سول كەلىسىمگە سايكەس, بۇگىن تاڭ اتا قانشاما جىلدار بويى پەتەربۋرگ قالاسىندا كۋنستكامەرادا تۇرعان باتىردىڭ باس سۇيەگى قازاقستانعا جەتكىزىلدى. بۇدان ءارى قانداي راسىمدەر اتقارىلىپ, باتىردىڭ باسىن جەرلەۋ جۇمىستارى قالاي ۇيىمداستىرىلاتىنىن "ەگەمەن-اقپارات" نازاردا ۇستايتىن بولادى. ازىرگە ءبىز كەيكى باتىردىڭ باسى ەلگە قايتارىلاتىنى تۋرالى اقپاراتقا وراي تۋعان سەرىك اقسۇڭقار ۇلىنىڭ شاعىن تولعاۋىن ۇسىنىپ وتىرمىز. كەلە جاتىر التىن باسى كەيكىنىڭ... جاۋدان جالعىز – شاھيد كەشكەن دەيتۇعىن, كەلە جاتىر التىن باسى كەيكىنىڭ; ماسايراعان ونىڭ مۇندا جوعىندا, ورمان جۇرتى قالا باردى سوڭىندا. كەۋدەسىندە قالىپ قويماي زار ءانى, ماڭداي, شەكە سۇيەگىنە تارادى; اتا جاۋدان كوڭىلى قالعان, قايران, باس ارت جاعىنا قايىرىلا ءبىر قارادى... بەلەس, بەلەس, بەلەس دەپ, ايدارىنان سيپاعانداي جەل يىسكەپ; باس كەلەدى توقسان جىلداي كورمەگەن, ءوز دەنەسى ءوز كوزىنە ەلەستەپ! تابانىنىڭ استىندا قاپ تاعىلىق, قاسىرەتتى قارا ءتۇندى جامىلىپ, باس... كەلەدى توقسان جىلداي تورىعىپ, ءور كەۋدەسىن! وكپە-باۋىرىن ساعىنىپ! ۋلاپ-شۋلاپ الەۋمەتتىك جەلى كەپ, دەمىن ىشكە تارتقان كەزدە توڭىرەك, توقسان جىلداي ەكى كوزى ءتورت بولعان, تورعاي جۇرتى قويا بەردى ەڭىرەپ... باس كەلەدى باسا-كوكتەپ عاسىردى, ءاليحان مەن ىزدەپ قانىش... قاسىمدى; قاراي بەرمەي جاۋتاڭ-جاۋتاڭ تومەنگە, كوككە قاراي كوتەر, قازاق, باسىڭدى!
سەرىك اقسۇڭقار ۇلى
