا; تونومەتريا; بيوميكروسكوپيا; ديافانوسكوپيا; سكياسكوپيا, كەراتورەفراكتومەتريا; كوزدىڭ قوزعالىس اپپاراتىن زەرتتەۋ; وفتالموحروموسكوپيا; گيپەرمەتروپيا, ميوپيا, استيگماتيزم, افاكيا كەزىندە كوزىلدىرىك تاڭداۋ جانە تۇزەتۋ; جاس جولدارىن شايۋ; ەكزوفتالمومەتريا; كونيۋكتيۆالىق قۋىستان باكپوسەۆ الۋ; 4) بەيىندى مامانداردىڭ كونسۋلتاتسياسى; 5) كورسەتىلىمدەر بولعان جاعدايدا ستاتسيونارلىق ەمدەۋگە جىبەرۋ 3 تاۋلىككە دەيىن وبلىستىق وفتالمولوگيالىق اۋرۋحانالاردىڭ (ورتالىقتاردىڭ), وبلىستىق (قالالىق) كوپ بەيىندى اۋرۋحانالاردىڭ, رەسپۋبليكالىق اۋرۋحانالاردىڭ, «قۇرمەت بەلگىسى» وردەندى قازاق كوز اۋرۋلارى عىلىمي زەرتتەۋ ينستيتۋتى» (بۇدان ءارى - قازكعزي) قۇرىلىمىندا لازەرلىك وفتالمولوگيا بولىمشەسى (كابينەتى), كورۋدى بايلانىستى (كونتاكتىلى) كۇردەلى جانە ارنايى تۇزەتۋ كابينەتى كوگەرەنتتىك توموگرافيانى (وست), رەتينالدىق توموگرافيانى (HRT), ۋدز, كوز ءتۇبىنىڭ فليۋورەستسەنتتىك انگيوگرافياسىن (كتفا), كومپيۋتەرلىك پەريمەتريانى, توزىمىدىلىككە سىنامالاردى جانە باسقالاردى قولدانا وتىرىپ, كورسەتىلىمدەرى بويىنشا تەرەڭدەتىلگەن تولىق زەرتتەپ-قاراۋ 3 تاۋلىككە دەيىن وبلىستىق وفتالمولوگيالىق اۋرۋحانالاردىڭ (ورتالىقتاردىڭ), وبلىستىق (قالالىق) كوپ بەيىندى اۋرۋحانالاردىڭ, رەسپۋبليكالىق اۋرۋحانالاردىڭ, قازكعزي قۇرىلىمىندا كوز ميكروحيرۋرگياسى ستاتسيونارلىق بولىمشەلەرى, ونىڭ ىشىندە شۇعىل وفتالمولوگيالىق جانە وفتالموتراۆماتولوگيالىق كومەك ورتالىعى بار بالالار بولىمشەلەرى مەديتسينالىق كورسەتىلىمدەر بولعان جاعدايدا كوزدىڭ ۋلترادىبىستىق دوپپلەروگرافياسىن, ەلەكتروفيزيولوگيالىق, يممۋنولوگيالىق زەرتتەۋلەردى, كوزدىڭ ۋلترابيوميكروسكوپياسىن, كومپيۋتەرلىك توموگرافيانى, پۋنكتسيالىق بيوپسيانى جانە باسقالاردى پايدالانا وتىرىپ, تەرەڭدەتىلگەن تولىق زەرتتەپ-قاراۋ 3 تاۋلىككە دەيىن بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12923 بولىپ ەنگىزىلدى.