ازىرلىك بارىسى ينسپەكتسيالاندى

قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ استاناداعى ەكسپو-2017 كورمەسىنە دايىندىق بارىسىن ينسپەكتسيالاۋ ءۇشىن كەلگەن حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتالەسپەن كەزدەستى. كەزدەسۋ بارىسىندا ە.ىدىرىسوۆ كورمەگە حالىقارالىق قاتىسۋشىلاردى تارتۋ بويىنشا جۇمىستىڭ ناتيجەلەرى تۋرالى ايتتى. بۇگىندە 103 مەملەكەت پەن 17 حالىقارالىق ۇيىم ەكسپو-2017 كور­مەسىنە وزدەرىنىڭ قاتىساتىندارىن راستا­دى, ۇلتتىق سەكتسيالاردىڭ 92 كوميسسارى تاعايىندالدى, شەت ەلدەرمەن 71 قاتىسۋ شارتتارىنا قول قويىلدى, دەدى ە.ىدىرىسوۆ. تاراپتار كورمەگە قاتىسۋشى ەلدەردىڭ ۇلتتىق كۇندەرىن وتكىزۋگە دايىندىق شەڭ­بەرىندە جۇرگىزىلگەن تابىستى جۇمىستى اتاپ ءوتتى. قازىرگى تاڭدا وسىنداي ءىس-شارالاردى ۇيىمداستىرۋعا 61 ءوتىنىم كەلىپ تۇسكەن. ە.ىدىرىسوۆ ەكسپو-2017 كور­مە­سىنىڭ شەتەلدىك قوناقتارى ءۇشىن قولاي­لى جاعدايلار جاساۋ ماقساتىندا قازاق­ستان شەت ەلدەرمەن ۆيزاسىز رەجىم قا­لىپ­تاستىرۋ جۇمىسىن جانداندىرۋدا ەكەنىن اتاپ ءوتتى. قازىرگى تاڭدا قازاقستانعا 20 دامىعان ەلدىڭ ازاماتتارى ۆيزاسىز كەلە الادى, ال 2017 جىلدىڭ باسىنان باستاپ ەكونوميكالىق ىنتىماقتاستىق جانە دامۋ ۇيىمىنا مۇشە بارلىق مەم­لەكەتتەردىڭ, سونداي-اق مالايزيا, مو­ناكو, بىرىككەن اراب امىرلىكتەرى مەن سين­گاپۋر ازاماتتارى ءۇشىن (30 كۇنگە دەيىن) ۆيزاسىز رەجىم كۇشىنە ەنەدى, دەدى سىرتقى ىستەر ءمينيسترى. ەكسپو-2017 كورمەسىنە قاتىسۋشى ەلدەردى تارتۋ بويىنشا جۇمىس بارىسىن جوعارى باعالاي كەلە, ۆ.لوسسەرتالەس قازاق­ستان ۇكىمەتى مەن حالىقارالىق كورمەلەر بيۋروسىنىڭ اراسىندا قول قويىلعان جەڭىلدىكتەر مەن ارتىقشىلىقتار تۋرالى كەلىسىمنىڭ اسا ماڭىزدى ەكەنىن اتاپ اتاپ ءوتتى. كەزدەسۋ قورىتىندىسى بويىنشا تاراپتار استاناداعى ەكسپو-2017 كورمەسىن ءساتتى وتكىزۋ ماقساتىندا تىعىز بايلانىس­تاردى جالعاستىرۋعا ۋاعدالاستى.   «ەگەمەن-اقپارات»