بيىل كوكشەتاۋدا 350 كومباين كونۆەيەردەن شىعادى

  ەلىمىزدەگى ءىرى اگرارلى ايماق­تاردىڭ بىرىنەن سانالاتىن اق­مو­لا وبلىسىندا جىل سايىن ءدان­دى داقىلداردان تۇراقتى ءونىم الى­نۋعا قول جەتكىزىلىپ كەلەدى. وب­لىس بويىنشا سوڭعى ءۇش جىلدا جىلىنا ورتاشا ەسەپپەن 4,7 ميل­ليون توننا استىق جينالىپ, ءار گەكتاردىڭ شىعىمدىلىعى 11,6 تسەنتنەردەن اينالدى. ال ءدال بۇگىنگى دەرەك بويىنشا, گەك­تار تۇسىمدىلىگى 13 تسەنتنەردەن اينالىپ وتىر. بۇل جالپى ءونىم­نىڭ 5,5 ميلليون تونناعا جەتە­تىنىنە نەگىز قالايدى. مۇنىڭ بارلىعى اگروكەشەننىڭ وزىق ۇلگ­ى­دەگى تەحنيكالىق جاراقتا­نۋىنا تىكەلەي بايلانىستى ەكەن­­دىگى بەلگىلى. وسى ورايدا, كوك­شەتاۋداعى كومباين قۇراستىرۋ زاۋىتى ديقاندار قولىن ۇزارتىپ وتىرعانىن ايتۋعا بولادى. بۇگىنگى كۇنى ءوندىرىستى يگەرۋدە جاڭا تەحنولوگيالاردى قول­داناتىن, ونىمدىلىكتى تۇراق­تى ارتتىراتىن, ۇزدىك الەمدىك ستان­دارتتار نەگىزىندە جۇمىس ىستەي­تىندەرگە تابىس كوزى اشىلماق. بۇعان كوكشەتاۋ كاسىپورنى ءوز ۇلەسىن قوساتىنى انىق. ويتكەنى, قازىرگى كەزدە وسى باعىتتا اۋ­قىمدى شارالار قولعا الىنىپ, ءتيىستى قايتارىمىن بەرۋدە. دالا كەمەلەرىن اقمولا وبلىسىنىڭ عانا ەمەس, ەلىمىزدىڭ بۇكىل ەگىستىك القاپتارىنان كورۋگە بولادى. بۇل سۇرانىستىڭ جىل ساناپ ارتىپ وتىرعانىن بىلدىرەدى. كوكشەتاۋ قالاسىنىڭ يندۋستريالاندىرۋ كارتاسىندا «ۆەكتور» كومباين زاۋىتى 2011 جىلى پايدا بولدى. كاسىپورىن ديرەكتورى يۋري باشۋروۆتىڭ ايتۋىنشا, الدىمەن قاڭىراپ بوس تۇرعان عيمارات ءباسساۋدا ارقىلى ساتىپ الىنعان. كوپ ۇزاماي قۇراستىرۋ تسەحى اشىلدى. بۇگىنگى تاڭدا «قازاگروقارجى» جانە «روستسەلماش» كومباين زاۋىتى» اكتسيونەرلىك قوعامدارى اراسىنداعى مامىلە نەگىزىندە قۇرىلعان قازاقستان-رەسەي بىرلەسكەن كاسىپورنى «ۆەكتور-410 KZ» ماركالى دالا كەمەلەرىن قۇراستىرىپ, كەپىلدەندىرىلگەن سەر­ۆيستىك قىزمەت كورسەتۋمەن اينا­لىسۋدا. قاجەتتى بولشەكتەر رەسەي جانە بەلارۋس ەلدەرىنەن جەتكى­زىلەدى. زاۋىتتىڭ قۋاتى جىلىنا 300 كومباين قۇراستىرۋعا مۇمكىندىك بەرەدى. ديرەكتوردىڭ كەلتىرگەن دەرەك­تەرىنە قاراعاندا, «ۆەكتور-410 KZ» كومباينىنىڭ قازاقستان نارىعىنداعى ۇلەس سانى جىل ساناپ ارتىپ كەلەدى. ناقتىلاي ايتساق, رەسپۋبليكامىزداعى ەگىن جيناۋ تەحنيكاسىنىڭ 50 پايىزعا جۋىعى وسى كومباينداردىڭ ەنشىسىندە. «ۆەكتور-410 KZ» ءوڭى­رى­مىزدىڭ كليماتتىق ەرەكشە­لىكتەرىنە بەيىمدەلگەن, جەڭىل باس­قارىلادى ءارى جەرگىلىكتى جاعدايدا جوندەپ تە الۋعا بولادى. ال ءونىم­دىلىگى جاعىنان شەتەلدىك كوم­باينداردان