مەملەكەتتىك قىزمەتشىلەر ءتۇن ورتاسىنا دەيىن كەڭسەدە وتىرماۋى ءتيىس

استاناداعى مەملەكەتتىك قىزمەت سالاسىنداعى وڭىرلىك حاب پەن بۇۇ دامۋ باعدارلاماسىنىڭ سينگاپۋرداعى مەملەكەتتىك قىزمەتتى جەتىلدىرۋ جاھاندىق ورتالىعى «مەملەكەتتىك قىزمەت دامۋىنداعى جاھاندىق جانە ايماقتىق ترەندتەر» اتتى كەڭ كولەمدى زەرتتەۋدى اياقتادى. وسىعان بايلانىستى كەشە حابتىڭ باسقارۋشى كوميتەتىنىڭ توراعاسى ءاليحان بايمەنوۆ پەن جاھاندىق ورتالىق ديرەكتورى ماكس ەۆەرەست-فيلليپس ورتالىق كوممۋنيكاتسيالار قىزمەتىندە زەرتتەۋدىڭ تۇساۋكەسەرىنە قاتىستى ءباسپاسوز ءماسليحاتىن وتكىزدى. شارانى ۇيىمداس­تىرۋ­شى­لاردىڭ ايتۋىنشا, ەۋروپا, سول­تۇستىك امەريكا, وڭتۇستىك-شىعىس ازيا, كاۆكاز, تمد ەلدەرى مەملە­كەت­تىك قىزمەتىنىڭ دامۋى مەن رەفور­ما­لانۋىنىڭ سوڭعى جيىرما جىلداعى نەگىزگى ۇردىستەرى وسى ەڭبەكتە كورى­نىس تاپقان. ءاليحان بايمەنوۆ ءوز ءسو­زىندە مەملەكەتتىك قىزمەت دا­مۋى­نىڭ بىرقاتار جاھاندىق جانە ءوڭىر­لىك سيپاتتاعى ۇردىستەرىن اتاپ ءوتتى. ءبىرىنشى – مەملەكەتتىك قىز­مەت­­شىلەردى ىرىكتەۋ, قىزمەت بابىندا جوعا­رى­لاتۋ جۇيەلەرىندە مودەل­دەر­دىڭ ءبىر-بىرىنە ءوزارا اسەر ەتۋى بايقا­لادى. بۇل مەملەكەتتىك قىزمەتتە تازا مانساپتىق نەمەسە پوزي­تسيالىق مودەل ءىس جۇزىندە قال­ماعانىن كورسەتەدى. ارقايسىسىنىڭ ەڭ وزىق جاقتارىن قولدانۋ ارقىلى وسى مودەلدەر بويىنشا كونۆەرگەنتسيا ۇدەرىسى وتۋدە. بۇل مەملەكەتتىك باسقارۋدىڭ دوكترينالىق نەگىز­دەرىنە دە ءتان, دەدى ول. ونىڭ حاباردار ەتۋىنشە, مەم­لەكەتتىك قىزمەت تيىمدىلىگى ادام رە­سۋرستارىنىڭ ساپاسىنا بايلانىس­تى ەكەندىگى بارشاعا ءمالىم بولعان­دىقتان, ادام رەسۋرستارىن باسقارۋ ساپاسىنا ەرەكشە نازار اۋدارىلۋدا. ناتيجەسىندە ىرىكتەۋ مەن قىزمەت بابىندا جوعارىلاتۋدا اشىقتىق پەن تازالىققا, مەملەكەتتىك قىزمەتتەگى ەتيكا مەن ادالدىققا ايرىقشا نازار سالۋ ۇمتىلىسى بايقالادى. ءۇشىنشى – مەملەكەتتىك قىزمەتكەرلەر مەن مەملەكەتتىك ورگاندار جۇمىسىن باعالاۋدا ۇدەرىستەر پەن راسىمدەرگە ەكپىن سالۋدان گورى ناتيجەلىلىك پەن ماقساتتى ينديكاتورلارعا قول جەت­كىزۋگە باسا نازار اۋدارىلۋدا. بۇل مەملەكەتتىك ورگانداردا مەنەد­­ج­مەنت ساپاسىن جاقسارتۋ, جوبا مەنەدج­مەنتىن ەنگىزۋ, جۇمىس ءتيىم­دىلى­گىن باعالاۋ جۇيەسىن جەتىلدىرۋ ار­قىلى كورىنىس تابۋدا, دەدى ءا.