قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى №358

  2016 جىلعى 2 تامىز , استانا قالاسى «قازاقستان رەسپۋبليكاسى ۇلتتىق ەكونوميكا مينيسترلىگىنىڭ مەملەكەتتىك ماتەريالدىق رەزەرۆتەر كوميتەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 1 قازانداعى № 37 بۇيرىعىنا وزگەرىستەر مەن تولىقتىرۋلار ەنگىزۋ تۋرالى «قۇقىقتىق اكتىلەر تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ  44-بابىنىڭ 2-تارماعىنىڭ 3) تارماقشاسىنا سايكەس بۇيىرامىن: 1. «قازاقستان رەسپۋبليكاسى ۇلتتىق ەكونوميكا مينيسترلىگىنىڭ مەملەكەتتىك ماتەريالدىق رەزەرۆتەر كوميتەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 1 قازانداعى № 37 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9781 بولىپ تىركەلگەن, 2014 جىلعى 20 قازاندا «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن بۇيرىقپەن بەكىتىلگەن قازاقستان رەسپۋبليكاسى ۇلتتىق ەكونوميكا مينيسترلىگىنىڭ مەملەكەتتىك ماتەريالدىق رەزەرۆتەر كوميتەتى تۋرالى ەرەجەدە: 1-تارماقتىڭ ورىس تىلىندەگى ماتىنىنە وزگەرىس ەنگىزىلەدى, قازاق تىلىندەگى ءماتىنى وزگەرتىلمەيدى; 8-تارماق الىپ تاستالسىن; 14-تارماق مىناداي مازمۇنداعى 4-1) جانە 4-2) تارماقشالارمەن تولىقتىرىلسىن: «4-1) جۇمىلدىرۋ رەزەرۆىنىڭ بروننان شىعارىلعان ماتەريالدىق قۇندىلىقتارىنىڭ ورنىن اۋىستىرۋ تۋرالى شەشىم قابىلداۋ; 4-2) مەملەكەتتىك ماتەريالدىق رەزەرۆكە ماتەريالدىق قۇندىلىقتاردى جەتكىزۋگە تاپسىرىستاردى ورنالاستىرۋ تۋرالى شەشىم قابىلداۋ;»; 15-تارماق مىناداي مازمۇنداعى 1-1) تارماقشامەن تولىقتىرىلسىن: «1-1) مەملەكەتتىك ماتەريالدىق رەزەرۆتىڭ ماتەريالدىق قۇندىلىقتارىنىڭ ەسەبىن جۇرگىزۋ;»; 23-تارماقتىڭ 8) تارماقشاسى مىناداي رەداكتسيادا جازىلسىن: «8) ۆەدومستۆولىق باعىنىستى ۇيىم باسشىسىن, ونىڭ ورىنباسارلارىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مينيسترلىكپەن كەلىسۋ بويىنشا تاعايىندايدى;». 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ مەملەكەتتىك ماتەريالدىق رەزەرۆتەر كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتىڭ باسپا جانە ەلەكتروندىق تۇردەگى كوشىرمەسىنىڭ قول قويىلعان ساتتەن باستاپ كۇنتىزبەلىك ون كۇن ىشىندە مەرزىمدىك ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرىلۋىن; 2) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىنا ورنالاستىرىلۋىن; 3) وسى تارماقتىڭ 1) جانە 2) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ زاڭ دەپارتامەنتىنە ۇسىنىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن قولدانىسقا ەنگىزىلەدى. قازاقستان رەسپۋبليكاسىنىڭ ۇلتتىق ەكونوميكا ءمينيسترى ق. بيشىمباەۆ