رۋفات رىسكيەۆتىڭ ءبىر اياعى كەسىلدى

تاشكەنت اۋرۋحاناسىندا اتى اڭىزعا اينالعان بۇرىنعى بوكس­شى رۋفات رىسكيەۆكە شۇعىل وتا جاسالىپ, ءبىر اياعىنىڭ تومەنگى جاعى كەسى­لدى. رەسپۋبليكانىڭ بەل­­گىلى جات­­تىقتىرۋشىسى مۋراد ەرگاشەۆ ونىڭ اياعى ۆەنا ترومبوزى­مەن اۋىرۋىنا بايلانىستى تومەنگى بۋى­نى­نان كەسىلگەنىن جەتكىزدى. كەزىندە جۋرناليستەر «تاشكەنت جولبارىسى» دەگەن لاقاپ ات بەرگەن داڭقتى بوكسشى قازىر تاشكەنت قالالىق №16 اۋرۋحاناسى حيرۋرگيا بولىمشەسىنىڭ 5-پالاتاسىندا جاتقان كورىنەدى. رۋفات رىسكيەۆ 1949 جىلى اق­قور­عان قالاسىندا دارىگەرلەر­دىڭ وتباسىندا دۇنيەگە كەلگەن. 12 جا­سى­نان اتاقتى باپكەر سيدنەي دجەك­سون­نىڭ قول استىندا جاتتىعا باس­تا­عان. ال ۇلكەن رينگكە تاعى ءبىر ايگىلى جاتتىقتىرۋشى بوريس گراناتكين الىپ شىققان. ر.رىسكيەۆ 1974 جىلى كۋبا استاناسى گاۆانادا وتكەن ءبىرىنشى الەم چەمپيوناتىندا 75 كيلوعا دەيىنگى سالماقتا التىن مەدال جەڭىپ الدى. ول وسى بيىككە جەتكەنگە دەيىن ىرىكتەۋ سىناقتارىندا كانادالىق ستان ۋيلليامسون­دى (نوكاۋت, 1-راۋند), بولگار الەك­ساندر ياناكيەۆتى (ۇپاي سانى), شيرەك فينالدا ارگەنتينالىق ريكاردو روحاستى (ۇپاي سانى), جارتىلاي فينالدا گدر وكىلى بەرند ۆيتتەنبۋرگتى (نوكاۋت, 1 راۋند) جانە فينالدا رۋمىن الەك ناستاكتى (ۇپاي سانى, 3:2) ۇتقان بولاتىن. سول ءبىرىن­شى­لىكتە كەلەسى التىن مەدال يەگەرى – ۆاسيلي سولومين 60 كيلوعا دەيىنگى سالماقتا كۇش سىناسىپ, چەم­پيون­دىققا ءسال بۇرىن قول جەتكىزگەن ەدى. دامير قوجامقۇل