دەپۋتاتتىق ادەپ كەڭەسى قۇرىلادى

ءماجىلىس توراعاسى نۇرلان نىعماتۋليننىڭ توراعالىعىمەن پالاتانىڭ بيۋرو وتىرىسى ءوتىپ, الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى. حالىق قالاۋلىلارى نازارىنا حالىقارالىق عىلىمي-تەحنيكالىق ورتالىقتىڭ قىز­مە­تىن جالعاستىرۋ تۋرالى كەلى­سىمدى راتيفيكاتسيالاۋعا قاتىس­تى زاڭ جوباسى ۇسىنىلادى. قازىرگى ۋاقىتتا اتالعان ورتالىققا 38 مەملەكەت مۇشە. قازاقستان مۇشەلىككە ەنگەن 21 جىلدىڭ ىشىندە ورتالىق 200-دەن استام قازاقستاندىق جوبالاردى قارجىلاندىرعان. وعان 5000-نان استام وتاندىق عالىم تارتىلعان. سونىمەن بىرگە, وسى كۇنى تاجىكستانمەن ستراتەگيالىق ارىپتەستىك تۋرالى شارتتى راتيفيكاتسيالاۋعا بايلانىستى زاڭ جوباسى تالقىلانباق. جالپى وتىرىستا ءماجىلىس دەپۋتاتتارى 1995 جىلعى 23 جەلتوقسانداعى رەسەيمەن باي­قوڭىر قالاسىنىڭ مارتەبەسى جانە ونداعى اتقارۋشى وكىمەت ورگاندارىن قۇرۋدىڭ ءتارتىبى مەن ولاردىڭ مارتەبەسى تۋرالى ۇكىمەتارالىق كەلىسىمگە وزگە­رىستەر ەنگىزۋ تۋرالى حاتتاما­نى راتيفيكاتسيالايتىن زاڭ جوباسىن جۇمىسقا قابىل­دايدى. تاعى ءبىر اتاپ وتەرلىگى – بيۋر­و وتىرىسىندا پارلامەنت ءما­جىلىسى توراعاسىنىڭ جانىنان دەپۋتاتتىق ادەپ كەڭە­سىن قۇرۋ تۋرالى قاۋلى قابىل­داندى.