ەلباسى «استانا ەكسپو-2017» ۇك» اق باسقارما توراعاسىن قابىلدادى

قازاقستان پرەزيدەنتى «استانا ەكسپو-2017» ۇلتتىق كومپانياسى» اق باسقارما توراعاسى احمەتجان ەسىموۆتى قابىلدادى. بۇل تۋرالى اقوردانىڭ ءباسپاسوز قىزمەتىنە سىلتەمە جاساعان ەگەمەن-اقپارات حابارلادى. كەزدەسۋدە ا.ەسىموۆ مەملەكەت باسشىسىنا «ەكسپو-2017» حالىقارالىق كورمەسىنە دايىندىق بارىسى تۋرالى باياندادى. سونداي-اق, «استانا ەكسپو-2017» ۇلتتىق كومپانياسى» اق باسقارما توراعاسى قۇرىلىس جۇمىستارىنىڭ كەستەگە سايكەس جۇرگىزىلىپ جاتقانىن جانە بيىل جىل سوڭىنا دەيىن اياقتالاتىنىن مالىمدەدى. قازان ايىندا پاۆيلوندار – حالىقارالىق قاتىسۋشىلارعا, ال تۇرعىن-ۇيلەر دەلەگاتسيا مۇشەلەرىنە بەرىلەتىن بولادى. بۇدان بولەك, ا.ەسىموۆ 103 ەل مەن 17 حالىقارالىق ۇيىمنىڭ كورمەگە قاتىساتىنىن راستاعانىن ايتتى. سەكتسيالاردىڭ 98 كوميسسارى تاعايىندالدى. حالىقارالىق ۇيىمدارمەن قوسا, 82 ەل كورمەگە قاتىساتىنى تۋرالى كەلىسىمشارتقا قول قويدى. 61 مەملەكەت ۇلتتىق كۇنىن وتكىزۋ ءۇشىن ناقتى داتانى بروندادى. ەگەمەن-اقپارات