الماتىداعى ءباسپاسوز كلۋبىندا "بالاپان جۇلدىز" اتتى جاس تالانتتار بايقاۋىنىڭ قورىندىسى بويىنشا كورەرمەنگە جول تارتاتىن باعدارلامانىڭ تۇساۋى كەسىلدى. بايقاۋدى "بالاپان" ارناسىنىڭ تاپسىرىسى بويىنشا ارۋجان سايننىڭ پروديۋسەرلىك ورتالىعى ۇيىمداستىرىپ, وتكىزگەن. وتاندىق بالالار ارناسىنان 1 قازاننان باستاپ كورسەتىلە باستايتىن جاڭا باعدارلاما ەلىمىزدىڭ بارلىق ايماعىنداعى دارىندى بالدىرعانداردىڭ باسىن قوسقان ايتۋلى جوباعا اينالىپ وتىر. - "بالاپان" ارناسى اشىلعالى بەرى قازاق بالالارىنىڭ كوڭىلىنەن شىعاتىن باعدارلامالاردى جاساۋعا ماڭىز بەرىپ وتىرعانىمىزدى بىلەسىزدەر. قازىرگە دەيىن ءۇش جۇزدەن استام ءتول ونىمدەرىمىزدى شىعاردىق. بالانىڭ تالعامىنان شىعۋ وڭاي ەمەس. بالالارىمىزدىڭ "بالاپاننىڭ" دوسىنا اينالعانىن ەسكەرسەك, نəتيجە جامان ەمەس سياقتى. كورەرمەندەرگە ۇسىنىپ وتىرعان "بالاپان جۇلدىز" باعدارلاماسى دا كوزايىم جوبا. تالانتتى, ونەرلى بالالارىمىزدىڭ باعىن اشاتىن جورالعى بولسىن دەگەن نيەت, - دەدى تۇساۋكەسەردە قازاقستان ۇلتتىق ارناسىنىڭ باسقارما ءتورايىمى نۇرجان جالاۋقىزى.
قالماحانبەت مۇقامەتقالى, الماتى
