قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №418

  2015 جىلعى 29 مامىر, استانا قالاسى پاتسيەنت پەن مەديتسينالىق ۇيىم اراسىندا جاسالاتىن, تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە مەديتسينالىق كومەك ۇسىنۋ جونىندەگى ۇلگىلىك شارتتى بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 104) تارماقشاسىنا سايكەس بۇيىرامىن: 1. وسى بۇيرىققا قوسىمشاعا سايكەس پاتسيەنت پەن مەديتسينالىق ۇيىم اراسىندا جاسالاتىن, تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە مەديتسينالىق كومەك ۇسىنۋ جونىندەگى ۇلگىلىك شارت (بۇدان ءارى – ۇلگىلىك شارت) بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ونى كۇنتىزبەلىك ون كۇننىڭ ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن. 4. وسى بۇيرىق ونى العاشقى رەسمي جاريالاعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 29 مامىرداعى №418 بۇيرىعىنا قوسىمشا پاتسيەنت پەن مەديتسينالىق ۇيىم اراسىندا جاسالاتىن تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە مەديتسينالىق كومەك ۇسىنۋ جونىندەگى ۇلگىلىك شارت _____________ قالاسى. № _____ 20___ج. «___» __________________ _____________________________________________________________________________________________ , (تەگى, اتى, اكەسىنىڭ اتى (ەگەر بولسا), تۋعان كۇنى, جەكە باسىن كۋالاندىراتىن قۇجات (جەكە باس كۋالىگى, پاسپورت) بەرىلگەن كۇنى, كىم بەردى) مىنا مەكەنجاي بويىنشا تۇرىپ جاتقان: _______________________________, ودان ءارى «پاتسيەنت» دەپ اتالىپ ءبىر تاراپتان جانە «_______________________________________________», (دەنساۋلىق ساقتاۋ سۋبەكتىسىنىڭ اتاۋى) مەديتسينالىق قىزمەتتى جۇزەگە اسىرۋ قۇقىعىنا بەرىلگەن ليتسەنزياسى _____________________ اتىنان ___________________________________________________________________________________________________________, (لاۋازىمى, تەگى, اتى, اكەسىنىڭ اتى (ول بار بولعان كەزدە) جارعىنىڭ (ەرەجەنىڭ) نەگىزىندە قىزمەت ەتەتىن, ودان ءارى «دەنساۋلىق ساقتاۋ سۋبەكتىسى» دەپ اتالىپ ەكىنشى تاراپتان, تومەندەگىلەر تۋرالى وسى شارتتى (بۇدان ءارى – شارت) جاساستى: 1. شارتتىڭ ءمانى 1. دەنساۋلىق ساقتاۋ سۋبەكتىسى تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى - تمككك) شەڭبەرىندە: - قازاقستان رەسپۋبليكاسىنىڭ زاڭناماسىنا سايكەس پاتسەنتكە مەديتسينالىق كومەك (دارىگەرگە دەيىنگى مەديتسينالىق كومەك, بىلىكتى مەديتسينالىق كومەك, مامانداندىرىلعان مەديتسينالىق كومەك, جوعارى مامانداندىرىلعان مەديتسينالىق كومەك, مەديتسينالىق-الەۋمەتتىك كومەك, ونىڭ ىشىندە تاۋلىك بويى مەديتسينالىق باقىلاۋ جاسالاتىن مامانداندىرىلعان جانە جوعارى مامانداندىرىلعان مەديتسينالىق كومەك, ستاتسيوناردى الماستىراتىن, وڭالتۋ جانە پاللياتيۆتىك كومەك) كورسەتەدى; - ءدارى-دارمەكتىك تەراپيانى ۋاقتىلى تاعايىنداۋدى جانە قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 