ەلىمىزدىڭ بىرقاتار ايماقتارىندا ۇسىك جۇرەدى

بۇگىن ەلىمىزدىڭ باسىم بولىگىندە كۇن اشىق بولادى. تەك باتىس پەن وڭتۇستىك وڭىرلەردىڭ كەي جەرلەرىندە اتموسفەرالىق اعىمداردىڭ وتۋىنە بايلانىستى جاڭبىر جاۋىپ, جەل كۇشەيەدى. «قازگيدرومەتتىڭ» مالىمەتىنشە, تۇندە جانە تاڭەرتەڭ كەي جەرلەردە تۇمان تۇسەدى. سولتۇستىك پەن شىعىستا جانە ورتالىقتا ۇسىك ءجۇرۋى ىقتيمال. شىعىس قازاقستان وبلىسىنىڭ بىرقاتار ايماقتارىندا كۇندىز نايزاعاي ويناپ, جەلدىڭ ەكپىنى سەكۋندىنا 15-20 مەترگە جەتەدى. پاۆلودار, اقمولا, ماڭعىستاۋ, قوستاناي, سولتۇستىك قازاقستان, قاراعاندى وبلىستارىنىڭ كەي جەرلەرىندە تۇمان تۇسەدى. قىزىلوردا مەن اقتوبە وبلىستارىندا, سونداي-اق تۇندە جانە تاڭەرتەڭ جامبىل, وڭتۇستىك قازاقستان وبلىستارىنىڭ كەي جەرلەرىندە جەلدىڭ كۇشى ۇدەي ءتۇسىپ, سەكۋندىنا 15-20 مەترگە جەتەدى. اقمولا, پاۆلودار, قاراعاندى, شىعىس قازاقستان وبلىستارىنىڭ بىرقاتار ايماقتارىندا اۋا تەمپەراتۋراسى 1-3 گرادۋسقا دەيىن تومەندەپ, ۇسىك جۇرەدى. وڭتۇستىك قازاقستان وبلىسىندا جانە قاراعاندى, جامبىل, الماتى وبلىستارىنىڭ باسىم بولىگىندە, سونداي-اق اتىراۋ, اقتوبە, شىعىس قازاقستان وبلىستارىنىڭ كەي جەرلەرىندە ءورت قاۋىپى ساقتالادى. ەگەمەن-اقپارات