بوتانيكالىق باق باپ تىلەيدى

ەلىمىزدە الەمنىڭ ءار قيىرى­نان اكەلىنگەن تروپيكالىق, سۋبترو­پيكالىق عاجايىپ وسىمدىكتەردى ءوسىرۋ­مەن ەكى عانا مەكەمە اينا­لىس­سا, ونىڭ ءبىرى قىزىلجار ءوڭى­رىن­دە ورنالاسقان. وسىدان ءبىر عاسىر بۇرىن پەتروپاۆل ەت-كون­سەرۆى كومبيناتى جانىنان بوي كوتەرگەن جىلى­جايدا بۇگىندە ەكى مىڭ­عا جۋىق ەكزوتيكالىق وسىمدىك جاي­قالا ءوسىپ تۇر. پالمانىڭ, پاپو­روتنيك, كيپاريستىڭ نەشە ءتۇرىن كەز­دەستىرۋگە بولادى. وسىندا جار­تى عاسىرعا جۋىق ەڭبەك ەتكەن باع­بان راۆيل ريازا­پوۆ­تىڭ باقتىڭ ساق­­تالىپ, گۇلدەنىپ-كوركەيۋىنە ءسىڭىر­­گەن ەڭبەگى زور. تىلسىم تابي­عات­­تىڭ «ءتىلىن» تابا ءبىلىپ, ناعىز ترو­پيكالىق مەكەن­جايعا اينالدىردى. الايدا, باقتىڭ باسىنان داۋ-داماي ارىلماي-اق قوي­دى. بىرەسە جەكەنىڭ قولىنا بەرىل­سە, بىرەسە كۇشتەگەندەي بولىپ كوم­مۋنال­دىق مەنشىككە قايتارىلدى. قاي-قايسى­سى بولسىن جارىلقاي قوي­عان جوق. باسشىلىق اۋىسقانى­مەن, ءتۇيىن­دى پروبلەمالار شەشىل­مەگەن كۇيى قالا بەرگەن. سولاردىڭ ءبىرى كۇر­دەلى جوندەۋگە قاتىستى ەدى. التى جىل بۇرىن قالپىنا كەلتىرىلسە دە, ساپاسىز اتقارىلعان جۇمىستار سالدارىنان قايتادان قيراي باستاعان. بيىل ايماق باسشىسى وعان ارنايى بارىپ, شەتىن ماسە­لەلەردى كورگەن­نەن كەيىن ءتيىس­تى ورىندارعا تاپسىرما بەرگەن. قاعاز­باستىلىق دەگەندى قوي­ساڭ­شى! جوندەۋ ىسىنە 20 ميلليون تەڭگە بولىنگەنىمەن, رۇقسات قۇجات­تارىن جيناۋعا 3,5 اي ۋاقىت كەتكەن. قىلىشىن سۇيرەتكەن قىس تاياپ قال­عاندا ىرگەنىڭ كىرپىش قالاۋىن الماستىرۋ, ۆيتراجداردى, شى­نى­پ­اكەتتەردى اۋىستىرۋ, سۋاعار­لار جاساۋ, شاتىرىن جوندەۋ سياق­تى سان-سالالى مىندەتتەر تۇر. «قىزىل­جار ورانجەرەياسى» مەملە­كەتتىك كاسىپورنىنىڭ باسشىسى ارتۋر ريازاپوۆتىڭ ايتۋىنشا, «ەڭبەك-قىزىلجار», «ميراس Group», «ستروي ينتەگرامم» سياق­تى سەرىكتەستىكتەر جۇمىسقا بەل­سەنە كىرىسىپ كەتكەن. ءومىر ەسقالي, «ەگەمەن قازاقستان» سولتۇستىك قازاقستان وبلىسى