"گولوۆكين مەن الۆارەس كەلەسى جىلى كەزدەسەدى"

مەكسيكالىق بوكسشى ساۋل "كانەلو" الۆارەستىڭ پروموۋتەرى وسكار دە لا حويا ورتا سالماقتاعى جۇرتشىلىق اسىعا كۇتىپ وتىرعان كەزدەسۋدىڭ قاشان بولاتىنىن ايتتى. ونىڭ سوزىنە قاراعاندا, ساۋل الۆارەس پەن قازاقستاندىق گەننادي گولوۆكين اراسىنداعى جەكپە-جەك 2017 جىلى بولادى. "جۇرت گولوۆكين-"كانەلو" كەزدەسۋىن ءبىر جىلدان اسا ۋاقىتتان بەرى كۇتىپ وتىر. ال پاكياو-مەيۆەزەر سەگىز جىل كۇتكەن بولاتىن. كەزدەسۋ كەلەسى جىلى ءبىز دايىن بولعاندا وتەدى. "كانەلو" 154 فۋنتتا جۇدىرىقتاسادى, ال گولوۆكين 160 فۋنتتا. "كانەلو" ورتا سالماقتا كەزدەسۋگە دايىن بولعان كەزدە ءبىز بۇل كەزدەسۋدى ۇيىمداستىرامىز" دەدى وسكار دە لا حويا. ونىڭ بۇل ءسوزىن Boxingnewsonline.net اتتى بوكس جاڭالىقتارىنا ارنالعان ينتەرنەت-باسىلىم كەلتىرەدى.   17 قىركۇيەكتە الۆارەس WBO تۇجىرىمى بويىنشا ءبىرىنشى ورتا سالماقتاعى الەم چەمپيونى بريتاندىق ليام سميتپەن رينگكە شىعادى.