4 قاراشاداعى № 786 بۇيرىعىمەن (بۇدان ءارى – № 786 بۇيرىق) بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە امبۋلاتوريالىق دەڭگەيدە بەلگىلى ءبىر اۋرۋلارى (جاي-كۇيى) بار حالىقتى تەگىن قامتاماسىز ەتۋ ءۇشىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ جانە مامانداندىرىلعان ەمدىك ونىمدەردىڭ تىزبەسىنە سايكەس پاتسيەنتكە دارىلىك زاتتار مەن مەديتسينالىق ماقساتتاعى بۇيىمداردى امبۋلاتوريالىق دەڭگەيدە الۋىنا رەتسەپتەر جازىپ بەرۋدى قامتاماسىز ەتەدى. 2. پاتسيەنت دارىگەر بەلگىلەگەن رەجيمدى ساقتاۋ بويىنشا, ونىڭ ىشىندە ساپالى مەديتسينالىق قىزمەت ۇسىنۋدى قامتاماسىز ەتەتىن جازىلىپ بەرىلگەن دارىلىك زاتتاردى جانە مەديتسينالىق ماقساتتاعى بۇيىمداردى قابىلداۋعا بايلانىستى دەنساۋلىق ساقتاۋ سۋبەكتىسى مامانىنىڭ ۇسىنىمدارىن ورىندايدى. 3. دەنساۋلىق ساقتاۋ سۋبەكتىسى مەن پاتسيەنتتىڭ اراسىنداعى قارىم-قاتىناستار قازاقستان رەسپۋبليكاسىنىڭ (بۇدان ءارى – قر) زاڭنامالىق نورمالارىمەن جانە وسى شارتپەن رەتتەلەدى. 4. پاتسيەنت ءوزىنىڭ دەربەس دەرەكتەرىن (تەگى, اتى, اكەسىنىڭ اتى (ول بار بولعان كەزدە), ۇلتى, جىنىسى, تۋعان كۇنى, جەكە سايكەستەندىرۋ نومەرى, زاڭدى مەكەن-جايى, تۇرعىلىقتى جەرى, بايلانىس قۇرالىنىڭ ابونەنتتىك ءنومىرى) جانە مەديتسينالىق جازبالارىن پاتسيەنتتى زەرتتەپ-قاراۋ جانە ەمدەۋ پروتسەسىنىڭ قاتىسۋشىلارىمەن وسى اقپاراتپەن الماسۋ ماقساتىندا دەنساۋلىق ساقتاۋ سۋبەكتىسى مەن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ (بۇدان ءارى – قر ءدسادم) اقپاراتتىق جۇيەلەرىنە ەنگىزۋگە جانە پايدالانۋعا كەلىسەدى. 2. قىزمەت كورسەتۋ شارتتارى مەن ءتارتىبى 6. دەنساۋلىق ساقتاۋ سۋبەكتىسى وسى شارت بويىنشا __________________ مەكەنجايى بويىنشا, سونداي-اق دەنساۋلىق ساقتاۋ سۋبەكتىسىمەن تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى - تمككك) شەڭبەرىندە مەديتسينالىق قىزمەتتەر كورسەتۋگە ارنالعان قوسالقى مەردىگەرلىكتىڭ ءتيىستى شارتتارى بار مەديتسينالىق ۇيىمداردا دا قىزمەت كورسەتەدى. 7. دەنساۋلىق ساقتاۋ سۋبەكتىسى وسى شارت بويىنشا دەنساۋلىق ساقتاۋ سۋبەكتىسىنىڭ اكىمشىسى بەلگىلەگەن جانە پاتسيەنتكە مالىمدەلگەن جۇمىس كۇنى مەن ۋاقىتىندا قىزمەتتەر كورسەتەدى. 8. دەنساۋلىق ساقتاۋ سۋبەكتى پاتسيەنتكە قازاقستان رەسپۋبليكاسىنىڭ زاڭناماسىنا سايكەس تمككك شەڭبەرىندە مەديتسينالىق قىزمەتتەر (دارىگەرگە دەيىنگى مەديتسينالىق كومەك, بىلىكتى مەديتسينالىق كومەك, مامانداندىرىلعان مەديتسينالىق كومەك, جوعارى مامانداندىرىلعان مەديتسينالىق كومەك, مەديتسينالىق-الەۋمەتتىك كومەك, ونىڭ ىشىندە تاۋلىك بويى مەديتسينالىق باقىلاۋ جاسالاتىن مامانداندىرىلعان جانە جوعارى مامانداندىرىلعان مەديتسينالىق كومەك, ستاتسيوناردى الماستىراتىن, وڭالتۋ جانە پاللياتيۆتىك كومەك) كورسەتەدى. 9. پاتسيەنتتى ستاتسيونارعا جوسپارلى ەمدەۋگە جاتقىزۋ كەزدە, كەزىندە تۇسكەن ساتتەن باستاپ 30 مينۋتتان كەشىكتىرمەي قابىلداۋ بولىمشەسىندە قابىلداۋ بولىمشەسىنىڭ دارىگەرى تەكسەرىپ-قاراۋ جۇرگىزەدى. 