قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى №378 

  2016 جىلعى 19 تامىز , استانا قالاسى «قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ەرەجەسىن بەكىتۋ تۋرالى» قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ 2014 جىلعى 30 قىركۇيەكتەگى № 34 بۇيرىعىنا وزگەرىستەر مەن تولىقتىرۋ ەنگىزۋ تۋرالى بۇيىرامىن: 1. «قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ەرەجەسىن بەكىتۋ تۋرالى» قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ 2014 جىلعى 30 قىركۇيەكتەگى № 34 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9775 بولىپ تىركەلگەن, 2014 جىلعى 28 قازانداعى «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن بۇيرىقپەن بەكىتىلگەن قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ەرەجەسىندە: 14-تارماقتا: 12), 13), 17), 19), 20), 21), 22) تارماقشالار الىنىپ تاستالسىن; 23) تارماقشا مىناداي رەداكتسيادا جازىلسىن: «23) تابيعي مونوپوليالار سالاسىنا جاتقىزىلاتىن تاۋارلارعا, جۇمىستار مەن كورسەتىلەتىن قىزمەتتەرگە تاريفتەردى (باعالاردى, الىمدار مولشەرلەمەلەرىن) قالىپتاستىرۋ جانە بەكىتۋ ءتارتىبى بولىگىندە مەملەكەتتىك-جەكەشەلىك ارىپتەستىك جوباسىنىڭ تۇجىرىمداماسىن, كونتسەسسيالىق ۇسىنىستى, مەملەكەتتىك-جەكەشەلىك ارىپتەستىك جوباسىنىڭ, ونىڭ ىشىندە كونتسەسسيالىق جوبانىڭ تەحنيكالىق-ەكونوميكالىق نەگىزدەمەسىن, مەملەكەتتىك-جەكەشەلىك ارىپتەستىك جوباسىنىڭ, ونىڭ ىشىندە كونتسەسسيالىق جوبانىڭ كونكۋرستىق قۇجاتتاماسىن, مەملەكەتتىك-جەكەشەلىك ارىپتەستىك شارتىنىڭ, ونىڭ ىشىندە كونتسەسسيا شارتىنىڭ جوباسىن, ونىڭ ىشىندە ولارعا وزگەرىستەر جانە (نەمەسە) تولىقتىرۋلار ەنگىزۋ كەزىندە كەلىسۋ;»; 24), 27), 30) تارماقشالار الىنىپ تاستالسىن; 36) تارماقشا مىناداي رەداكتسيادا جازىلسىن: «36) ەلەكتر ەنەرگەتيكاسى سالاسىنداعى باسشىلىقتى جۇزەگە اسىراتىن ۋاكىلەتتى ورگان بەلگىلەگەن تارتىپپەن ەنەرگياوندىرۋشى ۇيىمدار ءۇشىن جەكە تاريف بەكىتۋ;»; 56) تارماقشا مىناداي رەداكتسيادا جازىلسىن: «56) تابيعي مونوپوليالار سالالارىندا جانە رەتتەلەتىن نارىقتاردا باسشىلىقتى جۇزەگە اسىراتىن ۋاكىلەتتى ورگان بەكىتكەن تابيعي مونوپوليالار سۋبەكتىلەرىنىڭ رەتتەلىپ كورسەتىلەتىن قىزمەتتەرىنىڭ (تاۋارلارىنىڭ, جۇمىستارىنىڭ) تىزبەسىنە ەنگىزۋ ءۇشىن ۇسىنىستار ازىرلەۋ;»; 65) تارماقشا الىنىپ تاستالسىن; 66) تارماقشا مىناداي رەداكتسيادا جازىلسىن: «66) رەتتەلەتىن نارىقتاردا ۇستەم نەمەسە مونوپوليالىق جاعدايعا يە نارىق سۋبەكتىلەرىنىڭ مەملەكەتتىك ءتىزىلىمىن قالىپتاستىرۋ جانە جۇرگىزۋ;»; 71) تارماقشا مىناداي رەداكتسيادا جازىلسىن: «71) مەملەكەتتىك ورگانداردىڭ, جەرگىلىكتى اتقارۋشى ورگانداردىڭ باسەكەلەستىكتى شەكتەۋگە جانە (نەمەسە) جويۋعا باعىتتالعان اكتىلەرىنىڭ, ارەكەتتەرىنىڭ (ارەكەتسىزدىگىنىڭ) جولىن كەسۋ;»; 75) تارماقشا مىناداي رەداكتسيادا جازىلسىن: «75) رەتتەلەتىن نارىقتاردا ۇستەم نەمەسە مونوپوليالىق جاعدايعا يە نارىق سۋبەكتiلەرiنiڭ قىزمەتىن مونيتورينگiلەۋدى جۇزەگە اسىرۋ;»; 77) تارماقشا مىناداي رەداكتسيادا جازىلسىن: «77) نارىق سۋبەكتiلەرi, مەملەكەتتىك ورگانداردىڭ, جەرگىلىكتى اتقارۋشى ورگانداردىڭ باسەكەلەستىكتى قورعاۋ سالىسىندا قازاقستان رەسپۋبليكاسىنىڭ زاڭناماسىن بۇزۋشىلىق فاكتiلەرi بويىنشا قازاقستان رەسپۋبليكاسىنىڭ كاسىپكەرلىك كودەكسىندە