قالىسپايدى. ءونىم­نىڭ وتكىزىلۋ ماسەلەسىندە دە قيىندىق جوق سياقتى. بۇل ءىس «روستسەلماش» كومپانياسىمەن ون جىل بويى ارىپتەستىك بايلا­نىستاعى «قازاگروقارجى» اكتسيو­نەرلىك قوعامى جۇيەسى ارقى­لى جۇزەگە اسىرىلادى ەكەن. ياعني, مەملەكەتتىك مۇددەدەگى كەپىل­دىك بار. قازىرگى كۇنى زاۋىتتىڭ ءوندى­رىس­تىك الاڭدارى جاڭعىرتىلىپ, قۋات­تاندىرىلعان. وسىنىڭ ءنا­تي­جە­سىندە ءوندىرىس كولەمى دە ۇلعاي­تىلعان. ەڭ باستىسى, جا­ڭا كەدەن رەجىمى تالاپتارىنا ءساي­كەس, تەحنيكانى قوسىمشا قۇن سا­لى­عىنسىز بوساتۋ ارقىلى كوم­بايننىڭ باعاسى ارزانداپ, اۋىل ەڭبەككەرلەرى ءۇشىن ايتارلىقتاي جەڭىلدىكتەر تۋىپ وتىر. ماسەلەن, 2015 جىلى زاۋىتتا بارلىعى 222 دانا «ۆەكتور-410 KZ» كومباينى قۇراستىرىلدى. ۇستىمىزدەگى جىلى كونۆەيەردەن بەسجۇزىنشى كومباين شىعارىلدى. ايتا كەتەرلىك جاعداي, قازىرشە كومباين بولشەكتەرىنىڭ 70 پايىزى شە­تەلدەن تاسىمالدانسا, جىل سوڭىن­دا ونىڭ دەڭگەيى 10 پايىزعا تومەن­دەمەك. دەمەك, وندىرىستىك كەزەڭ­دەگى قازاقستاندىق ۇلەس ارتا تۇسپەك. – وزىمىزدە سەرۆيستىك قىزمەت كورسەتۋ ورتالىعى بول­عان سوڭ, وڭىردەگى كوپتەگەن شارۋا­شىلىقتارعا قىزمەت كورسەتۋ­دەمىز. الداعى ۋاقىتتا ونى دا كە­ڭەيتەتىن بولامىز. ءبىزدىڭ جۇمىس مۇنىمەن شەكتەلىپ قالمايدى. الداعى جوسپارلارىمىز دا اۋقىمدى. ماسەلەن, «بيزنەستىڭ جول كارتاسى-2020» مەملەكەتتىك باعدارلاماسى شەڭبەرىندە ينفراقۇرىلىمدى دامىتۋ كوزدەلگەن. ونىڭ ىشىندە, الداعى 2017 جىلى زاۋىت اۋماعىندا قازىرگى زامانعى سەرۆيستىك قىزمەت كورسەتۋ ورتالىعىن, 2018 جىلى №2 وندىرىستىك تسەح پەن قوسىمشا قويما سالۋ جوسپارلانىپ وتىر. سونداي-اق, وندىرىستىك جەلىنى كەڭەيتۋ ارقىلى ءونىمنىڭ وتاندىق ۇلەسىن 40 پايىزعا جەتكىزەتىن بولامىز. قازىردىڭ وزىندە كوپتەگەن قاجەتتى قوسالقى بولشەكتەردى وتاندىق زاۋىتتاردان الىپ وتىرمىز. 2015-2016 جىلدارى ءوندىرىستى ءارتاراپتاندىرۋ باعىتىندا ناقتى شارالار قولعا الىنىپ, قازىرگى زامانعى «اگروسويۋز-حورش» تۇقىم سەبۋ كەشەندەرى مەن كومبايندارىن شىعارۋ جوباسى دا قولعا الىنۋدا. وسى ماقساتتا ماماندارىمىزدى روستوۆتاعى زاۋىتتا وقىتۋ ۇستىندەمىز. جوبانىڭ جۇزەگە اسىرىلۋى وڭىردە جاڭا جۇمىس ورىندارىنىڭ اشىلۋى­نا سەپتىگىن تيگىزەتىن بولادى. وسىلايشا, ءوندىرىستى يگەرۋدە جاڭا تەحنولوگيالاردى قولداناتىن, ونىمدىلىكتى تۇراقتى ارتتىراتىن, ۇزدىك الەمدىك ستاندارتتار نەگىزىندەگى تەحنيكالار قاتارعا قوسىلاتىن بولادى, – دەيدى «ۆەكتور» كومباين زاۋىتى» جشس ديرەكتورى يۋري باشۋروۆ. باقبەرگەن امالبەك, «ەگەمەن قازاقستان» اقمولا وبلىسى