10. ناۋقاس ستاتسيونارعا شۇعىل كەلىپ تۇسكەن كەزدە قابىلداۋ بولىمشەسىنىڭ دارىگەرى دەرەۋ تەكسەرىپ-قاراۋ جۇرگىزەدى. 11. بالانى ەمدەۋگە جاتقىزۋ كەزىندە ونىڭ زاڭدى وكىلىمەن شارت جاسالادى. 12. دەنساۋلىق ساقتاۋ سۋبەكتىسى ستاتسيوناردا دەمالىس جانە مەرەكە كۇندەرىن قوسا العاندا, تاۋلىك بويى باقىلاۋدى, بارلىق قاجەتتى زەرتتەپ-قاراۋدى جانە ەمدەۋدى قامتاماسىز ەتەدى. 13. دەنساۋلىق ساقتاۋ سۋبەكتىسى پاتسيەنتتىڭ تەگىن دارىلىك زاتتار مەن مەديتسينالىق ماقساتتاعى بۇيىمداردى الۋ قۇقى­عىن ىسكە اسىرۋدى, سونداي-اق تەگىن دارىلىك زاتتار مەن مەديتسينالىق ماقساتتاعى بۇيىمداردى الۋ پروتسەسىندە لايىق­تى ءىلتيپات جاساۋدى, پاتسيەنتتىڭ مادەني جانە جەكە باسىنىڭ قۇندىلىقتارىنا قۇرمەت كورسەتۋدى قامتاماسىز ەتەدى. 3. تاراپتاردىڭ قۇقىقتارى مەن مىندەتتەرى 14. دەنساۋلىق ساقتاۋ سۋبەكتىسى: 1) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى 184-بابىمەن كوزدەلگەن مەديتسينا جانە فارماتسەۆتيكا قىزمەتكەرلەرىنىڭ ار-نامىس كودەكسىنىڭ ساقتالۋىن قامتاماسىز ەتەدى; 2) ۇيىمنىڭ بار ليتسەنزياسىن, سەرتيفيكاتتارىن جانە قازاقستان رەسپۋبليكاسىندا قولدانىستاعى دەنساۋلىق ساقتاۋ تۋرالى زاڭناماعا سايكەس پاتسيەنتكە مەديتسينالىق كومەكتى ۇسىنا وتىرىپ, وسى شارت بويىنشا قىزمەتتى ۋاقتىلى جانە ساپالى كورسەتەدى; 3) زاڭمەن بەلگىلەنگەن تارتىپتە قولدانىلۋىنا رۇقسات ەتىلگەن پروفيلاكتيكالاۋ, دياگنوستيكالاۋ, ەمدەۋ ادىستەرىن, مەديتسينالىق تەحنولوگيالاردى, دارىلىك زاتتاردى, يممۋنوبيولوگيالىق پرەپاراتتاردى جانە دەزينفەكتسيا قۇرالدارىن پايدالانادى; 4) پاتسيەنت قولايلى, تۇسىنىكتى تىلدەگى جانە بەلگىلەنگەن تارتىپتە مىنالار كىرەتىن اقپاراتپەن قامتاماسىز ەتەدى: - قىزمەت كورسەتۋ ورنى, ۇيىمدا كورسەتىلۋى مۇمكىن پروفيلاكتيكالىق, دياگنوستيكالىق جانە ەمدىك مەديتسينالىق قىزمەت كورسەتۋلەر تۋرالى, مامانداردىڭ بىلىكتىلىكتەرى جانە سەرتيفيكاتتارى تۋرالى مالىمەتتەر; - جۇمىس رەجيمى مەن ءتارتىبى تۋرالى مالىمەتتەر, دارىگەرلەردىڭ قابىلداۋ كەستەسى (كابينەتتىڭ ءنومىرى, دارىگەردىڭ تەگى, اتى, اكەسىنىڭ اتى (ول بار بولعان جاعدايدا), قابىلداۋ ۋاقىتى كورسەتىلگەن) (العاشقى مەديتسينالىق-سانيتاريالىق كومەك كورسەتەتىن ۇيىمدار ءۇشىن); - دارىگەردى ۇيگە شاقىرتۋ ەرەجەلەرى تۋرالى اقپارات (العاشقى مەديتسينالىق-سانيتارلىق كومەك كورسەتەتىن ۇيىمدار ءۇشىن); - ستاتسيونار جۇمىسىنىڭ ىشكى ءتارتىبى مەن ەرەجەلەرى تۋرالى مالىمەتتەر (مەديتسينالىق-سانيتاريالىق العاشقى كومەك كورسەتەتىن ۇيىمدار ءۇشىن); - قولدانىلاتىن ەمنىڭ تۇرلەرى مەن ادىستەرى تۋرالى, دارىلىك زاتتاردىڭ مولشەرى, دۇركىندىلىگى, ۇزاقتىعى جانە قابىلداۋ ءتارتىبى تۋرالى جانە پرەپاراتتاردىڭ مۇمكىن بولاتىن سالدارى مەن جاناما اسەرلەرى تۋرالى, ءۇي جاعدايىندا دارىلىك زاتتاردى ساقتاۋدىڭ ەرەكشەلىكتەرى تۋرالى قىسقاشا