بەلگىلەنگەن تارتىپپەن تەرگەۋ جۇرگىزۋ;»; 83) تارماقشا مىناداي رەداكتسيادا جازىلسىن: «83) باسەكەلەستىكتى قورعاۋ سالاسىنداعى قازاقستان رەسپۋبليكاسىنىڭ زاڭناماسىندا بەلگىلەنگەن جاعدايلاردا قۇقىق قورعاۋ ورگاندارىنا تاۋار نارىقتارىنداعى باسەكەلەستىكتىڭ جاي-كۇيى تۋرالى تالدامالىق اقپارات پەن باسقا دا مونيتورينگىلەر دەرەكتەرىن ۇسىنۋ;»; 85) تارماقشا مىناداي رەداكتسيادا جازىلسىن: «85) مىنالاردىڭ: ەكونوميكالىق شوعىرلاندىرۋدى جۇزەگە اسىرۋ تۋرالى ءوتىنىشحاتتىڭ; مەملەكەتتىك كاسىپورىندى, اكتسيالارىنىڭ (ۇلەستەرiنiڭ) ەلۋ پايىزىنان استامى مەملەكەتكە تيەسiلi زاڭدى تۇلعانى جانە ولارمەن اففيليرلەنگەن تۇلعالاردى قۇرۋ تۋرالى ءوتىنىشحاتتىڭ; نارىق سۋبەكتiلەرi ۇسىناتىن ءونiمنiڭ مونوپوليالىق تۇرلەرi بويىنشا, ءوندiرۋ مەن وتكىزۋ كولەمدەرى, وتكiزiلەتiن مونوپوليالىق تاۋارلاردىڭ بوساتىلۋ باعالارى مەن تابىستىلىق دەڭگەيى تۋرالى توقسان سايىنعى اقپاراتتىڭ نىساندارىن بەلگىلەۋ جانە ايقىنداۋ;»; 92) تارماقشا مىناداي رەداكتسيادا جازىلسىن: «92) مەملەكەتتىك ورگاندارعا, جەرگىلىكتى اتقارۋشى ورگاندارعا وزدەرى قابىلداعان اكتiلەردi جويۋ نەمەسە ولاردى وزگەرتۋ تۋرالى, بۇزۋشىلىقتاردى توقتاتۋ, سونداي-اق وزدەرi جاساعان قازاقستان رەسپۋبليكاسىنىڭ كاسىپكەرلىك كودەكسىنە قايشى كەلەتىن كەلiسiمدەردi بۇزۋ نەمەسە وزگەرتۋ تۋرالى جانە باسەكەلەستىكتى قامتاماسىز ەتۋگە باعىتتالعان ءىس-قيمىلداردىڭ جاساۋ تۋرالى ورىندالۋعا مiندەتتi نۇسقامالار ەنگiزۋ;»; مىناداي مازمۇنداعى 94-1), 94-2), 94-3), 94-4), 94-5) جانە 94-6) تارماقشالارمەن تولىقتىرىلسىن: «94-1) قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسىنىڭ نورمالارىن قولدانۋ تۋرالى اقپاراتتى تاراتۋدى جانە ادال باسەكەلەستىكتى ناسيحاتتاۋدى جۇزەگە اسىرۋ; 94-2) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قۇقىق قورعاۋ ورگاندارىنا جەدەل ىزدەستىرۋ ءىس-شارالارىن جۇرگىزۋ تۋرالى جۇگىنۋ; 94-3) نارىق سۋبەكتىسىنىڭ, مەملەكەتتىك ورگاننىڭ, جەرگىلىكتى اتقارۋشى ورگاننىڭ لاۋازىمدى ادامىنا قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسىن بۇزۋعا اكەپ سوعۋى مۇمكىن ارەكەتتەردى جاساۋعا جول بەرمەۋ تۋرالى الدىن الا ەسكەرتۋ جىبەرۋ; 94-4) قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا تاۋار نارىقتارىندا مەملەكەت رەتتەيتىن باعالار قولدانىلاتىن ونىمدەردىڭ, تاۋارلار مەن كورسەتىلەتىن قىزمەتتەردىڭ نومەنكلاتۋراسى بويىنشا ۇسىنىستار ازىرلەۋ; 94-5) تابيعي مونوپوليالار سۋبەكتىلەرى تاريفتەرىنىڭ (باعالارىنىڭ, الىمدار مولشەرلەمەلەرىنىڭ) جانە تاريفتىك سمەتالارىنىڭ جوبالارىنا تالداۋ مەن ساراپتاما جۇرگىزۋ ماسەلەلەرى جونىندەگى ساراپتامالىق كەڭەس قۇرۋ جانە ول تۋرالى ەرەجەنى بەكىتۋ; 94-6) رەتتەلەتىن نارىقتاردا ۇستەم نەمەسە مونوپوليالىق جاعدايعا يە نارىق سۋبەكتىلەرىنىڭ مەملەكەتتىك ءتىزىلىمىنىڭ نىسانىن بەكىتۋ;». «كوميتەتتىڭ قاراماعىنداعى ۇيىمداردىڭ تىزبەسى» دەگەن ءبولىم الىنىپ تاستالسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋىن; 2) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن; 3) بەس جۇمىس كۇنى ىشىندە وسى بۇيرىقتىڭ كوشىرمەلەرىن قازاقستان رەسپۋبليكاسىنىڭ ادىلەت مينيسترلىگىنە, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق قول قويىلعان كۇننەن باستاپ ەنگiزiلەدi. مينيستر ق. بيشىمباەۆ