1995
* 8 ماۋسىمدا پاريجدەگى يۋنەسكو-نىڭ شتاب-پاتەرىندە اباي قۇنانباەۆتىڭ تۋعانىنا 150 جىل تولۋىنا ارنالعان مەرەيتويلىق شارالار اياقتالدى.
* 13 ماۋسىمدا پرەزيدەنت ن.ءا.نازارباەۆ الماتىدا ءتۇركيا رەسپۋبليكاسىنىڭ پرەزيدەنتى س.دەميرەلدى قابىلدادى. ماۋسىمنىڭ 14-ءى كۇنى نۇرسۇلتان نازارباەۆ پەن سۇلەيمەن دەميرەل تۇركىستان قالاسىنداعى قوجا احمەت ءياساۋيدىڭ كەسەنەسىن كالپىنا كەلتىرۋ جۇمىستارىمەن تانىستى. بۇدان كەيىن ولار قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ جاڭا عيماراتىنىڭ ىرگەتاسىن قالاۋ راسىمىنە قاتىستى.
* 22-26 ماۋسىم ارالىعىندا پرەزيدەنت ن.ءا.نازارباەۆتىڭ يندونەزياعا رەسمي ساپارى بولدى. وندا ەلباسى يندونەزيا پرەزيدەنتى سۋحارتومەن كەلىسسوز وتكىزدى.
*1 شىلدە كۇنى 11 ساعات 15 مينۋتتا پرەزيدەنت ن.ءا.نازارباەۆ ىلە الاتاۋىنداعى اباي شىڭىندا قازاقستان جالاۋىن كوتەردى. ۇلى اقىن اتىنداعى شىڭعا شىعۋدى ارميانىڭ ورتالىق كلۋبى مەن رەسپۋبليكانىڭ الپينيزم فەدەراتسياسى ۇيىمداستىردى.
* 1 تامىزدا قازاقستان رەسپۋبليكاسى كونستيتۋتسياسىنىڭ جوباسى جاريالاندى.
*9 تامىزدا ۇلى ابايدىڭ 150 جىلدىعىن مەرەكەلەۋگە بايلانىستى رەسپۋبليكا سارايىندا سالتاناتتى ءماجىلىس بولدى. وندا پرەزيدەنت نۇرسۇلتان نازارباەۆ «اباي تۋرالى ءسوز» تاقىرىبىمەن بايانداما جاسادى. ەلباسى بايانداماسى «ەگەمەن قازاقستان» گازەتىنىڭ 10 تامىزداعى نومىرىندە جارىق كوردى.
*10 تامىزدا اباي تويى اقىننىڭ تۋعان جەرى – سەمەي ءوڭىرىندە جالعاستى. پرەزيدەنت نۇرسۇلتان نازارباەۆ پەن يۋنەسكو-نىڭ باس ديرەكتورى فەدەريكو مايور اقىننىڭ سەمەيدەگى مۇراجايىنىڭ جاڭا كەشەنىن اشتى. اباي اتىنداعى مۋزىكالىق دراما تەاترىندا سالتاناتتى جيىن ءوتتى. ەرتەڭىندە اقىن تويى قاراۋىل-جيدەبايعا دا كەلىپ جەتتى. مۇندا اباي-شاكارىم كەسەنەسى سالتاناتتى تۇردە اشىلدى.
*15 تامىزدا ەلباسى الماتىعا رەسمي ساپارمەن كەلگەن تۇركيا پرەمەر-ءمينيسترى تانسۋ چيللەر باستاعان تۇركيا دەلەگاتسياسىمەن كەزدەستى.
*23 تامىزدا پرەزيدەنت نۇرسۇلتان نازارباەۆ الماتىعا رەسمي ساپارمەن كەلگەن پاكستاننىڭ پرەمەر-ءمينيسترى بەنازير بحۋتتونى قابىلداپ, اڭگىمەلەستى. بۇدان كەيىن كەڭەيتىلگەن قۇرامداعى ۇكىمەت دەلەگاتسيالارىنىڭ كەلىسسوزى بولدى.
*28 تامىزدا بىشكەكتە تۇركى ءتىلدى مەملەكەتتەر باس
شىلارىنىڭ كەزدەسۋى بولدى. وعان ازەربايجاننىڭ پرەزيدەنتى گەيدار اليەۆ, قازاقستاننىڭ پرەزيدەنتى نۇرسۇلتان نازارباەۆ, قىرعىزستاننىڭ پرەزيدەنتى اسقار اقاەۆ, تۇرىكمەنستاننىڭ پرەزيدەنتى ساپارمۇرات نيازوۆ, تۇركيانىڭ پرەزيدەنتى سۇلەيمەن دەميرەل جانە وزبەكستاننىڭ پرەزيدەنتى يسلام كاريموۆ قاتىستى.
*30 تامىزدا قازاقستان رەسپۋبليكاسىنىڭ جاڭا كونستيتۋتسياسىن قابىلداۋ جونىندەگى بۇكىلحالىقتىق رەفەرەندۋم وتكىزىلدى.
*5 قىركۇيەكتە ورتالىق سايلاۋ كوميسسياسىنىڭ 30 تامىزداعى رەفەرەندۋمنىڭ قورىتىندىلارى باسپاسوزدە جاريالاندى. داۋىس بەرۋدىڭ قورىتىندىلارى بويىنشا قازاقستان رەسپۋبليكاسىنىڭ كونستيتۋتسياسى قابىلداندى دەپ سانالدى.
*6 قىركۇيەكتە پرەزيدەنتتىڭ رەزيدەنتسياسىندا قازاقستاننىڭ جاڭا كونستيتۋتسياسىن مەملەكەت باسشىسى نۇرسۇلتان نازارباەۆقا رەسمي تابىس ەتۋدىڭ سالتاناتتى ءراسىمى بولىپ ءوتتى.