اقپارات; - وعان مەديتسينالىق قىزمەت كورسەتەتىن دەنساۋلىق ساقتاۋ سالاسىنداعى مامانداردىڭ اتتارى, بىلىكتىلىكتەرى جانە سەرتيفيكاتتالۋى تۋرالى اقپارات; 5) مەديتسينالىق-سانيتاريالىق العاشقى كومەك كورسەتەتىن ۇيىمدارىن تىركەۋ ورنىنىڭ ۇتىمدى جۇمىسىن ۇيىمداستىرۋ ارقىلى پاتسيەنتتەر اعىمىنىڭ قارقىندىلىعىن رەتتەۋدى قامتاماسىز ەتەدى: - حالىقتى جۇمىس رەجيمى تۋرالى ۋاقتىلى اقپاراتتاندىرۋ; - كەدەرگىسىز جانە كىدىرىسسىز الدىن الا قابىلداۋعا جازىلۋ, ونىڭ ىشىندە اۆتوماتتاندىرىلعان رەجيمدە; - دارىگەردىڭ قابىلداۋىنا, دارىگەرگە دەيىنگى كومەك كابينەتىنە, مەديتسينالىق پروفيلاكتيكا كابينەتىنە جازىلۋ (ەمحاناعا تىكەلەي كەلگەن كەزدە دە, تەلەفون بويىنشا دا); - پاتسيەنتتەردىڭ تۇرعىلىقتى جەرى بويىنشا دارىگەرلەردى ۇيگە شاقىرۋلاردى ۋاقىتىلى قابىلداۋ; 6) ۇيگە شاقىرتۋلاردى ۋاقتىلى قامتاماسىز ەتەدى (شاقىرتقان كۇنى); 7) كورسەتىلىمدەرىنىڭ (جوعارى تەمپەراتۋرا, ارتەريالىق گيپەرتەنزيا نەمەسە باسقا دا اۋىر جاعدايلار) بولۋىنا بايلانىستى پاتسيەنت جۇگىنگەن كەزدە قاجەت بولعان جاعدايدا مەديتسينالىق جەدەل جاردەم بريگاداسىن شاقىرتىپ, شۇعىل مەديتسينالىق كومەك كورسەتەدى; 8) پاتسيەنتتەرگە ءتيىستى جاعدايلار جاسايدى ء(ۇي-جايدى تاقتايشالارمەن, سىلتەمەلەرمەن, مۇمكىندىگىنشە ىشكى ناۆيگاتسيا جۇيەسىمەن, اۋىز سۋمەن جابدىقتاۋ, تازارتۋ بولمەلەرىن بارلىق قاجەتتى گيگيەنالىق جابلدىقتارمەن جابدىقتاۋ); 9) ستاتسيوناردا پاتسيەنتتەر ءۇشىن ءتيىستى جاعدايلار جاسايدى (لايىقتى كۇتىم جاساۋ جانە تاماقتاندىرۋ, اۋىز سۋمەن, توسەك-ورىن جابدىقتارىمەن جانە ىدىس-اياقتارمەن قامتاماسىز ەتۋ, تازارتۋ بولمەلەرىن بارلىق قاجەتتى گيگيەنالىق جابلدىقتارمەن جابدىقتاۋ, ءۇي-جايدى تاقتايشالارمەن, سىلتەمەلەرمەن, مۇمكىندىگىنشە – ىشكى ناۆيگاتسيا جۇيەسىمەن جابدىقتاۋ); 10) پلاكاتتار, ستەندتەر تۇرىندە پاتسيەنتتىڭ قۇقىقتارى تۋرالى, سونداي-اق ۇيىمدا كورسەتىلىۋى مۇمكىن دياگنوستيكالىق جانە ەمدىك مەديتسينالىق قىزمەت كورسەتۋلەر تۋرالى اقپاراتتىق ماتەريالدار ۇسىنادى; 11) پاتسيەنتكە ءدارى-دارمەكتىك تەراپيانى ۋاقتىلى تاعايىنداۋدى جانە № 786 بۇيرىققا سايكەس دارىلىك زاتتار مەن مەديتسينالىق ماقساتتاعى بۇيىمداردى الۋعا رەتسەپتەر جازىپ بەرۋدى قامتاماسىز ەتەدى; 12) پاتسيەنتكە الدىندا بەرىلگەن دارىلىك زاتتار بىتكەنگە دەيىن بىرنەشە كۇن بۇرىن ۋاقتىلى تەگىن دارىلىك زاتتار مەن مەديتسينالىق ماقساتتاعى بۇيىمدار الۋعا الدىن الا رەتسەپتەر بەرەدى; 13) پاتسيەنتتى اۋرۋلاردىڭ پروفيلاكتيكاسى جانە قاۋىپ فاكتورلارى جونىندەگى اقپاراتتىق-ءبىلىم بەرۋ ماتەريالدارىمەن قامتاماسىز ەتەدى; 14) قاجەت بولعان جاعدايدا پاتسيەنتتى ديسپانسەرلىك ەسەپكە قويادى جانە ونىڭ دەنساۋلىعى جاعدايىنا ديناميكالىق باقىلاۋ جۇرگىزەدى; 15) پاتسيەنتتى بەيىندى دەنساۋلىق مەكتەپتەرىندە جانە سالاماتتى ءومىر سالتى كابينەتتەرىندە وقىتادى; 16) ەمدەۋگە جاتقىزۋعا كورسەتىلىمدەرى بولعان كەزدە