ەلوردادا ماڭعىستاۋ وبلىسىنىڭ مادەني كۇندەرى وتەدى

وبلىس اكىمىنىڭ ورىنباسارى بانۋ نۇرعازيەۆانىڭ ايتۋىنشا, ايماقتىڭ الەۋمەتتىك-ەكونوميكالىق تىنىس-ءتىرشى­لى­گىن جاقسارتۋ ءۇشىن اتقارىلىپ جات­قان جۇمىستار از ەمەس. قولعا الىنعان باعدارلامالار ءبىرىن­شى كەزەكتە, حالىقتى جۇمىس­پەن قامتۋعا, جاڭا جۇمىس ورىندارىن قۇرۋعا باعىت­تا­لىپ جاتىر ەكەن. جۇرتىن جۇ­مىسپەن قامتىپ, ەكى قولعا ءبىر كۇرەك تاۋىپ بەرىپ وتىرعان ءىرى كاسىپ­ورىنداردىڭ جۇمىسىن جانداندىرۋ ءۇشىن ولارعا ءتيىستى جاعداي جاساۋعا دا كوڭىل بولىنەدى. سونىڭ ارقاسىندا جىل باسىنان بەرى ايماقتا 17 837 جا­ڭا جۇمىس ورنى قۇرىلىپتى. مەملەكەتتىك باعدارلامالاردى ايتپاعاندا, 2015 جىلى وبلىس­تا «جاڭا سەرپىن» اتتى وڭىرلىك باعدارلاما قابىلدانىپ, جاس­تاردى كاسىپتىك وقىتۋ ءىسى جولعا قويىلعان ەكەن. – قازىر وسى جۇمىستاردىڭ ناتيجەسىن كورىپ وتىرمىز. ماسەلەن, جاڭاوزەن قالاسىنىڭ, بەينەۋ, جەتىباي, مۇنايشى اۋداندارىنىڭ جاستارى اقتاۋ­داعى كاسىپورىندارعا جۇمىسقا ورنالاستى. «كاسپيو پلاست», «اقتاۋ سولتۇستىك تەڭىز تەرمينالى» سىندى كومپانيالاردىڭ تاپسىرىسىمەن كوپتەگەن ادامدار وندىرىسكە ارالاستى. ولاردىڭ الەۋمەتتىك جاعدايىن جاساۋ ءۇشىن اقتاۋ قالاسىندا, قۇرىق اۋىلىندا ارقايسىسى 500 ورىندىق 2 جاتاقحانا سالىندى. فورت-شەۆچەنكو قالا­سىندا دا جاتاقحانا سالۋدى جوس­پارلاپ وتىرمىز, – دەدى بايان نۇرعازيەۆا. قازىرگى تاڭدا وبلىستا ءبى­لىم بەرۋ سالاسى نىساندارى كوپتەپ سالىنىپ جاتقانىن ايتا كەتۋ كەرەك. سوڭعى بەس جىل ىشىندە بالاباقشا سانى 245-كە جەتكەنى, اپاتتى جاعدايداعى مەكتەپتەر مەن ءۇش اۋىسىمدا وقى­تاتىن مەكتەپتەردىڭ قال­ماعانى وسىنىڭ دالەلى. 2016 جىلى ءبىلىم بەرۋ سالاسىن دا­مىتۋ ءۇشىن 48 ميلليارد, دەن­ساۋ­لىق ساقتاۋ سالاسى ءۇشىن 21 ميل­­ليارد تەڭگە قارجى ءبولى­نىپتى. ەلورداداعى مادەني كۇن­دەرىن وتكىزۋگە وبلىستىڭ ونەر ۇجىمدارى ۇلكەن داي­ىن­دىقپەن كەلگەنى بايقالادى. مادەني-رۋحاني باعدار­لا­ما­لاردىڭ اراسىندا قازاقتىڭ قا­بىرعالى قالامگەرى ءابىش كەكىل­باەۆتىڭ مۇرالارىن ناسيحات­تاۋعا ارنالعان شارالاردىڭ ورنى بولەك. اتاپ ايتار بولساق, بەيبىتشىلىك جانە كەلىسىم سارايىندا وتەتىن كورمەنىڭ « ۇلى دالا ابىزى» اتتى ارنا­يى بولىمىندە قالامگەردىڭ ءومىرى مەن شىعارماشىلىعىنان سىر شەرتەتىن ەكسپوزيتسيالار قويى­لادى. سونداي-اق, 1 قازان كۇنى ۇلتتىق اكادەميالىق كىتاپ­حا­نادا «ءابىش الەمى» اتتى جۋر­نالدىڭ تۇساۋى كەسىلمەك. م.گوركي اتىنداعى مەملەكەت­تىك اكادەميالىق ورىس دراما تەاترىندا ءابىش كەكىل­باەۆ شىعارماسىنىڭ جەلىسىمەن ساحنالانعان «شىڭىراۋ» دراماسى قويىلاتىنىن دا ايتا كەتكەن ءجون. اپتا سايىن ەلوردادا ءار ايماقتىڭ اۋىلشارۋاشىلىق تاۋار­لارىن وندىرۋشىلەر ءجار­مەڭكە ۇيىمداستىرىپ جۇرگەنى بەلگىلى. بۇل ناۋقاننان ماڭ­عىس­تاۋلىقتار دا شەت قالماق ەمەس. 1-2 قازان كۇندەرى «حان شا­تىر» ساۋدا, ويىن-ساۋىق ورتا­لىعىنىڭ الدىندا شۇبات, بالىق سىندى ءوڭىردىڭ برەندىنە اينالعان باستى ونىمدەرىن ەلوردالىقتارعا ۇسىنادى. ارنۇر اسقار, «ەگەمەن قازاقستان»