ەلباسى باستامالارى تانىستىرىلدى

جاقىندا بۇۇ قارۋسىزدانۋ كونفەرەنتسياسىنىڭ قورىتىندى پلەنارلىق وتىرىسى شەڭبەرىندە قازاقستان رەسپۋبليكاسىنىڭ جەنەۆاداعى تۇراقتى وكىلى جانار ايتجانوۆا قازاقستاننىڭ قارۋسىزدانۋ جانە قاۋىپسىزدىك سالالارىنداعى كەيىنگى باستامالارى تۋرالى مالىمدەمە جاسادى. قازاقستان ديپلوماتى قا­تىسۋشىلاردى تاياۋدا استانادا وتكەن «يادرولىق قارۋسىز الەم قۇرۋ» حالىقارالىق كونفەرەنتسياسىندا قابىلدانعان Astana Vision دەكلاراتسياسىنىڭ با­سىم­دىقتارىمەن تانىستىرىپ ءوتتى. قۇجات بۇۇ قارۋسىزدانۋ كون­فە­رەن­تسيا­سىنىڭ رەسمي قۇجاتى رەتىندە تىركەلدى. ج.ايتجانوۆا قازاقستان رەس­پۋبليكاسىنىڭ پرەزيدەنتى نۇر­سۇلتان نازارباەۆ حالىق­ارالىق قوعامداستىقتى يادرو­لىق قاۋىپسىزدىكتىڭ نەگىزىن قۇرايتىن حالىقارالىق شارتتار مەن ينستيتۋتتاردى ءارى قاراي نىعايتۋ بويىنشا مىندەتتەمەلەردى قابىلداۋعا ەرەكشە نازار اۋدارعانىن اتاپ ءوتتى. سونىمەن قاتار, 2017-2018 جىلدارداعى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە قازاقستاننىڭ قىزمەتى حالىقارالىق بەيبىتشىلىك پەن قاۋىپسىزدىكتى قولداۋعا باعىتتالاتىنىن ايتتى. ج.ايتجانوۆا قاتىسۋ-­­ شى­لارعا وسى جىلعى قاراشادا اس­تانادا وتەتىن ءبىرىنشى بەيبىتشىلىك ءسامميتى بارى­سىن­دا تۇڭعىش رەت يادرو­لىق قارۋ­سىزدانۋ جانە قاۋىپ­سىزدىك سالا­لارىنداعى ىسكە قوس­قان ۇلەسى ءۇشىن حالىق­ارا­لىق نازارباەۆ سىيلىعى تابىستالاتىنىن حابارلادى. جينالعانداردى ءىس-شاراعا قاتىسۋعا شاقىردى. قازاقستاننىڭ تۇراقتى وكىلى ءسوزىن قورىتىندىلاي كەلە كونفەرەنتسياعا قاتى­سۋ­شى­لاردى كورەي حالىق دەموكراتيالىق رەس­پۋب­ليكاسىنىڭ ۇستىمىزدەگى جىلعى 9 قىركۇيەكتە جاساعان يادرولىق سىناعىنا قاتىستى قازاقستان سىرتقى ىستەر مينيسترلىگىنىڭ رەسمي مالىمدەمەسىمەن تانىس­تىردى. قۇجاتتا قازاقستان كحدر-دى التىجاقتى كەلىس­سوزدەرگە ورالىپ, يادرولىق كەۋدەمسوقتىقتان تولىقتاي باس تارتۋعا شاقىرادى. «ەگەمەن-اقپارات»