جۇرگىزىلگەن زەرتتەۋلەردىڭ ناتيجەلەرىن كورسەتىپ ستاتسيونارعا ەمدەۋگە جاتقىزۋعا قولدانىسى مەرزىمى كۇنتىزبەلىك 10 كۇننەن اسپاۋى ءتيىس نەمەسە ايعاقتارى بويىنشا شۇعىل جولداما راسىمدەيدى; 17) باسقا دەنساۋلىق ساقتاۋ ۇيىمدارىمەن ءوزارا ءىس-قيمىلدى جانە ءوز قىزمەتىندەگى ساباقتاستىقتى قامتاماسىز ەتەدى; 18) پاتسيەنتكە زەرتتەۋدىڭ ناتيجەلەرىن, انىقتامانى, ەڭبەككە جارامسىزدىق پاراعىن, قر زاڭناماسىمەن كوزدەلگەن جاعدايلار مەن تارتىپتە ناۋقاستىڭ امبۋلاتوريالىق (ستاتسيونارلىق) كارتاسىنان ءۇزىندى كوشىرمە بەرەدى; 19) ءوزىنىڭ ماماندارىنىڭ جانە (نەمەسە) دەنساۋلىق ساقتاۋ سۋبەكتىسىمەن شارتتىق قارىم-قاتىناستاعى مەديتسينالىق ۇيىمىدار قىزمەتكەرلەرىنىڭ كۇشىمەن مەديتسينالىق قىزمەت كورسەتۋ بويىنشا ءوزى قابىلداعان مىندەتتەمەلەردى ورىنداۋدى قامتاماسىز ەتەدى. 15. دەنساۋلىق ساقتاۋ سۋبەكتىسى: 1) پاتسيەنتتىڭ دەنساۋلىعى جاعدايىنا سايكەس ەمدەۋدىڭ ۇزاقتىعىن, دارىلىك زاتتار مەن مەديتسينالىق ماقساتتاعى بۇيىمداردى قابىلداۋ رەجيمىن ايقىندايدى; 2) پاتسيەنتتىڭ بارلىق تاعايىندالعان دياگنوستيكالىق راسىمدەر مەن ساۋىقتىرۋ ءىس-شارالارىنان وتۋىنە, سونداي-اق پاتسيەنتتىڭ تاعايىندالعان دارىلىك پرەپاراتتاردى قابىلداۋ رەجيمىن ساقتاۋىنا مونيتورينگ جانە باقىلاۋ جۇرگىزەدى; 3) دارىگەردىڭ كەڭەسىن, ۇسىنىمدارىن جانە تاعايىنداۋلارىن ورەسكەل بۇزعان جاعدايدا ناۋقاستى اۋرۋحانادان شىعارادى (ۇيعارىلعان رەجيمدى ساقتاماۋ, ستاتسيوناردان ءوز بەتىمەن كەتۋ, الكوگولدەن, ەسىرتكىدەن, ۋىتتى زاتتاردان ماس بولۋ, مەديتسينا قىزمەتكەرلەرىمەن جانە بولمەلەس كورشىلەرمەن جانجالداسۋ جانە توزۋگە بولمايتىن قىلىقتار كورسەتۋ جانە باسقا); 4) كورسەتىلىمدەرى بويىنشا پاتسيەنتتى باسقا مەديتسينالىق ۇيىمعا اۋىستىرۋدى (جىبەرۋدى) جۇزەگە اسىرادى; 5) تەگىن مەديتسينالىق كومەكتىڭ كەپىلدىك بەرىلگەن كولەمىنەن بولەك پاتسيەنتتىڭ قاراجاتى, ۇيىمنىڭ, ەرىكتى ساقتاندىرۋ جۇيەسىنىڭ جانە باسقا دا تىيىم سالىنباعان كوزدەردىڭ قاراجاتى ەسەبىنەن قوسىمشا مەديتسينالىق قىزمەت كورسەتەدى. 16. پاتسيەنت: 1) دارىگەردى نەمەسە مەديتسينالىق ۇيىمدى تاڭداۋعا, اۋىستىرۋعا قۇقىلى; 2) ەمحاناعا كەلگەن ساتتەن باستاپ ساپالى بىلىكتى كونسۋلتاتسيالىق-دياگنوستيكالىق كومەكپەن جانە ستاتسيونارعا تۇسكەن ساتتەن باستاپ بىلىكتى, مامانداندىرىلعان, جوعارى مامانداندىرىلعان مەديتسينالىق كومەكپەن قامتاماسىز ەتىلەدى; 3) مىنالار تۋرالى ول ءۇشىن قولجەتىمدى نىساندا قولايلى قولدا بار اقپاراتتى الادى: - زەرتتەپ-قاراۋ ناتيجەلەرى تۋرالى مالىمەتتەردى قوسا العاندا, ءوز دەنساۋلىعىنىڭ جاعدايى; - اۋرۋدىڭ بولۋى, ونىڭ دياگنوزى جانە بولجامى; - ەمدەۋ ءتاسىلى, وعان بايلانىستى قاىپتەر; - مەديتسينالىق ارالاسۋلاردىڭ مۇمكىن بولاتىن نۇسقالارى, ولاردىڭ سالدارى; - جۇرگىزىلگەن ەمدەۋ ناتيجەلەرى; 4) مەديتسينالىق قىزمەتتەردىڭ ينۆازيۆتىك ادىستەرىنە اقپاراتتاندىرىلعان جازباشا ەرىكتى كەلىسىم بەرەدى; 5) ءوزىنىڭ قۇقىقتارى مەن مىندەتتەرى, كورسەتىلەتىن قىزمەتتەر, اقىلى قىزمەتتەردىڭ باعاسى تۋرالى, جانە دە ولاردى ۇسىنۋ ءتارتىبى تۋرالى اقپارات الادى; 6) تەگىن مەديتسينالىق كومەكتىڭ كەپىلدىك بەرىلگەن كولەمىنەن تىس ءوز قاراجاتىنىڭ, ۇيىمنىڭ, ەرىكتى ساقتاندىرۋ جۇيەسىنىڭ جانە باسقا دا تىيىم سالىنباعان كوزدەردىڭ قاراجاتى ەسەبىنەن قوسىمشا مەديتسينالىق قىزمەتتەر الادى; 7) دياگنوستيكالاۋ, ەمدەۋ جانە كۇتۋ, امبۋلاتوريالىق (ستاتسيونارلىق) دەڭگەيدە دارىلىك زاتتارمەن جانە مەديتسينالىق ماقساتتاعى بۇيىمدارمەن قامتاماسىز ەتۋ پروتسەسىندە ءوزىنىڭ مادەني جانە جەكە قۇندىلىقتارىنا لايىقتى ءىلتيپات پەن قۇرمەتتى پايدالانادى; 8) تاعايىندالعان دارىلىك زات تۋرالى تولىق اقپارات الادى; 9) مەديتسينالىق تەحنولوگيالاردىڭ قولدانىستاعى دەڭگەيىنىڭ مۇمكىندىگىنە قاراي بەينەتىن جەڭىلدەتۋگە, كونسيليۋم وتكىزىلۋىنە قۇقىعى بار; 10) قازاقستان رەسپۋبليكاسىنىڭ قولدانىستاعى زاڭناماسىنا سايكەس مەديتسينا قىزمەتكەرلەرىنىڭ دارىلىك زاتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى دۇرىس تاعايىنداماۋىنا جانە قولدانباۋىنا بايلانىستى دەنساۋلىعىنا كەلتىرىلگەن زياننىڭ ورنىن تولتىرۋدى تالاپ ەتۋگە قۇقىلى; 11) قانداي دا بولماسىن كەمسىتۋ فاكتورلارىنىڭ ىقپالىنسىز, تەك قانا مەديتسينالىق كريتەريلەردىڭ نەگىزىندە انىقتالاتىن كەزەكتىلىكپەن مەديتسينالىق كومەك الادى; 12) مەديتسينالىق قىزمەت كورسەتۋشىلەردىڭ تەگى, اتى, اكەسىنىڭ اتى (ول بار بولعان كەزدە) جانە كاسىبي مارتەبەسى تۋرالى مالىمەتتەر الادى; 13) جۇمىسقا شىعارۋدىڭ, باسقا مەديتسينالىق ۇيىمعا اۋىستىرۋدىڭ جانە باسقا دا باس تارتقان جاعدايلاردىڭ سەبەبى تۇسىندىرىلەدى; 14) بەلگىلەنگەن تارتىپتە جازباشا رەسىمدەي وتىرىپ جانە مەديتسينالىق قۇجاتتاماعا ەنگىزىپ, مەديتسينالىق كومەك الۋدان باس تارتا الادى; 15) اۋىرۋى كەزەڭىندە ەڭبەككە ۋاقىتشا جارامسىزدىق فاكتىسىن راستايتىن قۇجاتتاردى الادى (ەڭبەككە ۋاقىتشا جارامسىزدىق پاراعى نەمەسە ەڭبەككە ۋاقىتشا جارامسىزدىق تۋرالى انىقتاما); 16) تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە امبۋلاتوريالىق دەڭگەيدە بەلگىلى ءبىر اۋرۋلارى (جاي-كۇيى) بار حالىقتى تەگىن قامتاماسىز ەتۋ ءۇشىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ جانە مامانداندىرىلعان ەمدىك ونىمدەردىڭ تىزبەسىنىڭ شەڭبەرىندە امبۋلاتوريالىق دەڭگەيدە تەگىن ەمدەلۋگە دارىلىك زاتتار مەن مەديتسينالىق ماقساتتاعى بۇيىمداردى تەگىن رەتسەپتەر بويىنشا الادى; 17) مەديتسينالىق قىزمەت جانە (نەمەسە) دارىلىك قامتاماسىز ەتۋ ساپاسىز كورسەتىلگەن جاعدايدا: - مەديتسينالىق ۇيىمنىڭ ىشكى باقىلاۋ قىزمەتىنە (پاتسيەنتكە قولداۋ كورسەتۋ) جۇگىنەدى; - كورسەتىلگەن مەديتسينالىق قىزمەتتەرگە تاۋەلسىز ساراپتاما جۇرگىزۋ ءۇشىن تاۋەلسىز (بەيىندى) ساراپشىلاردى نەمەسە تاۋەلسىز ساراپتاما جۇرگىزەتىن قوعامدىق بىرلەستىكتەردى تارتادى; - قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ اۋماقتىق دەپارتامەنتىنە جۇگىنەدى; - دەنساۋلىق ساقتاۋ سۋبەكتىسىندە, جوعارى تۇرعان ورگانعا جانە (نەمەسە) زاڭدى تۇردە مەديتسينا جانە فارماتسەۆتيكا قىزمەتكەرلەرىنىڭ ءىس-ارەكەتتەرىنە (ارەكەتسىزدىگىنە) شاعىمدانا الادى. 