جاڭبىر استىنداعى جارىس

الماتىدا ءبىر كۇندىك «تۋر دە الماتى» ۆەلوجارىسىنىڭ جەڭىمپازدارى انىقتالدى. وتكەن جەكسەنبى كۇنى وتكەن «تۋر دە الماتى-2016» ۆەلوجارىسى ءتۇنى بويى مايدالاپ توقتاۋسىز جاۋعان جاڭبىرعا قاراماستان, مارەسىنە ءساتتى جەتتى. ۆەلوشاباندوزداردى جارىستىڭ باستالۋىمەن قۇتتىقتاعان قالا اكىمى باۋىرجان بايبەك بايگە شاھاردىڭ 1000 جىلدىعى مەن قازاقستان تاۋەلسىزدىگىنىڭ 25 جىلدىعى اياسىندا ءوتىپ جاتقانىن ايتىپ ءوتتى. «نۇرلى تاۋ» بيزنەس ورتا­لىعىنان ءال-فارابي داڭعىلىن بويلاي بارىپ, تۇڭعىش پرەزيدەنت ساياباعىنان كەرى اينالىپ, شىعىس اينالما جولىنا دەيىن باعىت العان سپورتشىلار العاشقى اينالىمدا 31 شاقىرىمدى ارتقا تاستادى. ولار مارە سىزىعىنا دەيىن وسىنداي التى اينالىم جاساۋى ءتيىس ەدى. ايتسە دە جولعا شىققان 93 سپورتشىنىڭ 53-ءى عانا مارە­گە جەتە الدى. بۇعان سىركى­رەپ جاۋعان كۇزگى سۋىق جاۋىن­نىڭ اسەر ەت­كەنى داۋسىز. ارنايى پولي­تسيا توبى جەردە جارىس جولىن­داعى سپورت­شىلاردىڭ قاۋىپ­­سىز­دىگىن قادا­عالاسا, كوكتە تىك ۇشاق جالپى باقىلاۋ جاسادى. جاڭبىر جارىس اياقتالعان­شا تولاستامادى. بىراق تابيعات­تىڭ توسىن مىنەزى حالىقارالىق ماڭىزدى دۇرمەكتىڭ ءوز دارەجەسىندە وتۋىنە كەدەرگى كەلتىرە العان جوق. جارىس قورىتىندىسىندا «استانا» كومانداسىنىڭ ۆەلو­شاباندوزى الەكسەي لۋتسەنكو 4 ساعات 23 مينۋت 55 سەكۋند كورسەت­كىش­ىمەن ءبىرىنشى ورىن الدى. ول وسىمەن «تۋر دە الماتى» ۆەلو­جارى­سىنىڭ قاتارىنان ءۇشىن­شى رەت جەڭىمپازى اتاندى. ودان 3 مينۋت 44 سەكۋند قال­عان يتاليانىڭ Unieuro Wilier توبىنىڭ ۆەلوشاباندوزى ماۋرو فينەتو ەكىنشى ورىنعا تۇراق­تادى. ال رەسەيلىك رومان ماي­كين تۋرنير جەڭىمپازىنان 3 مينۋت 53 سەكۋند قالىپ قويدى. ءبىر قىزىعى, «تۋر دە فرانس», «دجيرو د’يتاليا» حالىقارالىق سايىستارىنىڭ ەكى دۇركىن چەمپيونى ۆينچەنتسو نيبالي 17-ورىنمەن شەكتەلدى... الماتىدا جاڭبىر استىنداعى جارىس اياقتالعان ساتتە تاۋداعى اتاقتى شىمبۇلاق پەن مەدەۋ سپورت كەشەندەرى بيىل العاش جاۋعان اپپاق قاردىڭ قالىڭ كور­پەسىن جامىلىپ جاتتى... تالعات ءسۇيىنباي, «ەگەمەن قازاقستان»  الماتى