«ۇزدىك مەكەمە» اتاندى

مەملەكەتتىك ءتىلدىڭ مارتەبەسىن ارتتىرۋ مەن قولدانىس اياسىن كەڭەيتۋ, وقىپ-ۇيرەنۋ باعىتىنداعى جۇمىستى جەتىلدىرۋ – ءار مەكەمەدەگى قىزمەتكەرلەردىڭ نەگىزگى مىندەتى. جولداۋدا وسىعان بايلانىستى تىڭ مىندەتتەر اتاپ كورسەتىلسە, ناقتى ىستەرىمەن تانىلعاندار تابىسى دا اتاپ ايتارلىقتاي. وبلىستىق ادىلەت دەپارتامەنتىندە مەملەكەتتىك ءتىلدى دامىتۋعا ەرەكشە كوڭىل ءبولىنىپ, ونىڭ مارتەبەسىن ارتتىرۋعا بايلانىستى جىل سايىن كوپتەگەن ءىس-شارالار ۇيىمداستىرىلىپ كەلەدى. ناتيجەسىندە, تىلدەردى قولدانۋ مەن دامىتۋدىڭ مەملەكەتتىك باعدارلاماسىن جۇزەگە اسىرۋدا 2010 جىلدىڭ قورىتىندىسى بويىنشا ءىس قاعازدارىن مەملەكەتتىك تىلدە جۇرگىزۋ, كەلۋشىلەرگە زاڭ شەڭبەرىندە مادەنيەتتى قىزمەت كورسەتۋدە باعىتىنداعى  تابىستارى ءۇشىن ادىلەت دەپارتامەنتى ارىپتەستەرىنەن الدا بولىپ, بايقاۋدا «ۇزدىك مەكەمە» اتانىپ ديپلوم, باعالى سىيلىقپەن ماراپاتتالدى. مەملەكەتتىك قىزمەتكەرلەر اراسىندا مەرەيلەرى ۇستەم بولىپ, بايقاۋدا باقتارى جانعان ولار انا ءتىلىمىزدىڭ ەرتەڭى جولىنداعى جاقسى ىستەرىن جالعاستىرۋدا. كۇمىسجان بايجان, الماتى وبلىسى.