18) مىنالاردى قوسا العاندا ءوز دەنساۋلىعىن ساقتاۋ جانە نىعايتۋ شارالارىن قابىلدايدى: - پروفيلاكتيكالىق مەديتسينالىق تەكسەرىپ-قاراۋدان ۋاقتىلى جانە تولىق (سكرينينگتىك زەرتتەۋلەردەن) ءوتۋ; - سالاماتتى ءومىر سالتىن ۇستانۋ جانە اۋىر سالدارعا (اسقىنۋلارعا) اكەپ سوعاتىن اۋرۋلاردى تۋدىراتىن نەمەسە سوزىلمالى اۋرۋلاردى اسقىندىراتىن قاۋىپتى فاكتورلار بولىپ تابىلاتىن زياندى ادەتتەردەن باس تارتۋ – ارتىق دەنە سالماعى, شىلىم, ەسىرتكى شەگۋ, ىشىمدىكتى شەكتەن تىس پايدالانۋ, دەنە بەلسەندىلىگىنىڭ تومەندىگى; - دارىگەر ۇسىنعان ديەتانى, دەنە جۇكتەمەسىنىڭ, كۇن جانە دەمالىس رەجيمىن, جانە قارالۋ كەزدىلىگىن ساقتاۋ; - دارىلىك زاتتاردى قابىلداۋ رەجيمى مەن وڭالتۋ ءىس-شارالارى بويىنشا دارىگەردىڭ بارلىق قاجەتتى تالاپتارى مەن ۇعىمدارىن, ونىڭ ىشىندە قابىلداۋ رەجيمى مەن ۋاقىتىن مۇلتىكسىز ورىنداۋ, ەمدەۋدىڭ تيىمدىلىگىن قامتاماسىز ەتەتىن باسقا دا تالاپتار مەن ۇيعارىمداردى ورىنداۋ; 19) مەديتسينالىق قىزمەت كورسەتكەنگە دەيىن دارىگەرگە دياگنوز قويۋعا جانە اۋرۋدى ەمدەۋگە قاجەت بولاتىن باسىنان وتكەرگەن سىرقاتتارى, وزىنە ءمالىم اللەرگيالىق رەاكتسيالار, بۇرىن جۇرگىزىلگەن ەمدەۋلەر مەن ونىڭ ناتيجەلەرى تۋرالى اقپارات بەرەدى; 20) مەديتسينا قىزمەتكەرىنىڭ تاعايىنداۋى بويىنشا اۋرۋدىڭ پروفيلاكتيكاسى بويىنشا بەيىندى دەنساۋلىق مەكتەپتەرىندە, سالاماتتى ءومىر سالتى كابينەتتەرىندە وقۋدان وتەدى; 21) مەديتسينا قىزمەتكەرلەرى تۋرالى ۋاقتىلى اقپارات بەرەدى: - دياگنوستيكالاۋ جانە ەمدەۋ ۇردىسىندە ءوز دەنساۋلىعى جاعدايىنىڭ وزگەرۋى; - اينالاسىنداعىلارعا قاۋىپ توندرەتىن اۋرۋلاردىڭ تۋىنداۋى, نە بولماسا ولاردىڭ بولۋىنا كۇدىكتەنگەن جاعدايلاردا; - قانداي دا ءبىر دارىلىك زاتقا توزبەۋشىلىك نەمەسە اللەرگيالىق رەاكتسيالارىنىڭ بولۋى, ىشىمدىكتى شەكتەن تىس پايدالانۋ جانە/نەمەسە ەسىرتكى پرەپاراتتارىنا قۇمارلىق, شىلىم شەگۋ جانە وزگە دە مالىمەتتەر تۋرالى; - باسقا دارىلىك زاتتاردى قابىلدايتىندىعى تۋرالى; - دارىلىك زاتتاردىڭ ءۇي جاعدايىندا ساقتالاتىندىعى جانە قابىلداپ جۇرگەن دارىلەردىڭ جارامدىلىق مەرزىمى تۋرالى ۋاقتىلى اقپارات بەرەدى; 22) وسى شارتتىڭ تالاپتارىن بۇلجىتپاي ورىندايدى, دەنساۋلىق ساقتاۋ سۋبەكتىسى ماماندارىنىڭ تاعايىنداۋلارى مەن ۇسىنىمدارىن ناقتى ورىندايدى جانە پاتسيەنتتىڭ وسى شارتتى ورىنداۋىنا كەدەرگى كەلتىرەتىن كەز كەلگەن جاعدايلار تۋرالى دەنساۋلىق ساقتاۋ سۋبەكتىسىنە ۋاقتىلى اقپارات بەرەدى; 23) باسقا پاتسيەنتتەردىڭ قۇقىقتارىن بۇزاتىن ءىس-قيمىل جاسامايدى; 24) مەديتسينا قىزمەتكەرلەرىمەن قارىم-قاتىناستا بولعاندا قۇرمەت پەن ادەپتىلىك كورسەتەدى; 25) ىشكى تارتىپتەمە قاعيدالارىن ساقتايدى جانە مەديتسينالىق ۇيىمنىڭ مۇلكىنە ۇقىپتىلىقپەن قارايدى, مەديتسينالىق كومەك العان كەزدە مەديتسينا پەرسونالىمەن ىنتىماقتاستىقتا بولادى; 26) مەديتسينالىق ۇيىمعا كەلىپ تۇسكەن/جۇگىنگەن كەزدە ءوزىنىڭ جەكە باسىنىڭ كۋالىگىن نەمەسە ونىڭ زاڭدى وكىلىنىڭ جەكە باسىن كۋالاندىراتىن قۇجاتتى كورسەتەدى. 