ءتىل – تاتۋلىق تۇعىرى

پرەزيدەنت جانىنداعى ورتالىق كوممۋنيكاتسيالار قىزمەتىندە قازاقستان حالقى تىلدەرى فەستيۆالى اياسىندا وتكىزىلىپ جاتقان جۇمىستار تاقىرىبىندا ءباسپاسوز ءماسليحاتى ءوتتى.  شاراعا مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى توراعاسىنىڭ ورىن­باسا­رى عالىمجان مەلدەشوۆ, ش.شاياح­مەتوۆ اتىنداعى تىلدەردى دامى­تۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ پەن قوعام قايراتكەرى ورازكۇل اسانعازىقىزى قاتىستى. ع.مەلدەشوۆ ەل تاۋەلسىزدىگىنىڭ 25 جىلدىعىنا وراي قازاقستان حالقى تىلدەرى فەستيۆالى اياسىندا وتكىزىلىپ جاتقان جۇمىستار تۋرالى بايانداپ, ولاردىڭ بارلىعى تىلدەردى دامىتۋ ءۇشىن  قازاقستان رەس­پۋبليكاسىندا تىلدەردى دامىتۋ مەن قولدانۋدىڭ 2011-2020 جىل­دارعا ارنالعان مەملەكەتتىك باع­دارلامانىڭ ماقساتىنا ساي ۇيىم­داستىرىلۋدا, دەي كەلىپ: «بيىل­عى فەستيۆال مەملەكەتتىك ءتىلدى دامىتۋ ۇدەرىسىنە جاڭا اقپا­­راتتىق تەحنولوگيالاردى ەنگىزۋ ماقساتىندا «Tilalemi.kz» پور­تالى جانە «Atau.kz» ونوماس­تيكالىق, «Emle.kz» ورفوگرا­فيالىق, «Termincom.kz» تەر­مينولوگيالىق ەلەكتروندىق بازا­لارى اشىلدى. «ءتىل الەمى» پورتالىنىڭ «Atau.kz» ونوماس­تي­كالىق, «Emle.kz» ورفوگرافيا­لىق, «Termincom.kz» تەرمينولو­گيالىق سايتىنىڭ ىسكە قوسىلۋى ينتەرنەت كەڭىستىگىندەگى تىلدىك كون­تەنتتىڭ كوبەيۋىنە, ونى قولدا­نۋ­شىلار سانىنىڭ ارتۋىنا,  مەم­لە­كەتتىك ءتىلدى قاشىقتان ۇيرە­­نۋ­شىلەر قاتارىنىڭ وسۋىنە كەڭى­­نەن مۇمكىندىك جاساپ, ءتىل سا­لا­سىنداعى وزەكتى دە وتكىر ماسە­لەلەردى تال­قى­لاۋعا مۇمكىندىك بەر­دى», – دەدى. سونداي-اق, ول ۇستىمىزدەگى جىل­دىڭ 16 قىركۇيەگىندە مەملە­كەت­تىك قىزمەتشى جاستار اراسىندا «ءتىل شەبەرى» رەسپۋبليكالىق باي­قاۋى ۇيىمداستىرىلعانىن اتاپ ءوتتى. بايقاۋدىڭ ماقساتى – جاھان­دىق وركەنيەت پەن ەلىمىزدىڭ دامۋ باعى­تىنا ساي ءۇش ءتىلدى – قازاق, ورىس جانە اعىلشىن ءتىل­دەرىن جەتىك مەڭ­گەرگەن, جان-جاق­تى ءبىلىمدى, ءوزىنىڭ سالاسىندا كاسى­بي قۇزىرلى مەملە­كەتتىك قىزمەتشى جاستاردى انىق­تاپ, قولداۋ كورسەتۋ بولىپ تابىلادى. سوڭعى ۋاقىتتاردا اباي شىعار­ماشىلىعىن ناسيحاتتاۋ ار­قىلى قازاقتىڭ ءتىلى مەن ادەبيە­تىنە, مادەنيەتىنە دەگەن ەتنوس وكىل­دەرىنىڭ ىقىلاسىن ارتتىرۋ ءارى ەلىمىزدىڭ بىرلىگىن نىعايتۋ ماق­ساتىندا مەملەكەتتىك ءتىلدى مەڭگەرگەن ەتنوس جاستارى اراسىندا ءداستۇرلى «اباي وقۋلارى» رەسپۋبليكالىق بايقاۋى, قازاق تىلىندە وقيتىن جاستاردىڭ اراسىن­دا ورىس ءتىلىن وقۋعا دەگەن قۇلشى­نىسىن جانداندىرۋ, ريتوريكالىق داعدىلارىن دامىتۋ, سويلەۋ مادەنيەتىنىڭ دەڭگەيىن ارتتىرۋ, ورىس ءتىلىن ەركىن مەڭگەرگەن دارىندى جاستاردى ناسيحاتتاۋ جانە ولارعا قولداۋ كورسەتۋ ماقساتىندا «وي سانا» ورىس ءتىلى بىلگىرلەرىنىڭ بايقاۋى, سونداي-اق كوركەمسوز وقۋ شەبەرلەرىنىڭ ورالحان بوكەي اتىنداعى ءحVىىى رەسپۋبليكالىق بايقاۋى وتكىزىلدى. مەملەكەتتىك ءتىلدىڭ قولدانىس دەڭگەيىن كەڭەيتۋ, ىلەسپە اۋدار­ماشىلاردىڭ بىلىكتىلىگىن ارتتىرۋ ماقساتىندا تامىز ايىندا قازاقشا-ورىسشا, ورىسشا-قازاقشا ىلەسپە اۋدارما جۇرگىزۋدى ۇيرەتۋدىڭ شەبەرلىك ساعاتتارىنىڭ ءبىرىنشى كەزەڭى ءوتتى, ەكىنشى كەزەڭى قاراشا ايىندا وتكىزىلەتىن بولادى. سونىمەن قاتار, اقتوبە, باتىس قازاقستان وبلىستارىندا «قا­زاقستاننىڭ بولاشاعى – قا­زاق تىلىندە» جوباسى اياسىندا دوڭگەلەك ۇستەل, كەزدەسۋ, بريفينگتەر ۇيىم­داستىرىلدى. جو­بانىڭ ماقساتى – ءورىستىلدى ازاماتتار اراسىندا قازاق ءتىلى­نىڭ مەملەكەتتىك ءتىل رەتىندەگى مارتە­بەسىن كوتەرىپ, قازاقستاندا تۇرا­تىن ءارتۇرلى ەتنوس وكىلدەرىنىڭ ءبىر­لىگى مەن ىنتىماعىنىڭ كەپى­لى رەتىندە قازاقستاندىق جاس ۇر­پاق­تىڭ پاتريوتتىق تاربيەسى, عى­لىم-ءبىلىم, جاڭا تەحنولوگيا سالاسىنداعى جەتىستىكتەرى جايىندا ءسوز قوزعاۋ, پىكىر الماسۋ. بەرىك سادىر, «ەگەمەن قازاقستان»