باي­مەنوۆ. ال ماكس ەۆەرەست-فيلليپس شو­لۋعا سىلتەمە جاساي وتىرىپ, مەم­لەكەتتىك باسقارۋ سالاسىنداعى ءوز­گەرىستەر بارلىق دەرلىك ەلدەردە بىرتىندەپ ورىن الىپ وتىرعانىن اتاپ ءوتتى. مۇنىڭ سەبەبى, ءۇش با­عىت­تاعى وزگەرىستەرگە بايلانىس­تى: ءبى­رىنشى – رەفورمالاردىڭ تۇجى­رىم­دا­مالىق يدەيالارى, ەكىنشى – قارجى داعدارىسى, ءبىلىمدى حالىق سانىنىڭ ارتۋى, جاھاندانۋدىڭ جوعارى قارقىنى مەن جاڭا اقپا­رات­تىق تەحنولوگيالارعا بايلانىستى ءوسىپ كەلە جاتقان قوعامدىق قاجەت­تىلىكتەر. ءۇشىنشى – جاڭا تاسىلدەر ارقىلى ادام رەسۋرستارىن باسقارۋ سالاسىنداعى تاجىريبەلەر, ونىڭ ىشىندە مەملەكەتتىك قىزمەتشىلەردى مونەتارلىق ەمەس جولمەن ىنتالاندىرۋ, دەدى م.ە-فيلليپس. تۇساۋكەسەردە ءسوز العاندار بۇل زەرتتەۋ قازاقستاننىڭ, حابتىڭ قاتىسۋشى ەلدەرى جانە ودان تىسقارى ەلدەردە مەملەكەتتىك قىزمەتتى رەفورمالاۋمەن اينالىساتىندار وسى سالاداعى عالىمدار مەن ساراپشىلار ءۇشىن پايدالى ءارى بىرەگەي دەرەككوز دەپ ەسەپتەيدى. ناقتىراق ايتقاندا, بۇل جۇمىس رەفورمالاردىڭ الەۋە­تىن ارتتىرۋدا ايماقتاعى مەملەكەت­تەر ۇكىمەتتەرىنىڭ تالپىنىستارىن قولداي وتىرىپ, مەملەكەتتىك قىز­مەت تيىمدىلىگىن جەتىلدىرۋگە باعىت­تالعان. سونىمەن قاتار, ماكس ەۆەرەست-فيلليپس سينگاپۋر ورتالىعى مەن استا­نا حابى اراسىنداعى ىنتىماق­تاس­تىقتىڭ تيىمدىلىگىن ايتا كەلىپ, مەملەكەتتىك قىزمەت سالاسىن­دا بەلسەندىلىك, ەلگەزەكتىك پەن يننو­ۆاتسياعا باسا كوڭىل اۋدارۋ ارقىلى ويلاۋ مەن قۇندىلىقتار ترانسفورماتسياسى سالاسىنداعى بىرلەسكەن جۇمىس ماڭىزدىلىعىن اتاپ ءوتتى. سونداي-اق, ولار ەكى ورتالىق ارا­سىنداعى ىنتىماقتاستىقتىڭ, اسىرە­سە, مەملەكەتتىك قىزمەتتەگى ستراتە­گيالىق فورسايت قۇرالدارىن پاي­دا­لانا وتىرىپ, «سەنىمدى بولا­شاق بويىنشا باستامالار» (Empo­wered Futures Initiative) شەڭبەرىندە دامۋشى ەلدەردىڭ 2030 جىلعا دەيىنگى ورنىقتى دامۋ ماقساتتارىنا قول جەتكىزۋىنە قولداۋ كورسەتۋ بويىنشا زور الەۋەتى بار ەكەنىن اتادى. ءراسىم بارىسىندا ءا.بايمەنوۆ مەملەكەتتىك قىزمەتشىلەردىڭ جۇ­مىس ۋاقىتى اياقتالسا دا, ءتۇننىڭ ءبىر ۋا­عىنا دەيىن كەڭسەدە وتىرۋى مەم­لەكەتتىك ورگانداردىڭ مەنەدج­مەنتىندەگى وزەكتى ماسەلەنىڭ ءبىرى ەكە­نىنە توقتالدى. بۇل جەردە ءبىر­نەشە ماسەلە بار, دەدى ول وسى ءجو­نىندە. لاۋازىم يەلەرى اراسىندا جاۋاپ­كەرشىلىكتى شەكتەۋدى جەتىلدىرۋ قاجەت. ەكىنشىدەن, مەملەكەتت­ىك ور­گان­داردىڭ ءبىرازىندا قاعازباستىلىق باسىم. ونىڭ ايتۋىنشا, كەيبىر باسشىلار جۇمىستان كەيىن جينالىس وتكىزۋدى ۇناتادى, جاقسى كورەدى. سول جيىنداردىڭ ناتيجەسى, قايتارىمى قالاي بولاتىنىن زەرتتەپ كورۋ قاجەت. ءاليسۇلتان قۇلانباي, «ەگەمەن قازاقستان»