"كازاحستانسكايا پراۆدا" گازەتىنىڭ باسشىسى اۋىستى

قر اقپارات جانە كوممۋنيكاتسيالار ءمينيسترى داۋرەن اباەۆ «كازاحستانسكايا پراۆدا» رەسپۋبليكالىق گازەتى» اق ۇجىمىنا جاڭا باسقارما توراعاسىن تانىستىردى دەپ حابارلايدى ەگەمەن-اقپارات. جاڭا توراعا - ۆياچەسلاۆ پاششەنكو. مينيستر بۇرىنعى باسشى الەكساندر تاراكوۆقا جەمىستى ەڭبەك ەتكەنى ءۇشىن العىس ءبىلدىرىپ, ونىڭ «كازاحستانسكايا پراۆدا» جۇيەسىندە توراعا ورىنباسارى بولىپ قالاتىنىن مالىمدەدى. «سىزدەردىڭ الدارىڭىزدا ۇلكەن مىندەت تۇر. سىزدەردى ەلدىڭ ەكونوميكاسى مەن ساياساتىنا ىقپال ەتەتىن اۋديتوريانىڭ وقىعانى ماڭىزدى», - دەپ اتاپ ءوتتى د.اباەۆ. پاششەنكو ۆياچەسلاۆ ۆالەنتينوۆيچ 1978 جىلى 15 شىلدەدە دۇنيەگە كەلگەن. الماتى مەملەكەتتىك ۋنيۆەرسيتەتىن ورىس فيلولوگياسى جانە ەكونوميكا جانە قۇقىق اكادەمياسىن قارجى جانە نەسيە ماماندىعى بويىنشا بىتىرگەن. قر پرەمەر-ءمينيسترىنىڭ ءبىرىنشى ورىنباسارىنىڭ كەڭەسشىسى, «بيزنەس-پارتنەر» ەكونوميكالىق مۋلتيمەديالىق پورتالىنىڭ باس رەداكتورى, «ينتەرفاكس-قازاقستان» پورتالىنىڭ باس رەداكتورى بولعان.