* 8 قىركۇيەكتە قازاقستان رەسپۋبليكاسىنىڭ جاڭا كونستيتۋتسياسى رەسپۋبليكالىق باسپاسوزدە جاريالاندى.
*11-13 قىركۇيەك ارالىعىندا پرەزيدەنت ن.ءا.نازارباەۆ قىتايعا رەسمي ساپارمەن باردى. ساپار بارىسىندا قحر توراعاسى تسزيان تسزەمينمەن جانە قحر مەملەكەتتىك كەڭەسىنىڭ پرەمەرى لي پەنمەن كەزدەستى.
* 20 قازاندا پرەزيدەنت ن.ءا.نازارباەۆ اقش-قا ساپارمەن باردى.
* 22 قازاندا نيۋ-يوركتە بىرىككەن ۇلتتار ۇيىمى باس اسسامبلەياسىنىڭ 50 جىلدىق مەرەيتويلىق ارنايى سالتاناتتى ءماجىلىسى بولىپ ءوتتى. وعان مەملەكەتتەر باسشىلارى, ۇكىمەت باسشىلارى جانە دۇنيە جۇزىندەگى 160-تان استام ەلدەردىڭ دەلەگاتسيالارى قاتىستى. ءماجىلىستىڭ العاشقى كۇنىندە قازاقستان باسشىسى نۇرسۇلتان نازارباەۆ ءسوز سويلەدى. ەلباسى سەسسيا كۇندەرىندە پاكىستاننىڭ پرەمەر-ءمينيسترى ب.بحۋتتومەن, اۆستراليانىڭ گەنەرال-گۋبەرناتورى ۋ.حايدەنمەن, ساۋد ارابياسىنىڭ سىرتقى ىستەر مينيسترى سۇلتانمەن, پولشانىڭ پرەمەر-ءمينيسترى يۋ.ولەكسامەن, پرەزيدەنتتەر – گ.اليەۆ, س.نيازوۆ, ب.ەلتسين, ا.لۋكاشەنكومەن كەزدەستى.
* 28 قازاندا پرەزيدەنت ن.ءا.نازارباەۆتىڭ پالەستيناعا رەسمي ساپارى بولدى. ن.ءا.نازارباەۆتىڭ پالەستينا باسشىسى يا.ارافاتپەن كەزدەسۋى بارىسىندا ەكىجاقتى قاتىناس ماسەلەلەرى مەن ايماقتىق جانە حالىقارالىق وزەكتى ماسەلەلەر تالقىلاندى.
* 14 قاراشادا ماسكەۋدە پرەزيدەنت ن.ءا.نازارباەۆ رف پرەزيدەنتى ب.ەلتسينمەن كەزدەستى. كەزدەسۋ بارىسىندا مەملەكەتتەر باسشىلارى ەكى جاقتى قارىم-قاتىناس جانە تمد-داعى ينتەگراتسيالىق پروتسەستەر ماسەلەلەرىن قاراستىردى.
* 15 قاراشادا پرەزيدەنت ن.ءا.نازارباەۆ فرانتسياعا ساپارمەن باردى. وندا مەملەكەت باسشىسى فرانتسيا پرەزيدەنتى ج.شيراكپەن جانە يۋنەسكو-نىڭ باس ديرەكتورى ف.مايورمەن كەزدەستى.
* 22 قاراشادا تاجىكستان پرەزيدەنتى ە.راحمونوۆ الماتىدا بولدى. ونى پرەزيدەنت نۇرسۇلتان نازارباەۆ قابىلدادى.
* 9 جەلتوقساندا قازاقستان پارلامەنتى ماجىلىسىنە دەپۋتاتتار سايلاۋ وتكىزىلدى.
* 16 جەلتوقساندا الماتىداعى رەسپۋبليكا سارايىندا تاۋەلسىزدىك كۇنىنە ارنالعان سالتاناتتى كەش بولىپ ءوتتى. جيىندا ەلباسى: «ءبىز ەجەلدەن ەركىندىك اڭساعان ەلمىز. بۇگىن تاۋەلسىز قازاقستاننىڭ ىرگەسىن قالاپ, شاڭىراعىن كوتەرۋ قۇرمەتىنە يە بولىپ وتىرمىز. بۇل قۇرمەت قانا ەمەس, بىزگە جۇكتەلگەن ۇلكەن جاۋاپكەرشىلىك. XXI عاسىردا ءومىر سۇرەتىن كەلەر ۇرپاق الدىنداعى جاۋاپكەرشىلىك. ءبىز ول ۇرپاقتىڭ ەنشىسىنە نە قالدىرىپ كەتەمىز؟ كەلەر ۇرپاق الدىندا وسىلاردىڭ بارىنە جاۋاپ بەرەتىن ءسىز بەن ءبىز, ارداقتى اعايىن», دەپ وي تولعادى.
*31 جەلتوقساندا پرەزيدەنت ن.ءا.نازارباەۆتىڭ قازاقستاندىقتارعا ارناعان جاڭا جىلدىق قۇتتىقتاۋى «ەگەمەن قازاقستان» گازەتىندە جاريالاندى. ەلباسى قۇتتىقتاۋ سوزىندە 1995 جىل كەڭ-بايتاق ەلىمىز ءۇشىن حالىقتىڭ ەركىن بىلدىرگەن ەرەكشە جىل بولعانىن ايتا كەلىپ, ۇلى ابايدىڭ «اقىل, قايرات, جۇرەكتى بىردەي ۇستا» دەگەن دانالىق ءسوزىن ەسكە سالدى.