4. قۇپيالىلىق 17. دەنساۋلىق ساقتاۋ سۋبەكتىسى پاتسيەنتتىڭ مەديتسينالىق كومەككە جۇگىنۋ فاكتىسى تۋرالى اقپاراتتى, ونىڭ دەنساۋلىعى جاعدايى, اۋرۋىنىڭ دياگنوزى جانە ونى زەرتتەپ-قاراۋ جانە ەمدەۋ كەزىندە الىنعان وزگە دە مالىمەتتەردى قۇپيا (دارىگەرلىك قۇپيا) ساقتايدى. 18. پاتسيەنتتىڭ نەمەسە ونىڭ وكىلىنىڭ جازباشا كەلىسىمىمەن دارىگەرلىك قۇپيادان تۇراتىن مالىمەتتەردى باسقا ادام­دارعا, ونىڭ ىشىندە پاتسيەنتتى زەرتتەپ-قاراۋعا جانە ەمدەۋگە مۇددەلى لاۋازىمدىق ادامدارعا بەرۋگە رۇقسات ەتىلەدى. 19. دەنساۋلىق ساقتاۋ سۋبەكتىسى پاتسيەنتتىڭ دەربەس دەرەكتەرىن جيناۋ مەن وڭدەۋ قازاقستان رەسپۋبليكاسىنىڭ زاڭناماسىنا سايكەس قۇپيالىلىق قاعيدالارى ساقتالا وتىرىپ جۇزەگە اسىرىلاتىندىعىنا كەپىلدىك بەرەدى. 20. پاتسيەنتتى زەرتتەپ-قاراۋ جانە ەمدەۋ ماقساتىندا جاعدايىنا بايلانىستى ءوزىنىڭ ەركىن بىلدىرە المايتىن جانە قازاقستان رەسپۋبليكاسىنىڭ زاڭناماسىمەن كوزدەلگەن باسقا دا جاعدايلاردا پاتسيەنتتىڭ نەمەسە ونىڭ وكىلىنىڭ كەلىسىمىنسىز دارىگەرلىك قۇپيا بولىپ تابىلاتىن مالىمەتتەردى بەرۋگە رۇقسات ەتىلەدى. 5. داۋلاردى قاراۋ 20. وسى شارت بويىنشا داۋلار مەن كەلىسپەۋشىلىكتەر تاراپتاردىڭ ولاردى سوتقا دەيىن نارازىلىق تارتىبىندە رەتتەۋ جونىندەگى شارالار قابىلداۋى ارقىلى شەشىلەدى. ەكىنشى تاراپ جازباشا نارازىلىققا ونى العاننان كەيىن ون جۇمىس كۇنىنىڭ ىشىندە شەشەدى. 21. كەلىسىمگە كەلە الماعان جاعدايدا تاراپتار اراسىنداعى داۋلار قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپتە قارالاتىن بولادى. 6. شارتتىڭ ارەكەت ەتۋ مەرزىمى مەن ونى توقتاتۋ ءتارتىبى 22. وسى شارت: - دەنساۋلىق ساقتاۋ سۋبەكتىسى تاراتىلعان جاعدايدا; - پاتسيەنت قايتىس بولعان جاعدايدا; - تاراپتاردىڭ جازباشا نىسانداعى كەلىسىم بويىنشا (ەسەپتەن/تىزىمنەن شىعارۋ); - دەنساۋلىق ساقتاۋ سۋبەكتىسى مەديتسينالىق قىزمەتتى جۇزەگە اسىرۋ قۇقىعىن جوعالتقان جاعدايدا بۇزىلدى دەپ ەسەپتەلەدى. 7. وزگە دە تالاپتار 23. وسى شارتتا كوزدەلمەگەن ماسەلەلەر بويىنشا تاراپتار قازاقستان رەسپۋبليكاسىنىڭ زاڭناماسىن باسشىلىققا الادى. 24. وسى شارت بىردەي زاڭ كۇشى بار ەكى دانادا جاسالدى. ءبىر داناسى پاتسيەنتتە, ەكىنشىسى – دەنساۋلىق ساقتاۋ سۋبەكتىسىندە بولادى. 25. تاراپتار مەكەنجايلارى مەن رەكۆيزيتتەرى وزگەرگەندىگى تۋرالى ءبىر-ءبىرىن تەزدەتىپ حابارلاۋدى مىندەتتەنەدى. دەنساۋلىق ساقتاۋ سۋبەكتىسى پاتسيەنت ________________________ ____________________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 1 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11520 بولىپ ەنگىزىلدى.